ايسكريم نحط 2 علب كريم ديسير ذوق كراميل باردين و 100غ فلان ذوق كراميل بارد و كاس حليب بارد جدا و نصف كاس بودرة الشانتيي باردة نشربهم بالخلاط الكهربائي مدة 10 دقائق و نضيف 50غ شكولاطة مبشورة و نحركها بالملعقة من فوق التحت حتى تندمج نغلف مول الكيك بالبلاستيك الغذائي و نغطيه بالبلاستيك من الفوق و ندخل المول المجمد يبات ليلة كاملة و نقلبوه في صحن التقديم و نزين بصوص الكراميل و شوية مكسرات 😍 لي تشوف تعليقي تجي تضرب طلة عندي درتلكم أروع موس الكراميل بدون بيض
انا جربت الوصفة و عاودت وليت ندير تعليق باه لي راهي حابة تعرف النتيجة نقولها ديريه و عينيك مغمضين كلما تاكلي مغرف تزيدي واحدة أخرى شكرا لك ام يارا و ربي يحفظك على كل حال ماشي هذه هي المرة الأولى لي تكون وصفاتك في القمة برافو 💕💕💕
أنا حابا نجربو غدوة 😄😄😄 . حبيت نسقسيك دوق نتاعو بنين بزاف و لا شوية و لا كيفاه ؟ و الله حابا نجربو بصح خايفة يخرج مش بنين 😶😶😶 تعيشي ختي أعطيلي رايك فيه 🙄🙄🙄🙄
م100gفلن ذوق كرمال + 2 علب كرام ديسار كرمال+ كأس حليب بارد جدا +نصف كأس شونتي يكونو كامل باردين ونطلعهم بالباتور لمدة 10 دقائق كي تثقال نضيف 50g شيكولة سوداء مرابية ونخلط بالملعقة من الاسفل الى الاعلى ثم نجيب مول نغطيوه بورق شفاف ثم نفرغ الخليط ونسقمو ونغلق بورق الشفاف وندخله المجمد يبات ليلة كاملة نحي ورق الشفاف ونقلبو في طبسي ونحي الورق ثم نزينو بالكرمال لي يجي مع الفلن كرمال ونزينها
J'ai testée et franchement,j'ai adoré ! C'est vraiment délicieux et tellement rapide à faire !!!! J'ai juste remplacé le chocolat par des amandes grillées et concassées,ce qui a donné un goût de nougat. Tout le monde a adoré ! Merci beaucoup Oum Yara,je n'ai jamais été déçue par vos recettes,toujours top !!!!
باين هايل أنا ديما نديرو بصح بزوج ايورت دانات شكولاطة وباط فلان شكولاطة 50غرام مع كأس حليب بارد وكأس شونتي ونطلعهم مليح ونسكرفج شكولاطة فيه ونضعه في مجمد أكثر من ستة سوايع ونخدمه في رمضان للسهرة بعد صلاة تراويح علامة😋😋😋
100غ فلان كراميل 2 علب كريم ديسير كراميل كاس شونتيلي نصف كاس حليب 50 غ شكلاطة مكسرة نخلط الكل بارد مدة 10 دقائق نضيف الشكلاطة و نقلب من الفوق لتحت نديرو فالمول لي درت فيه ورق شفاف و نبيتو في المجمد ليلة كاملة
اختي جربتها اليوم جاني ذوقها كرام شونتي وفيها الهواء يعني مذاق مهوش مليح مهيش بنينه أما الشكل خرجلي مليح قوليلي كيفاه ذوقها 😞كنت نستنا ويكتاه برك ناكلها
ربي فرج عن كل مهموم واشفي كل مريض ورزق كل محروم الذرية الصالحة واسعد كل حزين سبحانك خالق السعاده استودعك اقدرنا فاكتب لنا السعاده اللهم تقبل الله صيامكم وقيامكم يارب
Azia Azziz لالا ما حبيتش كل واحد ادا حقو عاادي والخطرة الجاية ان شاء الله نديرو شوكو ونسيي نقلبهم انا زينتهم بخطوط شوكولاطة فقط روووعة فالبنة حتى راجلي عجبو بزاااف
*كل يوم تخمي واش طيبي و عياك هذا الشي جوزي عندي و هني بالك عطيتك جدول مفصل لوجبات رمضان و كل يوم إن شاء الله نحطلكم طاولة رمضان بالتفصيل نوعدك تستفادي بزاف الي شافت كلامي تجوز عندي و تقول إذا صح و لا لالا صح رمضانكم خياتي🤗😘*
جربت الوصفة جا هااااايل و بنين وزتلو كاوكاو محمص و مرحي شوية خشين مع الشوكولا وخدمت وحد اخرة بفلون تع شوكولا شكرا على وصفاتك الناجحة وربي يعطيك الف صحة إن شاء الله
ختي تقدري ديريها بلا باتور اذا عندك ميكسور ولا روبو تاع العصير معليش شوفي ديري الحليب و الشانتي و الفلون مع بعض ميكسيهم مليح بصح كما قالت يكون كلش بارد مليح و من احسن شانتي ديري كثر من نص كاس واحد كاس غير شوية تطلعلك خير امبعد احكمي هذا الكرام ديسار خلطيه وحدو بجيه بالفوي و بداي تزيديلو الخليط تاع الشاني لي طلعتيه غير بلعقل وخلطي بلعقل تتحطلي على نفس الخليط اديالها و كملي المراحل كما دارت و ان شاء الله ينجحلك وبصحتك انت و ولادك 😋😋
على حساب المكونات تاع الوصفة باين بلي بنينة بصح ممكن تعديلها باش ما جيش حلوة بزاف ممكن تعويض كرام شونتي لكرام فراش طبيعية لي جي ثقيلة 45%دهون هكا ما تجيش حلوة بزاف بالتوقيق لكل واحدة راح تجربها بهاذ التعديل شكراً ام يارا واش رايك
طاطا (عيطتلك طاطا لأنو انا في عمري 15سنة) جيت نقولك بلي خدمتو و جاني يهبل ڨاع شكروني فيه 💟💟❣❣ ونا جيت نشكرك خرجلي يهبل ننصحكم باش تسييوه مايستقامش المقادير: -باكي فلان كاراميل 100غ - كاس (220م)حليب بارد بزاف -نص كاس بودرة الشونتيه -2باطات ياروت كرام ديسار كاراميل دانات -50غ شوكولا مبشورة طريقة التحضير: أولا:نحط في إناء الفلان ديال كاراميل+الحليب+الياروت+الشونتيه نخلطوهم بالمضرب الكهربائي (ضروري المضرب الكهربائي هنا) بعد 10دقائق بضبط تماما +الشوكولا المبشورة ثانيا:نغلف المول بالورق الشفاف ونضع الخليط داخله و نقلب كل جانب ورق شفاف على الجهة الاخرى و نضعه داخل المجمد(كونجيلاتور) لمدة ليلة او نهار كامل مانخرجوهش ابدا من المجمد بعد انتهاء الوقت نخرجه من المجمد و نقلبه على طبق التقديم وننزع الورق الشفاف التزين: نفرغ الصوص كاراميل التي جات مع الفلان و بع اللرز المكسر {بالصحة و العافية❤}
ام يارا كل حلوياتها رائعة لازم اليتوبوز الجزائريات يدعمو بعض نطلب منك تشجيع قناة ام وليد باش توصل لغشرة ملايين مشاهدة وتصير اول جزائرية في شمال افريقيا تتحصل على الدرع الماسي
يعطيك الصحة والله كل شيء نجرب من عندك ينجح لي٠عندي طلب أم يارا يا ريت ديري لنا تحلية لقمة السلطان أو الباشا التركية لي راهي دايرة حالة في مواقع التواصل الإجتماعي ومشكورة وجزاكي الله خيرا يا رب ٠
100 غ فلان ذوق كرمال،2 علب كرام ديسيرذوق كرمال كاس حليب بارد جدا ،نصف كاس شونتي الكل لازم يكون باردين نخلط بالباتور مليح ثم نزيدلها شكولة مسكرفجةونخلط بشوية ثم نحطوه في الثلاجة يبات ليلة كاملة عند التقديم نضع له صوص كرمال مع مكسرات شهية طيبة.
