الفلوس بتشيل النفوس وام دى مش سويه بتستكر المعاش عن بنتها المطلقه حسبي الله ونعم الوكيل فى كل ام ماديه وعندها الفلوس اهم من بنتها وحبها ليها وعلاقتهم ببعض
تحياتى دكتورة على التوعية التى أجزم انها مفيدة لى سؤالى منحة الوفاة أو منحة الجنازة ٣ شهور من كامل المعاش بنسبة ١٠٠% أم مثلا للزوجة ٧٥% سؤال تانى تخفيض تذكرة القطار أو المترو لمن فوق ال ٦٠ سنة من شباك التذاكر ببطاقة الرقم القومى حتى لربة بيت ولم تحصل على معاش وشكرا
استاذة حنان انا معاشات حضرتك قلتي دة ملكي بالنسبة لمعاش والدها حضرتك قلتي انا النص وهي النص هي مطلقة من 3 اشهر ممكن تفيدني علشان اناكنت بديها فلوس ودي علشان كانت بتقول ممكن اتجوز دلوقتي لما تقدم هل يتخصم مني اية طب المدة اللي فاتت بيكون النظام ازي ااااااارجوكي فديني
استاذه حنان خرجت معاش مبكر من ١٧ سنه وكان معاشي ٦٣٥ وكنت اعمل باحد البنوك هل عند بلوغ سن ال ٦٠ عام في مكافآت تأمينات وزوجي توفي من اربع شهور هل لي نصيب في معاش والدي في تضارب في الأقوال ماهو المفيد في حالتي اتمني الافاده
السلام عليكم انا مطلقه وباخذ معاش والدي بس باخد الثلوث لان مرات ابي تاخذ المعاش معي وكان معي اخويا من ابي بس اتشال من المعاش لانه تزوج بس يا مدام حنان انا ااخذ مكان اخي و بسال علي العلوات الخمسه هل ابي له فيها ولا لا
انا لما والدى توفى رحمة الله عليه ، كان ليا معاش ووالدتى كانت بتاخد معاشها ومعاشي ولما لاقتها بصراحه كانت بتبخل عليا حتى فى ابسط الامور الاساسيه وانا وقتها ماكنتش بشتغل وكنت رافض اشتغل اى حاجه يعنى زى امن ومن هذا القبيل لانى معايا بكالوريوس ودراسات عليا فى علوم الكمبيوتر كان بيصعب عليا نفسي جدا لما هى تقولى او حد من العيله يقولى انزل اشتغل اى حاجه عندك السادات كان بيلم زباله وقتها حسيت اد ايه بقيمة الاب ويعنى ايه كسر ظهر بجد ، المهم واجهتا وقولتلها انا هاخد سرك معاشي لوحدى وانتى لوحدك كان يوم خناقه ما يعلم بيه الا ربنا وقلتلى انت عاوز تاخد معاش نسوان ..... وفى لنهايه مارضتش اخد سرك لوحدى بسبب الفضايح الى عملتهالى فى العيله والخناقات لا وايه كمان اتجوزت مره واتنين واتطلقت بناءا على طلبها عشان المعاش كبير يعنى ورجعلها المعاش .... وقتها كان عندى 22 لغايه 27 سنه طبعا الفتره الى هى اتجوزت فيها اخد انا المعاش بتاعى ببلاغ ولما اتطلقت رجعلها معاشي ومعاشها فى سرك واحد ، وسبحان الله انا اشتغلت وانا عندى 27 سنه وحاليا انا عندى 40 سنه والحمد لله رب العالمين فى احسن حال ومسامح ، ده كمان الفتره الى رجعت فيها البيت لما اتطلقت كنت انا محوش من المعاش فلوس كويسه وطبعا هى كانت عاوزه ترجع معاشها ف ايه الى حصل معاشي اتقطع اصبح مافيش دخل خالص ، اتفقت معاها انى انا هقوم بالمصاريف لانى كنت محوش فلوس تكفى كام شهر من المعاش ، وقولتلها الفلوس دى هتبقي تدهالى لما تاخدى الشيك بأثر رجعى قعد 3 شهور اصرف اصرف لغايه ما الفلوس كلها خلصت وبعد كدا المعاش رجعلها واخدت شيك بأثر رجعى عن 3 شهور قولتلها تما فين بقي الى انا صرفتو ..... لاقتها كان ناقص تطلعلى مطوه وصريخ وصويت انت عاوز تاخد فلوس النسوان عاوز تاخد معاش النسوان ما هو اتصرف على كرشك خفت وقلتلها مش عاوز حاجهواتنازلت ، وفى الاخر اديت الشقه والمحل لاخويا بحجة انه مش متعلم وان دولا من حقه وانا قاعد فى ايجار بدفع 4000 جنيها كل شهر ... والحمد لله مسامح ، مسامح عشان دول اهلى ف انا مستغنى والحمد لله .... بس فى حاجه كدا جوايا وجعانى لما باجى بفتكر بس وانا فاكر كل شىء كأنه امبارح .... وهى ما شاء الله معاها فلوس كويسه جدا جدا ومعاش يعنى ما شاء الله وعمرها ما فكرت تقولى مش محتاج حاجه حتى الان مافيش حتى كلام زى كدا من القلب
