الله يرحم لك الوالدين منين شفت الفيديو ديال شكري بقيت تنضحك حيث باين فيه شلاهبي من خلال كلامه وزايدها بالحلوف حسبي الله ونعم الوكيل راه تياكل غير الحرام اخرها موت .تحياتي لك
بعدا هذا خونا كعيفني بطريقة الكلام دياله.. هو داك الملقب بالطالياني.. عنده جوح بياسات.. ديال تامبرلاند.. كل فيديو يصورهم.. مزال مالقا الدمودومة.. أما ولاد البلاد راه كتسناو صولد.. كتقاداو من الاوريجينال بنص ثمن من بوتيك تامبرلاند
أخي و الله إيلا شفت لي سيرفيتات أديداس أو نيك أو زيد أو زيد تاي هبطو من عين شق (الياسمينة) لقريعة أو تاي تباعو بلي أوريجينال أو تاي تشراو ما بين 350 درهم أو 400 درهم أو تايدربوهم على بنادم ما بين 800 درهم أو 1400 درهم راكبين فيهم سناسل أورجينال أو تكيت ديال أوريجينال أو الخدمة مخدومة ولاكن لي حرايفي نيت إجبدها باركين أو تاي حرية بنادم
باش غادي يعرفها بائع بلي كوبي . واش هو خبير ديال جميع منتجات العالم . راه أخويا بائع التقسيط كايشري من عند بائع الجملة على ضمانة بائع الجملة و بائع الجملة حتى هو كايشري من بائع جمله اخرين أو مورد على ضمانتو يعني كاين هناك بيناتهم حاجة كتسمى التعامل بنية أو التقة . سالينا . سعر راه كايحددو القدرة الشرائية ديال المواطن . المغاربة باغين بياس دوريجين و لكن باغيين بسعر مصولدي 70 أو 75 في المائة ديال تخفيض في أوروبا و ماباغينش يتزاد عليه مصاريف النقل و مصاريف التعشير و رباح بائع الجملة و بائع التقسيط و طبعا هد شي صعيب حيت المستهلك خاصو يفهم بلي هد شي لي كايطلب مستحيل راه مايمكنش يجي في ترونسبور فابور و مستحيل تحيد مصاريف التعشير و الا تحيدت تعشير فكاين رشاوي باش لي جايبها شاري طريق و مستحيل تحيد رباح ديال بياع الجملة و ديال بياع تقسيط خاصة أنه متلا في الأحدية كايجيب شي نمارية صعيب تخرج ليه و لا كايكون خروجها تقيل بزاف متخرج ليك حتى ضرب عام أو عامين تولي موديل قديم غير مطلوب كنتي شاريها بسعر و تبيعها بنصف سعرها غير باش تنقص من الضرر . بغيت غير نقول لك واحد حاجة . خويا عايش في ألمانيا و منين كايكون شي صولد متلا في سطور نايك ديال ألمانيا كايمشي تماك كايلقى مغاربة حدا الباب كايطلبو منو يشري ليهم شي موديل و كايعطوه نوامر لي باغيين و فلوس و هو مكايعرفهمش غير كايدير فيهم بليزير و صوافي حيت سطور نهار صولد مكايسمحوش لشي واحد يشري كثر من 10 سبرديلات و منين كايجمعوهم في خنشة من بعد ما كايلوحو كراطنهم كايسفطوهم مع واحد مغربي خدام كاينقل إرساليات لمغاربة كايدوزها من ديوانة بلا مايخلص شي ريال حيت كايكونو داخل فارغونيت ديالو يصعب رؤيتها و حتى الا شافوها كايدور معاهم بشي بركة و الخنشة ديال سبرديلات كتوصل لأحد تجار ديال قريعة مبغيتش ندكر سميتو المهم راه سلعة دوريجين 100/100 غير جاية في خنشة و محيدة ليها كرطونات . صاحبنا جايب سعر تيشرتات و قبيات ممصولدينش و شوف أخويا نهار بلاك فرايداي شحال كتباع . متجيبش لي صولدات العاديين الموسمين لي كتكون في شهر 12 و 3 و 6 و 9 . حيث بلاك فرايداي كايكون سعر خاص
بنادم ماباغيش يفهم بأن الأوريجينال مافيهش هامش ربح كبير ماعدا شراء التخفيضات أما الأواخر فثمن الأوريجينال واضح يعني التاجر بالقريعة مايمكنش يبيع ويربح 50 درهم فالحبة وهو شاري محال او كاري بالتمان وزيد أنت تقدر تشري سبرذيلة ب 1900 درهم و تبيعها ب 2000 درهم وتسنا طياح ديالها وتخرج منها المصاريف مايمكنش إذن هاي كوبي قاضي الغرض غنشري سلعة مخدومة مع العلم رآها محتكرة وقليلة من بلاصتها ويدخلها شخص واحد يعني جمال مايمكنش أي واحد ينافسو حيت مول الشكارة وكيتعاملو معاه بوحدو راه مليار والصرف يعني فورنيسور يبيع فين مابغا وديك ساعة غتشري ب 1000 وغتبيع ب 1900
كلامك يا اخي من واحد الجهة كاين ولكن سمح ليا بنادم يبيع ويشري الله يسهل عليه ولكن الى كانت السلعة كوبي يبعها بسمية الكوبي تجي تشري عندي الله يجعلني نربح معاك حتة تلاتلافريال غير مانكدبش عليك حيت لكوبي ماشي عيب راه تا دراوش يلقو ما يلبسو
