التأمين، حلوله، تشريعاته، اللوائح التنظيمية، مجلس الضمان الصحي، هيئة التأمين، وأخيراً شركات التأمين (بوبا، التعاونية، تكافل الراجحي) والكثير من الذي أصبح يشغلني مؤخراً وجدته هنا! حلقة مثرية يتخللها الكثير من التفاؤل الواعد بمستقبل أكثر وضوحاً وأقل تعقيداً. الضيف ريادي سعودي مميز، وخبرة عملية طويلة، حقيقة حلقة تستحق الاستماع لها كعادة ضيوف سقراط دوماً
هيئة التأمين مالها كم شهر ناشئة القصبي الان كمل سنتين بقطاع التأمين, المذيع الشاطر هو اللي يبين الاخطاء وعلى فكرة اي احد من الهيئة هم رقابة على شركات التأمين يعني راح يلمع نفس الكلام
أنا من الناس الي اومن بأهمية التامين وبدات اومن من عام ١٩٩٠ علي سيارتي . الان اصبح توقع سعر التامين علي المركبة معادلة صحبة وغير مفهومة. ولكن زيادة اسعار التامين حقيقة ملموسة وصراحة فقد الضيف مصداقيته عند إنكارها. ثانيا اين تامين الحيوانات الي اتكلم عنه .. أنا اضطرّ الي اللجوء لي شركات دولية للتامين علي حيوان مثل الخيل او او .. وهو سوق كبير
هدف برنامج بودكاست سقراط هو توثيق مراحل الرؤية ولكن اذا الضيف صار يبرر ولايذكر التغيرات الي سواها ولايذكر الاهداف المستقبلية بكل مصداقية ، فالافضل غير هدف برنامج سقراط من توثيق الى سوالف عن الرؤية
انا اقترح الموافقات الطبيه ترسل لهيئة التامين مباشرة وهي التي توافق او ترفض وترسل صوره لشركات التامين ،وليس ترسل الى شركات التامين لان شركات التامين تحرص على الربحيه والخساره من خلال الموافقات ويكون هناك دكاتره موحدين في الهيئه بدلا من يكون لشركات التامين دكاتره كل يفتي حسب منظوره
اعاني الرفض المتكرر لطلبات كبار الاطباء الاستشاريين اللي اراجعهم من التعاونية للتأمين بشكل متكرر بدون مبرر مقنع تخيل الاستشاري المشخص للحالة بشكل مباشر يطلب اجراء طبي او يعطي وصفة في الاخير التعاونية للتأمين يرفض عجييب اجل وش فايدة التأمين
حلقة ممتازه محاور في الصميم تتكلم بلسان المستمع + رئيس تنفذي كفو نقل الشركة نقله نوعية خصوصا في تأمين السيارات نقلها الى عالم اخر من تنوع الخدمات وتفردها الى اليوم مافيه شركة تأمين تقدم نص خدمات التعاونيه في السيارات
عمر الجريسي في هذا اللقاء لم توفق مداخلتك كثير والضيف للاسف لم اخذ راحته في الشرح . تقاطع كثير وليست عادتك في الحورات السابقة. عموما حلقة ثريه ومعلومات قيمه شكرا لكم
للأسف إذا تأميني صار على التعاونية أتعطل كثير في المستشفيات بعكس بوبا ! بوبا تأخذ الموافقة مباشرة للخدمة اللي كنت اطلبها نفسها بالضبط من التعاونية و يُرفض الطلب أو احتاج ابرر الطلب اكثر من مرة
اذا يجي الموضوع عند ارقام تنعكس على شركة التأمين سلبياً ، دائماً يكون الرد ( ما يحضرني الرقم الحين ) بالنسبه لنسبة الرفض من ال ٣٠ الف طلب موافقه يومياً
يارجاااااااااال التامين ضد الغير جالس يرتفع بشكل غير مبرر ويوم ذكر له المثال قال هذا حالة فردية وصرفها بارقام عشوائية بدون اساس احصائي واضح وضيع السؤال😂
ربما يكون الدكتور عثمان القصيبي مدير تنفيذي ممتاز ولكن اتى للتعاونية وهي مستقرة منذ عشرات السنين لا اعتقد انه واجه تحديات القطاع وأعتقد لايملك الخبرة الكافية للإجابة على جميع الأسئلة التي تخص القطاع ولهذا أجوبته كانت عامة. القطاع مليئ بالتحديات والأزمات و لكن بفضل جهود الدولة و تأسيس هيئة التأمين مؤخراً بدت تتحسن أمور هذا القطاع ولكن لن يستطيع ان يجيب على على هذه الاسئلة بشكل واضح إلا من شخص لديه خبرة قديمة في شركات التأمين و على دراية بأزماتها او المدير التنفيذي لهيئة التامين المهندس ناجي التميمي
للاسف هو يحول اي سؤال عن مشكله موجوده لتسويق لمنتجاته، كلام مليء بالتنظير مجرد محاولة تحويل الخدمه اللي يقدمها بفلوس الى مساعده مجانيه في عقل المستهلك 🤷🏻♂️
التامين الطبي دائماً بارتفاع ولن يتوقف لانه نظام التامين مبني بالطريقه لاتسمح له بالانخفاض ويبقى بازدياد بشكل مستمر وللمعلومية التامين الطبي ارتفع الى 3 اضعاف خلال فتره وجيزة لذلك يلزم وجود حلول نوعيه ومختلفه من خارج الصندوق لتعالج هذه المشاكل
سعر التأمين الطبي تتحكم فيه عوامل كثير، ولو خرجنا من العوامل الشخصية للفرد كالعمر والجنس وغيره نفس الشخص ممكن يرتفع سعره بتأثير التضخم اللي يرفع اسعار الخدمات المقدمة من المستشفيات وغيره
الكلام شي والواقع شي اخر تتصل عليهم مافيه احد يرد تتواصل معهم بالواتس اب مافيه رد تقدم على الوثيقة في الموقع تظهر رسالة خطأ للاسف لازالت شركات التأمين فاشلة ولا فيه اي تطور
اشكر ثمانيه على حلقة التامين، لكن اللي استضفتوه يتكلم كانه مجلد منشور ماوضح ولا جاوب لنا سبب غلاء التامين مثلا تامين السيارة يزيد لكل سنة بدون سبب منطقي! لحد الان يتكلم بسياسات داخلية بينهم ماشوفها على ارض الواقع وكل كلامة مزخرف👎🏻
بالعكس شرح بشكل واضح كيف ان التسعير يتأثر بعوامل كثير، منها شخصية (كعمر الشخص وتاريخه في القيادة) وخاصه بالمركبة (كنوعها) وهذا بشكل عام. فحتى لو كان سلوكك ممتاز ولم تقم بحوادث لكن سيارتك مثلا صينيه وتوافر القطع قليل وسعرها يتضخم أكيد راح يرتفع عليك التأمين، حاله حال اي سوق يتأثر بالتضخم
كلام في كلام ... اللي راح يحل هذي المشكلة هو ان تحدد الدولة دخل شركة التامين السنوي بناءا على عدد المشتركين حتى تضمن ربحهم وتضمن استمراريتهم ومن جهه اخرى تقلل من رفضهم الغير مبرر في احيان كثير والذي يجعل المريض عاجز عن حصوله على الخدمه التي من اجلها اشترك بالتامين وايضا يختصر على الاطباء والمنشات الكثير من ضياع الوقت والجهد في اعادة كتابة وتفصيل التقارير الغير منطقي !!! في كثير من الاحيان يكون الطبيب الذي يرفض او يوافق على الطلب لديه معرفه سطحيه بالمرض ويتخذ قرارات في الغالب تكون لصالح شركة التامين وليس المريض او المستشفى ... العمليه تجاريه بحته وكثير من الكلام اللي سمعته هو فقط نظري مطروح بطريقة شبه مثاليه ... وحكاية انه السوق لايحتاج الا لشركتين او ثلاث حتى تنجح فهذا هو مبدأ الاحتكار بطريقة تقليل الخيارات لدى المستفيدين ... الناس ليسوا حمقى !
ليتك سألته عن استثمارات الشركة، كنا نأمل نسمع لو القليل ؟ أيضاً سؤاله عن السبب في قلة التوظيف في الشركة، خصوصاً أصحاب المؤهلات بكالوريوس تأمين وشهادات مهنية!؟ أنا وكثير من زملاءي قدمنا عليهم وللأسف ماوجدنا تواصل لا وظائف مبيعات ولا مطالبات ولا إدارة حسابات.. ما أدري فريق التوظيف في التعاونية ضعيف؟ أو هذي استراتيجية من إدارة الشركة؟ التعاونية الآن قريبة من ٢٠ مليار أقساط تأمين وحجم أعمالها ضخم وفي نمو متسارع جداً والشركة تحتاج توظيف المزيد من أصحاب الكفاءة.
السبب الادارة العليا مأكله الأخضر واليابس من رواتب وتحفيزات وترقيات ومكافآت وبونصات والطبقة السفلى مالهم إلا الفتات. وعندهم نظام تقييم سنوي للموظفين زي وجيهم
حلقة غير شفافة 🫥 هناك لف ودوران واحتيال على الجيب المواطن والمقيم سرقة محترمة مدري يشعرون انهم ماكلين حرام 😅استغفر الله العظيم والله 😂حلقة متدري هي تضحك او تغبن😂ناس غريبة
وش فايدة تأمين شامل للمركبه وبعد الحادث البنك يطالب المستأجر بمبالغ بحجه انه التأمين لم يعطي البنك مبلغ التعويض للمركبه علما اني دافع دفعه أولى ٦الاف والمركبه معي لفتره ١٤ شهر الأولى ؟!
يعتمد على نوع وثيقتك والشروط اللي فيها مع شركة التأمين. كثير من وثائق التأمين الشامل للمركبات فيها حد يسمى بالخصم التأميني، ما قبل هذا المبلغ انت مسؤول عن دفعه وما يتعداه شركة التأمين مسؤوله عن مبلغ الخساره ناقص هذا المبلغ. لو تبغى وثيقة بدون هذا الخصم لازم تدفع مبلغ زيادة لتحمل هذا الخطر
معليش بس سوال لمدير او اصحاب الشركات هاذي انا امن سيارتي لمدة ٧ سنوات ورا بعض ٦٥٠-١٢٠٠ الاسعار وما استفدت اي شي لني م اسوي اي حادث او جاني حتى السوال هنا ليش م يرجع لنا ٥٠% او السنه اللي بعدها مجانا !! استغلال
طيب اذا كان العمل معقد ماهي الخطوات لتوضيحه وتصليحه ..لماذا لا يكون هناك اجتماع سنوي فقط لتصليح الوضع وتقليل العيوب ..مع الجهات المعنيه .ودراسه النقاط التي تشكل اختلاف وعدم وضوح .. والمستشفيات تتفق مع الأطباء علي طريقه واضحه مع أصحاب التأمين..لتحديد كل الخطوات الواضحه مع المريض وعدم تعطيله ..
25:10 طيب هالامر مايمنع توظيف اصحاب الاحتياجات الخاصة ويساهم بزيادة العطالة ؟ بعد مشاهدة كامل الحلقة ما الوم البريطانيين بالتشريعات الي وضعوها للحفاظ على الخصوصية انا اشوف انه تدخل واستعباد يعني ايش دخلهم انام بدري او لا وكيف راح يتأكدون ؟ بالتأكيد بيكون اختراق صارخ للخصوصية !! الله يعز ابل الي حدت من خاصية التتبع بالتطبيقات ، ايش دخلهم امارس رياضة او لا !! امور كثيرة قالها للأمانة سلبية ، احد الفتيات نشرت قصتها بتويتر(x) كان عندها مشكلة بالدم تركت وظيفتها عشان جاها عرض من شركة ثانية وقالوا لها تعالي ماعليك لما جت طلع تأمينها عالي ورفضت الشركة توظفها بسبب مبلغ التأمين وماكان عندها مايثبت ان الشركة قالت لها تعالي عشان تاخذ حقوقها منهم .
ك شركات انا تعاملت مع التعاونيه اقسم بالله خط الاتصال حق الشركات محد يرد عليك لدرجة اني اقعد فوق النص ساعه ولكن خط اتصال الافراد علطول يردون طيب شالحل تواصل ايميل ياخي الايميل هذا شيء قديممم ومتعب بالتعامل ولي حاطين خط اتصال شركات ومحد يرد بالايام لكن بوبا سريعين الصدق فالرد وسهولة الوصول لمعطي الخدمة افضل
الله يعطيكم العافية.. موضوع الحلقة ممتاز، ولكن مع الأسف الاعداد سطحي، والمواضيع سطحية، هناك نقاط وأسألة جوهرية لم يتم التطرق لها، اتمنى مستقبلاً يكون الإعداد والتجهيز بشكل أفضل، يراعي اهتمامات المشاهدين.
التأمين عبارة عن مبالغ يدفعها الحريصون والمنتضمون واللي ما يسوون حوادث لعشر سنوات يدفعونها للمتهورين ، يعني شخص يدفع ٨٠٠ في السنة لمدة ١٠ سنوات دفع ٨٠٠٠ الاف وله ٣٠ سنة ما عمل حادث فيساهم بهذا المبلغ في تغطية حوادث متهور كل سنة يعمل ٣ حوادث لماذا لا تكون هناك شركة لا تقبل إلا السجلات القليلة الحوادث وستربح وستوزع فوائض تأمين يصل ل٧٠٪ .
م نبا كل هاذا نبا بس يسترجع المبلغ او يضاف سنه اخرى مجانا مو معقولة ٧ سنوات مامن ولله الحمد م سويت حادث او حتى اححد ثددمني وكل سنه اجدد التامين فقط كورقة ✋🏼✋🏼
يا ان فيه شوفة نفس غير طبيعية جيت اراجع عنده و شخصني خارج العيادة و انا واقف يشخص خمس اشخاص في وقت واحد ماعنده مشكلة يهتم بالكوانتيتي اكثر من الكواليتي و اسعار خيالية في العيادة حقته ، بالنسبة للتأمين للاسف من جرف لدحديرة قبل ما يسالك الدكتور وش مشكلتك يسال وش التامين يحسبون ان التأمين عادي كبكب ادوية على المريض ثاني شيء التعاونية عندهم تاخير في الرد يطفشونك و عندهم مشكلة في تغطية الاسنان ارسلت لهم الاشعة و التقارير و الدكتور كلمهم و تواصل معهم و ارسل لهم الاشعة و الدكتور استشاري ومب عاجبهم وش كاتب 😂😂 انا مدري وش فايدة مكاتب التأمين في المستشفيات
