ولكم بمثل ما دعوت وزياده ، تمام اخي اكيد الدهن يتسرب دخل البوشة حتى تتزيت زين ، انت باوع على البوشة والشفت إذا كام يطلع من بيناتهم الدهن معناه الدهن وصل على كل محيط الشفت ، من تخلي دهن قم بفر السربس بيدك حتى يتوزع الدهن بالكامل. باوع للفيديو راح تفهم قصدي إن شاء الله. أما البوشة ما تنترس فاكيد لأن الدهن يطلع منها فهذا الشي طبيعي مو خلل .
العفو اخي سببب الركله أما اكو رخاوة بالبراغي الي يثبتن البوشة على جسم المبردة أو اكو ملعب داخل البوشة بسبب تأكل البوشة ، يعني البوشة مهروشة تحتاج إلى تغيير. أما إذا كان صوت الركله يطلع من تشغلها على المولدة فعلى الأغلب السبب هو ضعف كهرباء المولد والبوشة ما بيها شيء. أما إذا كان صوت الركله مستمر حتى من تشغل المبردة على الوطني فمهناها الخلل بالبوشة.
عيدكم مبارك وكل عام وانتم بخير وصحه وعافيه. العفو اخي من تحط دهن فر البروانة حتى الدهن يتوزع على كل البوشة وخلي الدهن يطلع من كل الجهات من البوشة وإذا بقت نفس المشكلة غير البوشة لأن إذا بقت المشكلة تتكرر فأحتمال تلطش البوشة على الشفت وتسبب احتراق الماطور لا قدر الله ، من تحط دهن للبوشة افصل القايش وفر البروانة حتى الفرة تصير خفيفة ، لأن احتمال المشكلة تكون بالماطور همين ويحتاج تحطله دهن
العفو اخي قصدك البولي pulley الي يثبت عليه القايش لو اليطغ (البوشة)الي تثبت بيها الشفت ؟ على العموم إذا قصدك البوشة (اليطغ) فمن الضروري جداً تغييرها لأنه سوف تسبب تأكل الشفت
وعليكم السلام ورحمه الله وبركاته ،العفو اخي يعتمد على حجم الماطور يعني اذا الماطور نفس السرعة ونفس عزم الدوران تكدر ، وشوف السربس الفرة مالته سهلة إذا فريته بيدك ام لا لانه يسبب حمل اظافي على الماطور ويصير حار ويحترق الماطور
@omaraliraqe7002 تمام أستاذ مكتوب على الماطور كم دورة يدور بالدقيقة ومن خلالها تكدر تقارن بينهم ، جرب غير الماطور وشوف الحرارة مالته ترتفع لو لا وشوف الماطور يكدر يفر السربس بسهولة ام لا وإن شاء الله ترهم
ولوالديكم الرحمة ، افصلو القايش وشغلو المبردة حتى نعرف وين الخلل هل الخلل بالماطور ام بالسربس ، وعلى هذا الأساس نصلح الخلل ، قد يكون الخلل في البوشة ممكن تحتاج إلى تزييت أو تغيير ، أو الخلل في الماطور احتمال يحتاج إلى تزييت أو تغيير البولبرنات
على الأغلب قوة ضخ الواتربم للمياه تكون قوية أو خراطيم المياه ليست عمودية على أبواب المبردة وبالتالي سقوط الماء أو تناثره على بعض أجزاء المبردة والسربس (المروحة)
أهلاً وسهلاً بك استاذ ، العفو أستاذ هو صامولة وبرغي ليش يحشر مجرد تفتح الصامولة وتسحب البرغي للأعلى ، أما إذا قصدك الصامولة ما تنفتح بسبب أنه اسنان البرغي بيهن تآكل أو مسولكات فتكدر تقطع البرغي بالمنشار مال الحديد وتطلعه وتبدله بواحد جديد
شنو سبب الفراره مال مبرده متفتر من تجي الكهرباء لكن بها صوت كهربائ يعني تشتغل بس متفتر الفراره الا احنه نفتح الباب المبرده ونفرها يلا تشتغل ع الرغم غيرنه البوشه جديده وقايش جديد اارجو الرد كون ممنونه من حظرتك
أهلاً وسهلاً بكم ، العفو اما الخلل بالمكثف يعني المتسعة (capacitor ) تحتاج إلى تغيير أو الخلل في الملفات الابتدائيه للماطور بيها عطب لذلك الماطور ما يفتر الا تفرونه بيدكم ، عالجو المشكلة باسرع وقت ممكن عند اقرب مصلح كهربائي حتى يشخص الحالة ويعالج الخلل أما يغير المكثف أو يعالج العطب الموجود في الملفات الابتدائية للماطور. العفو نسيت أسأل شوفو القايش خوما مشدود زايد ترى هم يسوي نفس المشكلة عدكم. لذلك تاكدو من القايش أيضاً
العفو كذلك تاكدو من القايش خوما مشدود قوي إذا كان مشدود قوي بس رخو شد البراغي الموجودة في قاعدة الماطور وزحفو الماطور إلى جهة السربس مال المبردة حتى القايش يصير بيه رخاوة وتشتغل المبردة.
تكدرون تتأكدون من المشكلة وين بالضبط عن طريق فصل القايش وشغلو المبردة وشوفو الماطور يفتر لو لا إذا افتر الماطور بدون محد يفره بيده فهذا يعني المشكلة بالقايش مشدود زايد وذا بقت المشكلة فهذا يعني أما الخلل بالمكثفة أو الملفات الابتدائيه للماطور