ربنا يشفيك ويعفي عنك وتقوم بالسلامة يا عمرو ، هتبقى كويس وتخف وتكون أحسن من الأول بأمر الله ،كلنا بدعيلك إنك تخف، اتعودنا على وجودك في حياتنا، طول اليوم والله، ال فكرة نفسهاا تقتل 😢😢 ربنا يجبر ب خاطرك أن شاء الله ويجبر بخاطرنا فيك😢♥️
دايما يا عمرو انت في مكان لوحدك شكرا ليك❤️✨ انت خليت أجيال تراجع نظرتها للشعر ، طريقة سردك الحكايه ، احساسك واصل بشكل انت لا تتخيله أخيرا : انت عظيم ❤️❤️❤️✨
ماحبِتش غيرها برغم السنين اللي فاتت عليا بيفضل حنين مني ليها ف عنيا وتفضل كإن البنات بعد منها نسخ باهتة منها وكل الشموس اللي تابعت غيابها بتنعي انسحابها كإن الشوارع عجين لما مشيت فنحتت اثرها وحفظت كلامها وصوتها وهزارها ومشيت جماعه مامشيتش مفرد عشان غاب معاها مِساها ونهارها بتوحشني زي العيال ف المدارس لعين امهاتهم وتوحشني زي ارتباط الملابس بايد شماعاتهم وسايباني زي اللي ماتوا وفضلوا بيمشوا ف حياتهم تشم القلوب كل يوم زهر فايح وتتبقى وردة ويفضل عبيرها ماحبتش غيرها وليها مكانه مخليّه قلبي بيسلك دروبها خدتني لدرجة تخليني اشوف المزايا ف عيوبها وصوتها وايه زي صوتها نزول المطر فوق خشب بيت قديم نعومة نجاة وبحة حليم وضحكتها تشبه دخول النسيم على ارض طالها الخريف من سنين ف يوم ما اتقابلنا ماكنتش باشوف الحياه ليها معنى وحسيت كإني عارفها لزمن كإن النصيب كان بعَدنا وجمعنا وسددت تمنه وقبضت التمن بسلم عليها كإني سايبها ف غربة ورجعت وسكتت ف لحظتها لكن سِمعت وغمضت عيني عشان املى روحي قمر غاب ف ليلكم ونوّر سطوحي وصالحتني كل السنين اللي فاتت مجرد ماعدّت وفجأة انفجر سيل طويل م الأغاني كل ده كان ليه ياللي بتسأل عن الحياة بعيد عنك وسيرة الحب كبر الغرام بهواك حيرت قلبي معاك وقولت هاقدر ايوم انساك وكل ما انساها افتكرها ماحبتش غيرها ماحستش عمري باحساس مشابه تجاه أي واحدة كإن الغرام اللي مكتوبلي كامل خرج غصب عني وعلى دفعه واحدة كبر فينا معنى وصار بيننا لعنه بدأت معانا ف يوم ما اجتمعنا وانا كنت اصغر سنين من كده ماكنتش مأمِّن ليغدر زماني وعايش مآمن وواقف مكاني وشارد ف لون الحياة البرتقاني وتارِك بيبان الغياب مفتوحين ففاجئتني ضربة على غفله مني وسلمت راية ف أول كمين وفاتت سنين واديني كإن اللقا من ثواني لكني بقيت للأسف حد تاني خانتني الظروف واتسجنت ف غيابها ولسّاني ايد ع الاكر عند بابها وبعد اما كنا شباب ف البداية كبرنا سنين جوه شرح الروايه واصبح مابيننا جبال من جليد بلادها بعيد وارضي ملاها الحداد والحديد وتجاعيدي مرت شقوق الغيطان جوه طمي الوريد وأصبحت اكبر وأصبحت اعدي الطريق ف الإشارة باتقل هدومي وبلبس كوفيّه واحس بجروحكوا واوجاعكوا فيّا وأصبحت اعقل واهدى وأتقل وهي كمان حاجه انطفت وعاشت ظروف متعبه واختفِت لكن لسه نفس الصبيه الجميله وصاحبة ليالي الغرام الطويلة ولسه عيون ممكنه مستحيله وست البنات كلهن ف عنيا ومهما ايدين ناعمه مسكت ايديا ومهما عيوني ثبتتني ف مكاني هتفضل رجولتي وطفولتي عشانها مايملاش مكانها ف يوم حد تاني ولا واحدة تربط مصيري بمصيرها ماحبتش غيرها ومايأسش ابداً ولو حتى قالوا الحكايه ف اخرها ولو صوت صحابي ف وداني محاصرني ولو طول غيابها خانقني وعاصرني ولو حتى عدت سنين تانية بيننا هاقول انه وارد وجايز وممكن وامنّي خيالي باجمل نهاية وهي معايا وجايه تعوضني لحظة بكاها بلحظة بكايا وراجعة بكل الورود اللي دبلت والاقيها قبلت تكمل معايا ولو ساعه واحدة ولو حتى نظرة هاحس اني مرة مشيت وانتصرت واني جنيت قد لما انتظرت فسايب مساحة ف بيتي لخيالها وسايب مساحة ف قلبي لعيالها وسايب اوضتنا ترتبها هي وسايب مخدة زيادة وكوفيه ومختار اضاءة تلائم عنيها وعامل حسابي عليا وعليها واقول بكره اجمل وهاقدر وهاكسب رهاني ف حاجات كان خيالي خسرها ماحبِتش وافخر بكونها ف حياتي واني ف حياتي ماحبتش غيرها
ياااارب نتحب زي الكلام ده والله عيني دمعت من قوة إحساسه وجماله♥️ كلامه بيمثل ناس كتير تايهه في الحياة حبت وملقتش حب او كان نفسهم في قصه ومكملتش نهايته كانت قبل بدايتها اوجاعنا كتير اوي بس اكيد ربنا عالم بوجع كل واحد والاحساس إلا اتحط جواه اكيد ربنا هايعوضنا ويمسح اوجعنا
نفسي اوى اسمع منك قرآن او حديث أظنك بالإحساس ده توصف لنا كيان الصحابة وحالهم وهما في حضرة الرسول ممكن توصف لي احساسك ايه لو قاعد بين ايد الرسول ؟؟؟ تخيل نفسك كدة ابن الحسن حفيد الرسول واوصفهولي ممكن ؟؟
الف سلامه عليك . حرفيا قرار اعتزالك ده اوحش حاجه هتحصل ، لانه بجد انت الحد اللي حرفيا بجري اسمعه سواء فرحانه او زعلانه وحفظت نفاصيل تعابير وشك وتريقتك بضحكه وانت بتقول الشعر ، زعيقك واحساسك وكل ده . الف سلامه وربنا يتم شفاءك علي خير . وعد هفضل ادعيلك ربنا يقويك ع تحمل الوجع وانه يتم شفاءك ♥️ هتفضل عمرو حسن وهتفضل رقم واحد في الحته دي وهتفضل الدرويش حتي في غيابك
عن اول حب حبيته عن قلبي اللي تاه ونسي مكان بيته عن سهم ساب القوس وانطلق عن قلبي اللي كان ساكت وفجأه نطق كان قلبي متعلق بيكي رغم الطفوله اللي فيا كان نفسي اشوف فيكي الحب اللي كان فيا بعدت رغم العناد اللي في قلبي تجاهك .. وقلت يمكن حبي يقل ....... ويتحول من حلو لمر لسه فاكرك متقلقيش بس مش فاكر كتير كان حبي هو الصادق وحبك ملوش دليل قالت هركز في دراستي وهبعد لفتره محدوده لكن انا وبارادتي عشت كانها مش موجوده رجعت وقالت عايزاني اصحاب... فقررت انى ابعد و ابدا حياتي كان نفسي تكون اثنين احباب ...انا مش بتاع بنات وفلاتي بعدت بدون سلام يغور السلام في وجودك لو كان الحب كلام كان القلب داب والدم انعدم في عروقك كان حب دائم 11 سنه قدام وانتهت اوقات السهر والتفكير ...كان قلب عايش في الاوهام لكن القلب العاشق يصيبه التخدير سلام بدون رجوع .. بدون ازراف العين للدموع رأيكم
متشكيش لحد همك .... حتي لو دموا ساري في عرقك متعرفش منين الضربه تيجي ... خلي املك دايما في ربك كتر الهموم مش عقاب .... دا الهموم لو انت راضي شوف بقي انت الثواب خلي املك دايما في ربك .... مهما اقفلوا في وشك الف باب رأيكم