ابوس روحك يا حلب .... صاحب القناة بتمنى منك تنزل كل مباراة الأتحاد على قناتك .... يرحم ربك على هديك الأيام لما ننزل شتم بالحكم المباراة ياخيو نحن الحلبية منحب الحكم دولي عبقلك 😂😂😂
في أخطاء كتير مافي تمريرات بس افضل فريقان في سوريا بس في اخطاء كتير ولازم نسمي الفرق على أسامي المحافظات السورية من كل محافظة 5 فرق لزم بس الله كريم خليها تخلص هل الحرب ومنعوض كلشي انشالله
انا كرماوي , وفعلاً المباريات مع فريق الاتحاد الها طعم اخر , حتى ولو كان فريق الاتحاد بمر بمراحل صعبة او مشاكل ادارية او فنية , بس دايماً بيظهر ب مستوى مشرف بالمباريات ضد الكرامة اللي بتتصف دايماً بالندية و اللعب الحلو من الطرفين و الجمال الكروي , الفريقين بيلعبوا كورة جميلة بعيدة عن التكتل الدفاعي . بتذكر مباراة الكرامة والاتحاد اللي فاز فيها الكرامة ب حلب ب هدف سانغو ب اول مباراة رسمية على الملعب الدولي بتذكر كمان مباراة الكرامة و الاتحاد ب حمص اللي فاز فيها الكرامة 2-0 على الاتحاد و سجل وقتها اياد مندو هدفين في مرمى الكركر اللي كان محافظ على نظافة شباكه ل فترة طويلة بتذكر كمان فوز الاتحاد على الكرامة ب حمص , 2-1 بهدف انس صاري و محمد عفش وبتذكر كمان المباراة الفاصلة بين الكرامة والاتحاد واللي انتهت بفوز الكرامة 2-1 في اللاذقية سواء فاز الكرامة او الاتحاد , دايماً بضلوا هدول الفريقين هم اساس المنتخب , وهم اهم اعمدة ب الدوري السوري , و بدون الكرامة والاتحاد الدوري السوري ماله طعم , جمهور الاتحاد جمهور عظيم وكبير وكذلك الامر فريق الكرامة . وطبعاً الفريقين شرفوا الكورة السورية آسيوياً و الهم بصمات واضحة الاتحاد كانت قوته الحقيقة ب القائمين على اختيار اللاعبين الاجناب اللي اثبتوا مدى احترافيتهم ب اختيار اللاعبين , دايماً الاتحاد بيختار اللاعبين الاجانب اللي بيخدموا الفريق , متل ماديو كوناتي اللي كان احد اخطر مهاجمين الدوري السوري موسم 2004
@@3li_EZ قصدك فريق الوحدة ما هيك _ اي فعلاً كان هداك الموسم جميل جداً و بتذكر في مباراة الكرامة و الوحدة ب حمص انتهت 1-1 , كان وقتها اياد مندو بيلعب مع الوحدة وسجل هدف من كرة مرفوعة من ماهر السيد من ضربة حرة , اي بتذكر كمان هدا الموسم كان جدا جدا حلو , , كان الوحدة قوي , هدا الموسم كان من اقوى المواسم , الوحدة اخد الدوري بفرق نقطتين عن الكرامة , احلى سنين الدوري السوري كانت من 2002 ل 2010 فيك تقول صار بهي الفترة عنا شبه احتراف , الوحدة كان عندهم تراوري كان لاعب خيالي الوحدة كان جماله ب جمهوره , اما القاب فكان الوحدة جداً مظلوم وماكان عنده انجازات محلية , لسبب مهم انه هو فريق بالعاصمة والشام فيها , فرق الوحدة والمجد والجيش و الشرطة وبالتالي صعب تبني فريق قوي , لانه في اندية منافسة الك ب المدينة نفسها ممكن تكتشف اللاعب و تاخدوا الجيش بسوريا معه الدوري 11 مرة ومرتين وصيف الكرامة 8 مرات دوري و 11 مرة وصيف الاتحاد 6 دوري و 6 مرات وصيف طبعاً استثنيت سنوات الحرب لانه ما كان في مقومات لاقامة المباريات
معلم خانتك الذاكرة ..وقت اخد الوحدة الدوري 2003-2004 كان السنة هي اول سنة للخانكان بعد ماكان موسم 2001-2002 و 2002-2003 موسم تحضيري للكرامة مع عبد الحفيظ عرب وكانت نتائجنا بالطبيعي غير مرضية بعد موسم 2000-2001 مع القويض وطلعنا تاني .. المهم ب 2003-2004 كان الخانكان وكنا غير مرشحين وتعادلنا اول لعبة مع الوحدة بالعباسيين 0-0 وكان الكرامة لابس اصفر كامل وكنا الافضل ..بالاياب وبعد مانحصرت المنافسة بينا وبين الوحدة ونعرف المنافسين كان الوحدة باحسن ايامو لعبنا معو بقمة بحمص وكان يوم تلاتا مابعرف ليش مشان المنتخب وكانت غير منقولة وفازو علينا 1-0 بتوقيع السيد والكول موجود عالنت واخدو الدوري ..موسم 2004-2005 كان الفريق لساتو مع الخانكان وفعلا لعبنا الذهاب بحمص واكلنا التعادل من المندو اخر دقيقة وكان رمضان وخسرنا بالاياب 3-1 سجل هدفنا العمير وهي السنة اخدا الاتحاد بعد مافازنا بحمص 2-1 المباراة يلي حكيت عليها وتعادلنا 1-1 بالاياب مع ضياع فرص غريبة واضاعة جزاء من العمير وطلعنا مع المجد بنصف النهائي الكاس بمبارة مجنونة وهون استقال الخانكان ... منجي على 2005-2006 موسم الانتصارات بلش عبد النافع حموية اول كم مباراة بنتائج متذبذبة لاجت اخر فرصى اله مباراة الوحدة بالذهاب بحمص وكمان كان رمضان وسجلنا اول عبر المعلول من جزاء وعادلنا وليد الشرف بحرة مباشرة واستقال الحموية واجا القويض وسلخنا الوحدة بالاياب بنص الشام 2-1 وكان صرلنا دهر مافزنا عالوحدة بالشام ...والباقي كلنا منعرفو اخد الدوري اربع سنين ورى بعض وكان هون الفريق اكتمل نضوجو وخبرنو والفضل للمؤسس عبد الحفيظ عرب وكمل الخانكان واجا القويض حط خبرتو ..كرماوي للعضم
عشاق حلب الأهلي - نادي الإتحاد الحلبي اخي اول شي يعطيك العافية ع كل شي بس لو تصغر الإعلان وتحطو بشكل صغير وناعم بيكون ازبط وبتمنى انك تتقبل مروري وشكرا ع كل شي 😙