يا حضرات المستمعين بلاش رغي... ده مش برنامج سلامات ودعوات... ده برنامج اسئله فقط . خفضوا التلفزيون وتكلمو من التلفون . وبلاش كثر كلام ... زي الست اللي بترغي تقول الو... يقول لها تفضلي يا فندم. و ما تتفضلش ولا تقول السؤال. تقول له السلام عليكم . يقول لها وعليكم السلام ورحمه الله وبركاته ، برضه ما تقولش السؤال ، تقول ازاي حضرتك يا دكتور ؟ . هو كل من هيتصل حيقول ازاي حضرتك يا دكتور ويخلص البرنامج بكتر الرغي؟ وبرضه ما تسالش السؤال، يقول لها الله يسترك، تقول له جزاك الله كل خير وماتقولش السؤال. يقول لها اللهم امين واياكم . وما تسألش السؤال، تقول له ربنا يشفيك ويعافيك يا رب وما تسالش السؤال...... يقول لها امين يا حبيبتي. و ما تسالش السؤال ... ايه ده؟ ايه العجن ده كله؟ علشان السؤال في برنامج فيه الف متصل، ومليون مستمع عايزين يتعلموا ويستفيدوا مش يسمعوا سلامات ودعاءات وتحيات واطراءات وتمنيات ومجاملات . وبرضه ما تخشش في السؤال تقول بعد اذن حضرتك فيه سؤال. ما الكل عارف فيه سؤال. امال انت على الخط ليه؟ بتضيعي وقت البرنامج وقت الضيف ووقت الدكتور و وقت المستمعين ليه؟ كل متصل يوطي التلفزيون او يتكلم من اوضه ثانيه ويسال السؤال زي اول متصل ، يخش في السؤال على طول، وما يضيعش وقت الناس والدكتور والاعداد والتصوير وكل الموظفين اللي همهم يعرضوا اسئله واجوبه... مش سلامات وتحيات وتمنيات ودعاءات ومجاملات ومداخلات و و و و.
بسم الله الرحمن الرحيم اللهم صل وسلم على سيدنا محمد وعلى ال سيدنا محمد كما صليت على سيدنا ابراهيم وعلى ال سيدنا ابراهيم وبارك على سيدنا محمد وعلى ال سيدنا محمد كما باركت على سيدنا ابراهيم وعلى ال سيدنا ابراهيم في العالمين اجمعين انك حميد مجيد عدد خلقك وزنة عرشك ورضاء نفسك ومداد كلماتك
