ماعنديش صحبة 

بسبب الفيديو دا انا قمت دلوقتي جبت المصحف وقعدت اقراء فيه بسبب اني فعلا كنت متضايقه ومخنوقه جدا وسبحان الله قرأت جزء كامل بدون ما احس بالوقت كان في بركه واطمئنان رهيب وبمجرد ما خلصت القراءة فقت وبقيت احسن بكتير ودا كله بسبب الفيديو جزاكم الله خيرا وجعله في ميزان حسانتكم.

اتكلم عن الصراع النفسي اللي بيحصل كل يوم لينا دا وجو الاكتئاب

الفيديو فيه كمية مهولة من الراحة النفسية والصدق والقناعة اللي بينعكسوا في نفس المشاهد أو المستمع .... ياريت تتكلم اكتر بخصوص الموضوع ده والموضوعات المشابهة

الصحبة فعلا رزق كبير حتى لو شخص واحد 💜 الحمدلله ربنا أنعم عليا بالرزق دا ، 17 سنة صداقة بكل ما تحويه الكلمة من صدق ، الناس كانوا بيضربوا بينا المثل في صداقتنا ، من شهر هيا اتزوجت على أد ما كنت فرحانة كنت تايهة وسط الفرحة وعمالة افكر .. مين هيشجعني ع الحلقة مين هيتكلم معايا بحب وشغف عن القرآن مين هيجيلي البيت ف رمضان نصلي مع بعض التراويح ويقعد معايا ف حلقة ذكر مين اللي هقعد معاه هحس بمعية ربنا معانا مين ومين ومين اكيد صداقتنا مستحيل تقف بس بردو الجواز مسئوليات كبيرة وأكيد حاجات كتير هتنتهي طب هكمل لوحدي ازاي ؟ مين هياخد بإيدي وأسئلة كتير ولاقيت اجابات لحاجات كتير هنا ف الفيديو الحمدلله ، سيدنا أبو بكر لما سيدنا محمد مات ما مقالش مين هياخد بإيدي لطريق ربنا من بعده ، وقف وقال للناس كلها بكل ثبات من كان يعبد محمدا فإن محمدا قد مات ومن كان يعبد الله فإن الله حي لا يموت .. أكيد الصاحب الصالح رزق كبير والحرمان منه حرمان لخير عظيم بس ف الاول والاخر ربنا هوا الموجود وهيفضل موجود 💜 مينفعش أوقف السير إليه بغياب شخص ، زي سيدنا أبو بكر ما عمل 💜

سمعت قبل كده من شيخ بيقول اللى مش لاقي شيخ يرشده أو صحبه يكثر من الصلاة على النبي صلى الله عليه وسلم فهو شيخ من لا شيخ له

عندي فكرة ... اجتماعات الصحبة و بتتلمو على طرابيزة واحده جيب كامير 360 عشان نحس ان احنا قاعدين ف وسطيكو :D

عاوزك ترجع الحته اللي كانت بتبقي في الفلوجات القديمه بتاعة تجيب كل فلوج ايه من القران.. وكمان كان فيه ذي ما يكون تاثير كده علي الفيديو.. التاثير دا ياريت ترجع تعمله تاني علي الفلوجات الجديده.. الeffect دا كنت بحس اني في عالم تاني كده.. مش عارف اعبر عن اللي جوايه... بختصار كنت بحس ان الفلوجات القديمه الافيكت دا كان بيخاليني عايش في عالم تاني غير اللي احنا عايشينه العالم دا هي اللي عاوز اعيش فيه .. لكن فلوجات الايام دي حاسس كده انها عاديه الحاجات اللي بتحصل في الفلوج نفس اللي بتحصل معانا في الحقيقه.... انا الصراحه مش عارف اعبر علي اللي جوايا.. ممكن ناس كتير تقرا الكومنت بتاعي تضحك عليا علشان مش هيفهم اللي جوايا.. بتمني حد يشوف الكومنت ويفهم اللي انا عاوز اعبر عنه

بعد.خمس سنين بسمعه

يا الله !!! والله والله كنت اتخنقت من عدم وجود صحبه ف الكليه وكنت بكلم واحده صاحبتي ف كليه تانيه وكنت بعيط وانا بسجلها وصحيت الصبح لقيت الفيديو ده ربنا يباركلكو فعلا والله جسمي كان كله بيقشعر وانا بسمع كل جمله

بعد مرور سنتين على الفيديو لسة فيه ناس بتسمع وتستفاد وتتغير .. حقيقى من احلى الفيديوهات اللى سمعتها وجزاكم الله خيرا وان شاء الله يستمر الاجر

قول لمحمد إبراهيم إنه فعلا مؤثر ومن الناس اللي بتدينا أمل :) ربنا يبارك في علمه

دى تالت مره اسمه وهسمعه تانى وتانى😄 خصوصا الحته بتاع أن الله معنا💚

ممكن تتكلم عن حدود التعامل بين الجنسين وفي الجامعه وغيره

انا حاسس الموضوع ده جامد جدا لانى اولى جامعه و الحمد لله على كل شيء

محتاجه يومي يتملي تاني بفلوجاتك تاني حرفيا 🌸

جميل جدا ..كل لما احس ان ناقصنى ناس ف حياتى هشوفه تانى اكتر وقت كنت قريبة فيه من ربنا كنت لوحدى بس كنت طول الوقت كنت مركزة مع الناس الى عايزة ابقى قريبة زيهم فى حاجة كمان بتفرق ..الناس الى بتابعها ع السوشيال ميديا عموما يا ريت يكونوا شبه الى انت عايز توصله يعنى حاوط نفسك بكل حاجة تخليك احسن و هيىء لنفسك الجو ل دة

أنا معنديش صحبه بس بجد والله انتوا الصحبة وعلشان كده كنت عايزة الفلوجات ترجع تانى بتشجعونى جدا جدا على إنى أثبت ولما بتوه بترجعونى لنفسى وبحس أن الدنيا لسه فيها صالحين مسلمين خايفين على الإسلام

انا في واحد صاحبي مسلم من ارترتيا وكان خلوق بشكل غير طبيعي قالي في فتره بعدت فيها عن ربنا جالي البيت يزورني و في وسط كلامه قالي جمله مش هنساها قالي لازم تبقي عارف ان مفيش طريق غير ده طريق واحد هو اللي بيوصل مرت عشر سنوات وانا اتذكر كلماته وكلما حدت عن الطريق لا انسي هذه الكلمه فاعود بتوفيق الله

الفلوج ما شاء اللّٰه تحفه جداً وسبحان اللّٰه تحسه جي في وقته تحس فعلا أن سبحان اللّٰه المجتمع الجميل دة حاسس ببعض وفيه افكار كتير مشتركه مبينا ربنا يبارك فيك ملحوظة الصوت من الدقيقة ٥.٣٠ كدة يعتبر لحد الآخر كان فيه دوشه يا ريت تحاول تصور في مكان اكثر هدوءاً بس علشان نسمع بوضوح اكتر وجزاك اللّٰه كل خير ❤❤

حبيت الموضوع جدا واتأثرت بيه جدا ..نفسى تكثروا من الجلوس مع بعض وترجعو الصحبة تانى ..الكلام ده لفترة إتأثرت بيه جدا وقربت اكتر لربنا بكتير من دلوقتى اتمنى تحاولو وتعملو اقصى جهدكم انكم تتجمعوا تانى لان اليوتيوب مبقاش يدى فرصة للشباب انهم يلاقو حد بيتكلم بالجمال ده عن ربنا كل المحتوى دلوقتى بقا هلس ومصر كلها بقت تعمل فلوجات ملهاش اى ستين لازمة وللاسف الفيو بتاعهم كبير ..اتمنى تقرأ الكومنت

عاااش جدًا حاسة ان فلوجات زمان رجعت 👏😊

يا ريت تتكلم عن التناقض، ما بين إنك بتحب ربنا، ونفسك تبقى كويس، بس البيئة اللي حواليك بتدمر كل اللي إنت فيه لمجرد إنه شخص اتولد ف مكان مليان ناس مش كويسة.. الموضوع ده واجهته كتير مع تقريبًا جيلي كله - إلا من رحم ربي.

اول مرة اسمع كلام يطمني بالشكل دا ويرشدني كمان في الطريق حتى لو مفيش حد معايا جزيل الشكر لكلامكم الهادف الصادق اللي من القلب للقلب

اكتر حاجة كنت محتاجة اسمعها بالرغم ان الفلوج. قديم بس ظهر قدامي وربنا قدر اني اشوفه جزاكم الله كل خير بس ممكن اعرف اسم الشخص ال مع حازم ايه؟

Best notification ever

عارف الفيديوهات اللي مهما يمر عليها وقت بس برضو ليها ناسها لسة فيه ناس حلوة تسمعكم علشان انتو حلوين ♥️

حل المشكله.. صبر +دعاء + صحبه للقرآن 🌼 جزاك الله خير 🌼

الدكتور محمد بالنسبالي عامل زي القوة الدافعة الكهربية عندنا ف الفيزياء دي هيا اللي بتدي دفعة للبطارية علشان تشتغل 😀 انت والدكتور محمد حرفيا بتدوني قوة دافعة بتخليني اعرف اكمل حياتي 💚

جيت للفيديو عشان جه في بالي إن في حديث كده د محمد قاله و مكنتش فاكرة الفيديو عن ايه 😂💖سبحان الله الموضوع ده كنت محتاجاه فعلا ٣ سنين 🙂

أعتقد إن لو مافيش صُحبة ، كُن أنتَ الصُّحبة هي من أهم النصايح إللي ممكن تتقال في النقطة دي برضو. فكرة إنك تشتغل على نفسك عشان تكون شخص صالح فـ ربنا يبعت لك صُحبة صالحة ، أو حد يصاحبك و شايف إنك إنتَ صُحبته الصالحة و مع الوقت تبقوا إنتوا الإتنين بتتبادلوا الصلاح و بتثبتوا بعض.

فرحة الخميس بالفلوجات 😎 عوداً حميداً

الفلوجز القديمة دى بتغسلنى من جوه😂⁦❤️⁩⁦❤️⁩⁦❤️⁩⁦❤️⁩

شكراااا ... النقطه دي علمت معايا ""الله صاحبنا ""

انت برنس على فكرة و الصحيان بدرى ده احلى حاجه و عنوان الحلقة حلو اروح بقا اكملها بالتوفيق

المشكلة ان فى صحبة بتهبط يعنى مثلا اقولهم انا بطلت اسمع اغانى يقولوا ايه هتبقى شيخه بتريقه بيهبطوا جامد ازاى اقدر ابعد عنهم بالذوق وف نفس الوقت مخسرهمش هما برضه فيهم صفات حلوة اول كومنت ليا على القناة😁

الفلوج حلو اووي وخصوصا الجزء بتاع الكرتون 😂😂فكرة حلوة

"إنما عزلك ليخلصكَ"

انا follower جديده ..بس جميل الفديو ...واكتر حاجه جميله هي تجمعكوا مع بعض ..ربنا يديم عليكو هذه الصحبه الصالحه

بيعجبني دايما بلاحظها بتختار مين يقول ايه فيديو مؤثر جدا من الحاجات اللي هشوفها كذا مرة عشان الكلام يتشرب ...عاااش

والله محمد ابراهيم من خير الناس اللي شفتها عالسوشيال ميديا صحبتكم جميلة جداً والله ربنا يحفظكم ❤️❤️

محتاجينك تتكلم أكتر عن ال ADD و إزاي بتبقى productive وسط التشتت اللي بتبقى فيه . الموضوع مرهق حقيقي و مش كل الناس بتفهم حاجة زي دي .

اقتراح التصوير فى العربية جوبرو بمايك خارجى ، احمد ابو زيد عاملها

كويس يا حازم ، الفيديو ده رسالة قوية ليا والله . كتر من كده وربنا يجعله فى ميزانك 👍

فيديو عظيم ما شاء الله 1_الصحبة مهمة واولوية 2_ لو مش موجودة يبقى ربنا بيختبرك ونتعبد لله بالغايات والوسائل كتيرة منها الفرائض والسنن والـــــقرآن وحديث اول مرة اسمعه عن التغنى بالقران 3_ مصاحبة الله عز وجل ودعاء النبى "الله صاحبنا" وتعريج سريع على حوار امرأة عمران مع الله ، استنباط عظيم جدا ❤️ جزاكم الله خيرا ، انا مبسوط انى شاهدت الفلوج ده ،ربنا يبارك فيكم وينفع بكم 🙏😍

شكرا للي حط الكومنت اللي خلاك تعمل الفلوج ده ربنا يباركله ويرزقه الصحبة اللي بيتمناها ويرضى عنه ويعينه اللهم آمين وصلى اللهم وسلم على سيدنا ومولانا محمد وعلى آله وصحبه وسلم💙💙❤

دا من أجمل الفلوجات اللي سمعتها بجد بعد فلوج شكرا حسن #ملحوظه فلوجاتك جميله وانا تابعت كتير منها بس ده بجد أثر فيا جامد أحسن الله إليك يا حازم

انا عايز ابقي صاحبكوا ولله

الذكر المضاعف ᥫ᭡ سُبحان اللّٰه عدد ما خَلق سُبحان اللّٰه مِلء ما خَلق سُبحان اللّٰه عدد ما في السماء والارض سُبحان اللّٰه ملء ما في السماء والأرض سُبحان اللّٰه عدد ما أحصىٰ كِتابه سُبحان اللّٰه ملء ما أحصىٰ كِتابه سُبحان اللّٰه عدد كل شئ سُبحان اللّٰه ملء كل شئ الحمدُ للّٰه عدد ما خَلق الحمدُ للّٰه ملء ما خَلق الحمدُ للّٰه عدد ما في السماء والأرض الحمدُ للّٰه ملء ما في السماء والأرض الحمدُ للّٰه عدد ما أحصىٰ كتابه الحمدُ للّٰه ملء ما أحصىٰ كتابه الحمدُ للّٰه عدد كل شئ الحمدُ للّٰه ملء كل شئ لا إله إلا اللّٰه عدد ما خَلق لا إله إلا اللّٰه ملء ما خَلق لا إله إلا اللّٰه عدد ما في السماء والأرض لا إله إلا اللّٰه ملء ما في السماء والأرض لا إله إلا اللّٰه عدد ما أحصىٰ كتابه لا إله إلا اللّٰه ملء ما أحصىٰ كتابه لا إله إلا اللّٰه عدد كل شئ لا إله إلا اللّٰه ملء كل شئ اللّٰهُ أكبر عدد ما خَلق اللّٰهُ أكبر ملء ما خَلق اللّٰهُ أكبر عدد ما في السماء والأرض اللّٰهُ أكبر ملء ما في السماء والأرض اللّٰهُ أكبر عدد ما أحصىٰ كتابه اللّٰهُ أكبر ملء ما أحصىٰ كتابه اللّٰهُ أكبر عدد كل شئ اللّٰهُ أكبر ملء كل شئ اللّٰهم صلِّ وسلم وبارك وزد علىٰ مُحمّد عدد ما ذكره الذاكرون وغفل عن ذكره الغافلون وعدد ما كان وما سيكون وعدد قطرات الماء وعدد أوراق الشجر وعدد حبات الرمل عليه أفضل الصلاة وأتم التسليم والله هياخد معاكم دقيقة دقيقتين لكن الأجر عظيم ᥫ᭡.

حلو جدا " يا ليت الذي بيني وبينك عمار وبيني وبين العالمين خراب " " اهدنا الصراط المستقيم " دي بتكون هدااايه خاصه مخصصه ليك انت بس جايه مفصله عليك اعتقد ان وجود صحبه ده بيساعد اه في اول الطريق كانتظام علي الصلاه لانها بتكون ثقيله علي النفس فوجود صديق يدفع من الجانب الاخر هيخفف الحمل لكن بعد كده بتبقي النفس مطمئنه بعد العناء والثبات اللي شفته وتبقي هي لوحدها اللي بتحث علي العباده وتنفر من المنكرات فوجود صحبه هتخلي البدايه اسهل عدم وجود صحبه البدايه هتكون صعبه مثلا لكن واجب منها لانها هتفيد بعدين يعني مثلا ممكن اللي معاه صحبه بتساعده علي الطاعه لو اختفت الصحبه يرجع ويضعف هو انما اللي عافر الطريق وحده واظهر صدقه في التقرب من الله بيكون امتن واصدق 💓💓

بيمزجني كلام د/ محمد ابراهيم والشيخ امير جدا جدا 😊

عايزين فيديو واحد كامل عن قصه استبرق من اولها لاخرها

😯😯انا فعلا اخويا معندهوش صحبة خالص ده ٣ سنة ليه ف جامعة صحابه كلهم كانوا ف سعوديه ومش عارف يكون أصحاب. وهو ماشاء الله محترم وكويس وبار باهله وخاتم للقران. مع العلم انه مع جدتي عشان الاهل ف سعوديه

الفلوج دا في وقته جدا ... لعلها تكون البداية ...

أنا بحب هذا الشيخ الصغير في الله ♥

يا حازم انت و الصحبة احلى صحبة ربنا يحفظكم 😍😍 قولوا امين ❤️

من احلي الفلوجات اللي شوفتهالك كنت بحس بكلم الصحبة فالدين محتاج يبقي اعمق و ما شاء الله وصلت لاعمق نقطة وهي صحبة الله تعالي ❤️

الحلقة جميلة وصديقك فى آخر الفيديو كلامه رائع ربنا يكرمكم

أنا عندي صراع نفسي رهيب ومش بقدر أتفاعل مع الناس انصدمت في أصحابي

الفيديو جميل جدا وعنوانه جذبني الحوار العفوي اللي جوا كتير عميق حمستني اسمع بودكاست محمد إبراهيم لاني بعشق مجاله جدا والي فترة مشغولة وما بقدر اسمع حازكاست🌸

حازم... في سلوك سئ جدا اتت بتعمله.. ليه مش بتبص للشخص اللي بيحاورك.. يعني محمد وهو بيتكلم معاك هو ييبصلك وانت لا ☺️

هو انت ليه مبتبصش للى بيكلمك انا فاهمه انك مركز احيانا بعمل زيك بس الموضوع استفزنى فمش هعمله تانى

الفلوجات بقت احلي 😄😄

ايه الحل لو واحد لسة داخل الجامعة و كمية الفتن اللي ممكن يلاقيها هناك زي الاختلاط و الصحبة و الopen minded community خصوصا لو هو لوحده

انا كمان اسفدت جدا الراجل ده جامد مش مش وحش بس عاااش بجد الله ينفع بيكوا يارب

والله الكلام دا ربنا بيبعته في وقته فعلا الحمد لله ربنا يجازيك خير كمل وابدع اكتر 😉

بس في نقطه مهمه مش معني إنك مش لاقه صُحبه تعينك إنك تروح لأي حد و خلاص صدقني إنك تبقي لوحدك أفضل بكتير من إنك تبقي مع ناس مشوهين عقائديا أو أهل بدع أو او ... خصوصا في هذا الزمان بعد ما تفرقت الفرق و تحزبت الأحزاب و إنهارت العقائد و اغترب العلم و أهله يعني ممكن تكون غربتك و وحدتك في الطريق نجاتك يوم القيامة و تذكر أنك أنت الجماعة و لو كنت وحدك.

كنت لسا بفكر ف الموضوع ولقيت الفيديو قدامي

" لا تحزن إن الله معنا "

الانسان بيحاول بجد يستأنس ب ربنا..

ومن اراد ان يكون في صحبتكم ، ماذا يفعل ؟

ممكن تيجي جامعه طنطا انت وحسام هيكل

الراجل ده هاته معاك كتير بجد كلامه جامد اللهم بارك ربنا يثبته ويثبتنا جميعا

ماشاء الله الفيديو جميل جدا جدا جدا فعلا الواحد كان محتاج يسمع الكلام دا ربنا يرزقنا الصحبه الصالحه ويصلح احوالنا

الحلقة دي عظيمة تنين و محمد ربنا يباركله ع كل كلمة قالها والله⁦❤️⁩👐

ليه كذا شهر بعد رمضان عشان ترجع تظبط الساعه البيلوجيه تانى ده هو يوم واحد هتضغط على نفسك و تفضل صاحى النهار بطوله هتلاقى نفسك تلقائى ميت نوم بليل بدرى

حلو جدًا جدًا بجد

الفيديو هايل اعمل جزء تانى الموضوع ده كبير قوى واعمل تانى مع اللى كان بيتكلم فى الفيديو رهيب الأحداث صلى الله عليه وسلم

اول مرة اعلق هنا من كم سنة 😅 فظييييع فظيييييع الفلوج دا

محتواك من أجمل وأعمق المحتويات..وزي ماحضرتك قولت في ناس كدا مبتعرفش تتفرج ع اي حاجة أنا فعلا كدا مش أي محتوي اعرف اتفرج عليه.. ربنا يبارك ف حضرتك

7:21 جعزت الراجل يا كريم 😂

اتكلم عن الصعوبات اللى بنواجها وازاى نتغلب عليها بمعنى ازاى اتغلب ع المشاعر السلبية اللى بتجيلى لمجرد انى لقيت حاجة صعبة لدرجة انها بتسحلنى واتخلينى افكر انى استسلم .. او ازاى نكون منتجين اكتر :")

استشعرت كلمة الله مأوى احساس جميل اوي لما تحسها بقوة

كلام محمد بكاني رغم اني اول مره اسمعه

طيب يا حازم لما يكون في أصحاب اه و انا كنت ماشيه ف طريق اني بتعلم علوم شرعيه و بعرف ربنا اكتر و عايزة اقرب و المكان بعد كدة اتقفل .. بعدها بفترة كنت مستمرة اون لاين بتعلم و بعدين قل واحدة واحدة .. و لقيت نفسي تلقائي بقيت عايشه بنفس طريقه صحابي اللي انا وسطهم...هما مش وحشين كلهم نفسهم يبقوا احسن بس محدش بيعين حد و انا اللي كنت بشجعهم وقعت و مش عايزة لما اكون بفوق نفسي ابدأ ب اني ابعد عنهم لا عايزة نتغير و نفوق كلنا .. اعمل دا ازاي ؟؟

لسا مشوفتش الفيديو العنوان كأنه جايلي جه ف وقته جداا 😭

من اجمل الفلوجز اقسم بالله .. سبحان من الهمه هذا الكلام وهذه المعاني ❤ ! وفقكم الله 🙌💜

مش فاهمه ايه الي جاب فيلم up? 🤔

انا وحيده جدا معنديش اصدقاء وعايشة لوحدي بقالي سنتين وداخله على التالته اهو وعندي بس ١٨ سنه الوحدة شنيعة بتاكل كل يوم جزء فيا ادعولي ربنا يآنس وحشتي ويلم شملنا واعيش مع ماما وبابا وربنا يرزقني الونس لأني تعبت اوي

سؤال غريب شويه معلش، هو مفروض الساعة تتلبس شمال، بس في الفيديو واحد منكم لابسا يمين، أكتر من مرة الاحظها في الفيديوز، بس بتبقى لوحدك أو حد تاني لوحدة بس في الدقيقة 8:17 الأتنين ظهروا والأتنين عكس بعض .. :D

9:28

ممكن يعملو ف اتشينو تووول ف الشات تمكنى ان مثلا ك كتيم ليدر او عضو ف تيم ورك اتواصل مع باقى التيم و نحدد التاسكات ومين المطلوب منه يسلمها والوقت وكدا وكمان يكون متاح انه يرفع ملفات وكدا هى الفكره موجوده طبعا ف ابلكيشن كتير بس مفيش حاجه سوشيال فيها كدا

حرفيا من أفضل الفيديوهات تأثيراً فيّ ربنا يجازيكم باحسانكم 💜

ناس جميلة والله♥️

حقيقي فعلا كويس جدا انك تشوف المشاهدين عاوزين ايه

في الفيديو دا بالذات انا انبهرت بالشخص اللي كان مع صاحب القناة اللي ليه الفضل في راحة الناس النفسية و اعجابهم للقناة و تعليقاتهم ما شاء الله على علم و ثقافة محترمة و اظن الفترة اللي مكانش فيها صحبة كان شغال على نفسو اما بالنسبة لصاحب القناة عشان انا بحب النقد و عارف ان رأيي ممكن يكون غريب و قاسي شوية بس انتا مش سالك

الفلوج اصر عليا جدا انا بتوب عن كل المعاصي الي بعملها و بعد كده للاسف برجعلها تاني الفيديو ده خلاني اتوب بس انشاء الله مرجعش تاني و حبيت ابقي اقولك عشان يبقي ده المقابل و ميبقاش فيديوهاتك ببلاش 💕

ماشاء الله كلام محمد إبراهيم حلو جدا بجد ربنا يبارك فيه ممكن يقولنا ايه الكتب اللي بيقراها او الشيوخ اللي بيسمعها اللي ممكن تزود من معلومات الواحد عن الاحاديث والدين بشكل عام حاجة تقربنا من ربنا وتفهمنا دينا اكتر؟..بس كدة:)

11:50 ⁦❤️⁩ النقطة دي حقيقة فعلا، وأنا توصلت لإدراك النقطة دي بعد بُعد وعناء !

حلو جدا جدا وفي وقته الموضوع كمان مع الأهل وخاصه لو كان الواحد حاسس انه في وادي وهما في وادي صحبه القرآن فرقت معايا فعلا لما بزعل أو افرح افتح المصحف بشكل عشوائي الاقي ربنا فعلا بيكلمني ممكن افتح الفيس الاقي بوست لو في العادي محسش به واحسه فعلا في الوقت ده بحس أن ربنا جبر بخاطري وده حصل دلوقتي مع الفلوج ده جزاك الله خيرا فعلا الفلوج جبر بخاطري

هاي ٢٠٢٣🌚