انا من الرياض ومعي شانجان وبعز الظهر المكيف على رقم 3 وثلج ما شاء الله ولا اشتكيت من حرارة ابد ولله الحمد .. السيارة معي من 4 سنوات وماشي فوق ال 130 الف .. مع الاسف كنا ماخذين مقلب كبيير بالياباني والكوري
can you show me how to use the voice command in coolray GF? i press the voice command button but nothing hapen !!!!! is there any specific configuration to make it work ? thank you for you help . from Algeria
السلام عليكم, طهور ان شاء الله اخي ,من فضلك ايرد منك نصيحة ايش الأفضل مع التوضيح اذا امكن بين هفال h6 1.5 او mg rx5 نفس المتور 1.5 الكل نفس السنة 2023 والاعلى فئة. وبارك الله فيك.
واما بسلطنة عمان كذلك انا رحت الى مسقط وصلالة لاتصل درجة الحرارة مثل الامارات والكويت اجواء سلطنة عمان من اروع الاجواء بالخليج وباليل جو جميل وربيع ربي يحفضكم
والله عزيزي لا اتفق كنت معلق على فيديو بقتاتك عن الصوت اللي طلع عندك تقريبا من الطرمبه وانا اللي طلع معاي تلف علبة التلوث وانسدادها بالكامل والسياره عندي ممشى كيلو متر 48 الف موديل 2021 وأعتقد بسبب تلف حساس الشكمان أدى لانسداد في العادم وبدلته كامل وكلمني مبلغ أحبطني جدا
مشكله كثرت التقنيات تحتاج اهتمام اكثر مع انه عندي اكَورد ماشي اكثر من نص مليون موديل ٢٠٠٨ ولا عمري غيرت حساس غير حق Abs ولازلت متخوف من امتلك سياره جديده
تكفى ردوا علي .. اخاف اتورط الفرق بين الفل والنصف .. ١٠٠٠٠ ريال وانا اخترت اللون نصف فل .. يوم الاحد 21/07/2024 اروح ادفع .. واستلمها نهاية الاسبوع .. نصف فل ٨٣ .. فل كامل ٩٢ تقريباً 😩😩
كلامك سليم جميع السلع لدينا الصين سيطرت فيها لاكن...... يوجد عيب في السيارات الصينيه وهو ارباك السوق والمستهلك باشكال وتقنيات متعدده سوق قطع الغيار مايقدر يثبت على القطع لسرعة تغير الموديل والنوع ولا فنيين الصيانه استطاعو لن يلاحقو التقنيات وفهم السياره لسرعة التغيير وهذا اوقع المستهلك في تشتت هذا هو عيب السيارات الصينيه ارباك للجميع
الحمد لله على السلامة اخوي علي السيارات الصينيه ما كلها ممتازه شركات معينه بس وموضوع الاسعار كان الكوري نفس الشي اسعاره ارخص من الياباني وكان كرت قوي معهم لكن اثبتوا نفسهم من ناحية الجودة والمبيعات وارتفعت اسعار سياراتهم وصارت بعضهن اغلى من الياباني والصيني بيكون نفسهم وهذي مسألة وقت وبترتفع اسعارهم وبتصير نفس البقيه.
كلامك مظبوط بالاضافة ان السيارات الصينية درجات في رايي اقسمها الى 3 درجات جودة عالية ومتوسطة وعادية. ثانيا اثباتا للجودة في شركات استحوذت على شركات عالمية عريقة واستفادت من خبراتهم الطويلة مثل اسحواذ جيلي على فولفو السويدية ولوتس…
انا امتلك سيارة ام جي XR8 مديل 20 صارلها عندي فوق 4 سنوات بصراحه ما واجهت مشاكل في الحراره او مشاكل ميكانيكبه كبيره لين الحين . العيب الوحيد هو عدم توفر قطع غيار فقذ . نصيحتي للي يشتري صيني يسأل اول شي عن توفر قطع الغيار والخدمه مابعد البيع ويختار وكيل قوي ومعتمد علشان مايواجه مشاكل في توفير قطع الغيار وتحياتي للجميع والسموحه ع الاطاله
تتحمل الحر وقطعها اصليه وشكلها جميل و شعبي وعند البيع تمسك سعر وتعيش 11او12 سنه. سياره اعتماديه هي والكوري لدرجه ممكن تجيب لك مرض نفسي. وكذالك مفيده لملئ جيوب قطع الغيار والمستورد باضعاف مضاعفه ولا حول ولا قوه الا بالله
لا توجد شركة و لا بلد و سيارة إلا و تجد بعض الشكاوى لكن يبقى الياباني هو الأقل شكوى و الصيني هو الأكثر ، الكوري بنى سمعة جيدة لكن الياباني لا زال في القمة ، يمكن أن نقارن بين الأوروبي و الكوري من حيث الاعتمادية نعم الصيني صاعد لكن عليه أن يقطع بعض الوقت و يرفع مستوى الجودة و يبني سمعة
ملاحضة بالصين اجوائهم ليست حارة مثل دول الخليج السعودية والكويت والامارات وانا رحت بعز الصيف للصين مافي هاذا الكلام بالصين اقصى درجة حرارة تصل اربعين اما بالسعودية والكويت اخي وصلت خمسين واكثر والعراق البصرة وصلت 56 فقط الياباني والامريكي يتحمل هاذه الاجواء
كان عندي mg5 من عام 2020 الى هذي السنة قبل اسبوع حصل عليها حادث واصبحت تالف وكنت محافظ على صيانتها وممشاها كان 99 الف والمشاكل الي واجهتني كرسي الراكب كان يتسدح لكن مايرجع يطلع وصلحته على حسابي الوكاله ماصلحوه وكرسي السائق اذا سدحته ينزل بشكل مايل وقبل كم شهر ارتفعت عليا الحراره ووديتها الوكاله وطلعت المشكلة في المروحه خربانه وغيروها في مدة اسبوع ومجانا على الضمان اما من ناحية الايجابيات المكيف بارد صراحه وصرفية السيارة جميله
السيارات الكورية ارتفعت اسعارها عشانها اصبحت موثوقة في الاعتمادية بين الناس بعكس الصينية كذلك السيارات الكورية اثبتت وجودها في فترة اسرع من السيارات الصينية
@@Carswithali31 طيب اعطيك دليل علامة جينيسيس الكورية ظهرت سنة ٢٠٠٨ وفي سنة ٢٠٢٠ اخذت تقييم المركز الاول اكثر علامة اعتمادية في موقع جي دي باور يعتبر رقم قياسي
فعلا كلامك صحيح سيارات تويوتا ارتفع سعارها ضعف وقلت جودتها او انعدمت بشكل كامل في بعض سياراتها شركة تويوتا على مشارف الانهيار واللي بقى لها لحد الحين ومخليها تقاوم هو السمعه القديمه انصح اي انسان حاب يشتري سياره صغيره يتوجه للصيني افضل خيار له واللي يريد يستري سياره عائليه او بيكب يتوجه للامريكي السيارات الامريكيه ارخص بكثير من تويوتا مثلا لو جبنا لاند كروزر او لكزس وجبنا تاهو او يوكن او سوبر بان مافيه مجال للمقارنه من ناحية الاسعار والكفاءة والجودة والثبات والفخامه ووسع السياره من الداخل الانريكي يتفوق من كل النواحي تستري لاند كروزر صندوق برتقال مقابل ٣٠ الف او اكثر وتترك الامريكي مستحيل انا كنت من عشاق تويوتا الاجيال السابقه والحين وقفت عن سياراتهم ي رجل ياريس ماتسوى ٦ الآلاف ربال حاليا في الوكاله واصله ٨ الآلاف وكسور هذا بالكاش اما بالاقساط يمكن فوق ١٠ الآلاف وهي ياريس انا عندي كامري من الموديلات الحديثه تتركها واقفه في الشمس يوم او تحت مطر احصل أعمدة الابواب طالعه على برا منتفخه لازم اروح كراج علشان ارجعها مكانها سيارات تويوتا الان مجرد شاشات وإلكترونيات فقط وقطع بلاستيك ماخوذ من تدوير الخرده لا احد يضيع فلوسه في سيارات تويوتا حرفيا ماتسوى نص سعرها
اتفق معاك صراحه سيارات الامريكيه انا عن نفسي كنت ظالمها كنت اعتبرها جدا سيئة و ما تعيش لكن صراحه دودج جارجر و رام و ايضا تاهو و يوكن و اسكليد صراحه صدموني سيارات اعتماديه و اداء جميل و يكفيك طرب ٨ سلندر حقيقي و بالنسبة لسيارات العائلية ف اكيد تاهو و يوكن و اسكليد افضل ب مليون مره من لاندكروزر و لكسز اصلا أسعارهم خيالية
@@Carswithali31 طبعا انا جربت لاند كروزر والكزس والامريكي تاهو واليوكن مافيه مجال للمقارنه الامريكي شي من الاخر فخامه وجوده ووسيع وثبات على الشارع وتحس انه سياره فيها محرك جبار اما تويوتا ولكزس في الوقت الحالي خرده ومضيعت فلوس على الفاضي الناس اللي متمسكه في حب تويوتا حتى الآن عابشين على وهم سمعتها القديمه
انا لو كنت وكيل حقيقه بحاسبك ع هذا الكلام لانه مكاين تويوتا مافيه مشااااااكل فيها مشكله وسوو لهم استدعاء وغيرو القطعه وضبطوها سيارات اليابانيه عمرها فوق ٨٠ سنه و اثبتت جدارتها واعتماديتها ي اخي لاااا تذكر اسما وعناصر حيويه ف سوق لمح فقط
اخي مع احترامي الشديد لك لكن عن تجربة السيارات الصينية لاتتحمل اجواء خمسين درجه واكثر خصوصا بالكويت احر دولة خليجية لكن الياباني مثل النيسان والتيوتا والهوندا يتحمل وعن تجربة وبالنسبة للكامري تتحمل حتى درجه حرارة ستين وعن تجربة وافضلهم من ناحيتي وعن تجربة الامريكي ملك الطرقات الخارجية البعيدة وملك درجات الحرارة لاتقارن الصيني بالعمالقة الامريكي والياباني والالماني مستحيل هاذا كلامك بي نوع من الصحه اخي تحياتي لك
ياخي قبل ما ترفع الصيني استخدمها مثل ما تستخدم التويوتا و النسيان و بعدين تتكلم قاعد تستخدمها بدلع و تحتر و تعطل ممكن الصيني هو المستقبل بس لسة المشوار قدامها طويييييل لين تصنع سيارة ذات جودة ترى تحليلك غلط
انا صارلي سنه استعمل صيني و شوف فيديو الصيانه مشيت السياره ٥ الاف فوق السرفس يعني السيارة مشت ١٥ الف بدون تغير زيت و الحد الحين الحمدالله ما اشتكي من شي
والله الغالي اذا هذا تسميه استخدام هدوء ف ماعرف استخدام المكرف عندك ويش بالعكس اعطال الي طلعلتلي في نيسان التيما خلال سنه اكثر الجير تعطل علي اما هذي بالعكس اشوفها اعتماديه و انا خلف الكاميرا ترا ادعس واجد استخدامي جدا عنيف مع السياره التيما حرفيا هي عندي اسواء سيارة امتلكتها لانه حرفيا كثير مشاكل كانت تطلعلي جيلي ما غيرت تفكيري نعم بعدي انا اذم السياره لكن نفس الوقت ادركت انه الكولراي افضل من المنافسين ف ليش اذمها اكثر من حقها هي سياره ممتازه و عمليه و الظاهر انه اعتماديه
ارجو عدم التعميم اخوي انت تتكلم عن غش في شركات تملكها تويوتا واللي هي ديهاتسو وهي اللي اعترفت بهذا الشي وحاليآ هم يحققون ادارة شركة تويوتا في سيارات الشركه الام وجميع الشركات اللي تملكها صحح المعلومه اللي تنقلها للعالم انا ما ادافع عنهم ولكن صراحه الشاطر يستاهل من يدافع عنه وبخصوص الاستدعاءات هذا الشي يسوونه الشركات الكبيره علشان ماعندهم معلومه عن اغلب السيارات الي تباع ويصلحون اخطاءهم جب لي صيني يسوي كذا انت تتكلم عن شركة تبيع اكثر من ١١ مليون سنويًا حول العالم لاتقارنها ابدن بالصيني ولا تقولي ان الياباني نفس الصيني هذولي مهندسين لك سيارات تعيش للابد وانت ماشي اللي قدامك اف جي ٢٠١٠ جب لي سياره من جلي عاشت نفسها معليش اخوي بس لا تقارن ابد واحسب لسيارتك الكولراي لين ٢٠٣٤ ونصيحه لاتحط بذمتك شي
حياك الغالي صح كلامك لكن لاندكروزر و لكزس ال اكس ٦٠٠ و سكويا و تندرا كلهم صارت معاهم مشكله انه المكينه تضرب يعني هذا اشوفه اسوء شي ممكن يصير لشركة معروفه بالاعتمادية صح الصيني ما يتقارن حاليا مع الياباني لكن في رايي الصيني يتحمل حراره اكثر بحكم انه الصين اجوائها نفس اجواء خليجنا و الصراحه تريد شي اعتمادي خذلك سيارة كهربائية بتريح راسك
والحمد لله على سلامتك ترا شكلي وانا اكتب التعليق كذا 😂 لان صراحه ماني مع اي احد لا صيني ولا كوري ولا ياباني ولا امريكي انا مع الي يبيعني جوده ومجرب وسعرة مناسب ولي فترة اتابع قناتك والله اني بس ابي اشوف وش وضع الكولراي بس ياخوفي انه مقلب عندنا بالسعوديه يباع ٧٠ الف فل كامل وازود ٤١ الف اخذ لي راف فور بس ماكذب عليك انا اكرهه التويوتا ما احبها ابدن عمليه بشكل مقرف حتى تصاميمهم للاسف ماش تحس انها كذا مشدوده شكلها بايخ وودي بالتغيير
يا حبيبي لا تتكلم مواصفات وتتكلم عن تويوتا تويوتا الموصفات ابو كلب لكن فيه جوده تكلم عن الجوده وفورد تورس بعد ما صارو يصنعونها في الصين فيها عيوب خوي معاه تورس ٢٠٢٢ القير ينتع وصزت عكوس وسياره جديده وما مشت ١٢٠ الف تتكلم عن تويوتا انا عندي كورولا ماشيه ٩٥٠ الف قير والمكينه ما انفكت تقولي صيني تقارنه بتويوتا الصيني العقبات ما تطلعها تعال جرب سيارة الصينيه في الطلوع والعقبات انا اجيك بل الكورولا ممشاها ٩٥٠ الف واطلع وانزل وانا مرتاح ومكيف شغال الصيني مافيه جوده حتى شركات الي صارت تصنع في الصين مثل تورس الجوده صارت زباله وروح شوف احد معا تورس شوف ايش يقولك عن العيوب
