حبيبي 🥰 🥰 بداية ربنا يوفقك إن شاء الله 🥰 🥰 نصيحتي لك التركيز وحل إمتحانات السنوات السابقة وحاول في الايام إللي فيها وقت فاضي عندك ادخل محاضرات الاقسام المختلفة كنوع من أنواع الثقافة وفنفس الوقت علشان تحدد إنت ميال لإيه
جزاك الله خيرا فى البداية واستمتعت بكلامك جدا لكن مختلف معاك فى نقطة ان مهندس الصيانة يبقى رقم اتنين من اسفل القائمة احب اقول لحضرتك ان مهندس الصيانة الشاطر هو اكفأ انواع المهندسين وهو الى ممكن يدخل اى مجال ميكانيكى وينمى نفسه بسرعة وده عن تجربة وايضا بالنسبة لمهندسى الكهربا الى بيشتغل صيانة فيهم بيبقى اكفأ من زمايلة او عنده قدرة انه يستوعب اى حاجة تخص المجال بس مهندس الصيانة الى يلف ويطور نفسه
جزانا واياكم 🌹🌹 مقصدي في الترتيب مش الكفاءة انما ترتيب التطوير يعني زي ما إنت قلت مهندس صيانة وشاطر واشتغل وأخد خبرة... التطور بتاعه إنه يبقي مهندس استشاري أو تصميم
كل سنة وحضرتك طيب ياهندسة ,, بس ياريت ياباشمهندس تدخل لتفرعات ميكانيكا من حيث الفرق بين باور وانتاج وميكاترونكس واهم الفروق مابينهم ف التخصص وسوق العمل بعدين ,,
السيارات زيها زي أي منتج عمرها ما تقوم علي تخصص إنت محتاج ميكانيكا باور وانتاج وكهرباء باور واتصالات وتخطيط وإدارة مشروعات وحتى المدني... كل ده بالإضافة التخصصات التقنية زي الدهان و السروجي وغيره
هندسة الميكانيكا عدة تخصصات ومهندسين الكهرباء عدة تخصصات ومهندسين الاتصالات ايضا وكذلك مهندسين كيميائيين عدة تخصصات .....انا فني وايضا الفنيين مثل الهندسة عدة تخصصات في كل قسم طبعا المهندس عندنا هم من يحدد اختيار جهاز او آله بناء على معلومات معينه ويتعارف بيننا ان المهندس هو العقل المتحكم وصاحب الاوامر ونحن عبارة عن الايدي الذي يحركها العقل ......عقبال مااكمل هندسه لانه مركز مشرف ومريح .
متابع جدا لحضرتك يا هندسة عيد سعيد عليك يا رب ربنا يجازيك كل خير أنا حاليا طالب رابعة ميكانيكا ومهتم بمجال الصيانة وخصوصا المعدات ال rotating.. في فيديو الصيانة منتظر من حضرتك تقولنا نبدأ ازاي فالمجال هل اخد كورسات من ogs او res global او auc او اي مركز كان قبل ما اشتغل ولا يفضل اشتغل الاول وبعدين اخد كورسات وشكورس وشهادة زي ال vibration analysis تنصحنا بعد كام سنة خبرة امتى الواحد يبدأ يفكر فيه وازاي اتميز في المجال كمبتدأ فيه.. وازاي اتعامل مع ال standards زي API او ASME كفريش وشكرا جدا لحضرتك ربنا يجعله في ميزان حسناتك يا رب ❤️🌻
حبيبي ربنا يبارك فيك.... من الواضح إنك محضر نفسك لسوق العمل كويس قوي. بس نصيحة اصبر لحد ما تتخصص واشتغل علي تخصصك بدل ماتتشتت.. وإن شاء الله الفيديو الجاي عشانك
شكرا من القلب والله انا بنت ودخلت هالتخصص لان عجبني ولان بحب الاشياء الي اكدر اتميز فيها وهسة بسنتي الثانية ثانوي. بس مؤخرا حرت بالنسبة للمهنة لان كنت حاطة ببالي التصميم بس اكتشفت انو عندنا التصميم مبيشتغل لان المغرب مبتصنع اشياء جديدة وهيك فا كنت كثير متخوفة وهيك بس الحمدلله شفت الفيديو تبعك وتعرفت على مهنة التخطيط كمان وعجبتني . شكرا لك على الفيديو
أهلا وسهلا بيكي وبكل أهل المغرب.... الأول ربنا يرزقك الخير إن شاء الله. المغرب بتصمم وتصنع سيارات ودي حاجة محترمة جدا.. بس مجال التخطيط مجال محترم وكبير
@@saeedkamh حقا؟؟ شكرا على المعلومة كنت اظن انها لا تصمم حقا شكرا جزيلا الان سارجع للتصميم اذا 😂🖤 معلومة : انا لست مغربية وانما صحراوية لكننا في حالة استعمار لذلك نتبع للمغرب شكرا
ربنا يبارك في عمرك 🌷 🌷 🌷 🌷 أنا شغال في قطاع البترول واتفرج علي ده باه بخصوص الموضوع ده ru-vid.com/video/%D0%B2%D0%B8%D0%B4%D0%B5%D0%BE-enyJELz00iU.html
السلام عليكم انا حديث تخرج metallurgical engineer في الامارات ودخلت مجال كسارات الحجر وصيانتها وعم اشتغل عامل والفكرة انو كل الكسارات مانها عم تطلب مهندسين ف مابعرف هل ببقى بنفس المجال ولا بغير ع اي شي تاني لانو الصراحة مجالات العمل مانها عم تقبل حديث تخرج وماني عرفان شو اشتغل ؟
معظمه باور انما في حاجات كتير مشتركة... الباور بيتميز في الآلات الدوارة آكتر والاتنين شغالين في الآلات الثابتة و الانتاج بيتميز في المواسير وآل fitting... أتفرج علي فيديوهات الآلات الدوارة و الثابتة و هاتفهم آكتر
السلام عليكم ياباشمهندس انا قدامي سنه واتخرج ميكا انتاج باذن الله ، شايف ايه المجال الافضل اللي اتخصص فيه وابدأ اجهز نفسي فيه قبل التخرج ، وهل ليا شغل في مجال البترول كقسم انتاج ولا هم بيطلبوا باور بس؟ علما بان التخصص عندنا في الشعب بيكون ما بعد سنه تانيه،يعني انا دارس محطات ومحركات وهيت وثيرمو وهيدروليك
وعليكم السلام ورحمة الله وبركاته ياعم أنا باور ومديري إنتاج 😂😂😂 بص ياهندسة البترول فيه إدارة الصيانة وإدارة المشروعات ودول بيحتاجوا إنتاج كتير لأنك عندك الاساس بتاع piping, flanges, وطبعا غير التانكات ركز علي الاكواد زي api, ASME شوف اكواد خاصة بال inspection
@@saeedkamh والله انت محترم جدا ياباشمهندس ربنا يباركلك يارب , الف شكر للمعلومات القيمه اللي بتقدمهالنا في فيديوهاتك واهتمامك بالرد علي كل التعليقات , شكرا ❤
السلام عليكم حضرتك انا ميكانيكا باور و هتخرد التيرم ده باذن الله و كل الناس بتقول ان مفيش شغل و المرتبات ضعيفة و الموضوع ده احبطني جدا و مبقتش عارف اتخلص منه لدرجة اني بقيت ندمان اوقات كتير و خايف و حاسس باحباط رهيب و شايف الشغل مالوش مستقبل او اني ابتدي تقديم منين
بالله يا مهندس انا من الاردن وما فهمت الكلام من الدقيقة 11:47 للدقيقة 11:53 👇👇👇 """ بالرغم من انهم..... تقدر تقول لاننا..... """ ما فهمت هذول الكلمات مع انهم مهمين ياريت تكتبو ف الرد على هاذ التعليق + شو نصيحتك لطالب ميكانيك سنة اولى من ناحية انو في كثير ناس بتحبط فيه وبتقول عن التخصص صعب جدا ومن ناحية الدورات اللي ممكن ياخذها الطالب اثناء الدراسة الجامعية اللي ممكن تفيدو وشكرا سلفا ... وبارك الله جهودك 💝💝💝
مساء للخير يا هندسة هو لو مهندس سيارات ينفع يشتغل شغل انتاج او باور ؟ وخصوصا انى انا معايا دبلوم فنى ميكانيكا عام من دون بوسكو ... فهل ديه حاجة ممكن تفيدنى بالاضافة لشهادة الهندسة؟ انى كنت فنى واتدربت فمصانع وفى نفس الوقت معايا هندسة سيارات واتدربت فى سيارات وورش.... فهل ينفع اشتغل شغل اى تخصص ميكانيكا سواء انتاج او باور؟
السلام عليكم.. أنا مهندس ميكانيكا پاور خريج 2012 وللأسف ما اشتغلتش بشهادتي وأنا عاوز اعمل أي حاجه زي أني آخذ أي كورسات ف المجال أو أني انزل تدريب ف أي شركه بدون مقابل
مذا عن الدول الغير انتاجية ..او تنتج اشياء بسيطة فقط مثل قضايب الحديد و المسامير و اشياء بسيطة ..الخ ...مثل الجزائر هل هذا يأثر على فرص عمل مهندس الميكانيكي ؟
لو سمحت يا بشمنهدس ازاى اشتغل ف الصيانة وانا اصلا مدرستش عنها ف الكلية ولا اعرف عنها حاجة وازاى برضو هشتغل فى مجال السيارات وصيانتها ده بالنسبة لو مهندس ميكانيكا باور انا رايح سنة ٣ ومدرستش حاجة عن الصيانة
طب إيه رأي حضرتك يا بشمهندس ...عندي انترفيو ع planning position في مصنع ...وأنا فريش ومشتغلتش صيانة قبل كده ...هل لو اتقبلت هحس اني ناقصني كتير ..ولا يستحسن استني واشوف مكان تاني اشتغل فيه صيانة واتعلم منه اكتر
هو لما بيكون في طلب توظيف مثلا و مطلوب مهندسين ميكانيكا بدون تحديد تخصص هل ده معناها ان اي تخصص ان كان باور او انتاج او ميكاترونكس عادي ولا بيبقي مقصود حاجة معينة و شكرا لحضرتك و لمجهوك
حسب المطلوب من التحكم... يعني محطة كهربا ومطلوب متابعة الغلايات وعملية الاحتراق و التربينات يبقي إللي قاعد ميكانيكا باور... وفنفس المحطة مطلوب متابعة الجهد إللي خارج يبقي كهرباء باور
السلام عليكم سؤال بارك الله فيك انا ابني قبل ميكانيكا هندسه بحريه ايه رايك بالتخصص هل له مستقبل اين اماكن عمل مهندس ميكانيكا بحريه غير الموانئ والبحر احس ان التخصص هذا محدود بعكس مهندس الميكانيكا عنده خيارات كثيره شنو رايك وشكراً لك مقدماً
وعليكم السلام ورحمة الله ،أكيد هندسة ميكانيكا باور فرصه أكبر واكتر... بالنسبة للهندسة البحرية فطبعا أي ترسانة بحرية (مصانع السفن) بالإضافة للسفن نفسها بتحتاج مهندسين صيانة دايما
أنا محتاج توجيه من ناصح أمين وحقيقي أول اللي فكرت فيهم هو حضرتك ربنا يديم القبول ازاي ابقا مهندس ميكانيكا باور كويس؟ محتاج طريق أمشي عليه أنا لسه في الكلية وأنا حرفيا بحب الاطلاع فعايز اعرف كل حاجه😂 فدا مشتتني فبحاول اركز الشغف دا في حاجه تنفعني في مجالي
الأول بالتوفيق إن شاء الله وربنا يعينك... أنصحك ما تروحش الكافتيريا وتركز قوي وتحل الشيتات بنفسك وتحل إمتحانات السنين إللي فاتت... الهندسة تقيلة ورخمة وعايزة شغل من أول يوم. يوم ما تكون فاضي روح احضر محاضرة لسنة ٣ أي تخصص عشان تقدر تحدد إنت عايز قسم إيه
كلام جميل جدا سؤال بعد اذنك انا كطالب اعدادي مش ميال لاي قسم في هندسه ليه ادخل ميكانيكا وما ادخل كهربا او قسم تكنولوجيا زي اتصالات او نظم وليه ادخل ميكانيكا وما ادخل اقسام المقاولات زي مدني وعماره
أي شغل مناسب للبنات في الجزء إللي ينفع البنات.... كل الاقسام ميكانيكا وكهربا ومدني وغيرهم بيكون في مهندس موقع ده إللي بيتسحل وفي مهندس مكتب فني وده إللي بياكل كيك مع الشاي بلبن
باشمهندس لو انا حابب شغل التصميم بتاع المكاتب اكتر و الشغل على الاوتوكاد و السولدوركس ومش حابب شغل المواقع و البهدله يبقا اختار ميكانيكا باور و لا انتاج عشان فى ناس بتقولى الاتنين فيهم تصميم بس مش عارف ايه احسنلى و انهى هيكون فيه فلوس احسن و فرص عمل اكتر التصميم بتاع باور و لا التصميم بتاع انتاج
@@saeedkamh طب يهندسة اقرا ازاي عن المشاريع هل في كتب تنصحني بيها مثلا ..... وبما ان حضرتك واضح انك راجل محترم وفاهم هل فيه امكانية ان اتدرب عند حضرتك في الشركة في الاجازة الصيفية القادمة بحيث اقدر استفيد ولك جزيل الشكر
بص يامدير ادخل جروبات مهندسي المعدات الثقيلة ومهندسين الmep هتلاقي مشروعات تصميم كامله عليه.. بالنسبة للتدريب للأسف أنا في الحقول فأنت لو عايز تتدرب في أي شركة بترول بتروح الإدارة في القاهرة وغالبا معظم الشركات في المعادي جنب الهيئة العامة للبترول هاتجيب منهم جواب الكلية علشان التدريب الصيفي
من فضلك يا هندسة تتكلم عن مهندسين ميكاترونكس...انا مهندس ميكاترونكس حديث اتخرج اتخرجت ف يناير ولسه ملقيتش شغل عشان الكورونا... ف ايه نصيحة حضرتك ليا.. ولك خالص الشكر مقدما
إن شاء الله القسم ده ليه فيديوهين... مبدئيا إشتغل علي الشركات الكبيره في أي مجال يعني مثلا البترول ابعت لشركة شل وموبايل واشلمبرجير وكده لو عربيات ابعت ل مرسيدس و تويوتا الشركات الكبيرة بتاخد حديثي التخرج كتير علي عكس م الناس فاكرة. إشتغل علي نفسك في اللغة وإدارة المشروعات واتفرج علي حلقة الكورسات... بالتوفيق إن شاء الله 🥰 🥰
@@saeedkamh حضرتك انا هندسة بني سويف اعدادي هحول حلوان المطرية قسم سيارات فهل دا اختيار صح ويستاهل اتغرب 4 سنين عشانها ولا افضل فبني سويف مع العلم ان مفيهاش غير عمارة ومدني فحضرتك اي رايك فقسم سيارات وهل شغله كويس ليا في مجال السيارات ولا بتاع باور هياخد مكاني زي محضرتك بتقول شغال فمجال السيارات
@@saeedkamh هندسة هو لو انا تخصص محركات ممكن اشتغل في سيارات او سفن او طائرات ممكن اغير بينهم من غير ما افقد سنين الخبرة؟ وطبيعة العمل في الطيران مقرفة زي السيارات كدا؟ وانهو افضل في الفلوس تكييف وتبريد(مقاولات) ولا البترول ولا المحركات
في ميكانيكا باور كل المحركات واحدة عربيات وسفن ومعدات... الطيران شغل تربينات وبرده جوا باور... فكرة باه الفلوس والمستقبل فده مش في المطلق يعني إنت ربنا كرمك مثلا واشتغلت في السيارات وفتحت لنفسك مركز والدنيا تمام أكيد هاتكون أفضل من الباقي....
العفو 🥰 🥰 بصي ياهندسة في حاجات كتير مناسبة للبنات لو تقصدي تقليل تعامل مع فنيين وشغل في مكتب مش ورشة زي مهندس مكتب فني اعداد رسومات ةلاليكتروميكانيكال باستخدام الريفت مثلا. مهندس العروض و المناقصات ودي بيكون مسؤل عن مراجعة البنود الفنية في أي مناقصة. مهندس مبيعات طبعا indoor مهندس في إدارة العقود شبه العروض كده. مهندس حصر كميات supply chain. مهندس إدارة جودة واهم حاجه في جميع التخصصات إنك ما تحسيش إنك أقل من أي مهندس راجل
إنتاج طبعا بيشتغل في الصيانة وخصوصا في صيانة البلوف وخطوط المواسير... باور بيعتمد علي فكره الحركة مثلا محرك بتاع باور عاوز يخلي الأجزاء بتاعته تتحرك عن طريق الاحتراق وكده.. إنتاج باه يخصه يصنع الأجزاء دي بحيث تتحمل الاجهادات المختلفة
السلام عليكم يباشمهندس المهندسين، كلامك عظمه وارتحتله جدا لاني كنت تقريبا هحاول من هندسه، انا طالب داخل تانيه ميكانيكا فهندسه الفيوم، ولسه متخصصتش، والتخصصات كالتالي (باور، انتاج وتصميم، وصناعيه) دول الموجودين في ميكانيكا الفيوم، فكنت بسال حضرتك اي هي المجالات المطلوبه واي الحجات اللي اشتغل عليها جوه المجال اللي دا، ولو مش هتقل على حضرتك ممكن تقولي بعض الشركات ورواتبهم بيبدا من كام لحديث التخرج، عشان اقدر ابحث عن الشركات دي اكتر ، وشكرا جدا لحضرتك 🖤💎
حبيبي يا هندسة 🥰 🥰 مبدئيا الفيديو إللي هاينزل بكره إن شاء الله عن رواتب المهندسين وتعمل إيه علشان تتارجت الشركات دي وأنواع الشركات إللي تتقدملها... فعمرك أطول من عمري 😂😂 بالنسبة للتخصصات فطبعا باور الاوسع انتشار بين أقسام الميكانيكا وإللي بيصلح للشغل في أي شركة مهما كان مجالها... انما المستقبل الميكاترونيكس وده افهمه من فيديو كنت نزلته عن القسم ده
@@saeedkamh لا ان شاء الله ربنا يطول فعمرك 😂🖤، طيب مقولتليش على اي المجلات المطلوبه، عشان حرفيا انا بشوف فديوهات لخرجيين ببقى عاوز انتحر من الرواتب ومن الاعداد اللي بتقدم، واي بردو مجال أن الواحد يشتغل بره، او أن الناس اللي بتشتغل بره دي بتعمل اي، بحس أن دا كان زمان ودلوقت مفيش حد بيسافر من اللي بسمعه وبشوفه، ولا رائيك اي 😂😂
بص في الأول والاخر الشغل ده رزق من ربنا بمعني إنت مهندس ميكانيكا باور زي حالاتي مثلا وإللي المفروض هي الاوسع انتشارا و موجودة إن شالله في محل بقاله بس إنت مش مكتوبلك تشتغل بيها خلاص... وواحد تآني هندسة غزل ونسيج إللي مضروبة بالنار يتخرج من الكلية يلاقي شغل بالدولار. بس إنت طبعا عليك تاخد بالاسباب ولو بتدور علي الاوسع انتشارا طبعا ميكانيكا باور ومدني وكهربا باور التلاتة دول أهم أقسام. بس المستقبل الميكاترونيكس وابقي شوف الفيديو بتاعه موجود ع القناة.. ولو لشغل بره برده الميكاترونيكس والمدني طيب بالنسبة للرواتب هي فعلا بتبدأ برقم وحش جدا في معظم الشغل بس معدل تغييرها بيكون سريع جدا عكس مهن تانيه كتير
سؤال يا بشمهندس بعد اذنك. انا بنت في تالته ثانوي علمي رياضه و حلمي ادخل هندسه ميكانيكا سيارات باللذات ، بس شايفه من الكومنتات ان حضرتك بتفضل ميكانيكا باور و ان مجال الشغل احسن ليها ممكن حضرتك تشرحلي ليه؟؟ و بالنسبة لمجال الشغل للبنات لو دخلت بإذن الله ميكانيكا سيارات هاتبقي ايه الدنيا ؟
مبدئيا باور أفضل من سيارات لاكتر من سبب... مجال السيارات محترم جدا بس بيتزهق منه بسرعه بسبب التعامل مع ملاك العربيات ودي أساس المشكلة... طيب آنتي دخلتي سيارات واشتغلتي ولقيتي نفسك يا تضربي عميل ياتستقيلي هاتعملي إيه ؟؟ الباور باه يخليكي تشتغل في البترول و السيارات والتكييف والمعدات والطلبات ومكافحة الحريق والمقاولات و المواسير وحاجات كتير جدا جدا تانيه. طيب علي السيارات مناسبة للبنات.... مناسبة كمهندسة استقبال أو ضمان انما كورشة صعب شوية.
@@saeedkamh طب لو دخلت باور او سيارات بسهوله الاقي شغل في توكيلات العربيات ولا بيبقي صعب و ممكن اضطر اشتغل في مراكز صيانه و ورشات؟ و هو كورشه صعبه كإيه باللظبط ، من ناحيه مش هايقبلوني كشغل و لا الشغل ذات نفسه صعب ؟ انا اسفه بسأل حضرتك كتير و تعبت حضرتك بس مفيش حد تاني اسأله . شكرا لحضرتك
توكيلات العربيات زي منصور وغبور و تويوتا فيها كمية كبيره جدا من المهندسات شغالين استقبال وضمان.... بس برده في مراكز خدمة كبيره جدا وتقريبا بتكون في حجم التوكيل ودي الشغل فيها أسهل... مش هايقبلوكي بتكلم عن الورشة شغل عمال وفنيين مش من السهل التعامل معاهم كبنت ولسه صغيره ومعندهاش خبره وللأسف برده في تخوف عموما في المجتمع من البنات والعربيات...يعني مثلا آنتي بتسوقي كويس ؟؟؟ مهندس الورشة بيطلع يجرب العربية فتخيلي باه العميل إللي مقتنع إن البنت ما بتعرفش تسوق هاتعرف تصلح العربية.
@@saeedkamh ايوا فهمت قصد حضرتك شكراا جداا♥️ الفكرة انا بعرف اسوق و انا عندي ١٣ سنه تقريبا و مقارنة بكل ال حواليا و شهادة الكل ان انا فعلا ممتازة في السواقه الحمدالله و حاليا عندي 17 سنه لسه ، و يمكن اكبر اهتماماتي في الحياة العربيات و السواقة و هوايتي اني افضل اعمل سيرش عن كل انواع العربيات و اعرف تفاصيل التفاصيل عنهم و حلمي اساسا انى ادرس كل حاجة تخص العربية و يبقي دا مجال شغلي و مستقبلي كله ف عشان كده انا محدده ميكانيكا سيارات باللذات ، بس فعلا انا بعاني من اسلوب الناس و انا سايقه بالرغم انى فعلا كويسه جدا جدا في السواقه الحمدالله بس هو مفهوم ثابت عند الناس و حقهم بصراحه انا بشوف بنات كتير مش بيعرفوا يسوقوا و بعاني منهم بكرر شكرى لحضرتك♥️
لو إنت في ثانوي يبقي ازمتك في المجموع لأن الفيزياء والرياضيات مهمين في المجموع.... انما لو جبت مجموع وقدرت تدخل هندسة فطريقة دراسة الفيزياء والرياضة بتختلف لأنها بتكون تطبيقية آكتر يعني أسلوب الدراسة نفسه بيختلف فإن شاء الله مستواك فيها يختلف.... معلومة أنا عمري ما حبيت الرياضيات ولا الكيمياء والفيزياء نص نص بس مش هاخلي حبي أو كرهي لحاجه يقفوا في طريقي
بشمهندس انا حاليا في ميكانيكا باور ورايح سنه تانيه بس بفكر احول مدني وخايف اندم، حضرتك تنصحني بايه عشان انا محتار من اول السنه وخايف مانجحش في ميكانيكا رغم اني شاطر جدا من الثانوي بس معنديش خبره في شغل الميكانيكا؟
وايه إللي ها يخليك تنجح في مدني أو كهربا أو أي قسم ؟؟؟؟ انت مش حابب ميكانيكا لأي سبب آه ممكن أفهمك انما لمجرد خايف من الفشل ؟؟ لو حابب مجال المدني ماتستناش حول فورا انما لو مش فارق معاك ولمجرد التغيير يبقي لا... بص ياهندسه مش هاتلاقي عندي محفزات ليك إنك تفضل في ميكانيكا أو أي قسم لأن ببساطة شديدة مرحبا بك في مهنة البهدلة والقرف والفلوس القليلة مع شوتين تعب محترمين علي سهر ليالي... أيا كان تخصصك لازم تعرف إن الهندسة كيف ومزاج وادمان. صلي استخارة واشربلك ٢ بريل كده وواجه نفسك أنا عاوز أكون مهندس ماتسالش هاتعرف ولا لا أسال نفسك عاوز تبقي مهندس ؟؟الإجابة إذا كانت أيوة أسال نفسك ميال لإيه
@@saeedkamh هو حضرتك عندك حق طبعا بس هو مجرد تقصير مني خلاني مش مقتنع اني هنجح فيها وثانيا ضغط اهلي عليا اني ادخل مدني عشان اغلب عيلتي شغالة فيه. بس انا قصدي اسأل حضرتك اذا كنت شايف ان مستقبل مدني افضل كشغل في مصر ولا ميكانيكا. وانا شخصيا ميال للاتنين بس بدور عالاصلح. اتمنى تكون فهمتني
بص يامدير... الشغل رزق بتاع ربنا لو والدك رئيس الوزراء وربنا مش كاتبلك تشتغل معاه فأنسى... إما بالنسبة لمين أفضل في الشغل فالاتنين ماشاء الله عليهم منتشرين جدا... صلي استخارة وشوف إنت ميال لإيه آكتر وتوكل علي الله بس أبعد نفسك عن أي مؤثرات سواء من العيلة أو خلافه...
التصميم و التنفيذ مش تخصصات انما المجال يعني إنت جوا باور اتخصصت HVAC في واحد بينفذ وواحد بيصمم آلأتنين باور بس واحد مرتاح نفسيا للرسم والتاني بيحب البهدله والموقع
لو معدات هايدروليك يعني اوناش وكسارات وكده يبقي دواير الهيدروليك ولو معدات محركات زي مولدات و مواتير وكده يبقي تركز علي engin Management وعموما حاول تجيب SIS ده برنامج كاترييللر فيه قطع الغيار و الصيانة لجميع معداتهم وتفهم et كويس إللي هو برنامج تشخيص أعطال الكات
هما درسوا السيارات من غير ما يتقال عنها إسم سيارات... محركات الاحتراق الداخلي ماهي في السيارات. مانا باور واول ما إشتغلت إشتغلت في السيارات. في عندكم توكيل أبو حته تقريبا بتاع تويوتا أسال عليه واطلب تشتغل معاهم ولو بارت تايم
يا ريتنى قابلتك من زمان يا عمنا انا خريج ٢٠١٨ انتاج و كل شغلى فى جزء الميكانيكا فى البنية التحتية صحية بقى على محطات سواء مياه أو صرف أو معالجة هل السن عائق فى سبيل انى اشتغل فى مجال البترول لو قدمت على حاجة و وصلت للمقابلة ؟ و الف الف شكر و مرة تانية يا ريتنى شوفت الفيديو ده قبل ما اتخرج ..قدر الله و ما شاء فعل حزاكم الله خيرا ❤❤
السلام عليكم ي هندسه انا كنت اعدادي وان شاء الله داخل باور فكنت عاوز حاليا اي البرنامج او الكورس الي اخده وانا طالب بحيث اكون بيرفكت فيه ويفيدني عند التخرج ومهندس باور يقدر يشتغل فين وايه وشكرا مقدما
بشمهندس أنا بنت ولسه طالعه ٣ث وكنت عايزه اسال حضرتك انا علمي فمحتاره اخش علوم ولا رياضه واي ال مجال شغله هيكون متوفرعلي. طول طب الأسنان ولا هندسه فمحتاره ممكن تنصحني
إنك تشتغل موقع شوية وبعدين مكتب فني... وياربت يكون الترتيب كده موقع ثم مكتب علشان الأول تفهم الواقع بكل مشاكله وتفهم الرسومات وبعدين تطلع لمرحلة التصميم...