يليق ديما تكثرولنا من هاذ المواضيع بصح كاينة درجة ما تقدريش تسامحي وخاصة كانت هوايتهم المفضلة انهم يشوفوك اسفل السافلين ويدمروك عمدا التسامح يكون اخر حاجة نخمم فيها او نخليو حتى نروحو عند ربي يحكم بيناتنا فيما كنا نختالفو هو الحاكم العادل الحق
اللهم صل على محمد وعلى آل محمد كما صليت على ابراهيم وعلى آل إبراهيم انك حميد مجيد اللهم بارك على محمد وعلى آل محمد كما باركت على ابراهيم وعلى آل إبراهيم انك حميد مجيد ❤
طليتي على قلبي سبحان الله دخلت في عقلي على جال نحاول نسامح انسان هو اصلا مطلبش السماح انا الحمد لله نسيت الحكاية مي منسامحش الله غالب تبالي لكان نسامح ظلمت روحي
حبيبتي عن تجربة كنت اسامح حتى للدرجة لي قلتي فيها انت الناس البهالل وسمعتها من ڨداه من انسان باللي جياحة لكن انا كنت مع الله وكنت اطبق مبدأ قوله تعالى "فإذا الذي بينك وبينه عداوة كأنه ولي حميم" كنت في راحة نفسية ورضى وتساهيل من الله وخير عظيم لكن عندما أردت أن أثبت اني لست "بهلولة" خسرت ذلك القرب والآن أسعى جاهدة للوصول لتلك الدرجة من التغافل والتسامح والعفو وفقني الله واياكن الى ما يحب ويرضاه
مع انو تجاوزنا تصرفاتها السيءه عده مرات وهي ابنه خالتي وزوجه اخي وجعلناها اخت لنا كذاللك اسرارنا وكل شيء تعلمه عنا ىكنها فرقت بيننا وبين اخي وهو الكبير في عاءلتنا بالكذب
زوجه اخي اذاتنا ياسر ياسر وفرقت بيناتنا واخي الي هو زوجها اصبح لايطيقنا مع اننا جعلناها اخت لنا ولم ناذوها يوما ونحن لانستطيع مسامحتها لانها فرقت بيننا واخينا لانه لايكلمنا منذ عامين
انا كنت في دارنا نطيب غير الله الله كي جيت عروسة كان عندي 21سنة وليت كي ندخل كوزينة نطيب يوقفوعند راسي مع اسف والله وليت حاجة لنديرها نخسرها تقول عمري 😢😢مدخلت كوزينةضحكو عليا حسبي ونعم الوكيل بصح مع وقت تجاوزت داك خوف والله تالمو يهدرو ويعلقو على طيباب قريب محكمتني عقدة نفسية وحتى راجلي كان يظغط عليا اقسم باالله من خوف لنديرها متخرجليش مع انو والله كنت في دارنا كنت نطيب ولكن حمد الله تجاوزت كل شيء وليت نطيب الله الله بصح نحيت خوف باش قدرت نطيب مليح وحمد الله صح دار ناس صعيبة بزاف صغتو كي تروحي صغيرة لزم تكوني قوية شخصية ومهما كان ميرحموكش مهما كان فات لفات كانت مرحلة وفاتت
مصيبة لما يكون اقرب ناس اليك. ان آذاني زوجي بخيانتو ليا لمدة سنوات للاسف هناك اطفال رانا نتحملو من اجلهم.. والله قلبي مريض بزاف ضيعلي حياتي وفسدهالي وحرمني من طعم الحياة.
سبحان الله شغل طليتي على قلبي وانا لي عندي سمانة في هاد المشكل مرضت منو ومرضت ماما مسكينة على جال عجوزتي حسبي الله و نعم الوكيل فيها أنا بعيدة عليها وجابدة روحي وشافت مني غير الخير وعمري وربي شاهد عليا ما آذيتهاش لا بكلمة ولا بجاست ودوك تهمتني بكلام ماقلتوش وبقات مصرة عليه وأنا 5 ايام نحلل فيها أنا وراجلي تقولي شكون قاللها وقتلها نقابل اي وحدة على خاطر راني ثابتة ماهدرتش..... ومع الآخير خرجت هي لي ألفت الكدبة عليا وكشفها ربي قدام وليدها وبين الحق و الحمد لله بصح مانسحقهاش أبدا نسامحها على الإفتراء لي درتو عليا
وهي لاتاتي ابدا الى بيتنا منذ المشكل الي عندو عامين الا في الاعياد. ارجو تفيدوني لاننا عندما نتلاقاو بيها في مكان ما تبدا في التهكم والاستفزاز هل نوقفها عند حدها امام الناس او ماذا افعل
راجلي نحبو نموت عليه واقفة معاه وقفة الرجال درت كلشي على جالو جرحني وظلمني بواحد الكلام معندي حتى علاقة بيه مطلبش مني السماح عشرة ايام منهدروش مع بعض مقدرتش نسامحو قلبي برد
والله ياختي حياتي على قلبي انا عجوزتي جيت ليهم صغيرة منعرفش العادات نتاحوم هي ستغلت لفرصة تشوفو يا خواتاتي واش دارت فيا حطمتني نحاتلي ثقة في نفسي ووووووووو ضرك ولا قلبي باااارد على ولادي على زوجي ..... لحق بيا لحال وين راهي مريضة زهيمر معندي حتى ذرة رحمة من جهتها من كثرة ادية نتاحة ربي يهدينا
صح اختي و كاين عجايز ستوتات هي تأذي عروستها و كي العروسة دير ردة فعل تلعبها ضحية و تحرش عليها ڨاع ولادها ربي و كيلهم يحسبو الدنيا دوملهم و انا اللي تقلقني يلعبوها تقيات يخافو ربي
يعطيك صحة اهتي على هذ الموضوع انا تعرضت للاذية من اقرب الناس وهي امي راه صرا المشكل في الصيف مزلت مهدرتش معاها من هذاك الوقت ايا كفاش ندير ضرك انا خلاص فاض الكأس من جهتها علابالي بر الوالدين و كلش و كنت انا اكبر بارة بوالديا المهم نتمنى جاوبيني اختي كفاش ندير انا متازمة من هذ الموضوع
سبحان الله تقول كنتي تسمعي فيا من بارح ونا نهدر فيها 😢اخواتي الكرام تعيشو افيدوني دارنا يفرضو عليا نهدر مع لافامي لي اذوني و مازال راهم يظلمو فيا لافامي. من جهة اب و من جهة ام ما نقدر نسمح وليت اقسم بالله العظيم نكره نهبط لبلاد ما يخلو واحد يعيش حياته و دوكا راني بعيدة و راهم يقيسوني بالهدرة
مانقدرش نسمح الجارة لي درتها كي ختي وخدعتني قاتلي بلي وليدي سرقلها ٤٠٠ الف مالشحيحة صغير مسكين ومايقدرش يفتحها هي وليدها لي سرق وخافت من راجلها يضربو حصلت فوليدي لي غايضتني اناه هددتني براجلها يقول لراجلي وهي علابالها بلي راجلي واعر ومايحبش هاد الانور جبدت روحي عليها اعطيتهوملها وادعيتها تشربهم دوا ولوكان تصيحلي فرصة ننتقم منها صراحة لانها كرهتني فقاع الناس ووليت موسوسة انا لي كنت نحب الناس ونصدق وليت نكره نمد عشرين. دورو راني غير مع الدعاء
عانيت بزاف من الظلم من كل واحد محيط بيا تقريبا حتى راح يحكمني الزهايمر وليت نهدر وحدي وحدي راسي معمر مرانيش حاسة بنعمة حياتي وولادي دايرين بيا صلاتي ماشي مركزة فيه لقيت روحي رح نهبل وباش ننسى راني نحاول كلما نفكر فيهم نبدا نسبح ونستغفر باعداد كبيرة وخليتهم لربي صبحانو
سبحانو ختي راكي كيفي بصح لازم تنقضي روحك بروحك حاولي تحسبي النعم لي عندك تشكري وتحمدي ربي عليها افرحي ولو على أبسط الأمور الصلاة في وقتها وصلاة الفجر الأذكار كي تصلي العشاء صلي ركعتين قبل ما توتري ودعي ربي من قلبك ❤️ إلا عندك وليدك صغير العبي معاه تفاجي فرحي روحك عيشي عالمك الخاص انتلاي في صحتك كولي غير الحاجة الصحية مارسي هواية تحبيها يالوكان لعبة مع ولادك متخلي حتى حاجة تقلقك استغفري وربي يفرج عليك خيتي ادعيلي معاك ❤ ربي يفرج نشاله ان بعد العسر يسر الصبر والاحتساب برك
@@HERAMMUHAMMAD ربي يرزقك ويعطيك ما تتمناي ويبارك فيك والله كيما قلتي راني نحاول ننسى ونعوض روحي باش نسلك على خير ومنضيعش حتى ولادي معايا وربي ينصر المظلومين في كل مكان يارب
ربي يحفظك أجمل وأرقى ملكة.. موضوع في القمة.. تقولدخلتي لعقلي فهاذ الأيام لأنه الموضوع لي راه مسيطر على تفكيري.. الحمد لله في حياتي تجاوزت بزاف أذية وكنت قوية وقدرت نسامح وننسى وحتى وصلت لدرجة مكنتش نتخيل نوصلها وهي إني ندعيلهم بالهداية وبالجنة... بإستثناء انسانة وحدة(اذا كانت تستاهل كلمة انسان).. حسبي الله ونعم الوكيل وربي يوريني فيها عجائب قدرته.. تهمتني في شرفي.. وفي عقيدتي..(بالسحر).. فسدت علاقتي بزوجي وبأهلو...وحتى بأهلي..تنصطت عليا وفضحت سر بيتي.. ماخلااش حاجة تأذي الا وعملتها.. والي غاضمي اكتر اني لازم نتعايش معها ونتلاقاها كل يوم وفي كل يوم نشوفها عايشة حياتها بالطول وبالعرض وبكل سعادة وراحة بال... كلمة مانسمحش متكفنيش.. ربي يريني فيها عجائب انتقامه وقوته وجبروته يارب🤲💔