كان زوجي اللي تيتقدى وتيجيب فقط5kgسكر وجوج باكيات سنيدة و5lزيت وأتاي تيجيب2kgوالتيد وجافيل وورق المرحاض والصاون اليدين والطاوس .ودبا وليت أنا اللي تنتقدى عندي السطوك ديال بصح من مواد التنظيف كاملة وكافية لأكثر من سنة وتيعطيني350درهم تنجيب منها الزيت الفينو السكر سانيدة الشكلاط والفرماج والمكسرات الزيتون الخميرة العادية والحلوة والحمد لله تلاثة أشهر جمعت شوية.السلعة كرطونة رمضان كملتها وسلو راجلي اللي عطاني باش نتقدى وزيت الزيتون تنشريوه للعام وأتاي خازناه وهو اللي تيجيبو وعندي ثلاتة المراهقين وخاصطم تعرفو أنه تربيو ولادكم على اللي حطيتيه ياكلوه ويحمدو عليه الله والحمد لله
الله يحفظك ويعطيك الصحة وتسلمين من كل شر كلشي منك زوين ومفيد ورائع واللهم ادمها نعمة واحفظها من الزوال كنتعلمو منكم الكثير والله يجازيكم كل خير ولي كتكون ضد هاذ الشي تجرب وغادة تحكم الله يهدينا جميع❤❤❤
والله أختي الغالية كلامك صحيح وكنتمنى نولي بحالك ونتعلم منك كثير والله يوفقك وعلى فكرة حتى انا ام آدم الله يصلحهم ويهديهم جميع وشكرا ليكم على هاذ الشي الي كتفيدونا بيه وتعلمت منكم بزاف الحمدلله ❤❤❤
اختي ان استافدت منك بزاف ودكرتها في الفيديو ديالي الاخير ديال لائحة تقدية رمضان وراه قلت لمتتبعين ديالي يدخلو يستافدو منك احبك في الله ❤️❤️احلى لايك🎉🎉🎉
ما شاء الله عليك الله بارك لك في صحتك ويرزقك اولادك كنستافدو منك بزاف بفضلك وليت كليانا ديال سمير شكرا ليك عفاك واش الدجاج او الفواكه منها لافوكا او الكاكي واش خديتيهم من سوق بولرباح شكرا ليك
فيديوهاتك كلها افاده ماشاء الله عندي سؤال بس انتي لو قابلك مثلا حاجه رخيصه سواء من الخضار او الدجاج وعايزه تاخدي كميه وتعملي منه سطوك بتجيبي الفلوس منين يعني من اي ظرف انا لسه داخله قناتك وعجبتني جدا متبعاكي من مصر🇪🇬🇪🇬🇪🇬🇲🇦🇲🇦🇲🇦🇲🇦🇲🇦
مرحبا بيك حبيبتي وبناس مصر اذا لقيت خضر باخذ من ظرف الخضر اذا دجاج من ظرف الدجاج واذا كان اخر الشهر ومافاضل عندي فلوس فالاظرفة باخذ سلف من نفسي يعني فلوسي الخاصة واستغل الفرصة ولما باخذ فلوس الشهر برجع السلف لمكانو
انا ماكانفوتش1000dhتقدية فيها كلشي الا هاد الشهر اللي فتت القياس ولكن ان شاء الله هادشي اللي خديت غاينفعني.والشهر الجاي ان شاءالله ماغانفوتش600dh.ولكن كون ماشي السطوك داك المبلغ ماغايقدني .واحنا خمسة افراد
أنا بديت ولكن معطلة فيه صراحة مع هاد علاء الله يرزقنا يارب أنا اختي مصروفي يومي مكنعرفش شحال كنخسرو فالهري والحانوت صراحة زوينة هكا تكون عندك ميزانية للشهر وتصرفي فيها وديري سطوك كتعرفي شحال استهلكتي فالشهر
سلام اختي جميلة كلامك على صواب الا ربيتيه متتقدريش تمسيهش انا بديتو معاك 20درهم اللي كان تيعطيني نهار الاول والله الا هو باش بديت سطوكي ولكن دبا الحمد الله مودة ونا نجمع فيه امزال مكملش من بزززاف تاع الحويجات هزيتهم الله اوفق الجميع ياربي
انا نصيحتي عاوني بداك شي لي شاط الى كنتي غتشري كلشي وملي تبداي تكملي شهر بشهر غتبداي لي شاطت ومعندكش حاجات بزاف لي غتشري حطي هادوك فالصطوك كنتمنا نكون عرفت نوصل ليك مع احترامي للاخت لي جاوبت قبل مني حنا غبر كنتبادلو الاراء
سلام اختي جميلة حينت ماعنديش سطوك وااول مرة نتقذى تقديت بالف درهم أساسيات وكماليات وشحال من حاجة باقي نقصاني غلات المعيشة اختي بزاف الله يكون معانا وعفاك بغينا ك تشاركي معانا وصفات اقتصادية ولذيذة مع الوقت شكرا اختي بزاف على تواصل ديالك معانا والله يسر ليك راكي منورة القناة ديالك بلا إنارة وكتعجبيني بطيبوبة ديالك
السلام عليكم ختي اما بغيت ان شاء الله نبدا سطوك من 0 ولكن انا معنديش دخل محدد يعني كل شهر ورزقو...كاين الحمدلله فاستطاعني ندير صطوك 6 اشهر حتا لعام مثلا عام في مواد التنظيف ولكن المواد الغذائية ماعرفتش..حتى تفيدني...كنت بديت نديرو ولكن استهلكتو ماعرفت كيفاش نربيه
اختي جميلة تقدية هري عندي فيها 14الفريال داخل فيها عبرة ديال قمح ونصف عبرة فرينة صراحة مقتقدنيش لكن معنديش سطوك اناداباخدامة على كرطونة رمضان اول مرة نديرها انشاء مني اخرج رمضان نخدم على سطوك انشاء الله ياربي
جميلة تبارك الله عليك اختي انا تعلمت منك ومن بعض قنوات الاقتصاد والحمد لله والشكر لله عندي لهري 400درهم 100درهم سطوك وحنا 4دناس كلنا كبار ولكن الكماليات كنخرجها بالفن من مول الدار دانون فواكه والتمر الفواكه الجافة كلها منو بالنسبة للحوم كناخد الاساسي دجاج وحوت اما التقلية لكرعين والحم راس كياخدهم مول الدار في السوق الاسبوعي ولوفرتو انا كنزيدو فسطوك والحمد لله
سلام عليكم ختي كديرة لباس عليك اش خبار وليداتك كلشي بخير جزاك الله خيرا الاستفادة انا معنديش مصروف شهري كل سيمانة نهار السوق كيعطيني مرة 100 درهم مرة قل مرة كتر كناخد منها الخضرة ومواد الغدائية مهم كنتقدا داكشي قليل وهو كيجيب اللحوم وديسير ودقيق القمح حليب ليكوش بديت فكارطونة رمضان يلاه حطيت حاجات قليلة وجلس زوج من لخدمة هادي 20 يوم هزيت منها انا كنقتاصد ولكن مصروف قليل اختي كل سيمانة مكملاش حتى 10 لاف ريال لشهر وهو نهار يكون عندو راه كيعطي مكاينش عندو الله غالب كنشدو كريدي من لحانوت
ختي السلام اعليكوم قريت تعليق ديالك اختي اقاسني الله اكون معاك والله اكون معاك ختي نصيحتي انك ديري شيحاجة تعاوني بيها راجلك وانا نقترح عليك تطيبي مطيليعات فدارك اتحطيهوم عند مول الحانوت او غريبة او ديري الحاجات ليمفيهومش رأس المال كثير