متنزلش دروس تاني قبل ماتسمع الفيديو ده !! - قرارت الوزاره الجديده!! 

#طالب_ثانويه_عامه ؟؟!!🤌🤌 متنزلش دروس تاااااااااني قبل ماتسمع وتفهم الفيديو ده..!!! مهم جدااا 👍👍 شرح تفصيلي لكل اللي اتقال بخصوص الثانويه العامه الجديده.. ايه المواد اللي موجوده ل ال ٣ صفوف.. وايه المواد اللي اتلغت او مش هتضاف للمجموع..!! لو حابب تفهم الموضوع كله.. ياريت تسمع الفيديو ده كامل.. ...... #ثانويةعامة #مؤتمر #الجيولوجيا #الفرنساوي #حذف #انجليزي #دروس #اونلاين

الكلام عن المدرسين هيشتغلوا ايه وكدا انا كمان زعلت اوي بس جماعة ربنا كتبلهم باب رزق تاني واحنا عمرنا ما هنكون احن عليهم من ربنا سبحانة وتعالى ( وما من دابة في الأرض إلا على الله رزقها) والخيرة فيما اختاره الله فسيبوا الامر لله ❤

وبعدين هو فين العلم ده الطالب بيخلص السنه من هنا وبيخرج مش فاهم حاجه ولا فاكر هو مجرد عايز ينجح وغير ان الامتحانات بتتسرب فمتحسسناش ان قلبك علي العلم هو انتو قلبكوا علي الفلوس وازاي تجمعوا اكبر قدر من الفلوس علشان لو قلبكوا علي العلم مكنش الحصه الواحده تبقي بالاسعار دي يا جماعه. ارحمونا واتقوا الله

وفي السماء رزقكم وما توعدون 😊

انا ازهر بس قرار زى العسل وحسبى الله ونعم الوكيل فى المدرسين اللى مش بيشرحوا بضمير وفى السناتر يشرحوا بضمير حرام والله الفلوس اللى اولاء الامور بتصرفها على الدروس حسبنا الله ونعم الوكيل 😢

الوزير ده محترم وكلامه منطقى جدا وخلال اربع سنين بالضبط تعليم مصر هيبقا زى اوروبا

المدرسين زعلانين على أكل عيشهم اللي بياخدوه من قوت الأهالي الشقيانة زعلانين إن الوزير حس بالأهالي وخفف عنهم وعن الطلبة لكن ازاي ادعي وحسبن واشتكي الوزير علشان يزود المناهج علشان المستر يبني العمارة ويركب العربية آخر موديل انت مش يا حبيبي انت وهو عندكم وظيفة بتأكلكم عيش ولا انت لازم تاكل من قوت الاهالي الغلابة عايز تحسن دخلك شوفلك وظيفة تانية مش سناتر وتجارة وشغالين بالساعة وفتحنا باب الحجز ولازم نحجز من شهر ٦ ونبدأ في شهر ٨ والدراسة أصلا في شهر ١٠ واللي يتأخر مالوش مكان بتاجروا بينا وبأولادنا ده انتوا قرفتونا ودينتونا يسلم الوزير الله يباركله ويخفف عنه زي ما خفف عننا وعن أولادنا

القرارات دي في صالح الطلاب وأولياء الأمور لكن مش فصالح المدرسين الطلاب اتشال من عليهم مدتين ولاهيتذاكرو ولاهيدفعو فيهم فلوس

المدرسين محروق دمهم عشان الدخل الي بالملايين ما يهمهم مصلحه الطالب وده واضح جداً

قرار مناسب للطلاب بس المدرسين مش عاجبهم لانهم معتمدين على الدروس اللي خربو بيها بيوتنا حسبنا الله ونعم الوكيل

دى بجاحة بجد والله ....ربنا يريح الناس من مافيا التعليم

طب ياجماعه محتاجه رد طب انا دلوقتي دفعه 2024 وامتحنت اللغه التانيه والفيزياء بس لظروف خاصه ومأجله انا دلوقتي مش هاخد الدرجات اعملو لايك عشان الاستاذ يشوفو

هوا بأي منطق الدراسة تبدأ شهر 10 والدروس تبدأ من شهر 7 ، 8 أساسا

القرار في صالح الطلاب ربنا يكرم الوزير

الغلط في الدروس الخصوصية ولازم تتلغي لأن المدرسين مش بيشرحوا بضمير علشان نطر ناخد دروس

اتقوا الله في ناس مش لاقيه تاكل وعندها ثقه في الله أن ربنا مش هايضيعها وهايرزقها وانتوا عشان الدروس اتلغت وده الصح قاعدين تندبوا ارحموا من في الارض يرحمكم من في السماء

اول وزير يجنن حيتان الدروس

اخيرا حسيتو بلخوف اللى اولياء الامور كانو بيحسو بيه كل اول شهر عند دفع فلوس الدروس وكل بيت فى مصر بيحصل فيه خناقه وزعل بين الاب والام بسبب فلوس الدروس والله العظيم فلوس الدروس دى ضغط على الاسره عشان هى اكتر من اللى بيتصرف على الاسره كلها من اكل ولبس وعلاج ونور ومياه وكهرباء

طيب ومادة الدين مازعلتوش ليه .لاننا بنحب المصالح

ارحموا الاهالي حرام عليكم استنزفتوا جيوب الشعب

يا استاذ هو بيديك تاريخ عشان تعرف حاجه شويه عن تاريخ بلدك متبقاش مهمش وبيديك احصاء في ادبي عشان تشغل دماغك شويه مش تبقى قاعد تحفظ بس والاحياء اي حد بيدرسها بيعرف انه ها يعيد منهج اولى وتانيه لانها ماده تراكميه فا عادي اخليها اخر السنه

انا مع حضرتك وفى نفس الوقت ضد لانى كطالب كان عندى حشو كتير اوى فى المناهج انا كدا الى حد كبير مستفيد انا واهلى الحمد لله ،بس موافق حضرتك فى فكره المدرسين الى مره واحده اتفقل مصدر رزقهم وفى ناس دا مصدرهم الوحيد ربنا يتولاهم يارب ويرزقهم من حيث لا يحتسبون ويصبرهم على هذه الشده يارب

افضل قرار في تاريخ التعليم في مصر الغاء اللغة الثانية والجيولوجية

دا أحسن وزير تعليم مسك جزاه الله كل خير والرزق بتاع ربنا

ممكن باب رزق اتقفل اه لكن مش اخر الدنيا يمكن ليكم باب رزق هنا عاليوتيوب وتساعدوا ان الدروس الخصوصية واستنزاف ولي الامر ماديا ينتهي ويبدأ عصر انساني جديد يساعد الطلاب بجد اسعي يا عبد وانا اسعي معاك

يعمنا الكلام ده مش غلط بس حضرتك زعلان على زمايلك وانا بعذر حضرتك. بس ده في مصلحة الطالب طبعاً ب استثناء الحركة بتاعة الإحصا اما موضوع الجيو في هي فعلاً مادة لاتستحق اهمية انها تبقى زي الفيزياء والكيماء خالص تعديل. انا مقدر أن طريقة الإلغاء وحشة وتطلع من طابونة عيش مش وزارة ومقدر زعل المدرسين و مش عارف اقول اي في الموضوع ده غير وفي السماء رزقكم وما توعدون ويا صاحبي لو انت مش مدرس اتعلم من الموضوع ده ان ميكونش ليك مصدر دخل وحيد محدش ضامن حاجة في البلد دي .

دي احسن حاجا عملها الوزير للطالب كدا معانا وقط ❤❤❤❤❤

قرار سيادة الوزير اثلج صدورنا والله كل الدول مفيش شغل الدروس ولا تجارة الدروس وسلب ونهب الاهالي وخصوصا في المراجعات دول الخليج اللي كانوا على الله حكايتهم طوروا نظام التعليم وبقى مسارات يعني تمام نفس القرار الوزاري ولا شفنا عندهم سناتر ومن نصف شهر ٧ غير المذكرات والكتب الخارجية وقضم ظهر للاب انا من الناس على أيامنا الدرس كنا بناخد مواد اساسية ممكن درس او اتنين فقط وبيكون مراجعة ولا شفنا دروس الا اذا كان طالب ضعيف ويحتاج مساعدة مش بالطريقة دي لغينا المدارس وفتحنا سناتر وطلاب كليات علوم وتجارة بيدرسوا مش فاهمة ليه الصياح !!!!

ريح نفسك انت بس و ملكش دعوه احنا حبين كدا

احيي الوزير و كل العاملين بالوزارة علي اتخاذ هذه القرارات الحكيمة

قرار حكيم جدا هيخفف كتير جدا عن اولياء الامور اللى دمهم اتصفى فى الدروس الخصوصيه

متبصش لمصلحتكم بس يا مستر الراجل ده فاهم و يشكل على اللى هو بيعمله بس احنا كمصريين نحب الفتي

الوزاره حسه بالناس بيخفض المواد علشان المدرسين مبيرحموش

انا فرحان فى الناس اللى بتبدأ بدرى عشان بيطفحوا اهلينا الكوته وربنا بيحاسبهم على عملوه واللى مبدأش بدرى ممكن ميكسبش بس مش هيخسر تمن المذكرات

متخافش يابو ضياء.الرزق علي الله.

كتر خير الوزير والله قرار جيد جدا

قرارات الوزير في صالح الأسرة والطالب او مرة وزير يصدر قرارات في صالح المواطن

ياسيدي النظام كده افضل مليون مره ويراعي التخصص في السنة الثالثة وخفف المواد اللى ملهاش لازمه انا ليه ادرس مادتين اجنبيتين ايه المفيد يعني في كده الفكرة بس في التوقيت كان مفروض يعملوا ده بدري شهر علشان منشتريش الكتب لكن هما دايما كده متأخرين واكيد بردوا لهم سبوبة في الكتب الخارجية

تحياتي لكل مدرسين الي اتلغت بس لازم تخفيف علي طلاب من مناهج التعليم تقيله و بعدين اي لغه ينفع نتعلمها من كورسات و لازم نتطور في تعليم و اكرر ربنا يرزق جميع

الوزير ده محترم فعلا وناوى يصلح التعليم

النشرة وصلت لمدرستنا وقالوا تاريخ حيوى مزيج من علم النبات وعلم الحيوان والجيولوجيا و طالب أدبى بيدخل تجارة ولازم يكون عنده خلفية عن الرياضة حتى ولو احصاء مادة سهلة وبسيطة

1- ما مصير الطلاب اللى ماجلين مواد من هذا القرار ؟ 2-مامصير الطلاب الذين امتحنو فرنساوي واجلو جيلوجيا او العكس من هذا القرار؟ 3- هل سيوجد نظام قديم يقدر من ٤١٠ ونظام حديث يقدر من ٣٢٠ ؟ 4- كيف سيتم تنسيق الجامعات في العام ٢٠٢٥ في وجود نظامين تعليميين ؟ 5-كيف يتم دراسه مادتي الكمياء والفيزياء هل سيكونو كالاعوام الماضيه ام سيحدث تغيرات ف المناهج وخصوصا بعد مااطلق الوزير علي المادتين اسم العلوم التطبيقيه ؟ 6- هل اسم العلوم التطبيقه الذي اطلق علي مادتي الكمياء والفيزياء سيجعلهما ف امتحان اخر السنه ف ورقه امتحان واحد اما لاء؟ افيدوني انا ضايع والله العظيم 😢😢😢

والله انت مستر كويس ومبيهمك حاجة وقلت كلمة حق وربنا يباركلك والله انت انسان بمعني الكلمة من طيبة ورحمة وكلمة حق وحاجات تانية بقا.#احلي_مستر_محمد_ضياء

تعديلات حلوة للتخفيف للطالب هيبقي فيه تخفيف مفيش فرنساوي ولا جولوجيا ولا استاتيكا ولا ميكانيكا من المجموع

طب وبالنسبه لاولياء الامور الي بيطفحو الدم علي عيالهم عشان يدو عيالهم دروس هو اصلا مش الطبيعي اننا ناخد دروس الطبيعي ان المدرسين يبقي عندهم ضمير ويشرحو في الفصول دا تخفيف لاولياء الامور الي ممكن مياكلوش حرفيا دا بيحصل عشان يوفرو فلوس الدروس ارحمونا شويه وبيعو شقه من الشقق الي جبتوها بفلوسنا واعملولكم مشروع

يا ريت تبطلوا استفزاز فينا بقا لحد كدا و تفكر فى الكلمه قبل ما تطلع من بوقك انت كنت حاسس بالخوف علشان ملين هتروح منك غيرك بيخاف من الديون ال عليه كأب مش عاوز يزعل ابنه ويحسسه بالنقص ويوديه دروس زى اصحابه

انتم بتمصو دم الناس فى الدروس الخصوصية وتحللوها

فى جميع الدول المحترمة لا تعليم الا داخل المدرسة و جميع القائمين عليه مؤهلين.الا فى مصر التعليم فى السناتر و جميع القائمين عليه غير مؤهلين...المترجم بقى مدرس لغات. الطبيب مدرس بيولوجي. المهندس مدرس رياضيات......الخ

اولا الاحصاء داخله في كل المناهج حتى في كليات التربيه هو لازم الطالب يكون عنده ٢٠ماده عشان تستريح احسن شىء الوزير عمله عشان يقضي على الدروس الخصوصيه وجشع المدرسيين

حضرتك كل واحد أدري بشغله والمدرسين هما إلي مستعجلين وطبعوا مذكرات وبدأوا المنهج بدري الدراسه لسه هتبدأ أول شهر ٩ وأهم حاجه مصلحة الطالب وإحنا كطلاب القرار دا ممتاز ويصب في مصلحتنا وانا مشفق علي المدرسين إلي المواد بتاعتهم إتلغت بس كفايا عليهم كدا والملايين إلي خدوها من ورا الطلبه والأرزاق بتاعة ربنا .

والله مخرب التعليم وعطله غير المدرسين اللي زيك مدرسين السبوبة اللي بيمصوا دماء أولياء الأمور بتمصوها مص كل حاجة صح تخالف مصالحكم بتحاربوها في بداية النظام الجديد اللي هو بالمناسبة نظام نافع وجيد حاربتوا الدكتور طارق وأهنتوه وسفهتوه وشوهتوا صورته أدام الطلبة وأولياء الأمور لحد ما بقوا يلعنوا ف شخص بيطور من قدرات أولادهم ومستقبلهم تمردتوا عليه ولم تعينوه بمثقال ذرة . بالنسبة للنظام الجديد ي جماعة فكروا بعين العقل ولا تفكر بعقل المدرس اللي شغله الشاغل ازاي ينتش ٦٠ جنيه من جيبك كل حصة علي مدار ١٢ شهر دا غير الكتب والمذكرات مادة الجيولوجيا مادة لا يستفيد بيها طالب علمي علي الإطلاق بيدرسها ويطفح فيها الدم وف الآخر بتتبخر كأن شيئا لم يكن تعتبر من العلم الذي لا ينفع المادة الثانية الفرنساوي أسأل الناس اي فايدة الفرنساوي في الحياة ؟ اي فايدته بعد التخرج اي فايدته أثناء الدراسة في الجامعة ملهوش أي فائدة طب لي أوجه ليه وقت وجهد وفلوس؟ أصل مدرس السنتر مصاص دماء الناس بيته هيتخرب فنفضل احنا كدا نحرت ف مواد ملهاش اي لازمة عشان بيت سعادة مصاص الدماء م يتخربش ! من الآخر وزير التعليم دا ماشي بخطة عبقرية لقتل مصاص الدماء دا بشكل تدريجي مبدأيا٢٠٢٥ تم قتل مصاص الجيو والفرنساوي والأحياء جزئيا في أولى والكيمياء والفيزياء أيضا ٢٠٢٦ قتل مصاص الأحياء بنسبة ٦٧% وكذلك الكيمياء ٢٠٢٧ تمهيد لنقل الطلاب إلي المدرسة مرة أخري لذلك بيقول احنا محتاجين ٢٥٠ ألف فصل وطبعا لأن مفيش مصاص دماء هيعرف يدي المواد الجديدة لأن مخه مبرمج علي حاجة وحدة منفصلة وأظن والله أعلم انه هيعمل زي اختبار قدرات لمدرسين المواد لقياس مدى صلاحيتهم لتدريس هذه المواد في المدرسة واللي مش هيبقى مطابق هيتشاط ٢٠٢٨ إعادة هيكلة المنهج والمقررات الدراسة والمواد وهيخففها أكتر بحيث يكون ما يدرس هو ما يوافق الكليات المتوقع دخولها فقط وهذا أكبر نجاح يعمله انه يخلي ١٠٠% من وقت الطالب رايح علي مواد كلها تبع تخصصه فيما بعد ورجوع الطالب للمدرسة هيعدل التنسيق وهيخلق في الطالب روح الإبداع احنا زمان أيام مكنش في مصاصين دماء كنا بنمسك الكتب نلخصها احنا ونخترع أسئلة دلوقتي التلخيص بتشتريه والأسئلة بتشتريها والشرح بتشتريه وزير التعليم دا بقي عايز ينضفك ويوفر عليك فاستبشر خيرا ك ولي امر وك طالب ولا تستمع لمصاص الدماء اللي بيقول ايحائات بذيئة زيه What the fuck وأحا ياء وغيرها افهم وفكر ومتخليش مصاصين الدماء يضحكوا عليك لأن كل همهم مصلحتهم ودمك وبس

انا شايف اسلوبك مبالغ ومتكلمتش عن اي ايجابيات مع ان زي ما في سلبيات في ايجابيات كلها في صالح الطالب وتخفيف للضغوط اللي عليه ومركز اوي في المدرسين اللي تضرروا لم تخبرنا مطلقاً عن الطالب وهل التغييرات دي في صالح الطالب او لا كل همك الكلام على الفلوس اللي المدرسين معادوش هيكسبوها و على رأيك هتورزق ازاي بعد كده انما لا همك جودة تعليم ولا الطالب ولا الاهالي اللي هيشموا نفسهم شويه من كام درس وكام فلوس هيخلصوا منها ويرتاحوا وبالمناسبه دول اكثر بكثيييير من عدد المدرسين اللي عمال طول الفيديو تحزق وصدعتنا استظراف وصوت عالي عشانهم اخيراً بشكرك على الفيديو لاني فعلاً استفدت منه

{وكأين من دابة لا تحمل رزقها الله يرزقها وإياكم وهو السميع العليم ﴾

معلش يا جماعة انا عايز اسئل سؤال معلش يعني اي حد بيفهم يجاوبني و يقولي انا بتكلم صح و لا غلط ، دلوقتي مادة زي اللغة التانيه عشان الناس اللي بتدافع عن القرارات ، طيب دلوقتي مادة اللغة الاجنبية التانيه اتلغت حلو ، طيب هل مفيش حد فى اولادكم بيحب اللغات او بيحلم يخش كلية الالسن ، كلية الالسن اللي هى اصلا من كليات القمة فى ادبي بذمتكوا انتوا موافقين على كده كأولياء امور و طلبة ؟؟؟ ، موافقين ان يتم تهميش اللغة الاجنبية التانيه و هى كانت من اسهل المواد اللي الطلبة بتحبها و بتفرح بيها و بتلم معاهم درجات و تفرحهم ، و محدش يقولي انها موجوده بس مش هتضاف للمجموع ، بذمتكوا لما اللغة التانيه مش هتضاف للمجموع فى ولي امر او طالب هيهتم بيها اصلا !!

بس انا شايف ان التعليم دا ممكن يكون في تعديلات بسيطه بس انا شايف ان دا رحمه الاولياء الامور المدرسين بقوا بيموتوا ولي الامر

من لا يرحم لا يُرحم يا استاذنا

والله احسن قرار يسلم إلى نزله

خلي بالك ده. اختبار من ربنا للمدرسين ❤❤

يا ريت حضرتك توضح بردو جدول المواد المقرره ع تالته ثانوي 2024 ومأجلين ... عشان انا مأجله السنه كلها ودخلت المواد الغير مضافه بس ومش عارفه هدخل الفرنساوي والجيولوجؤا ولا لأ

محروق اوى الاستاذ السبوبة راحت ( تعليم ايه اللى عايزة فى الفصل يا حبيبى الحصة ب 200 جنيه وهتاخد حصتين فى الاسبوع ) ولو معكش مايلزمكش

ربنا ياجرهم في مصيبتهم ويبدلهم خيرا منها😢❤❤

احسن حاجة واحسن قرار اخدو وزير التعليم الحمد لله

يا عم انتى مدرس انجليزى يعنى مالكش دعوه بالحوار دا الإنجليزى متكرر فى الصفوف كلها يعنى تشوف شغلك و ربنا يصلح حالك وانتى تحمد ربنا انك مكنتش مدرس من مدرسين المواد اللى اتشالت و بعدين القرارات دى لصالح الطلبه مش لصالح المدرسين زى ما كذا واحد قالك

طيب طبعا انا مقدر خسارة مدرسين مواد معينة ..لكن بما اني كنت ثانوية عامة عام 98 فالأصل كان وجود اقتصاد واحصاء على العلمي رياضة والأدبي والاحصاء لا تقارن برياضيات 2 الخاصة بعلمي رياضة وكان طول عمر الاحصاء مادة مضمونة مجموع لطلاب الأدبي والطبيعي الغاء الأحياء في 3 لعلمي رياضة لأنه رياضة مش هيروح طب او صيدلة فيدرس احياء في علمي رياضة 3 ليه ؟!

يجمع انا عندي اقترح احناء نجيب مدرس الكيمياء و الفزياء و نضربهم فيه الخلط يتلعلن علوم متكاملة 😂

لغي الجولوجيا علشان بتتكلم عن الأرض علشان يعرف يبيعها 😂😂😂

الوزير طلع النهارده وقال ان الجيولوجيا اتلغت خاااالص اصلا مبقيتش موجوده حتي مش خارج المجموع بس!!!

على فكره الأرزاق دى على ربنا وكمان ده كويس لتخفيف على الأهالى بجد ايه ده الأب والام تعبانين طول السنه فى انهم يشتغلوا ويجيبوا الفلوس والكتب أنا عارفه كويس إن بكده اكيد هيعقد المواد التانيه بس يا جماعه إحنا نسيب كل حاجه على ربنا خلاص القرار نزل واتنفذ ومش هقدر نعمل حاجه توكلوا على الله واصبروا إن الله يحب الصابرين 🤲

في فكرة جديدة المدرس اللي بيدي دروس يقسم مع المدرس إللي اتلغت مادته😮 ايه رأيك يامستر و ارحموا أولياء الأمور 😢

عاوزين ناخد الدرجه الكامله للدور التاني احنا اتظلمنا حرام كدا مافيش فلوس للكليات الخاصه والمعاهد الخاصه ارحمونا يااارب هشتاج للدور التاني ثانويه عامه

القرارت في مصلحة الطلاب واولياء لأمور ودي اهم حاجه الي ضر بس هم المدرسين وربنا يكون في عونهم والرزق مكتوبلهم فا مينفعش نبوظ التعليم وكل حاجه عشان ننهب اولياء لأمور في الدروس الخصوصية المدرس دا اثبتلي انو بيدور علي مصلحت المدرس فقط مش مصلحة الطلاب لأنه لو فكر هيلاقي إن القرارات في مصلحة الطالب جدا

طب معلش يعني اي الي مزعلك انت لو حالتك ذي بقيت الشعب كنت عرفت قيمت الي اتعمل و بعدين القرار ده أفاد ناس اكتر من الي ضرهم ف ايه المشكله و غير كده في حلول للمدرسين بدل ما يقعدو في البيت مدرس الجيو ممكن يشتغل مدرس علوم هي مش هتجيب معاه ذي الاول بس كافيه انها تعيشه و زياده و مدرس الفرنساوي بما ان الدروس مش حاجه رسميه ممكن يدرس انجليزي ابتدائي و اعدادي هي اه مش ذي الفرنساوي بس دي حاجة ممكن يشتغل علي نفسه فيها و يدرسها و اهي قريبه من بعضها و مدرس علم النفس و الفلسفه شغال في سنه اولي و تانيه و هيعيش برضو و المفروض اصلا ميكونش في حاجه اسمها دروس معرفش اصلا هل فلوس المدرسين دي حلال ولا حرام لان المفروض ان يكون كل مدرس شغال في مدرسه يشتغل بضمير و مش هيكون فيه دروس خصوصية و مصاريف من الأهالي

يا عم ولاتزعل هات شوية فحم وكوزين درة وانت تطلع احلى مكسب سيبك بقى من الدروس

كلا يبكي على ليلاه

باب رزق اغلق و لكن الرزاق موجود سبحانه و تعالى

المدارس لسه هتبدا في شهر عشره مقالوش لحد ابدأ دروس في شهر 8 السنه الدراسيه لسه هتبدا بالنسبالهم في اخر 9

ياريت المدرسين يحسوا بقى بالناس اللي ملهاش مصدر رزق زيكم دلوقت ويرحموا الناس اللي احوالها زيكم كده دلوقت احوالهم اصعب من الصعب ومعهاش فلوس تدفع دم قلبها دروس بصراحة انا اتضامن مع الشعب المسكين اللي حاله قحط لا اتعاطف مع المدرسين لانهم كده كده هيعرفوا يدرسوا اي حاجة وهيعرفوا يمشوا حالهم الرك ع الفقير الشقيان اللي مش لاقي ياكل وبيدي دروس بفلوس الاكل والشرب بتاعة اولاده ياريت الناس يرحموا بعض ارحموا ترحموا ياترى انتوا رحمتم الناس لما كنتم شغالين وخفضتوا حتى على الطلبة المصاريف لجل خاطر اهاليهم اللي شغالة ليل مع نهار عشان تكفي اكل وشرب بس مش عارفة يمكن الازمة دي تخلي الناس تحس ببعص يمكن المدرس ده لما يلاقي نفسه هو مش عارف يدي أولاده دروس يحس بغيره لما بقى ف نفس مطرحه ويقول فين الرحمة اجيب منين دروس لكل ده

القرارات كويسه جدا يا فندم يعنئ ابني داخل علمي علوم ايه الفايده مثلا اني اخد جولوجيا وانا عاوز ادخل طب اعمل بيها ايه

اقسم ب الله رسالة مدرس الفرنساوى الى باخد عندوا كانت بتقطع القلب بذات انوا بحب يشرح ويتعامل مع الطلبه ولما قال انو مش هيستحمل نمشى مره واحد حاجا والله تبكى😢😢

ربنا يوفقك يارب ويرزقك وان شاءالله تلاقي شغل احسن من التدريس

بالله الكلام دا مش مهم بالنسبه ليا المهم اني شوفتك والحمد لله صوتك كويس ووجهك منور ماشاء الله انت حبيبنا هتدينا اون لاين امتا بقا لو بتحبنا وخايف علينا ادينا بسرعه 😢❤

مش عارف جاعد يهري في نفسة لية احنا عاجبني النظام الجديد 😂😂

اي العك دا ازاي يطلع حد منهم ويدخل طب وهو مش عارف اساسيات الاحياء وازاي بتوع رياضة هيدخلوا هندسة وهما ميعرفوش حاجة في التطبيقية ازاي تانية ثانوي علمي بيدرسوا تاريخ بدل الأحياء اقنعوني ازاي هو هيروح يدرس التشريح بسيف الدين قطز ازاي اللي داخلين اولي ثانوي يقعدوا سنتين بدون دراسة يعني اي احياء اي علاقة الاحصاء بالأدبي الجيولوجيا ممكن تكون مش مفيدة للبعض بس هي مفيدة للي هيدخل علوم بعد كدا المدرسين والمذكرات اللي اتطبعت واتوزعت ضيعت عليهم ملايين حرفيا مش كل المدرسين مليونات في مدرسين للجيولوجيا والفرنساوي وعلم النفس دا مصدر رزقهم دا كله كوم واللي حصل في دفعة ٢٠٢٤ كوم تاني ولا القاسمين وامتحنوا مادة من المواد اللي اتحذفت كدا تتحذف من مجموعهم ولا كأنهم قعدوا سنة كاملة يذاكروها ويراجعوا فيها لاحول ولا قوة الا بالله حسبي الله ونعم الوكيل😢

انا كانت كلمه خلص مصاريفك دى بتوجعنى اكتر من صعوبه الماده نفسها

الحمد لله علي القرار الجديد مين في تالتة ثانوي موافق علي قراري👈❤

البلد الوحيد في العالم معتمده علي الدروس ومدرسين معندهاش ضمير هدفهم جمع الفلوس وليس توصيل رساله

مع احترمى و ده رأى شخصيا الاحصاء علم احتمالات و لا يندرج تحت مسمى رياضيات مش علشان في ارقام كمان انا شايف و لا احجر على احد طبعا و كل واحد له نظرتة المختلفه هو خفف اعباء على الطالب و على ولى الامر بالاخص بالتقليل و الدمج انتم كمدرسين لازم تزعلو دلوقت لان بدل حضرتك ما كنت بتشتغل على دماغ الطالب ثلاث سنوات و جيب ولى الامر ايضا ثلاث سنوات اصبح بعضكم يشتغل سنه من الثلاثة و اخر بيشتغل سنتين و اخر ثلاث سنوات و بعدين فى العموم لا يجب علينا الاعتراض قبل ما نشوف شكل المناهج فعليا و طريقة التطبيق نظريا و فى الاخر كل اللى حصل عملية دمج و تباديل و توافيق يعنى( أحصاء) اللى حضرتك مش بتحبها شكرا ليك و اسف على الاطالة

كفايكم مشبعتوش انتم عاوزين التعليم خربان عشان تهلبو من جيوب الغلابة ان شاء الله لسة قوانين منع الدروس الخصوصية وسجن اي حد يدي دروس خارج ابمنظومة

اللهم صل وسلم على سيدنا محمد وعلى آله وصحبه أجمعين وسلم تسليما كثيرا طيبا مباركا فيه عدد خلقه ورضا نفسه وزنة عرشه ومداد كلماته وعدد ما غفل عنه الغافلون ❤

ي عم بتقول اي وفي السماء رزقكم وما توعدون الرزق ده حاجه بيد ربنا مش بيد وزير ولا نيله

لو سمحت ي مستر لو عند حضرتك معلومه رسميه او مؤكده عن طلبه 2024 اللي مأجلين السنه كلها اي مصيرهم وبعد اذنك رد عليا عشان انا مش عارفه اعمل اي

عارفين ايه المشكلة إنا كل واحد شايف ان القرار ده لمصلحة الاباء و الطلاب و إن المدرسين هم المستفدين من الموضوع بس الكل خسران

والله حتى العربي والإنجليزي المفروض يتلغوا في الثانوية العامة، وخاصة اللغة العربية بالنسبة لطلاب شبعتي علمي (علوم ورياضة). كلاهما بيدرسهم الطالب ما لا يقل عن ٨ سنين، يعني أصبح شبه خبير في اللغتين دول

باب رزق ايه دى قلة ضمير هى الدروس الخصوصية بقت باب رزق وبقى الشكوى علنى كده حسبى الله ونعم الوكيل

وزارة مش عارفة تمنع تسريب الامتحانات و لا الغش الجماعي و الطالب الخليل اللي يدفع بيشترى مجموع طالب متفوق و بقي ذاكر تنجح غش تجيب مجموع ...حسبي الله و نعم الوكيل ...

الارزاق بيد الله

يا استاذ ممكن دة يكون في صالحك. انك تشوف بلد تانية تسافر ليها. الموضوع صعب بس عشان تاخد قرار زي دة كان لازم حاجة كبيرة تحصل . أنا بتمني الاقي دافع كبير زي دة عشان اخلص من العيشة في البلد المفرغة دي

الله الله الله 😊

القرارات ضربة موجعة لأباطرة الدروس الخصوصية 🎊 🎉

‏هو اساسا الحاجات اللي بدرسوها دي ما بيخش في الحياة ولا بتت طبق في الشغل طبيعي ملهاش لازمة وهو كده خفف على الطلاب المشكلة في المدرس انه قفل الباب الرزق اللي فاتح به بيته مفروض يشوفه حل للمدرس