عندك الحق استاذ لكن بالنسبة لي ضعيف ف الرياضيات الصيف فرصة لتدارك النقص مش ممكن التلميذ يطلع رابعة متوسط و هو ما يعرفش اوحد المقامات ولا ما يعرفش يجمع الاعداد الصحيحة ولا حساب المساحة و المحيط لازم التلميذ يتدارك هد الشيء قبل ما يطلع سنة رابعة متوسط
قريبا ستعلن نتائج امتحان شهادة التعليم المتوسط يارب يامجيب الدعوات يارحمان يارحيم اللهم نجح ابني أحمد ونجح جميع التلاميذ يارب يارب يارب العالمين أجمعين
ليست قاعدة ادا حالفك الحظ موش راح يحالف جميع الطلبه اخر دقيقه وحتى ونجحتي موش رايحه تكوني متوفقه ولمعدل يادوب عشرة خلو ناس تقرا كل عام وعامو صح لكن تاع الاسبوع الاخير ماقبلو راهي موش قرايه ضربة حظ لا اقل ولا اكثر@@Jessica-zo9mh
نصيحة كوني اجتزت لمرحلة و سنة عقبت اك استمتعي بالعطلة كي تبدا دراسة اقراي نورمال افهمي مليح الوحدات سيرتوا علوم شويا تمارين تجيبي علامات رائعة و ممتازة في لفصول
نصيحة السنة الثانية متعبة بالنسبة للجميع خاصة شعبة العلوم التجريبية مش يعني انها متعبة يعني واعرة ذي السنة بحد ذاتها تحتاج تركيز وفهم من الاول عمرك ماتخلي كلش حتان الفروض او الاختبارات نصيحة من ذهب بصح ماتبدايش ذك بلعقل اتعلمي اونقلي ولا فرونسي
شكرا استاذ❤❤ و الله كنت بحاجة لشخص يقولي و يجبني على هذا السؤال فقد كان يدور في بالي و كنت نسقسي حالي على هاذ الامر فالعام الجاي عندي بيام 😢❤😊...... شكرااا 🙂
يا ودي اخطيكم روحوا تريحوا اشبعوا بورطاب و بحر 😹 بصح صح سيريو لازم تريحوا مليح هاذ الصيف خصوصًا اللي عندو باك ولا بيام ، و إلا رح تتعبوا طيلة السنة إذا ما بروفيتيتوش فالعطلة 🍃 بالتوفيق للجميع بإذن الله
أختي الكريمة الدروس لي سحقهوم في الباك رايح كامل يقراهم و يعودوهم كيما دوال و الممتتاليات المهم كي يبدا يقرا يبدا سيريوا سينو يكره شوفي خليه يبروفيتي العطلة جيدا لان كي يبدا يقرا ما يحبسش حتى جوان عن تجربة راهي نكلمك ابني جوز هذا العام ربي ينجحوا و ينجح كامل دراري ...تقدري يتعلم انكليزية و فرنسية و الباقي غير خطيك واشنوا انت ما عليك غير سقسي على اساتذة لملاح تع ليكور من دورك حتى ؟أوت سقسي حوسي مليح و مادابيك اذا امكن لي قراب لدار باش ما يتعبتش بزاف و ربي يوفقوا
الراحة في العمل اما الاستجمام والتسكع فليس طول الصيف من الافضل الوسط في كل امر اما تطوير الذات فهو طولل السنة وكذلك تعلم القران وحفظه فحياتنا لا تتوقف المشكلة اننا لانعلم كيفية تسيير حياتنا وتحديد اهدافنا
خاصة اصحاب BEM2025 والله هبلونا ربي يجيب الخير وخلاه العطلة كانت راحت وكاين بعض يستغلوها في تعلم اللغات ولا قرأن حاجة مفيدة تو المدراء مزالوا معطلوش يا محينك وملخصات الفصل 1 والدروس كالتراب
نصيحة لاصحاب بكالوريا ابداو من دروك مديروش على ناس لي تقلكم يكفيكم وقت هذوك معندهمش مشكل مع مكتسبات اقراو من دروك متقووش ديروا صبور حافظو على أكل صحي ورقدوا بكري . هذو صوالح كي تحافظوا عليهم تقراو 20 سنة على طريق ومتعياوش علماء حياتهم كومبلي وهوما في طلب علم حتى يموتو ومكرهوش
