محامي السيارات : معضلة السيارات الصينية 

انت تلوم في المقطع الي يتكلمون عن سوء جودة الصيني و هم ما جربوها. معك حق طيب كيف تتكلم عن جودتها و انت ما عندك سيارة صينية ؟ انا شخص محافظ جدا و عندي خبرة بالسيارات و العناية فيها و عندي MG RX8 و والله لو يرجع فيني الوقت ما اشتريته. و هذا كلام نسبة مو قليلة من الي اشتروا السيارات الصينية و روح شوف قروبات السيارات الصينية و شوف الأعطال و قد ايش تتكرر على مستوى نوع سيارة وحده و نوعية الأعطال. دفرنس. جيربوكس. كهرباء. و غيرها من الأعطال الي مستحيل تشوفها في سيارات من شركات أخرى. و فوق هذا سوء الوكيل و تعامله و غلاء اسعار الصيانة المبالغ فيها انا ما اقول الصيني سيء تماما. لكن قدامه وقت علشان يقدر يصنع شيء بجودة تماثل جودة السيارات الأمريكية و اليابانية و غيرها

اشغلونا بكتيبات الاصلاح و أغلب الورش عندنا يشتغلونا بالخبرة ما عندهم كتيب اصلاح لسيارة وحدة

حاليا معي ونيت صيني JAC t8 بعد التجربة معي من سنة واموره تمام ، صراحة تغيرت نظرتي للسيارات الصينية للأحسن ، قبل لا اشتري كنت متخوف لكن الحمد لله

استمرر 👍🏻 انا مالك لسيارة صينية وكلامك صحيح ١٠٠٪؜ .. مشكلتنا ما يذم الا اللي ما جرب وهذا خطأ .. دايماً التجارب تاخذها من المُلاك نفسهم .. والحمدلله ما ندمت على قراري وما اظن اني بطلع من عالم السيارات الصينية

انا ماجربت الصيني لكن سيارتهم روعه تحس انك صدق شاري سيارة ٢٢ احسن من الياباني يبغاله ١٥ سنه علشان يوصل الى تطور الصيني اتوقع السيارات الصينيه يبغالها سنتين وتكون القطع بالصناعيه بالمحلات

انا مالك ل شانجان ماشية 40 الف امورها تمام ولله الحمد واعرف ناس ماشين بالصيني فوق150 الف وامورهم تمام وللامانه فيه ناس خربت معهم لكن شفت الخرابات بالامريكي والياباني والالماني والكوري السيارة توفيق قبل كل شي

واصل ي افخم محامي فيكي ي دنيا

شكرا شكرا مليون لك والله يكثر من امثالك انسان فاهم ومثقف ارفع لك العقال

شانجان كتب الصيانة والكاتلوج والديقرام الرسومات التخطيطيه الخاصة بالورش متوفرة لسيارات شانجان عند المجدوعي ويقدرون يشترونها او الي يبي يشتري جهاز الفحص من شركة بوش الالمانية موديل الجهاز KT660

مبدع يالمحامي 👍

معظم اللي راكبين حمله الحرب الشرسه على السيارات الصينيه هم قروبات شريطيه وامعاتهم من عبده الشركات وبالاخص تويوتا.. وكله عشان مصالحهم ينشفون السيارات من الوكالات ويعرضونها بمعارضهم باسعار فلكيه وربح عالي والسوق معروف عرض وطلب ووزارة التجاره ماتقدر تسوي شي .. واكثر شي قاهرني هو سطحيه اللي راكب الحمله ذي .. مايدري ان تنوع الشركات في مصلحته بالاخير كمستهلك .. اليوم جالس يصايح ويسب وزارة التجاره ( مع ان مالها اي علاقه ) عشانه مايقدر يشتري كامري .. مايدري لو قلت مبيعات تويوتا بسبب السيارات الصينيه تنجبر تويوتا ترخص له الكامري غصبا عنها عشان ماتنطرد من السوق وسوتها في 2012 وطلع رئيس تويوتا بحفل تدشين الكامري وصرح انه ماراح يزيدون دولار واحد بالكامري الجديد بسبب المنافسه الشرسه وكان وقتها يقصد ( السوناتا والاوبتيما ) كانو رخاص مره . بس وش نسوي ولمتى نعلم هذي عوايد المستهلك السعودي .. غبي وسطحي كلمه توديه وكلمه تجيبه . وبالنهايه السيارات الصينيه فرضت نفسها بوقت قصير والحين تحصلها بكل شارع بالسعوديه رضى من رضى وزعل من زعل وسلام .

مشكلة السيارات الصينية يصنع لك سيارة بودي كبير او جيب ومحرك صغير بحجم محرك اكسنت او يارس ويعتمد اكثر شيء على التيربو ، والتيربو عيبه ما يعطيك قوة الانطلاقة من الصفر يعني بتفقد متعة القيادة وغير انك بتدخل في مشاكل اللاق وغيرها ، اللي بيصنع محرك صغير مع تيربو لازم يكون شركة عندها باع تاريخ طويل وخبرة في تصنيع السيارات مثل الالماني وغيره عشان عنده هندسة كيف يصمم التيربو يكون متناغم مع المحرك

السلام عليكم والله الصيني جوده عندي شانجان ايدو 2017 حاطها سبيل للبيت أيام تجلس تشتغل 24 ساعة سافرت فيها واخواني كثير حتى تطعيس ايام المطر طعست فيها وطرق ردميات غير مزفلته امشي فيها 120 الآن ماشية 450 الف والصيانات اتاخر فيها الحمد لله الي غيرت فيها الاشياء الاستهلاكية فقط والى الآن السيارة موجودة حمارة مكده وانتم بكرامه علمة خواتي السواقة عليها

استمر يالحازمي 😎

استمر م يوقفك الى الموت وانا اخوك 🤍

موضوع شيق و متداول بكثر والجميل انك اثرته لان الفكرة الاساسية السيارة اللي وقعت في غرامها وخلاص بتشتري ..فكر ..هل هي فعلا بتخدم احتياجك ومناسبة لظروفك المالية

لو ايش ماتشريت صيني خلك على اليباني والامريكي واذا انت مرتاح ماديًا روح للألماني

اخوي ابو حزم نصيحه مني زبط الإضاءة لنه والله مخليه وجهك ابيض في تطبيقات تزبط الإضاءة ماقدر اذكرلك لكن ابحث وراح تلقى انشاءالله وبتوفيق

استمر

كان عندي سيارة صينية وامسك فيها خطوط ماعدا لها سنة الا وفنشت السيارة واخذت لي كورلا ٢٠١٦ ومستعملة والى الان زي الفل ماشاء الله مع العلم انو الصينية كانت وكالة و في ٢٠١٧ اخذتها

كل الشركات الناس تشتكي منهم ياباني والماني وامريكي الخ بلاوي وشكاوي وغلاء فاحش وضمانات محدودة وكثير قطع غير متوفرة بل يبيعونك قطع على اساس انها اصلية وهي بالمناسبة صناعة صينية وتايون واندونسيا وماليزيا .. الخ الصينية عانت بالبدايات مثل كل الشركات الشهيرة والعريقة ببداياتها واخرها السيارات الكورية لكن الان اثبتت بالتجربة نجاحها ١٠٠% بالمحركات والجيرات والميكانيكا عموما وكذلك التصاميم والمميزات والاسعار وكل شيء ، صحيح يوجد بعض المنغصات لكنها طبيعية ومثل باقي السيارات والمهم انهم يتطورون ويحسنون بسرعة اكثر من غيرهم ..واما مشاكل الوكلاء فحدث ولاحرج ،،

تنصحوني اخذ شانجان uni k ? الصراحة السيارة داخله خاطري ولكن خايف من قطع غيارها

احد يدلني على موقع اطلب منها مكينة لسيارة صينية جريت وول ونجل 7 2020

الحمدلله على فضله عندي سيارة شانجان ٢٠١٧ اكد عليها مشيتها ٣٢٩ ألف ومستمره السيارة معي السيارة ما توقعت انها بخمس جودتها الفعلية والله إذا استمرة اسعار شانجان كذا سيارتي الي بشترها بتكون شانجان ولا راح اطلع منها

انا عندي جيلي 2013 قربة 400 الف الحين السيارة ما شاء الله تكرف

الشيء اللي لازم نتفق عليه هو أن الصينيين داخلين السوق بعنف وناوين، وهي مسألة وقت لين تكون لهم حصة ونصيب من السوق. وفي الوقت الراهن، لا أشجع على شراء الصيني إلا ما كان سعره بحدود الـ 80 ألف تقريباً وما دون، وأرى أنه ينبغي الحذر مما هو أغلى من ذلك. فما زال الصينيين تنقصهم بعض الخبرة التقنية. فمثلاً، هم ما زالوا غير قادرين على صناعة الـ platform (الشاصية-chassis) المستعمل في مركباتهم، وهذه مصيبة بحد ذاتها في عالم صناعة السيارات. ونتيجةً لذلك، فتجربة القيادة متواضعة في معظم المركبات الصينية نظراً لمحدودية خيارات الصينيين فيما يختص بأنظمة التعليق؛ حيث أنهم مُجبرين على إستعمال الأنظمة التي تتوافق فقط مع الشاصيات التي يُمكن أن يستخدموها بموجب الإتفاقيات. ومن جانب آخر، يبدو أن الصينيين يتطورون في جانب تصنيع المحركات ونواقل الحركة ومعظم الجوانب الميكانيكية الأخرى.

بس السيارات بعضها يمشي 500 و600 وامورها تمام

لازم تزور الصين راح تتاكد اننا مضحوووك علينا عندهم اكثر شركه بالشوارع فولكس واجن و تويوتا والسيارات الصينيه جداً قليله ومايستخدها الا الطبقه الفقيره

اللي فاهم بالسيارات ميكانيكيا وكهربائيا لن يأخذ سيارة صينية ومعظم اللي يمدح الصيني لو تسأله عن نوع نظام حقن الوقود فيها مايجاوب

ثالث تعليق

في العراق حراره عاليه واتربه واملاح اذلك السيارات الصينيه تتأكسد وتخيس بالبدي هذا غير المحرك والكير الفاشلين

قاعد تألف من عندك وتطبل تضحك على الناس .. ياعمي قل خيرا او اصمت .. لا تورط الناس في سيارات مالها قطع غيار .. كلامك محسوب عندالله .. انتبه !

اول مره اشوف سياره مالها كتيب 😁😂😁 الصيني كله تجميع أوربي وش الفايده

زباله صراحه الصيني الامريكي الياباني الاوروبي تحصله في السكراب في قطع الغيار تحصل تجاري تحصل فالانترنت في كل مكان الصيني لايوجد

يعطيك العافيه سعادة المحامي ،، انا اشوف ان السيارات الصينيه لولا قيادة الحريم كان مبيعاتهم في الهاوية الشعب كله مع الياباني اولا ثم الامريكي والكوري بنفس نسبة الثقه تقريباً بس الحريم طبوا سوق السيارات بدون خبرة مسبقه وغرتهم البانوراما والشاشات والجلود ووووو اللي يوفرها الصانع الصيني فلذلك انتشرت مثل ماتقول اما الشباب اتحدى اذا فكر مجرد تفكير بسيارة صينيه الا ماندر والا بيستلمونه خوياه طقطقه 😂😂

أستعجب من بعض الإخوة الكرام ودفاعهم بشدة عن السيارات والمنتوجات الصينية. مالسبب؟ أنا معكم السيارات الأخرى سعرها طار ومواصفاتها أقل من الصينية وصار من الصعب على الأغلبية شراؤها، لكن هذا ليس سبب لنقوم بالدعاية والتسويق للصين. لنقل للناس الأفضل هو القديم والدارج بالسوق، إن لم تستطع ففي هذه الحالة خذ صيني لأنه لا يزال دعمه فقير وضعيف. *الدعم هو وجود قطع الغيار جديد ومستعمل في كل مكان وصيانتها من كل الورش ووجود اكسسواراتها الداخلية والخارجية وسهولة بيع السيارة بأفضل ثمن.

من الاخر اللي يشتري الصيني يستاهل ما يجيه

انت محامي السيارات الصينيه،،، وش دعوة يامعود

إيش سيارتك الأمريكية بالله؟ واضح جداً التسويق للصيني هذا هو الكلام اللي يرددونه دايماً المسوقين في كل وسائل التواصل. فل بقيمة ستاندر، مواصفات، ضمان، متى بتحتاج قطع بدي... إلخ. أنت فأر تجارب لسيارات وشركات توها نازلة للسوق؟ والا بتعتمد على اللي اللي منتشر وناجح في بلدك وكل دول العالم ومدعوم من كل النواحي في كل مكان، سواء قطع غيار أو إكسسوارات أو صيانة أو إقبال كبير وقيمة عالية عند البيع. ومن قال لك إن السيارات هالزمن عمرها خمس سنوات، هذا هو الصيني 3 سنوات بعد مو خمس، وبعدها يتعطل وللتشليح، الصناعات الأخرى تكد العمر كله يا رجل كوامري تسعينات وكراسيدات وهايلكسات تسعينات تدهر إلى الآن.

السيارات الصينية ماراح تفلح ابدا اذا الا لمن تبدا تصنع القيور و المكائن بنفسهم ما انصح ابدا في السياره الصينية ما اتكلم شي يقولون وغيره لكن اسمعو زيارتي لاحدى فروع قطع غيار للسيارات الصينية كان يحتاج رديتر اخذنا رديتر قيمته ٤٥٠ وانا اشوف سعره منطقي جدا لكن اخدنا الرديتر و فكينا القديم طلع الرديتر مختلف وسبب الاختلاف انو فل كامل و الرديتر حقها يختلف عن رديتر الاستناندر ايش غباء الصانع الصيني يحط نوعين مختلف لنفس المكينة و طبعا السعر الثاني يختلف 😂

هههههههههههههه والله انك جالس تهبد 😂😂 الصيني يبيعك ديكور فقط لكن اعتمادية صفررررررر

كلامك صحيح واسلوب زفت

سبب انتشار السيارات الصينية هو الحريم والمهابيل مثل المحترم صاحب الفديو

ايش الاشكال الضاله هذه اللي كل يومين تطلع لنا من اليوتيوب... اسند ظهرك يا ورع وتحكه مع الرجاجيل زي الناس

الصناعة الصينة نسخ وتقليد صانع بلاهوبة بلاتاريخ بلا اعتمادية .. خذلك ياباني او حتى كوري كلاسبك استاندر ولا تاخذ صيني .. نصيحة