اتعودنا كل سنه أن النجم محمد رمضان بيشارك بمسلسل في الموسم الرمضاني
وطبعا كلكم عارفين قد اي مسلسلاته بتنجح في الوطن العربي كله
وخصوصا بقي لو مسلسل لمحمد رمضان مع المخرج محمد سامي اللي عمله انجح مسلسلات في حياته
زي طبعا الاسطوره والبرنس وجعفر العمده واللي كسر الدنيا
والمسلسل فضل ناجح وجوائز هنا وهنا وتكريمات
وعشان كدا قررو انهم يعملوا منه جزء تاني واعلنوا علي جزء تاني وكان المفروض هيتعرض في 2024 اللي فات لكن طلع محمد رمضان وأعلن أنه مش هيشارك في دراما رمضان 2024 وقالوا خلاص رمضان اكيد هيشارك في 2025
عشان يطلع محمد رمضان خلال الساعات اللي فاتت ويصدم كل الجمهور بمنشور نزله علي حسابه علي فيس بوك وقال فيه
رسميا غيابي عن رمضان 2025 وكان باين اووي أنه حزين علي القرار دا
عشان الكل يقول إن السبب محمد سامي ومسلسل جعفر العمده ودا لان رمضان والأبطال عاوزين جزء تاني من جعفر العمده ومحمد سامي مش عاوز وأجلوا السنة اللي فاتت عشان يكتب براحته هوب سامي قال لا مش نافع ومش هينجح بعد ما كتب ١٨ حلقة وكانوا متوقعين رمضان يضغط على سامي ويخلص الموضوع راح وقف في صف سامي وقال لا مش هعمل جعفر لكن لحد دلوقتي محدش عارف السبب الحقيقي وراء ابتعاد رمضان علي الموسم الرمضاني سنتين ورا بعض
والكل بيقول دا اكيد في خلاف بين محمد رمضان ومحمد سامي خصوصا أن محمد سامي عمل مسلسل نعمة الافوكاتو ومعملش جعفر العمده الجزء التاني
وان اكيد في خلاف بينهم خلي سامي ميخرجش لرمضان مره تانيه لكن محدش بين ايه هو سر الخلاف دا
هتسالني وتقولي طيب رمضان مبشتغلش مع مخرج تاني ليه
هقولك عشان رمضان مبينجحش غير مع محمد سامي واكبر دليل علي كدا مسلسل المشوار اللي عمله مع دينا الشربيني واللي مكنش من إخراج محمد سامي وفشل فشل ذريع
#محمد_رمضان
#محمد_سامي
#جعفر_العمده
#دراما #مسلسلات_رمضان #مسلسل #سينما #غياب
#extra_show
#اكسترا_شو
#نجوم_الفن
#الفن
18 июн 2024
