تعجز الحروف ع التعبير ربنا اوفقك ي ملك الوتر الخماسي ...،،، ساهرت الليالي أعاني وما عملت حساب للصحة لقائه الصباح يلقاني مشتاق يا كنار الدورووووووووووووحة الله الله عليك
عابره 30 🌺أماني تشبه أماني🌺 لاهيت من زمان ياأماني لامن صوتي راح وإتبحّ وفي آخر المطاف خشّاني داءاً مابيطيق الجرحة سهران الليالي أعاني وماعامل حساب للصحة لا غاية الصباح يلقاني مشتاق ياكنار الدوحة 🔅🔅🔅🔅🔅🔅 قلباً ليّ عنيد ياعابرة صابر بالسنين ماإتنحّي ديل هسّع تلاتين عابرة لليلة الشعر ماشحّ جيتك من يلوحلو خريفا يهرع لي لقاك بي فرحة زي شوق البعير للزيفة يترك لي الرسن في السرحة 🔅🔅🔅🔅🔅🔅 دنياي خدّرت وديانا بي بركة أبوي والسبحة باكر يسرحن غُزلانا فيهن من عيونك لمحة مايهِمّك كلام عزالنا ماطال النفوس منشرحة وماطال الإمور عند سيدنا مالنا علي الخلوق ياسمحه 🔅🔅🔅🔅🔅🔅 نفسي علي العوازل صابرة كل واحد يجيك بي صفحة يحفظك الكريم ياعابرة يرعاك في غداك والروحه من دون الحسان ياأماني لافي لهجة لا بالفصحي ماطالت محاسنك أغاني وماحصرت جمالك لوحة 🔅🔅🔅🔅🔅🔅 اماني جمالا يشبه أماني مامحتاج مثل لا مدحه شهر تمانية رجّعا تاني كان موعدنا عيد الأضحي عابرة معاها اللّه هداني نفسي علي الطريق متفتحة اشعار من فتح رباني ماشيطان عليّ ألحّ
