في محل بن المرضف عز يام وخابرينه
مرحبا ترحيبةٍ ما مثلها والليل ساري
نادوا بن مشيط يا أهل الخير لو بيني وبينه
قدحة البندق وضرب السيف وقصار الشباري
البقا بالشاعر اللي زار مكة والمدينة
كبتنٍ حدته الأجواء للهبوط الإضطراري
اعرف بن الذيب شاعر ما يطيع إلا قرينه
ما وضع بينه وبين اللي معه عازل حراري
زرتها يا محمد بن مشيط وجنوبي متينة
غير لا تطمع في راس غليس وتزعل مكاري
بعد بكرا شوف عيني لك على ظهر السفينة
بعد ما ذكر اسمك بن الترمذي وبن البخاري
يا ابيض الشارب ترا عقل الرجل مفتاح عينه
لا تطب السوق زال السوق له بايع وشاري
الـ بن آدم ما له إلا ما كتب له في جبينه
لا تعلمني وأنا باللي حصل فاهم وداري
أبيض الشارب رفيقك فالهزيلة والسمينة
غير لا تنسى البعير شعيل أبو ناب وسماري
دام بن مشيط يدري بالخبر بالله وينه
لا يحسب السالفة لعبة ورق وإلا أتاري
الثمينة يا محمد ما لها غير الثمينة
والهزيلة ما لها إلا تعترض صفق الذواري
في طريق أم القرى سويت لك هاتف كبينة
وشغل الجوال عادة ما ملا جيبك مصاري
الرفيق اللي ما منه خير جعل الله يهينه
اشتر فراقة لو بسلفة من البنك التجاري
انت تبغي ذبحتي لكن ما ترضا جهينة
لا ترصدني على الخط العمومي والكباري
الرفيق اللي ما منه خير لا تلمس يمينه
عز نفسك عنه لو عشت العمر جايع وعاري
جعلها يا محمد بن الذيب تغشاك السكينة
لا تصرح وانت فالمجلس معك كاتب وقاري
#محمد_بن_الذيب #محمد_ابن_الذيب #المحنك_التميمي
ـــــــــــــــــــــــــــــــــــــــــــــــــــــــــــــــ
قناة التلقرام فيها كل القصائد: mu7nk
رابط قناة التلقرام : t.me/mu7nk
لدعم القناة ماديا : paypal.me/mu7n...
16 сен 2024