اشترك وفعل التنبيهات في قناة محمد العميشي الرسمية كي يصلك كل جديد
bit.ly/2NI430Z
لمتابعة محمد العميشي عبر صفحات التواصل الاجتماعي :
Snapchat: bit.ly/2Cfdq5V
Twitter: bit.ly/2EhQsxB
كلمات: موفق العميشي.
اداء: محمد العميشي.
اداء: ايمن العميشي.
تسجيل وتوزيع: استديوهات الوزاب.
الكلمات:
يا شمنصير يا مسدل علينا ظلاله
كيف عدّيت دار سليم وسليم قمّه
عزوةٍ تدحم فحول الحجاز وجباله
وانت ظلّيت تدحم فالنجوم المزمّه
أنت رمز الوفا وسليم رمز الأصاله
والله انهم كعام المعضلات المطمّه
يشهد محمّد اللي يعتزي في خواله
يومها عوّدت يا قوم وعْصاب عِمّه
جاك حرٍّ من السلمان يشبهك حاله
لاجل عصمًا يبيها في بناخيه وامّه
شاعرٍ سجّ فالمثناه واطلق خَياله
وفي ضواح الغريف اخطا قصيده وخمّه
من نحوله تشوف معاقبه من خلاله
ومن سمان المصايب ممتلي بطن همّه
حالفٍ ما يعوّد لين يثقل رحاله
من قصيدٍ يوسّع خاطر عيال عمّه
فيك يا عز يا موجب حقوق الرسالة
تم ممشاك لا تخطيه يا عز تمّه
انت دمّك عزيز ومرجعك في سلاله
تجذب المجد فالجدّين خاله وعمّه
جوّد الدين يوم الدين محمود فاله
فرضٍ مْن السما داريه وان طعت صُمّه
وارخي السمع عند ابوك واحفظ وصاله
وامّك اللي تحن رْضاك وتشيل همّه
واخفض لْهم جناح الذل والزم خصاله
ما يطيب الفتى لا خيّب ابوه وامّه
تدري عْن الخبر لا اجتزت سن الجهاله
كيف حال الرجل لا صان لحمه ودمّه
هو يحشّم غلاه وهو يكرّم قباله
يصلح المدح فيه ولا تجيه المذمّه
وفي محل الكريم اللي يكرّم سباله
عد معه وتصدّر به ليا جيت يمّه
عد واقلط على الفنجال كُبَّ البياله
واقدع من التمر والعلم لا جبت عِمِّه
وان لفاك العزيز ابو النِّعِم والشكاله
تنطحه مرحبا قدّام يهرجك فمّه
واشعل السَّمْر لين النار تكوي دلاله
وانحر اللي يصيح الذيب لا منه شَمّه
ذي وصاتي وانا خالك ولاهي جماله
هاقيٍ فيك يا زبن الامور المهمّه
والبناخي موصّى عقب وصّاه خاله
تلحقه شرهة الاجواد من كل يمّه
وان نقلت الحمل لشعيل وشعيل شاله
يستريح الضمير وتنعم الحال ذمّه.
#مجرور
7 сен 2024