انا مش هقول بس فيديو عظيم انا هقول كمان ان بدون مبالغة ده الفيديو اللي من بعد ما دخلت الكلية كنت نفسي الاقيه على يوتيوب واوريه لاي حد بيفكر يدخل الكلية لان زي ما حضرتك قولتي يا دكتور للاسف كتير جدا بيدخلو طب للاسباب الغلط زي الاجبار من الاهل او ان ابوك دكتور يبقى لازم تبقى دكتور او انت مش اقل من فلان او فلان او استخسار للمجموع او انخداع بصورة وهمية اتصدرت عن الطب انه كله مميزات وخالي تماما من اي مشاكل وده مش حقيقي زي ما اي تخصص في الدنيا ليه مميزات وليه عيوب الطب كذلك افتكر يا دكتور في سنة اولى حصل موقف لا يمكن انساه ان كنا في سكشن من اوائل شكاشن الكلية والدكتورة اول ما دخلت سالتنا عايزة اعرف كل واحد فيكم ليه قرر يخش طب لقيت كمية محترمة مش عارفة هي اصلا ليه اختارت الطب وكمية اكبر اختارته عشان الاسباب اللي قولت لحضرتك عليها دي ومحدش عنده معرفة بجد عن طبيعة الكلية ودراستها وموادها وتخصصاتها لا هو مجرد استخسار مجموع او عشان يتقالي يا دكتور او عشان اهلي عايزين كده وده اللي خلاني نفسي الاقي فيديو على يوتيوب من دكتور في الكلية يوضح ويبسط للناس يعني ايه كلية طب بوضوح ومن غير تجميل عشان اللي يقدر وشايفها مناسبة هو ده اللي في رايي هيعمل حاجة ويتميز في المجال لكن اللي داخل عمياني او بالغصب او استخسار مظنش انه هيبدع في المجال ده ابدا في كذا نقطة بس كنت حابب اضيفهم او اصيغهم بشكل مختلف اولا فكرة المنافسة دي مهمة جدا وانا دايما بقولها تخيل انك في ثانوية عامة في اكتر من 600000 طالب واعلى 20000 منهم بس هما اللي دخلو كليات الطب فانت دلوقتي مش بتنافس طلاب عاديين انت بتنافس صفوة الصفوة من حيث الذكاء والاجتهاد وتحمل المسؤولية والضغط والصبر على التعب فالموضوع مش هيكون بسهولة المنافسة في كليات تانية يعني لو عينك على تعيين في الكلية وتدريس في الجامعة وكده فلازم تعرف ان اصعب كلية تقدر توصل لده فيها هي كلية الطب عشان حرفيا انت محاط بتنانين مجنحة ماشاء الله وكله عينه على اللي عينك عليه😂😂😂 ثانيا في نقطة مهمة جدا برضو يا دكتور وهي التاجيل بمعنى ان كل خطوة هياخدها الانسان العادي في سن معين انت كطالب طب اعرف انك هتاخدها بعده بكذا سنة سواء دخل مادي او استقلال اجتماعي واقتصادي او ارتباط وجواز او سفر او اي خطوة بشكل عام وده لان عدد سنين الكلية دي تحديدا يكاد يكون ضعف عدد شنين معظم الكليات فلو مستعد تشوف صحابك من حواليك بيشتغلو ويقبضو ويرتبطو ويتجوزو ويخلفو وانت لسه بتذاكر وتمتحن يبقى الكلية دي مناسبة ليك (كلامي للولاد اكتر من البنات في النقطة دي) ثالثا ودي حاجة لاحظتها ان من مزايا وعيوب كلية طب في نفس الوقت هي انك فعلا بتبقى اكبر من سنك والجزء الحلو من ده هو انك وسط الناس اللي قدك بيكون تفكيرك اعمق وناضج اكتر ومش بتهتم اوي بتفاهات ممكن غيرك يهتم بيها لان عندك حاجات تانية اهم بكتير شاغلة تفكيرك بس على النقيض برضو هتحس انك بتعجز قبل اوانك يعني انا في صحابي كانو داخلين الكلية مفعمين بحيوية الشباب بعد 3 سنين في الكلية اللي طلعله كرش واللي شعره وقع واللي بقا ينهج وهو طالع السلم واللي نظره ضعف واللي سمعه تقل واللي شعره ابيض وانا شخصيا بقا عندي قصر نظر في عين من الاتنين بعد ما دخلت الكلية فبشكل عام انت بتكبر قبل اوانك جسديا وشكليا وده عيب لكن برضو عقليا وفكريا ودي ميزة ففي رأيي لو فارقلك شكلك الخارجي وراحة بالك واعصابك يبقى كلية طب مش مناسبة اوي ليك رابعا واخيرا ويمكن تكون دي نقطة خاصة بالقصر العيني تحديدا مش متاكد هل نفس الكلام ينطبق على باقي كليات الطب ولا لا بس من اسوأ عيوب القصر العيني هي الاجازات الكلمة دي شبه محرمة في الكلية ولو طلبتها تتفهم غلط 😂😂😂 اجازة اخر السنة اللي كنت متعود عليها شهرين تلاتة دي لو بقت اسبوعين تلاتة تبوس ايدك وش وضهر جدا انت كده محظوظ وبالنسبة بقا لاجازة نص السنة فانت بتقضيها مذاكرة عشان عندك فاينال او اند موديول بعد الاجازة على طول في بداية الترم التاني...انا يا دكتور بخلص في سنة تالتة في الكلية قعدت احسب عدد الايام اللي كانت اجازة بمعنى اجازة بدون ضغوطات ولا امتحانات بعدها ومش محتاج افتح كتاب فيها لقيتهم تقريبا شهرين على مدار ال 3 سنين يعني اقل شهر لكل سنة وده وانا لسه مدخلتش رابعة وخامسة اللي الاجازات فيهم بتكون شبه معدومة تقريبا عشان باطنة وجراحة ونسا واطفال وتخصصات تقيلة وبتاخد وقت طويل وكده فالخلاصة لو انت شخص معندكش مشكلة ان غيرك ياخد اجازة اخر السنة 3 و 4 شهور في بعض البلاد ويبدأها وانت بتذاكر ويخلصها وانت لسه بتذاكر برضو يبقى القصر العيني مناسب ليك جدا وكمان في نقطة مهمة ان وقت الاجازة بيكون مختلف عن الكل يعني حتى لما هتاخد اجازة هتلاقي صحابك اللي في كليات تانية بدؤو الدراسة للسنة الجديدة فمش هتعرف تخرج او تتفسح معاهم زي ما انت عايز وهيكون والدك او والدتك رجعو للشغل تاني بتد ما خلصو اجازة اخر السنة فمش هتعرف تسافر معاهم او تصيف وكده فانت اجازتك ككمية قليلة جدا وحتى لما بتاخدها مبتعرفش تستمتع بيها زي الباقيين كفاية كده عشان حاسس اني عقدت الناس في الكلية 😂😂😂😂 بس في النهاية وبعد كل ده لو رجع بيا الزمن الف مرة هختار اخش نفس الكلية وامر بنفس المواقف والصعوبات لان ده اللي خلاني الانسان اللي انا عليه حاليا اللي بيحترمه الجميع وتفكيره ناضج عن اللي في نفس سنه وعارف اسرار في خلق الله ميعرفهاش اي حد في كلية تانية وغير كل ده عشان مبقتش اقدر اعيش من غير صحاب الكلية اجدع وارجل ناس عرفتهم في حياتي بجد بيسهلو ويقصرو كل حاجة عليك في الكلية فحاول تحاوط نفسك باصحاب صالحين رجالة هتنسى كل العيوب اللي في الكلية اسف جدا جدا عالاطالة يا دكتور يارب مكونش زهقت حضرتك 😂😂😂 ربنا يوفقكم جميعا يا شباب ويكتب لكم ما فيه الخير لكم بإذن الله ❤️❤️❤️
يارب انت الذى اردت لى القبول بكليه الطب فيارب سدد خطايا ويسر لى امرى وارزقنى التوفيق ويسر لى كل عسير وارزقنى التفوق فى تلك الكليه وانفع بى يارب واجعلنى سببا تجرى على يدى بقوتك شفاء خلقك واجعلنى من افضل الاطباء فى ارضك ....ولك الحمد فى الأولى والآخره على كل تلك النعم ❤
الحمد لله رب العالمين ربنا وفقني وكرمني ودخلت كلية الطب الحمد لله، اتمني اني اكون قدها وابذل كل ما في وسعي عشان اكون ف يوم من الايام سبب في شفاء وتخفيف الام الناس ❤ واحب اقولك والله انا حبيتك جدا يا دكتور وطريقة كلامك وتفكيرك وحديثك لينا مش بس ف مجال الطب بس لا في امور الدراسة وبعض امور الشخصية اللي تمسنا ، اتفرجت علي فيديوهات ليكي قبل ده وحقيقي بتمني ابقي زي حضرتك في يوم من الأيام شخصية قدوة لناس كتير ومعظم طلاب الطب عارفينك وبيحبوكي ،شكرا جدا لحضرتك ولاهتمامك بينا❤❤❤
ما عليها : ١. صعبة و لكن مع الفهم تكون ممتعة ٢. مواد كثيرة ٣. كثرة الإمتحانات و لكن كل امتحان يضيف لك مهارات ٤. تتطلب تغير في الحياة الإجتماعية مثل تقليل النوم و بعض الإنعزال عن الأفراح و المناسبات ٥. المذاكرة لا تنتهي بالكلية و لكن هناك دوما مذاكرة مثل الماجستير و الدكتوراه و غيره ٦. مدتها طويلة و عايزة نفس طويل ما لها ١. تكون سبب في شفاء المرضى ٢. دعاء المرضى لك ٣. تدرس جسم الإنسان و ما خلقه الله و تشهد العديد من المعجزات في الجسم ٤. التخصصات متنوعة بما يتناسب مع شخصيات الأشخاص المختلفين ٥. المكسب المادي مع الوقت ٦. فرص كثيرة للسفر للدول العربية و غيرها ٧. فرص كثيرة للإبداع و التطوير و البحث العلمي خدعوك فقالوا ١. اللغة الإنجليزية عائق في الدراسة ( الحقيقة أنك تحتاج فقط الأساسيات ) ٢. الدكاترة مش لاقيين ياكلوا (الحقيقة كل الدكاترة بيعيشوا كويس اجتماعيا و كل تبعا لاجتهاده )
مهما تعقدت الدنيا ف الطب هو افضل اختيار مهما صعبت الدراسة فالعالم الان يحتاج الي اطباء والدنيا مش صعبة ومهما زادت الامتحان فالحياة مليئة بالامتحانات فنصيحتي اذا حصلت ع مجموع كلية الطب فدخلها ولا تخف
@@شيرينرحيم-ك7ز هذا ما كنت اسعي الي زرعه في قلوبكم كي ننهض بمستوي الصحة في بلدنا ويكون هدفنا (كما الحال معي ) هو مساعدة المريض ولو بالكلمة علي تخطي فترة المرض أو التخفيف منها وكلما نظرتي الي المرضي في المستشفيات والشوارع زادت الرغبة في داخلك للاستمرار في التعلم والتدريب والقراءة لمساعدتهم فما زال العلم يحوي في طياته الكثير
1 - سبحان الله 2- الحمدلله 3- لا إله إلا الله 4- الله اكبر 5- لا حول ولا قوة إلا بالله 6- ربي اغفر لي 7- سبحان الله وبحمده 8- سبحان الله العظيم 9- اللهم نجني من عذابك يوم تبعث عبادك 10- اللهم صل وسلم على نبينا محمد.......
@@dr.imannabil انا دخلت طب برغبة اهلي و مش عارف اكمل فيها ولا لا !! حولت قبل كدة اسنان و هندسة كنت برا مصر كان نفسي ابقى مهندس سيارات بس اهلي لما عرفوا رجعوني مصر و خلوني ادرس طب بردو و كانوا عايزين ابدا من سنة اولى !! بس بامتحان الوزارة دخلت سنة تالتة ٣ !!! عندي ٢٩ سنة دلوقت و لسة في سنة ٣ !! حسبي الله ونعم الوكيل بس !! زمايلي كلهم اتخرجوا من زمان و اشتغلوا و اتجوزوا و كونوا نفسهم و منهم اللي بقى مدير كمان !! والله بفكر انتحر !! خلاص الدنيا خربت !! 🙏⛔️😭😭😭
اما حضرتك يادكتور بتقولي العيوب انا حسة انها مميزات وعجباني اوي خاصة المنافسة وصراحة يادكتور الفيديو ده حمسني اوي ويشجعني اني اذاكر اوي واقرب من ربنا اكتر ويارب حقق حلمي وساعدني ربنا يوفقك يااحلي دكتورة♥️
انا اول يوم اسمعلك فيديوهات خارج الدراسه ي دكتوره ومكنتش اعرف ان حضرتك عامله الفديوهات دي لكن ربنا يشهد انك اكتر حد فادنى وهيفيدنى ان شاء الله.... شخصيه واعيه وفاهمه ومجتهده وربنا يجزيكى خير الجزاء يارب عن مجهوتاتك دى
يخي احنا صدك محظوظين بيج دكتورتنا العزيزة ولا جانت هتمشي 3 سنين هستو بدون شرح حضرتج الاكثر من رائع والفيدوات اللي تنزليها كلها مشجعة وقريبه من قلب الواحد كل المحبة والاحترام لشخصك الفاضل
أنا حاليا في 3 ثانوي وبدعي ربنا أنه يوفقني ويجعل طب بشري من نصيبي بإذن الله 💜 بلص يا دكتوره كل العيوب بالنسبة ليا مميزات😂😂 وطبيعي يكون في تعب مفيش حاجة سهلة ودي من نعمة ربنا علشان الإنسان لما بيتعب في حاجة بيخاف تروح منه وبيعمل كل اللي يقدر عليه صراحة كلية طب بشري من أعظم الكليات بالنسبة ليا كفاية انك بتفهم نفسك والأهم إنه ربنا يكرمك ويجعلك سبب في شفاء مريض هو ده الكنز الحقيقي اللي الإنسان يقابل بيه ربنا وكل المرضى اللي ربنا جعلك سبب في علاجهم يشهدوا يوم القيامة قد ايه الدواء ريحهم ده بجد اكبر كنز وده يهون عليك التعب كله ايا كان 💜
سمعت الفديو ده بصدفه توكلت علي القادر علي فعل كل شي القدير اني هوصل لي كليه الطب البشري وهساعد الناس وهستحمل صعوبتها انا مستبشر بالله اني هبقي طبيبه ناجحه شكرا جدا ليكي ي دكتوره ايمان ويارب احضر فديوهاتك وانا في اوله طب بشري ان شاء الله ويارب اجعلي فيها الخير❤❤
انا خريج هندسة اسكندرية ٢٠٢٢ و كملت الفيديو للاخر من اهتمامي بمجال الطب و طريقة حضرتك الممتعة في العرض ، اتمني يكون في دكاترة زي حضرتك في كل جامعات مصر
شكرا جدا يا دكتوره كنت بدور علي فيديو زي ده في يوتيوب انا لسه في ثانوي و حضرتك شوقتيني للجامعه اوي اوي ف ممكن حضرتك تعملي فيديو عن الجامعه من اول ما ندخل الجامعه لحد ما نتخرج و نبدا نشتغل و ايه الي ه نواجهه و التخصصات الي موجوده معلش هتعب حضرتك شويه معانا يا دكتوره ❤
الحمدلله ربنا وفقني ل دخول كليه الطب ان شاء الله اعمل كل اللي عليا عشان اقدر اكون ذات نفع للناس شكرا جدا يا دكتوره علي الفيديو الجميل اللي وضح كل حاجه ❤️
مش هسمع الفيديو علشان التحقت بيها وحبيتها أوي بعد ترم اول عصيب كنت على وشك الانهيار 😅😅 ولكن الآن هيا محبوبتي الأولى والأخيرة وادركت اني في مكاني الأمثل♥️♥️
ممكن تحكيلي اي هيا الصعوبات الي وجهتها وكيف عديتها بتقدير كم ؟...ممكن نصيحه عشان انا مريت بصعوبه في اول سنه وانا الان ترم ثاني وخايفه ما اجيب تقدير امتياز
@@dr.future1082 الصعوبات كلها تتلخص في فكرة الانتقال من وضع لوضع لحاجة في خيالك عن الكلية لحاجة تانية بتشوفها على الواقع مختلفة تماما بيولد عندك إحباط رهيب ده غير كلام الناس واللي أكبر منك من باب الهزار بيشكل جواك رفض لكل شئ وقد يصل إلى حتى عدم احترام الدكاترة ودي المصيبة وأعتقد الدكتورة اتكلمت عن ده. الحل إني آخد الموضوع ببساطة دكتور بيشرح كويس خير وبركة دكتور شرحه مش كويس كتر خيره انه نزل وشرح اشوف حد بيشرحها كويس على النت. محاضرة اتلغت وانا جاي من مشوار بعيد عادي نروح نذاكر اللي فات ونراجع عليه وهكذا وكلمة قالها ليا حد الناجح مش المجتهد الناجح اللي عنده قدرة على التكيف بالنسبة للمذاكرة كانت العقبة هيا اللغة فقط المحتوى مفهوم ولكن ترجمة هذا المحتوى هوا اللي بياخد معظم الوقت ولكن بمرور الوقت بتزول تلك المشكلة او بمعنى أصح بتتعود عليها وبتكتسب خبرات في سرعة الترجمة بتنجز معاك في الوقت. الحمد لله تقديري كان كويس امتيازات ولكن ترتيبي على الدفعة مش كويس وإن شاء الله نعوض فيما هوا قادم.
اللهم صل على سيدنا محمد وعلى ال سيدنا محمد كما صليت على ابراهيم وعلى ال ابراهيم انك حميد مجيد وبارك على سيدنا محمد وعلى ال سيدنا محمد كما باركت على ابراهيم وعلى ال ابراهيم انك حميد مجيد
كان فين الفيديو دا من زمان ي دكتور 😂❤️ أنا خلاص لبست 😂😂 لا و الله ي دكتور بهزر الكلية صعبة بس بتهون مع وجود الدكاترة اللي زي حضرتك ❤️ أحلى دكتور إيمان ❤️❤️❤️
@@maryamfawzyhemeidah6264 اهم حاجة بصراحة المذاكرة اول بأول و تاني حاجة تكوني عارفة المصدر اللي هتذاكري منه و تبقى كل فترة تراجعي اللي ذاكرتيه .. و طريقة مذاكرتك بتفرق برضو حاولي تذاكري باكتر من طريقة ترسمي تكتبي تسمعي دا بساعد المعلومة تثبت و لو بتحبي الالوان لوني ممكن في الامتحان تفتكري معلومة بسبب كنتي كاتباها في اخر الصفحة اليمين و ملوناها أصفر مثلا .. كل دا بساعد الضغط يخف من عليكي حتى كمان تروحي الامتحان و انتي نايمة كويس مش مطبقة غير انو بزيد ثقتك بنفسك اللي هو الحمد لله انا ماشية مع الكلية انا راجعت انا حليت أسئلة انا عندي وقت .. اهم حاجة ركزي و متفكريش في خروجات و قصص حب و صحوبية و الكلام دا .. اخرجي و تفسحي بس مش على حساب مذاكرتك .. و صدقيني متسمعيش من حد يقولك دا صعب و مش هتفهميه جربي بنفسك و بالآخر لكل مجتهد نصيب .. و احنا شلنا موديول اول سنة أو اكتر بس اهم حاجة متستسلميش و ممكن فشلك النهاردة يكون قرصة ودن و سبب نجاحك و تميزك باقي السنين
@@maryamfawzyhemeidah6264 انتي كدة كدة هتنشغلي لو عندك ادمان للسوشال ميديا هيقل و الكسل و الاكتئاب احنا بنمر بيهم و بنعطيهم حقهم و بعدين بنقوم نذاكر من اول و جديد و قربك من ربنا بساعدك و دايما ادعي اللهم إني أعوذ بك من العجز و الكسل
@@dr.imannabil انا وافد مافيش عندي اصحاب ساكن واحدي كل ماجيت انضم وقتي اتااخر في الحفض احفض وانسى احفض واليوم الثاني نسيت كل الي حفضته انساه انصحيني ايش اعمل رغم ان الجامعه تتقدم في المحاضرات وانا متااخر
دمت بخير دكتورة ايمان افدتي واجدتي...ممكن فيديو يحكي ما بعد البكالاريوس ...يعني كيف نظام الزماله كيف نظام الماجستير والدراسات العليا...اهم التخصصات وكذا...جزيت خيرا
عدنا بالعراق مرحله تحدد مصير مثل الدول البقيه العربيه اسمه سادس مو اي سادس لا سادس احيائي إلي هو فقط بيه طب وتخصصي طبيه اخرى ، وانا خلال دراستي وبحثي عن طبيعه الطب وحابه اعرف انو قراري صح بحبي للطب من واني صغيره لو مجرد منغره بالاشياء الي عن الطب الي تنقال من الناس بكل مره ابحث واسأل طلاب طب ودكاتره اشوف نفسي متحمله لهاذا الشي وراضيه بالتعب وراضيه بالضغط وراضيه بالحياه الاجتماعيه المحدوده ودربت نفسي من هسا على هاذِ الحياه صار سنه وأربعه اشهر وانا انتظر اخلص واجيب معدل يدخلني طب إن شاء الله، تجي احيانا هيج مثل افكار احاول اشوف نفسي بغير الطب واحاول وما اقدر الطب مواده حلوه الجميل فيه انك تفهم وكذالك تحفظ لحتى ما تنسى فهمك وتطبق عملي أجمل شيء ، إن شاء الله ربنا يقدرنا لدخول الطب باقي اقل شهرين ويتحدد هاذا الشي ادخل طب او لا المعدل يحدد ولكن إلي يكتبه لنا الله افظل من الي نريده ف الطب من أجمل الكليات بنظري وبحبي له اللهم اجعله من نصيبي ولكل طالب اجتهد وتعب ويحب الطب ♡ . ٢٠٢٢/٨/١٥
السنه التحضيريه دى مهمه جدا جدا و اتمنى انها تطبق هنا فى مصر مش بس فكره علمى علوم لان ده مش بيأهل الطالب لان بلاقى طلبه يقولوا لى احنا بنكره الاحياء اقولهم امال دخلت طب ازاى😅بالتوفيق ليك و لكل واحد تعب🥰
يا دكتورة والله بنكون نفسنا نستمتع بالدراسة بس الكمية اللى بناخدها بتخلى الواحد فى ضغط وكل همه المذاكرة عشان الامتحان هما لو يزودوا الفترة على نفس الكمية يبقى كويس