مازلت باطي ومازال ريحي ما بغاش يواتي 

هذه تونس التي نعرفها ..وسنعيد لمحياها الجميل البسمة الجميلة الوضاحة التي عهدناها فيها .. وسنمسح غبار المعركة عن وجهها البدر وسنطرد كل غربان الشؤم وخفافيش الظلام...
عندما يكون الكلام أمضى من حد السيف يكون هكذا:
-------------------------------------------------
ومازال بيدي الحلّ
ومازلت كل اللي يربطوه انحلّ
ومازلت زي الصقر كيف انطلّ
لين تنكسر تركع عيون الواطي
ومازال صوتي كي فحل البلّ...
يهدر يعاند قوّة الشوّاطي
مازال بيدي الحلّ
ويا صاحبي حيران ما تقدر تطول فحل
غير تو تمشي بالقفا الأوقاتي
ويمكن تشوف الفار هاجم صل
والجيد باسم اللايشين يهاتي
ويا صاحبي شقلب كيان الكلّ
نخاف نتكلم تنجرح لهاتي
وبيغاذ يطفح فاض كان انزّل
قادر يسويها جبل وشاطي
وزيّك سكني في الجواجي غلّ
والغل يسكن كان راجل عاتي
باقي العلوجة الساكنه في الظلّ
كلاب ضالّه تدغر على الملفاتي
ومازلت باطي
مازال ماضي حدّي
ومازلت واقف عل قوايم قدّي
ومازال ريحي ما بغاش يهدّي
يعصف ويسوي العالية بالواطي
ومازال بحري فاض موجه يدّي
لا فيه مرسى ولا عليه شواطي
ومازلت نرزم بالقوافي نصدي
نثبّت وحاكم غرزتي ورباطي
ومازلت في الميعاد فايح ندّي
دلالات في صمّ الحجر بصماتي
ومازلت من سوق البلا متعدي
صيود الوغي تجفل تهاب عياطي
أنا من سلالة بو جبين يندّي
اللي لغير ربي لا ركع لا يطاطي
احنا من كسب لشقر وليهة جدّي
رجال تنكسر تركع قداه تواطي
ومازلت باطي ومازال ريحي مابغاش يواتي
ومازلت في الأبعاد
ومازلت نقطع واد نلقى واد
ومازال بيّا يميعد الميعاد
وحتى الصديق في غيبتي متواطي
وعودي قدي دخن برد سواد
سواد من لهايب شاعلاله واطي
ومهري شرد وتقطعت الأمراد
وطيحت زادي طاح من مخلاتي
والأيام حكمت ع الكبير أنكاد
والأيام لا واطت تزيد تواطي
والأيام ميره وحايفه وجدّاد
والأيام لعبة خربقة غلاّطي
والأيام هي اللي جيّبت الأولاد
وعاد المهطّي يقول هذي وطاتي
ومازلت يا سود الهذب نشّاد
وننحب على برّك وبيه انهاتي
ونقطع برور الواسعة وأسناد
مزازات في مزازات برّي خاطي
ويوقت الوقت لا ضنوه أجواد
وترسى سفينة رحلته للشاطي
ونار القدت تقعد عقاب رماد
ويقعد الواطي طول عمره واطي
ومازلت مازلت باطي
ومازال ريحي مابغاش يواتي