يا لساني نم وقول
كلام سيدي الرسول
~*~
شرع في اول بداية
بي فضلاً غير نهاية
رجوتو يسوق لي العناية
راجي كابي وحجايا
~*~
ثنيت بي ماحي الخطايا
محمد عز لي المحايا
يوم المخلوق عرايا
بِشفّع لاهل الجناية
~*~
وضوعك يا الخير عشايا
لاح النوم عمَّ الفضايا
قالت الشّفا في الرواية
شُفتَ الرّوم حتى السرايا
~*~
جميلاً حاشا الشَنايا
قمرنا الخاتي التخايا
يا مُونتي عشا جنايا
احمد بيك طاب رجايا
~*~
معاجزك من البداية
يا الخصيت بالهداية
يا الحليت الجَداية
التبعوك ما شقايا
~*~
صحابتك فرطوها راية
فوق الدين والولاية
جبدو المصري اب سقايا
ولي الخانوها العدايا
~*~
ناس اب جهل الردايا
هم فاعلين الخطايا
منكرين في القرايه
وقالوا متين جاتو آيه
~*~
في عزي وفي متايا
وفي عشاي وفي جنايا
حي داني حراي برايا
هو السطان وانتم باية
~*~
الصلوات غير نهاية
لي السبح لو الحصاية
من قدورة ليك هدايا
تكافي محني و بلايا
23 сен 2024