مدرسين المعاهد الاهلية واستغلالها ، تدفع لحتى تنهان! 

اكثر شي العراق يحتاجه هو ال cancel culture الميعرف معناتها ف تعني اي واحد معروف يسوي تصرف غلط او يستغل طالب او ياخذ فلوس طالب ومايدرسه او يتـ*ـحـر ش بالطالبات … (اشياء يسووها "بعض المدرسيين" دائما) راسا الكل يلغي متابعته واي شخص مشترك منه يتركه واي معهد يداوم بي يتقاطع المعهد ومحد يشتري من ملازمه نهائياً وبالاصل هو يبقى خطأنا لان انطينا لهيجي نماذج تافهة وسخيفة اكبر من حجمها وتحياتي قناة اندي :- ‏t.me/anoudy09

شيخلص هلشهر ونخلص من السادس يفلككككك 🤡👍🏼

للأسف الطلاب ما تستوعب انو الدراسة على اليوتيوب احسن من المعهد و الأهلي بمليون مرة

طلاب السادس دفعه 2024 عوفو كل فيديوهات التحفيز وهاي الكلااوت،هذا الفيديو يختصر كلشي بالسادس

احس السادس صار عبارة عن تجارة يمكن اكثر مرحلة مكروهة هي مو من ناحية الدراسة وانما من الاستغلال

اهم شيء اني من اول السادس ما وثقت بلمدرسين الخصوصيين و درست عليوتيوب و فهمت كلشي🤣🥲

مختصر السالفة طالب سادس جديد لو تقرأ عليوتيوب لو تدخل مدرسة اهلية معترف بيها بمحافظتك ودير بالك تدخل معهد لان وقت هواي ومن تبدي المدارس راح يصير الوقت والتعب دبل2x وتحياتي والسلام عليكم

تره واضح انت مسوي الفيديو خصوصا حتى تحجي عله استاذ حسين اني عنده ما سخت و لا محاضره و لا داز ٨ محاضرات بالسبوع انت مين جايب هذه الحجي ثانيا تره كاعد يتعب على طلابه بحيث سوه مراجعه هو منضمه النه و مسويه بث مباشر حتى يسوي واهس النه و حتى غير طلابه يكدرون يشوفوه بس اجت طلاب ادعي عليه و على ابنه حتى خليتوا يمسحهن انت احجي على التأخير احجي على اي شي يخص التدريس بس لا تحدد مدرس و تحجي عليه هسه تخلص السنه و اشوفون درجات طلابه و انتو ابقو باعو على نجاحه و احجي عليه لا و مصدقين كلامكم ها واكو شغله تره اني لان يرزل و عصبي دخلت عنده حرامات مو حضوري جان ضبنه بعد اكثر هو لو مو حريص ما يحرك دمه و كل كلمه يكوله صح الي يسخت بدراسته و هو داخل خصوصي و دافع ٨٥٠ عدى الملازم و الخط و هو قشمر و نص

اني سادس ابتدائي وباجر عندي امتحان انكليزي ادعولي اطلع كل ميات ❤❤❤😊 لان دعوة الغريب مستجابة

شكد حلو من تسولف بداياتنه ضحكت على روحي 😂😂😂 طلاب السادس الجدد عيني تره ماكو شي بس حضرو يومي وهاهيه ..يمي

شكد ارتاحيت من قريت التعليقات اني بديت اقرة سادس عاليوتيوب و متوترة لان اشوف الكل يدخل معاهد و اخاف اندم بعدين بس هسة اتطمنت

نصيحة ترا اليوتيوب كلش يكفي و يوفي و زايد للدراسة السادس لا تصرف فلوسك على المعاهد اذا ما عندك اشتري بيهن ملازم يفيدنك الف مره عن الخصوصي ونصيحه اختار مدرسك بعناية و اشتري ملزمته بشرط تكون ملزمة شامل كل الوزاريات مثل مالت حيدر عبد الائمة للرياضيات مثلا صدقني مدرس يوتيوب و ملزمة و وورقة وقلم السادس كله يخضعلك بشرط انك ملتزم بمحاضرات كل يوم تشوف كذا ساعة و تحصل مسائل أو اسئلة كذا وقت أما إذا كنت شخص مثلا ما يلتزم بمحاضرات فخصوصي يفيدك فقط في هذي النقطه الخصوصي يخليك تلتزم اذا ما كنت ملتزم

بالعباس نعل يوم يومنه انعل ابو الطب لابو الصيدله بابو الدراسه لابو السادس لابو كلشي عمي غير يخلصصصصصصص سادس شسالفه شني هاي

راح افضح استاذ حمزة الجابري الي خلاني اعيد سنة كاملة ودمر نفسيتي خلاني كل يوم الفجر اكعد ادعي عليه اخذ الفلوس كاملًا 250 والحجز وانتظرت لحد شهر 12 ما دز و لا فيديو بس الاساسيات كل شهر يدز حتى يهدي بينا رغم الاتفاق يبدأ 6/20 وهو ما دز فيديو واحد لحد 12 تخيل صرت اتصل على المساعدات والمساعدين بلا اسلوب ويگولون كل مره ما باقي شيء وينشر ما باقي شيء بعدها صاروا يغيرون الارقام وما نگدر نتواصل وياهم و لا ويه حمزة الجابري بعدها وصلت حدها وحصلت رقم وگلت للمساعد ترى اتأخر يگولي شعندج انتِ هي سنة كاملة ما عاجبج اسحبي گلت ليش ما گلت من البداية ليش دمرتنا وخليتنا ننتظر وكل يوم كذبة و بالاخير بشهر 12 كملوا الطلاب عربي واحنه بعدنا حتى مدرسين محد يستقبلنا !! وحرفيًا اخر عذر اني اعتذر جانت عندي ظروف لعد شكو خليتنا ننتظر ودفعنا فلوس ومن نشوف غيرنا مكمل عربي وادب واحنه لا معقولة ما نفكر نعيد ونخاف ونلطم !!! لازم نحجي بعد ما اتحملت يستاهل ينفضح . دفعة 2022 السنة السابقة هالكلام .

حقيقي كلش والله تخيل اكو كروب طلاب جامعات فاتحين دورات بس لانو داخلين صيدلة وطب اسنان وطب عام مع العلم اغلبهم طلاب اهليات !!! * طبعا ان كان طالب اهلي او حكومي بالحالتين هو مو جاهز حتى يدرس منهج يحتاجله سنوات من الدراسة حتى يكدر يوصله لطالب اخر .

الايام تركض اتذكر من شفت هذا الفيديو جنت توني سادسس وهسة صارلة 6 اشهررر🤡😭😭

شحلاتهه من اني مأجله سنه وقاعد اشوف تعليقات الطلاب وين ما تروح تلگاهم يدورون دعاوي🤡✨

الحمد لله داخل متميزين والمدرسين توب وحتى ينطونه مراجعه شامله وامتحانات ودورات اثناء فتره مراجعه بدون مبلغ مادي

اني سنة ثانية واكبر خطأ سويته بالسنة الاولى دخلت خصوصي وما استغليت اليوتيوب 😃

ياريتني سامعه كلام اندي 💔. اني دفعه 25 وشفت الفيديو من نجحت من الخامس وكلت خلي اجرب وادخل دورات ودخلت وصار وياي كلشي حجه بي اندي بالبدايه تدريس فول وكلشي زين بعدنه مانهينا الفصل اخذو اجازه واحد وره الثاني وطفرو سافرو واحد اخذ اسبوع والمديره اخذت شهر، وهمين صارت مشاكل وغلطو على الطالبات وطردو الطالبات، وهمين كلش كلش متأخرين يعني شهر ونص او اكثر واحنه فصل مامخلصين.++غير ام الحانوت من تبيع اشياء غاليه ومنتهيه الصلاحيه ++السايق من كل بنيه ياخذ سعر مختلف يعني وحده ياخذ منها 75 وحده ياخذ منها 50 وين صايره هيج وفوك كل هذا السياره تعبانه ولاتبريد ولاشي. وبعد هواي اشياء بالمدرسه غلط رغم هيه اهليه حتى اسلوب المدير جدا مامحترم. اخر شي بطلت اني وصديقاتي وجبنه ملازم وهسه جاي ندرس بالبيت احسن. ادعولي احقق حلمي ++اطلع من السادس باعلى معدل ومن اول سنه واول دور ولكم بالمثل ❤.

ثالث متوسط الحمدلله بعدني ما واصل سنه الخير السادس 😂😂، صح اني شجاي احجي هو اني بسنه الخير بنفسها 😑😑😑😑😑✌️❤

شكلي واني ادرس يوتيوب ومضبطه كلشي وما متقشمره من المدرسين وخلصانين من اهاناتهم 😭😂😂

نصيحة طالب سادس معيد لا تروحون معاهد وتضيعون وقتكم اني متندم على كل لحضه رحت بيها للمعهد وضيعت وقتي ادرسو يوتيوب ويوم بيوم ولا تأجلون درس اليوم لغد وبالتوفيق❤🎉

اخر واحد ينحجي عليه حسين الهاشمي استاذ رهيب من ناحية التدريس و النظام و الادب و ماكو انسان ميغلط كافي تجمعون سلبيات و زلات لسان و تشوهون سمعتهم اني طالبة يمه دفعة 2024 و حرفياً مقصر ويانة بكد الشعرة رهيب من كل النواحي

ماكول غير بس الله يوفقكم ويحفضكم ..ومثل دعوة الوالدة كلما تشوفكم تحاولون تعدلون التدريس بالعراق شكد متكدرون ربي يحرسكم من شرهم ذولة المايخافون الله موف حبيبي بطريقو واندي ❤

اصلا قررت مدخل دورات وادخل اهلي والتزم وي مدرستي واقراة هم على يوتيوب ادعولي بتحقيق حلمي طالبه سادس🙂💗

عمي بالعباس طلعت معدل 90 بدون لا ملازم ولا محاضرات ولا معاهد ربع ما صرفت على السادس غير اقلام ودفاتر وهسة كلية هندسة حاسوب شحلاتني فلا تعتمدون كل اعتمادكم على الفلوس والمعاهد والملازم بالعباس الكتاب شحلاته من تقرا عليه ترا كله منهج واحد سواء اشتريت ملزمة 2023 او درست على الكتاب كله نفس الحجي, وهواي طلاب يعتدقون انهم اذا ما دفعو فلوس ما راح يطلعون من السادس وهذا اكبر غلط الي يطلع من السادس بمعدل عالي هو جهدك انت بس قرايتك هي راح تنجحك مو المعاهد والملازم وتحياتي

دخلت دورات العام و عساس انو راح اضبط الماده و كلشي ماكو حرفيا صرف فلوس لا أكثر لو تشتري ايباد و تدرس عله اليوتيوب، كلش وافي و كافي حاليا امتحاناتي بعدله ٣ ايام و ما مضبطه و احس ضاع وقتي بالدورات يا ريتني درست بالبيت

بويه كلامة مليون بالميه صح 💀

اتمنى يرجع بيه الزمن حته ما ادخل يم مدرسين خايسين

‏‪3:15‬‏ اندي نسيت مال ام49 من50 هم يرزله بنفس الفيديو لعد شتجيببب🗿🗿🗿🗿🗿🗿🗿

هو حسين الهاشمي صح شرحه بطل بس بنفس الوقت اسلوبه واخلاقه زفت يعني مخلي ب قناته بس صفين رابع وخامس تنزيل ماده كامله وطبعا قبل ٥ سنوات وحاط فصل الأول مال سادس حتى عود شنو الطالب ينجبر يدخل دوره عده بحجه اني مافهم بس عليه .. وكل شويه تطبگ عده ويحذف محاظرات لو يرزل ويهين بطلاب ويطرد بيهم تره مهنه التدريس مو كم ورقه تحفظها ل طلاب وخلص ذول الطلاب يقتدون بيك و ب أخلاقك قبل كُل شيء 👍🏻

(((( اعرف مالك خلك تقره هاي الكليشه بس علساس اكتب سطرين بس شو انطلقت وكلت حرامات امسحها))) اسمع عزيزي دخلت بمعهد خيري المادة لـ 80 الف بس بس (السلبي الوحيد بي يبعد عني ٧ كيلومتر وكل الي بكربلاء يعرفوه) ومن خلت العطلة دخلت بمعهد يمنه علمود ما اضيع وقت روحه ورده وهاي السوالف التعبانه المهم دخلت بـ 360 الف ها يابه خلصنا العربي (وها صدك بس قواعد هههههه والله زوج شلون سجلت ما ادري صدك زوج) خالي خلصنا واحنه ممتحنين بس نفي واستفهام وهسه اروكض وراه بايدي ورجليه علمود امتحن ههههه يكلي تعال وانت بالبيت امتحنك اكله مسجل حضوري اني مو الكتروني يغلس واذا اروح امتحنت بالمعهد لازم على تلث ايام اروح وما الكه اسئله واذا لكيت نكعد وحدنا نمتحن بس احنه والله لا هوه ولا مراقب غلينه ولا صخام والاسئله كتابه بالايد بس تعالي على المعهد الخيري ابو ٨٠ الف انت بس اتخيل بشهر ١٢ مكمل كل المواد تخيل والله تلث مواد دخلت عدهم مره وحده وبماده وحده المدرس ما امتحنه يومي لان جانت بدايه فصل وما اتذكر ليش وها هذا المعهد اني كن سجلت عرفوا بيه يتيم المدير كلي تريد انطيك كرت للمادتين البقيه كتله اني اشتغل وملتزم عندي عائلة بركبتي ما اكدر وصديقي وياي ابو شهيد بالانفجارات مال ٢٠٠٩ هم عرفوا لان هم معهد موثق من الوزاره وشغلتهم اصوليه الولد جان يسجل ٤ مواد المدير لوتي كله شعجب ما مسجل ٥ كله هاي امكانيتي رجعله فلوس ال٤ مواد وسجله ٥ مواد ببلاش واني عندي تكتك اروح واجي بيها كالي يوميه تروحله وتجيبه وترجعه وكل شهر تجي تاخذ ١٥٠ الف مني كتله ستاذ صديقي ومترهم كلي ما عليك المهم عدل بدل قبلت بس طلعت حجه عود ما تسوه اخذه وحده طالي اني اجيبلك من المعهد طلاب قريبين عليك يردون خط و جابي ٣ طلاب واني دومنت ربحت اكثر من المعهد بالخط 😂 (ما عليك بالطاشين والي ياخذون فلوس هواي ) وها المدرسين الي بهذا المعهد اقل واحد بيهم يدرس ب٥٠٠ الف واحنا بكربلاء اسعار التدريس ما اعتقد اكو اكثر من ٥٠٠

صح متعرفني بس ونته وتشوف تعليقي ادعيلي انجح والكم بالمثل يارب

والله صحيح المدرسين مستغلين طلاب السادس ومرحله السادس بالعراق ! السادس مرحله عاديه بس مستغلينه بالعراق وصعوبته بكبر المنهج

طلاب ٢٠٢٤ لا تدخلون خصوصي خصوصي لا تدخلون تدخلون لا خصوصي خصوصي تدخلون لا اعتقد صارت واضحة مو؟

حسين الهاشمي جان مدرس راقي بس الفلوس خلتة يصير احقر انسان ومن بعد ما صار معروف : طب طگ المحاضرات من اليوتيوب وصار فقط خصوصي والكتروني وگام مايهتم لو كروب كامل رسب عندة لن صيته قوي وعندة هواي اغبياء يدافعون عنه وگاعد يجمع ملايين الفلوس بكل الاحوال

خلي نكون واقعيين اني ادرس الكتروني مع حسين الهاشمي الرجال ابد ابد ما شربت علينة المادة بالعكس انطاها حقها ويشرح بكل ذمة وضمير ومحلل خبزتة، اني مجاي ابرر خطأ اي احد! بس احنا العراقيين اذا نكرة احد لو يجي الحمزة منعوفة ونظل مچلبيين من ياختة لحد ما نجزعة ونطلعة عن طورة! والناجح دائماً ميخلوة بحالة الشجرة المثمرة يظلون يضربون ويسقطون بيها! الله يوفق الجميع

السادس السنه الي فاتت جنت حكومي والمدرسات كملن بس نص الماده وكالو عدكم يوتيوب ودرسو عليه 💔انه اصلاً ما اعتمدت عليهن ودرست بنفسه والحمد لله صرت مهندسه 😊

للاسف سجلت يمهم ياريت لو جنت اعرف قناتك قبل وصدك مخلصولنه منهج🥲💔

حجيك ذهب الوحيد الي يبرد كلبي بحجيه صدك أنسان فاهم واعي وتستاهل انك تكون شخص من لاشخاص التوعيين مو مثل الباقي 👏🏻🩵

‏‪3:10 ما اريد اصير دكتور كوه هيه🗿🗿🗿🗿

عمي فضوللل وصل حده جونغككوووكككك 0:55 عزا والله الفيد ناررر احلا شي من كال اني ودوبامين بنفس الفرق وطلع صور قردة😂😂😂

اني ببداية السادس سجلت عند مؤمل مهدي حضوري يدّرس رياضيات اول شي ضحكوا عليه بي لمن أستفسرت على القسط كلولي 350 كورس اول و 350 كورس ثاني يعني 700 من غير كارت الحجز ابو ال 25 ف رحت دادفع قسط كلولي لا والله كورس اول 400 والثاني 350 هاي عود اني جنت جاية متأخرة بنهاية الفصل الاول والمُحاضرات الي فاتتني شربتوها تشربت عليه ف كلت يلا ميخالف خل اكمل ويا دخلت مُحاضرة مُحاضرتين الوضع لا يُطاق المُحاضرة على اساس انُ ساعتين تطير منها نص ساعة للأمتحان الي ماشاء الله كُلها تغُش بي وتصير عوائل وماعندة غير مُساعدة وحدة الطالبات يقشمروها بكندر لو نستلة وتخليهم عادي يغشون ومتفتش على الواجبات 🤡 وراها تبقى ساعة ونص على اساس يجي المُدرس يشرح بس يظل يضحك ويه الطالبات و تبدي سالفة الستوريات والتاكات والمُحاضرة كُلها يشرح بيها بس سؤالين ومينطي كُل الافكار ودخلت بس 4 مُحاضرات و اخذوا على كُل مُحاضرة 25 الف ومن دانسحب كلت للمُساعدة انُ اني دخلت بس 4 مُحاضرات ودخلت بنهاية الشهر جان تكولي لا انتِ داخلة من بداية الشهر يعني تريد تاخذ القسط كلههه 🤡 بس اني عندي كُل الاثباتات انُ داخلة بس 4 مُحاضرات بس هم سووها 5 مُحاضرات ما ادري ليش واخذوا على كُل مُحاضرة 25 والحمدلله حولت عند غير مُدرس وافتكيت منهم وشي ثاني جانوا على كُل دفتر امتحان ينطونياها ياخذون الف دينار من كُل طالب واجباري هالشي صح الالف ما اله قيمة بس تخيلوا على كُل طالب الف دينار بكُل فاينل ونص فاينل هاي فوك القُسط و ملزمة الواجبات لازم تشتريها وهي كُلشي مابيها غير الاسألة وماكو مجال حتى تحلون بيها ف تحلون بالدفتر ف ينهبون نهيبة وكدام الفلوس ينعمون فَ نصيحتي للدُفعات القادمة ديربالكُم تدفعون القُسط كله اول شي شوفوا المُدرس تفهمون عليه لا؟ شوفوا نظامة يناسبكم لو يكضي المُحاضرة تسخيت وبعدين عود ادفعوا القسط واذا شفتوا من اول مُحاضرة اكو علامات استفهام كبل انهزموا لتكولون يلا بلكت يتغير لا كُلشي ميتغير 🤡

كلش دتطرح مواضيع مهمة،شكراً 🤍

عليمن داخلـة معهد ادرس عـلى اليوتيوب واسويلي جدول دعواتكم طالبـة دفعـة 2024 🗿🗿

#طالبة سادس متعوبة حسيت الفيديو عن هذا الموضوع+ كلشش شكراا اندي وعاشت ايدك يعني العام انا انخدعت ودخلتت خصوصي وفات الأوان لذلك ياطلاب لتدخلونن خصوصي وخليكم بالبيت ودرسوو افضللكمممم كلشي ماستفدت والرب #الدورات مجردد كذبةةة صدكوني بس أول شهر والعام جنت بهيج وقت نفسكم ومريت بكلشي جاي تمرون بي وهمين ناس كالو الي لتدخلين دورات بس ماخذت كلامهم ودخلت وتندمتتت حيلل وجيت انصحكمم🗿👍🏻

اني طالب سادس مقطوط شهر واذا يصل التعليق ١٠٠٠ لايك اقول اسم المعهد و المبلغ المقطوط والمدينة والموقع الجغرافي واسم المدرسين وكيفية القط المشابهة للفيديو😅

منو طالب خامس وتارك الدراسه وما يريد يروح للسادس 😂💔

‏‪0:55‬‏ كوكيي 🫶🫶🥹🥹

وبسبب هالشي الذكرته + حالتنه الماديه قررت اخلص السادس بالاعتماد ع الله وع نفسي وجبت ملازم وبلشت رحلتي بعدها اجت الامتحانات كورونا صارت بينه وبوالدتي.....!! وكعت بالرياضيات وقررت اعيد السنه بلشت السنه الثانيه بنفس الامكانيات مع مرضي الي هوه ربو جنت اختنك فترات طويله واوصل للموت... الخ، امتحنتتت وكدرت أنجح صح مو معدل عالي لكن هاي امكانيتي وجان معدلي 69 والان اني طالبة كلية تربيه اساسيه قسم العلوم العامه والحمدلله ع كل حال 💙✨،

بس اريد اعرف اذا هلگد غاثكم حسين الهاشمي وتحچون عليه ليش تدورون محاضراته بطلاع الروح 😂😂😂😭 !! والله غريبين يااخي عيب عليكم .. الرجال من نهارة كله مفتوح البث ويعيد المادة من جديد والعضوية قبل المراجعة خلصناها مرتين وخلال المراجعة جاي نراجعها والها لوحدها يومين كاملات ! ويومية امتحان بفصل واخر يوم امتحان بكل الكتاب! فوگاكم الله وجاي يشوف كل تسقيط تسوونه بحق انسان يتعب .. الله عادل وبالنهاية سبحانه سعرف كل شي ♥️

الي كاعد يكول استاذ حسين الهاشمي غاثكم وشرحه يجنن ، ترا اندي او الناس انتقدوا أسلوب حسين الهاشمي مو شرحه وتدريسه 👍🏼

لاتدخل اهليه اهليه لا تدخل لا اهليه لا تدخل الا تتأكد من عشرين طالب انو المدرسه والمدرسين توب..

هي بس دكه حسين بطلاب السادس من مسح كل المحاضرات كافية تخليك تشمئز من تسمع اسمه فا ما ادري شلون الناس تثق بهيج نماذج وشكرا على الحلقة لان طلاب السادس صدك خطية كلنا مرينا بهاي المرحلة ومر علينا الي كاعد يمر عليهم فا ننصحهم بالي نكدر عليه❤

طبعا ماما ماعده شهاده تدريس وهيه اداره واقتصاد بس سوت تدريس خصوصي بلبيت بلمواد الي تعرفهن لان جانت محتاجه فلوس واني جنت ادرس وياها رياضيات لان اعرفله كولش زين وجنه ناخذ على الدرس بس ٧٥ الف وجنه ننطي بلتدريس وندرس بضمير ونعيد الماده ونشرح ونرجع نسوي مراجعه مختصرا جنه ندرس بضمير هسه الاساتذه نعدم عدهم الضمير فد نوب ياخذون مبالغ هائله ومايدرسون زين حسبي الله ونعم الوكيل

4:41✨تحس نسنس فراشات✨.

تصحيح معلومه الك حسين الهاشمي كمل ماده وهو اول ما سجلنا يمه كال اخلص بشهر٥ مراجعه حسين الهاشمي ١٠ ايام لا تحجي حجي بي مبالغه مايحتاج برو +انا طالبة حسين الهاشمي الكتروني 💀🫶🏻

طاب جاي اقرا فيزيا وشفت لمقطع 40 دعوه مستجابه ادعولي (يارب علي بن محمد يطلع معدل 90)🙇🏻🖤

المشكلة بالطالب كل هذا ولزكين بيهم عبالك أنبياء اكو مدرسين فطاحلة مظلومين اعلامياً. محد يكلبهم ....هكذا يرد هذا الجيل ..

طلاب اني درست السادس كله ع اليوتيوب وانتساب جنت لامعاهد ولا خصوصي ولا اهلية والحمدلله التزمت وتعبت نفسي كلش لحد ماجبت 96 ودخلت معهد تخدير وان شاء الله بعد شهر لتخرجي فالخلاصة ونصيحة تريدون معدل لا معهد يجيبه ولا مدرس جهدك هو الي يجيبه والله يوفقكم 🤍

‏‪3:45‬‏ اكو استاذ دخلنه عدهه يتحرش بينه وعود شقه لحد ما بطلنه لان منكدر نحجي

‏‪3:53‬‏ بوشن اخلاق🗿

و أكيد هو مو كل المدرسين نفس بعض اني هم دخلت خصوصي و من بديت لحد ما خلصت سادس و تخرجت منه واني ما سامعة كلمة غلط منهم و ما سختولنا بالمنهج فأنتو قبل لا تبدون ويا مدرس سئلو عليه أكثر من طالب جان يدرس عنده مو تروحون تسئلون ناس عامة عليه لان هم يعرفون المظهر الخارجي للمدرس مو مثل طالب دارس يمه ويعرفه و يعرف اسلوبه و شرحه و بالتوفيق للجميع🤍✨🦋

اندي يحجي اللي بگلبنا وربي ✋🏻✨✨.

احاا من البارحه انتضر الحلقه + طلع صدككك ٨ دقائق 😫+ طالبه ثالث وقربت امتحانات وكذاا ادعولنه💔🙂

كاعدة اقراء التعليقات واتذكرت ايام الامتحانات وشلون جنت ابجي بعد كل امتحان صعب وحاليا اني سنة اولى صيدلة بالتوفيق الكم يا رب🎉

سبب من الاول والاخير همه مدرسين الي بالمدارس ما يدرسون عدل لو يدرسون جان محد سجل خصوصي حرام والله حتى الراتب الي يستلمونه وعند الله تجتمع الخصوم

خرب بعدني ما مكملة الفيديو بس والقران الكلام كله صحيح 😂😂😂😂😂😂😂😂😂😂😂😂😂😂😂😂😂😂😂😂😂😂😂

عينيي مو هيچ.. ترا بكل الأحوال يعتمد ع الطالببببب... المعهد...يشرحلك بالتفصيل.. يضبطك وأمتحانات يومية ونصف فاينل وفاينلل والباقي انتَ وشطارتك.. ترا ياما ياما اهل الطب چانوا داخلين معاهد وخصوصي.. بأستثاء هذولي الخوارق الي درسوا ع اليوتيوب وجابوا طب عام.. قليلينن حتى.. وبالأخير هو الواحد يشوف نفسة يگدر يلتزم ع اليوت.. يكمل ترا الواحد أدري بنفسة.

منو دا يحجي مو انتَ هم تكفر وتسب بالفيديوهات ، مع التوضيح إني اتفق على حجيك من ناحية انو الطالب ينتبه اكثر وما يأمن لأي مدرس وياخد احتياطاته بس انتَ همينه انتبه على ألفاظك عالاقل حتى لا تبين متناقض

هاي شوكت رجع؟ شبيك يمعود غير تنطينا خبر

بس للعلم انو هذا الغلط و قله الاخلاق مو بس عند مُدرسين المعاهد "الي تنطيهم فلوس" حته بالمدارس العاديه يذلوك مذله هسه اني طالبة اعداديه و الغلط و العياط و الصياح و عدم الاحترام عند ثلاث ارباع المُدرسات

استاذ حسين صح بطئ ويتاخر بس يتاخر بحرص وتضبيط وصحيح اخرنه بالمراجعه بس هسه من دنراجع وياه دنراجع بتضبيط

هسسسةةةةةة للللييييييششششششش طلللععع الفديوو بنهايةةةة السادسسسسس🥲🥲🥲

2:09 هذول حرفياً ماكو مثلهم تضمن ال100 من دون تعب والله اتذكر اطلع من محاضراتهم اكلب الملزمة تكلب على كد الفهم الي فاهمته وحيل منطين المادة حقها واكثر حتى من حقها وترا موادهم ضخمة حقهم يتأخرون الصوج مو بيهم بالوزارة الي ظالمة الطلاب بكثافة المنهج وقصر الوقت بس تخلص قبل شهر او شهر ونص وانتَ مضبط ودارخ ومخايف منهن مو احسن من انتَ مخلص من الرابع ومتلطلط باليوتيوب تدور شرح

للامانه الحجي صح ١٠٠% جنت اسمع هذا الكلام من بدايتي بالسادس وما صدكت الا جربت بنفسي خصوصا من اريد انسحب من مدرس واروح اطالب بحقي بالفلوس يحسبون المحاضرة عليه ٢٥ وما يقبلون يرجعون فلس ووكلهم نفس الفلم الهندي بالبداية الشرح يخبل و الفصل الواحد يطولون بي ٤ اشهر بعدين يبقون يركضون ركض ويشربتون واكثر مدرس متندمه دخلت يمه حسين حمزة حرفيا اسوء مدرس هواي يتجاوز بالكلام وما عنده اسلوب ابد ومن الفصل الرابع يبدي يشربت ويركض ركض وكلش سيء اما بالنسبه لعلي فلاح للامانه هو الوحيد الي افتهمت عليه المادة وصحيح تأخر بالمنهج كلش بس كلش يضبط المادة للطالب هاي وجهة نظري. وطبعا بفترة المراجعه اكتشفت نفسي أغلب المواد كلشي مفاهمة ورجعت اقره المادة على اليوتيوب . واستثني من هذا كلامي الاستاذ محمد النداوي الي يستحق كل الإحترام على الالتزام و الشرح الزين من اول يوم لاخر يوم .

اخخ اليوم من الصبح عضيت اصبعي ندممممم تخيلوا داخلة رياضيات خصوصي يم مدرس عنده 18 كروب اي والله والمادة الثانية 12 كروب

شفت الفيديو هسه وانا بفترة مراجعة يارب السنة الجاية أشوفه وانا بالكلية إلي أريدها وجايبة معدل عالي 🥹.

اتمنى تاخذ تعليقي لان ماعندي مواقع تواصل واراسلك بيهن سالفتي على حسين الغريب شوف هذا الاستاذ الي يمدحون بيه يقفص على العالم بالدورات وراحت فلوسنه على الخالي بلاش وكل الطلاب تدعي عليه لان بس ضيعت وياه فلوسها و وقتها مع الاسف! وهسه طلعت عليهم بالمراجعة الاتفاق جان انو دخلنه يمه كورس اول دورات الكتروني يكلنه باعو محاظرات اليوت وانا هنا بس اختبركم وانطيكم وزاريات و وكوزات واتفقنه وياه يبقه الكروب والفيديوهات لحد امتحان الوزاري چرب 6 بشهر الثاني صمطنه احلى بوري ومسح الكروب وكال الي يريدهن يدخل يمي كورس ثاني واحنه اغلبنه بالكوه دخلنه كورس اول علود الاستفهام والنفي يعني صارن صدمتين اول شي طلع ميشرح بس على اليوت يعني خو ادرس على اليوت وافضها ليش ادخل يمك خصوصي اساسا وثاني صدمة مسح الكروب وكلها جانت مامكمله لان تراكمات بس حسبي الله ونعم الوكيل اتمنى ترفعون تعليقي لان فوك 400 طالب وطالبة قفص عليهم الله لاينطيه

والله هسه اني طالب سادس ومابقه. شي للامتحانات بس. تره المدرسين ستغلوا الطلاب يعني اذا اني طالب اقتدي بهيج مدرسين شطلع ترتور

كون عندي تجربة سنتين بالسادس وعرفت كل كلاواته كلام اندي واقعي ومنطقي.... يلا شباب شدوا حيلكم وبالتوفيق نتتظركم بالجامعة حتى تنسحلون بالفاينل😂❤

احجو عليه شكد ما حاولتو بس محد نفسه يفهم ويوصل المعلومه بسرعه

ريزان الجاف اقوة وحدة بل ريحاني بحيث لحد نص سنه وبعدين كامت تسخت تخسيت ماكو مثله كل يوم تلغي المحاضرة ولله بحجة عدها كروب هواي احنا شنو ذنبنا ؟ اذا هية عدها كروبات هواي

والله حسوني خوش يشرح بس غثيث ومكروه

على طاري صحيح اني سجلت يم حسن عبد كاظم وماحجيلك ع الشرح السريع الصار اول ٣ افصل على كيفة بس اخذ قسط الفصول الاخيره كلها محاضرتين محاضرتين وميحل المسائل واخر فصل دزلنا فديو ع سريع ابو ٧ دقايق خلصه وكبل راح للمالديف ويا زوجته جديده واذكر مره طردني بنص محاضرة علمود ٢٥ الف وتخيل الطمع البيه اسوء شي بالحياة المعاهد الاهلية وشكرا

الحمدالله درست وحدي واعتمدت على نفسي وحاليا طب اسنان ولا دوخة المعاهد والمدرسين 👍🏻🫠

هو المشكلة الفاصل الأعلاني طلع احد المدرسين مرحبا طلاب الخامس المقبلين على السادس الأعدادي يياااامعووووددديييييينن ييااا خاااممسس لااا ينصب علييككممم مثلناااا و لاا تصيروون قششمررر (قشمر بصوت حسين الهاشمي🌚)

اذكر دخلت يم استاذ اكتروني هوه معروف بس مانذكر الاسم الي صار دخلت يمه اكتروني واطوني قناة التليغرام وكلولي لاتغيرين اسمج اني هم داخله احياء اكتروني وو صار موقف واضطريت اغير اسمي للاسباب لكيتهم مطلعيني من القناة راسليتهم واحجي ىياهم اسبوع شيكلي المدرس والله صوجج وميهمني تضوجين تنقهرين وحجي كلش يقهر والدي اتصل بيهم مره مرتين واني اسبوعين ماامتحن يعني بس اسبوع لخ يكطعونه عليه وتروح ال 150 هيج بدون فايده علمود شي تافة ويتصل بيهم ابوي ولاايعبرونه ويطلعلوله اعذار لحدما ابوي راحلهم للمنصور وطلع حقيقتهم وجذبهم طلع فدشي بسيط بس يضيفوني وتنتهي وبلاخير عدت سنه وليهسه من اشوف المدرس ينغز گلبي خلاني اسبوعين ابجي ومريضه واحاجي بيه واتوسل ودزيتلهم بصمات يكلي ميهمني وكلام متكبر بس الله مينسه عبده خوش هاي السنه عاقبه عقاب الحمدالله لان هواي تحسبت عليه خله ابوي مريض يروح للمنصور وهيه بعيده علينه وخلوه بلشمس

ابن عمي إتعارك ويا المدرس الخصوصي مرتين لان بس يتفلسف باشياء خارج المنهج وممكمل المادة تحياتي من الموصل ❤

يعني هذا طلع احسين الهاشمي الي يرزل

ديسقط وبس وكل الي حجاه مو صحيح وحسين الهاشمي محاضراته تضل للدور الثاني و كلش يخاف على الطلاب ويخاف على مصلحتهم وشرحه يجنن (داحجي عن تجربة)

‏‪3:27‬‏ قشمر لو دكتور🤣😂😂🤣😂

احنا جنا نشبع رزايل بس حتى يسويلنه واهس لان ماكو شي اسمه محاضرة 3 ساعات😂😂😂

عمي شني هاي حزنت على النظام التعليمي الفاشل يمكن راح اصير مدرس واصلحه خل يولي الطب يعمي مستقبل الناس وطلابي المستقبليين اهم من مستقبلي

ذكرني ببداياتي اعلق للطلاب القبلي وشلون قريتو وعليمن ومخبوصة😂 ،،عمي ميرادلهة حط كتابك ودفترك واقرة يويتيوب واكتب بيدك مو ملازم تلحكون تكتبون والي يگلكم جيبو ملازم لان متلحكون يجذبون عليكم،، وهايهية السادس بالجيب

03:24 معقولة هذا استاذ حسين قسما صدمني 🤡💔!

نصيحة من شخص معيد سنه +طالب معهد+طالب خصوصي ابدي اقرا عل يوتيوب هواي احسن و توفر وقت لا والله والله معهد ما يفيد مثل ما گال من اخذ فلوسك يتغيرون تغير مو طبيعي هههههه و خصوصي من تنتهي گبل يحذف گروب ترا سادس سهل بس ادرس بذكاء ولا بجهد انطو لايك حتى كل يستفاد 👍❤

انقهرت على الطالبة الي يصيح عليها (قشمر)

2:44 من هاي الدقيقه حجيك كله صح ب الظبط