مخيم اليرموك.. مخيم للاجئين الفلسطينيين في ضواحي دمشق حوصر لسنوات ودُمر، ثم هُجر أهله. 

من مخيم اليرموك .. فتحت جروح صرلي عشر سنين بحاول ادملها.. هذا هو قدر الفلسطيني السوري.. ان يحمل الجرحان معا

الشهيدة سميرة احمد السهلي من مخيم اليرموك استشهدت في سجون النظام تقول بنتها كنت اتمنى لو امي أسيرة عند الإحتلال كان يمكن طلعت

فلسطينية من سكان دوما و مخيم اليرموك و سوريا وفلسطين بقلبي متساويين . وما بقبل اتخلى عن انتمائي للبلدين . انا فلسطينية سورية بنتمي لبلد عشت فيها وبلد عاشت فيني

أنا من مخيم اليرموك كلامك كلو صحيح والسوريين فعلاً أهلنا وإخواتنا كنا نتقاسم الحياة بكل تفاصيلها مع بعض تحية للشعب السوري الأصيل❤

انا حضرت الحصار كلو بمخيم اليرموك بس الحمد لله قدرت اصمد 😊😊 وطلعت وصرت بهولندا وعم بحضر هاد المقطع وعم بتذكر هديك الايام

فلسطيني سوريا نشعر اننا جزء من الشعب السوري فكنا جزء من سوريا و لا زلنا. الله عالظالم يلي حرمنا سوريا.

أنا كبرت بحي الميدان ولوقت متاخر ماكنت بعرف ان سكان مخيم اليرموك فلسطينين لهالدرجة كنا بنعتبرهم اخوة وبقي المخيم سوق كبير وحيوي الله ينصركم يااهل فلسطين

انا من سكان الميدان وكان نص اصدقائي بالمدرسة فلسطينيين وكنا أعز من اخوة وخسرت كتير من اخواتي الفلسطينيين بالحرب .. كنا رفقات واخوات وجيران ورح نضل لأخر العمر .. وفعليا مخيم اليرموك تحديدا من اكتر الأحياء الدمشقية يلي اتعرضت للدمار وممكن تشوف حجم الدمار من خرائط غوغل ولله شي يفوق الوصف ومربعات سكنية كاملة انمسحت بسكانها .. الله لا يسامح الظلمة ويرجعنا لبلادنا سالمين وبنعمرها ايد بايد ❤

يا زلمة دمعت عيني شكرا لكل سوري حر شريف متل حكايتك وانا ك فلسطيني عايش من داخل مخيم انا بحياتي ما حسيت اني عايش ب بلد غريب اونا ما شفت غير نضرة الحب ومن اخواتي و ولاد دمي السورين شكرا ع كل شي نحنا ما حسينا انو نحنا غراب عن هل بلد احنا ما حسينا غير انو نحنا بين اهل انا واخوان وعزوة ولله شاهد ع كلامي

انا فلسطنية من سكان لمخيم كل كلمة حكيته صحيح ميه بالميه شكرا للمصداقية سورية لذكريات ولحب الذي لا ينسى تحية من المانيا لأحلى بلد بالعالم

فتحت جروحنا بهل حلقة الله يرحم ابي عايش او ميت ويتلطف فيه . الشعب الفلسطيني والسوري شعب واحد وجعنا واحد وفرحنا واحد وان شاء الله ربي بيفرجها عليهم وعلى اهل غزة .

اتذكر حصار المخيم و المجازر و المعاناة اللي مرت بيها سوريا واللي بتمر بيها غزة اليوم الله يلطف بيهم ، قلوبنا دايما موجوعة عليهم ونتمنى لو نقدر نساعد 💔

يعطيك العافية أنا سوري من أبناء مخيم اليرموك عشت الحصار كامل وبحب قول انك إنسان صادق 100‎%‎ كلشي حكيتو صح لا زايد ولا ناقص تستحق المتابعة والدعم 🌹

اااخ بس ع المخيم ...والله كنا بنعتبر حالنا سوريين و لا حسينا بحياتنا انو نحنا مو صحاب ارض بكل نواحي الحياه .. بس بالنهاية تشردنا كلنا و راحت ذكرياتنا و خسرنا ناس عزيزة ع قلوبنا منهم ابوي .الله يرحمو و يهدي البال

انا من جزائر وسكنت انا وزوجي بالمخيم اليرموك بتذكر كان عراقييين كثير بالمخيم بسميها المدينة التي لاتنام عجقة ليل ونهار بتشكرك على هالحلقة

الفلسطيني والسوري هم اخوة ولافرق انا سورية وكنت اعيش بحي فلسطيني كانوا اهلي واخوتي الله على هديك الايام ليتها ترجع 😢😢❤❤❤المهم نحنا نسيج واحد وارض واحدة وعشنا معاناة واحدة ارجوا من الله عز وجل ان تنتهي كل الحروب والمعاناة بتحرير فلسطين والعيش معاً اخوة واهل لافرق ❤️💚🩷❤️💚🩷❤️💚🩷❤️❤️

عنجد انت فعلا سوري اصيل تستحق الاحترام والتقدير ... هؤلاء الذين تقاسموا الهموم والافراح بكل تفاصيلها ...

الفلسطينين بسوريا كنا نفتخر بصداقتهم و وجودهم في بلدنا أهلنا و ناسنا و ما في فرق بيتا و بينهم

انا فلسطيني من مخيم الرمل باللاذقية السوريين عاملونا افضل معاملة وبحياتنا ما حسينا بعنصرية .. إنتمائنا لسوريا لا يقل أبداً عن انتمائنا لفلسطين

انت إنسان رائع أنا كنت من سكان اليرموك لحد 2011 وماكنت حاسس حالي عايش بوطن غير فلسطين شكرا سوريا وشعبك العظيم 💔

متل اليوم قبل ١١ سنة طلعت من اليرموك بعد ما قصفت الميغ وصارو يقوصو علينا من الحيطان.. الله لا يسامحن ولا بعمرنا رح ننسى

بعمري ماحسيت انو الفلسطيني غريب عنا وهنن سوريين مننا وفينا وونحنا وجعنا واحد. ❤❤

كلام دقيق مية بالمية وكأنك كنت عايش معنا باليرموك 👏🏻👏🏻👏🏻

كأنه قدر أهلنا الفلسطينيين ، من لجوء إلى لجوء 💔، ثم يأتيك المجرم فشار الفسد ليخبرك أنهم مع أهل غزة !! حلقة مؤلمة ، أحسنت جهبذ

لك ااااخ شو صار بسوريا وشو صار بالشام انا سورية وأخوالي كانوا ساكنين بمخيم اليرموك مستحيل انسى ايام شارع لوبية ❤❤

من اليمن مدينة صنعاء القديمة التاريخية اقدم مدينة في العالم 🌺 السلام عليكم ورحمة الله وبركاتة اللهم صلى على سيدنا محمد وعلى اله واصحابة اجمعيا

اوه والله معناة ومئاسي كتيير كنا نشوف بالشاارع ناس جلد وعضم ياكلو من الزبالة، بتزكر اختي الصغيرة كانت بالليل تصحى تفيقنا انها جوعانة نعمل حالنا نايمين كرمال ترجع تنام. ايام لا تنسى!!

شكرا جزيلا لك على الحلقة الرائعة رغم قصرها. لكونك ألقيت الضوء على قضية سكان مخيم اليرموك التي تجاهلها العالم تقريبا بشكل شبه كامل. الفلسطيني والسوري ليسوا شعبين بل شعب واحد من بلاد الشام وكل ما يجري في المنطقة يثبت بالدليل أن السوري والفلسطيني واحد وكل ما يضر السوري يضر الفلسطيني وبالعكس. لك كل الحب من فلسطيني سوري ❤

انا فلسطيني سوري من مخيم اليرموك كلامك صحيحح مية بلمية دايما كنت حس حالي ابن بلد ومافي اي تمييز والله بس مع الاسف كل شي دمر وتهجرنا مرة تانية 💔 والله يفرجها يارب ع سوريا وفلسطين وينصرهم ع أعدائهم❤

اللهم انصر أهلنا المظلومين في سورية و فلسطين وفي كل مكان

انا بنت مخيم اليرموك وعشت الحصار كامل تهجرت من بيتي متل كل الناس 😢 لحد اليوم وانا بعاني من الشغلات يلي عشتها بالمخيم كان عمري ٩ سنين 💔 وبتمنا ماحدا يعيش يلي عشناه

قلبنا كل يوم بينضاف ليه وجع جديد سوريا و فلسطين و السودان و اليمن و العراق و لبنان و ربنا يستر على الباقي حقيقي يا ريتنا أحرار عشان ندعم بعض بدل ما بنقع واحد ورا التاني

الحلقة حلوة لانه لعبت على وتر العاطفة و الأخوة لدرجة انه خلتني ادمع ، يمكن على قدر الذل اللي تعرضناله ببعض البلدان العربية

كنا من المحظوظين يلي عندهم جدة عشنا من مونتها ١٠ شهور وجادت وأطعمت على حبه الله يرحمها كثير من الناس. كنا من المحظوظين عندما وجدنا الخبز المعفن واطفأنا الشموع حتى ما نراه واكلناه بيوم كتيرين اشتهوه

هي أول مرة بتابعك وان شاء الله رح تكون دائماً بأولوية المتابعة عندي الحلقة حلوة المعاناة واحدة لأن عنجد نحن أخوة

بارك الله فيك، حلقة قيمة تلخص معاناة كبيرة للفلسطينيبن المهجرين و السوريين الذين عاسو معهم و تهجروا هم كذلك.

ربي يفرج على فلسطين و سوريا و كل بلاد المسلمين و يرحمنا اللهم امين

الله يفرجها ع السوري و الفلسطيني و السوداني و كل سائر المسلمين أتمنى تعمل حلقة لأهلنا بالسودان لانه ما حدا عم يحكي عنهم أو ينقل معاناتهم

وجع خسارة مخيم اليرموك لاهل المخيم جرح بحيات عمره ما بيتسكر. حتى وقت نرجع للبلاد هاد الالم والوجع يلي انعاش رح يضل مرافقنا. الله يرحم يلي راحوا ويكون مع هالشعب.

لايوجد بلد استوعبت اى لاجئ عربى واكرمته وتعاملت معة بكل حب وعطف زى ام الدنيا مصر الحبيبة .. جميع الجنسيات العربية موجودة بمصر معززين مكرمين .. تحيا مصر تحيا مصر تحيا مصر ❤❤❤

حلقة اسطورية الفلسطيني والسوري واحد ومعاناة واحدة الله يفرجها علينا😢❤

تحية كبيرة من سوريا الحرة من أبن منطقة القدم

انا عراقي ومن سكان مخيم اليرموك وشقتنا مازلت بجنب جامع الوسيم وحلويات نبيل نفيسة وعشت اجمل ذكريات شبابي هناك من سنة ٢٠٠٧ الى نصف سنة ٢٠١١ وكان من المناطق التي لاتنام ربي يرحم جميع الشهداء ويحفظ جواريني وأهل اليرموك ❤

شكرا لك على هاذه المعلومات في الاخبار لم نسمع مثل هكذا أمور والله يفرجها على فلسطين وسوريا ❤

الله بنصر السوريين والفلسطينيين والسودانيين😔❤️

يرموك كانت المدينة التي لا تنام رحنا سياحة بال٢٠٠٥ يمكن من عراق الي كان بوقتها بازمة بحيث تنام قبل اذان مغرب و رحنا لسوريا لليرموك ببيت اقارب انزل على دكانة ساعة ٩ بليل و اهلي يروحوا يتسوقوا ساعة ١٢ ولا كانه ساعة ١٢ حتى ومن انزل اشوف الاكل وحلويات دائما ما يضيفوا اذا اشتريت او ما اشتريت نفسهم طيبة وتعاملهم الحلو حسسني بانتماء معهم للاسف مصير فلسطيني في اي مكان بكون نفس مصير المواطن بسبب الانظمة فاسدة

في فقرة مهمة صارت قبل مجزرة الجاعونة، او مجزرة جامع عبد القادر ، هيي تجنيد احمد جبريل وجماعته ( الجبهة الشعبية - القيادة العامة) لصالح النظام ، دمروا التوازن بالمخيم وخلوا الناس بشكل تلقائي تنفجر بوجه النظام.

شكرًا لك لدمج معاناة السوريين و الفلسطينيين

الحلقة دى وجعت قلبي الفلسطينيين يا حبايبي مشبعوش ظلم في بلدهم ولا كلاجئين ربنا ينتقم من كل اللى تأمرو عليهم

شكرا على كل حلقاتك الرائعة دائما حلقات متميزة ، ولكن كل ما تكون الحلقة بتتناول الموضوع الفلسطيني المعقد والصعب فهمه عند ناس كتير بلاقييك مختصر الموضوع ببراعة وايجاز وفهم . وبما اني فلسطيني سوري وبحب سوريا وشعب سوريا كأنهم بلدي وشعبي بالضبط بشكرك شكر خاص انت وجميع اللي ساعدوك بإعداد الحلقة ❤❤❤

انا سوري و ربي انعمني الاخوة مع اهل فلسطين

للأسف وقت كنا صغار ماكنا منعرف إنو هاد العالم يلي نحن فيه موحش كتير وقاسي والظلم منتشر في كل مكان وفيها ناس تفكيرها أبشع من الشيطان بذاتو .

ينصر دينك اجت الحلقة بالوقت المناسب

انا ما بعرف قصة اخوانا الفلسطينين في سوريا صدقا هلق عرفت 🌺نحن قدرنا اننا نكون مع بعض أحببت جدا سلام على اخواننا المسلمين في كل مكان انشاءلله يارب العالمين اللهم آمين

صبرا يا أهل فلسطين فإن منكم الشهداء وارضكم أرض الجهاد يبتليكم الله وستلقونه شهداء إن شاء الله.

شكرا بشر, شكرا من القلب والله لأنك عم تحكي عن المخيم.

حلقة رائعة عاشت الثورة السورية ، دمنا واحد ❤

وحش حقيقي، برافو عليك على هالحلقة اللي فعلا بوقتها، و بوقت ما حدا حكى عن المخيم بهالشكل و عطاه حقو، و بغض النظر عن شوية معلومات اختصرتها أو ما وضحتها بشكل مستفيض ( متل انو المخيم و خصوصا شارع لوبية صار أهم سوق تجاري مش بس بدمشق بل على مستوى سوريا، و انو المخيم تحول لنموذج حضاري مستقل، فيه مشافي و مستوصفات و مجمعات طبية، مدارس و معاهد على أعلى المستويات، مراكز ثقافية و اجتماعية مرموقة، يعني مدينة كاملة متكاملة بحالها ) نقطة تانية بتتعلق بالثورة السورية، صح انو ما كان ببداية الثورة في وضوح بالموقف العام للمخيم، بس هاد كان الو عدة أسباب زي تسلط القيادة العامة و فتح الانتفاضة يللي محسوبين على النظام السوري و تسليح عناصرهم بشكل واضح من البداية، و القرب من التضامن و شارع نسرين يللي كانو متل خنجر بخاصرة المخيم ( كونو أغلب سكان المنطقتين من مؤيدي النظام المتشددين يللي كانو كمان متسلحين بهديك الفترة و عم يهاجمو المظاهرات بباقي مناطق العاصمة ) أما المزاج الشعبي بالمخيم فكان من البداية مناصر للثورة و الشعب السوري، كانت كل أحاديثنا و كل يومياتنا بتتعلق بالثورة و تطوراتها و خط سيرها، بالإضافة انو متل ما حكيت كنا نطلع نشارك بمظاهرات دمشق كل ما صحلنا، و نعمل مظاهرات طيارة بالمخيم كمان ( من ال ٢٠١١ ) لحد ما صارت أحداث الجولان على مرتين ب ١٥.٠٥ و بعدها ب ٠٥.٠٦ يللي فجرت الوضع حرفيا بالمخيم وقت حسينا انو النظام و أعوانو بالمخيم استخدمونا فعلا كبش فدا و ورقة ضغط استراتيجية لما فتحلنا الطريق عالجولان و سهل وصولنا لهناك، و يللي عاش بسوريا و خصوصا بالجنوب بيعرف شو يعني انك تفكر مجرد تفكير تقرب باتجاه الحدود قبل هالمرحلة، المخيم فات بخط المواجهة مع النظام و جبهات الذل ( القيادة العامة و فتح الانتفاضة ) من ال ٢٠١١ و استمرينا هيك مرورا بالبراميل و الهاون و المجازر ( منها مجزرة الجاعونة يللي ذكرتها و حارة الجاعونة تتبع للمخيم مش للتضامن ) نهاية بقصف المخيم بطائرات الميغ بشهر ١٢ ال ٢٠١٢ يللي كانت اللحظة المفصلية بتاريخ مخيم اليرموك و والوجود الفلسطيني بشكل عام بسوريا، يومها و بالأيام القليلة اللاحقة شهد المخيم حالة نزوح رجعت لذاكرتنا رحلة لجوء أجدادنا بال ١٩٤٨ عن فلسطين الحبيبة بظروف مشابهة، هاد اللي كسرنا حرفيا و كسر كتير أحلام عنا، مخيم اليرموك هوة فعلا عاصمة الشتات الفلسطيني و من خزانات المقاومة اللي مدت النفس الثوري الفلسطيني بخيرة الشباب، حتى انو آرييل شارون توعد المخيم و قال ( لك يوم يا مخيم اليرموك ) و هاد اليوم اجا على ايد بشار الأسد المجرم..

شكرا كل الاحترام والتقدير لشخصك ..انت مبدع ماشاء الله

البارحة سمعت بالصدفة لكلمة بشار الأسد خلال مؤتمر صحفي على ما أظن....ولا أقول إلا عظم الله أجركم يا أهلنا في سوريا ولا حول ولاقوة إلا بالله ياويله من الله .....قلبي وجعني ....تحية لشعب سوريا من 🇩🇿

والله يا محترم انا مش بس حبيت الحلقه ... انا حبيتك اكثر من الحلقه ... لانك والله انسان رائع ... الله يحميك يا رب ... انا فلسطيني اردني ... شكرا الك وكل الاحترام والتقدير

اللهم انصر اخواننا في ادلب و غزه😢😢

شكرا للحلقة الجميلة ... انا من سكان المنطقة . الحلقة حلوة لكن قصيرة جدا . كان في كتير تفاصيل مهمة ممكن تنضاف . الله يعطيك العافية ... والله يعوضنا بيوتنا يلي راحت بقصور بالجنة ان شا الله .

ياربت يكون الموضوع الجاي عن ادلب

فتحت جروحاتنا يازلمة إحنا من تهجير لتهجير .بس حسبنا الله ونعم الوكيل 🇵🇸🔻🇵🇸

حلقتك ايها العزيز جاءت بوقتها تماما لله درك ❤ ، حتى لا تشغلنا غزة الجريحة المذبوحة و من اضطر لمناصرتها من موالي السفاح الاسد عن جرائمة التي اقترفها بحق الفلسطينيين والتي لا تختلف عن جرائم العدو الصهيوني واساسا لم تقوى اسرائيل و تستمر الا بسبب جرائم حكام العرب و خياناتهم

الحلقة اجت بوقتها شكرًا 🙏🏻

شكرا كتير لانك سلطت الضوء على الي صار بالمخيم ... صار شبه منسي رغم انو احلى ايام وذكريات عشناها هناك .. بس النظام تاجر حتى بقضيتنا وما اكتفى بقتل واعتقال الفلسطينية انما سعى لتهجيرن ومحو هويتن لما دمر مخيم اليرموك

مخيم اليرموك كانت اغلبية اهل الشام ايام العيد يتسوقو في المخيم ويتمشو بأحيائها يلي كنا نشعر فيها بالبهجة والسرور الله يرحم هديك الأيام ويفرجها على الجميع

نسيت تذكر مجزرة مجمع الخالصة ، استشهد ١٤ متظاهر فلسطيني برصاص جماعة احمد جبريل

لخصت القصة بدقائق وباسلوب شيق مع تصوير المعاناة المشتركة , أبدعت يا جهبذ .

احكي و احكي على كل فلسطيني في هذا العالم. يعطيك الصحة. حتى لا ننسى

الله يسعدكم اخواننا الفلسطينين في الداخل والخارج والله هيك يرجعنا واياكم على بلادنا وينصرنا على هالشرذمة اللي استعانت بكل ملل الكفر لقتلنا وقتلكم ورحم الله الشهداء والله يحمي الأحياء من بطش الظالمين

كلام صحيح جدا ، بشهدلك بكل كلمة حكيتها وانا ممن عاش هالتفاصيل لحظة بلحظة . الدم واحد والعدو واحد ونصرنا قريب باذن الله ✌️☝️

عندما أنشقيت عن النظام المجرم استقبلتني عائلة فلسطينة في بيتها بلمخيم والله كانت من اكثر ايامي راحة وطمئانية رحم الله شهداء مخيم اليرموك 😢😢

ما في مثل مواقف سورية مع الدول كلها ارفع راسك يا سوري مهما وقعت و استهترو فيك اتذكر انك مفضل على راس الكوكب كله

الوحيد يلي بتابع حلقاته من غير ما مل ... الله يحرر فلسطين وسوريا يارب

الفلسطينيين اخوة للسوريين عاشوا وخلق جيل معنا ، لا نمنعهم من وطنهم الأم ولا نمنعهم من سوريا وطنهم الأم ايضا، لكن عتبي على كل فلسطيني ساعد جيش بشار ضد الشعب السوري، لك الله يا فلسطين وسوريا، ونعم بالله تعالى ناصرا وحافظا وامينا.

تحياتي لك اخي بشر حلقة رائعة كالعادة

بتجنن الحلقة حلوة وبترجع 😢 ..ما بحس بوجع الفلسطيني إلا السوري

حلقه جميله وبها معلومات كتيره قوي مهمه لكل شخص وان شاء الله سوريا الشقيقه وفلسطين هيرجعوا اقوي من الاول ونكون سند لبعض زي ٧٣ ١٩

كنت مستني هذه الحلقه من زمان وصورة يوم القيامة عن مخيم اليرموك

انا فلسطينية من اليرموك وبقول ماحدا وصلنا لهون الا يلي بدهم حريه ومابعرف ليش بدهم ياها والله كنا عايشين ملوك الحمد لله اولا واخرا

انا كنت احد الناجين من حصار المخيم و للامانة العالبية العظمى من المحاصرين كانوا من السوريين ولكن لافرق السوريين والفلسطينين شعب واحد و معاناة واحدة و عدو واحد بشار و اسرائيل وجهان لعملة واحدة.

ما اذكر شفت من الشعب السوري الا كل خير هالكلام من شب فلسطيني سوري هلق بكندا عشت مع الشعب السوري ٤٠ سنه الله معاكم اخواني في سوريا

حسبنا الله ونعم الوكيل كلامك صحيح الله يكون بعون الفلسطيني وين ماكان

احلى بشر والله صعي فتحت جرواحتي بس فيدا مخيم يرموك انا ابن مدينة حمص الوليد وعشت بمخيم ٣ أشهر ب ٢٠١٢

كلام صحيح مية بالمية شكرا على هالحلقة الرائعة❤️

مخيم اليرموك كان عبارة عن فلسطين المصغرة وعاصمت الشتات اجمل ايام العمر كانت بالمخيم

شكراً الك على الحلقة..وعلى التذكير بمآساة مخيمنا مع اننا ما نسينا مخيمنا وشو صار فينا.. سقا الله ايامك يا مخيم اليرموك

يعطيك العافية وشكراً لانك حكيت عن المخيم

ياريت يكون في ترجمة للانكليزية للحلقات، الف شكر للحلقات والمعلومات المفيدة التي بتثرينا فيها دايما

والله الي عم بصير بغزة رجع ذكرياتي للمخيم وجادة الجاعونة

حلقة موجعة كان الله في العون أصبتم في تصويب الموضوع وتسليط الضوء على معاناة الفلسطينين المزدوجة.

الله يعطيك ألف عافية. قوة هذه الحلقة أنها صحيحة مئة بالمئة. لا يوجد زيادة ولا نقصان، وكلام حق وحقيقي. أنا ابن مخيم اليرموك، لكن علاقاتي مع الشباب السوريين كانت أظن أكثر من الفلسطينيين، ولم يوجد أي تمييز بيننا. وفي عام 2011، عندما جاء السوريون نازحين حاولنا أن نرد بعض الجميل الذي قدّموه لنا على مدار حوالي سبعة عقود، وكيف تحولت أغلب العيادات الخاصة إلى مشافي ميدانية للجرحى الذين يأتون من مختلف محافظة دمشق سواء ريف أم مدينة. لكن هذا لم يرق للنظام المجرم، فقام بقصف المخيم فهرب أغلب سكانه، سواء فلسطينيين أم سوريين. شكراً لنزاهتك في إنصاف المخيم وأهله

تاريخ عريق هالمخيم .. عاصمة الشتات وفلسطين الصغرى .. ما كان الشعور بيختلف كتير عن شعورنا اليوم اتجاه غزة

شكرا كتير انا من سكان دمشق لكن ليس المخيم وشكرا ل هاللفتة منك❤

مخيم كان يحنوي على أشخاص خارجين عن القانون وبحوزتهم اسلحة... سمحت الحكومة في ذلك الحين للمدنين الذين يريدون الخروج من المخيم منهم من خرج ومنهم من بقى لتغيير امور ليست من شانهم هم ك - لفسطينيين عندما توافق على دخول تلك المجموعات الى الحي الذي يعد وطن بالنسبة لك ومن ثم البقاء في احضان مجموعات مسلحة بناء على رغمتك من المحتم ان تتعرض للخطر... انت من اخترت لنفسم ولعائلتك هذا الخيار ببساطة عليك تحمل كامل المسوولية

داريا الزبداني حلب مخيم اليرموك تعرضوا للحصار والقصف والتجويع أجبروا على اكل القطط ولم يتدخل مبعوث دولي او حاكم عربي لنصرتهم

الإشعار المُنتظر❤