المداح سعيد القادري
والموهوبين طه وعلاوي
القصيده الاولى :
الروح خضره والعشگ ماليها=
وحب ابو الزهره الي تغلغل بيها
الروح خضره وبالعشگ مليانه=
وبحب رسول الله غدت فرحانه
هيمانه في عشگ النبي هيمانه=
تزهي وغرام المصطفى محليها
عشگ الرسول البي عجل ينصابي=
يامن عسى بجاه النبي لا طابي
خاب الي مايعشگ محمد خابي=
تايه حياتو وبالشگه مگظيها
حب النبي مو أي گلب يرهملو=
الا الدليل المسعد ويفهملو
خالي الهوى شماتحݘي وترجملو=
مايفهم دروب الهوى وطاريها
يلي تغنيت بسعاد وليلى=
واهم سعادك سالفه بتعليله
حب النبي مو اي دليل يشيله=
اتركنا من ليلى وسعاد انسيها
الحب إذا مو للرسول وآله=
مايسوى فلسين ورخيص اجماله
هنياله اليحب النبي هنياله=
ينول الشفاعه ويفرح بتاليها
محلى الغرام التشكي منو الناسي=
ثكلمن حسب محبوبو مو مقياسي
الي حبيبو الهادي تاج الراسي=
فرحان دوم وعلتو مايشگيها
ياربي لاتحرمنا عشگ الماحي=
واجعل محبتو لنا روح ارواحي
العمر فدوه للنبي لو راحي=
والروح لوراحت فدا لغاليها
مسكين ذاگ المايحن گليبه=
ولا جت على بالو ملامح طيبه
باطل عليه لحد يعيب العيبه=
مافهم مامعنى الحياه وشبيها
يالي جروحك تالي ليلك صاحن=
اذكر محمد لو ردت يرتاحن
نسمات ابو القاسم شفا لو فاحن=
والعله بس ذكر النبي يشفيها
الف الصلاه عالنورو أطفا الناري=
احمد حبيب الواحد الجباري
واغفر إلهي لأحمد المعماري=
واليسمع المدوحه واليقريها
،
القصيدة الثانية
ودوها لديار النبي ودوها
والروح مشتاگه بعجل وصلوها
،،،،،،،،،،،. ،،،،،،،،. الرده. ،،،،،،،،. ،،،،،،،،،،،،،
الروح مشتاگه لحضرة الهادي
ذاب الچبد والشوگ ورفادي
من قرية الريم المحب ينادي
والنار تسعر بلگلب طفوها
،،،،،،،،،،،،،،،،،. ،،،،،،،،،،،،،،،،. ،،،،،،،،،،،،،،،
والنار تسعربلگلب علگانه
لشوف الحبيب من الهجرتلفانه
امست عليله ياخلگ ودوانه
نضره يبو ابراهيم لا تجفوها
،،،،،،،،،،،،،،،،. ،،،،،،،،،،،،،،،،،. ،،،،،،،،،،،،،،،
نضره يبوابرهيم انته علاجي
مفتون ومغرم بيك راعي التاجي
عفت الأهل واني بحضرتك راجي
علتي صعبت علهند ماحلوها
،،،،،،،،،،،،،،،. ،،،،،،،،،،،،،،،،،. ،،،،،،،،،،،،،،،،،
علتي صعبت گال العلاج هناكه
يم قبت الخضره الشفه ودواكه
كل الخلايق يانبي تهواكه
وگلوبهم لدياركم شدوها
،،،،،،،،،،،،،،،،،،. ،،،،،،،،،،،،،،،،. ،،،،،،،،،،،،،،،،
وگلوبهم لدياركم تگصدها
والشوگ عذبهم وحبكم هدها
ياطه بس لزيارتك ماعدها
غير الحنين وشوفتك رادوها
،،،،،،،،،،،،،،،،. ،،،،،،،،،،،،،،،،،. ،،،،،،،،،،،،،،،،
وروح عطشانه وتريد ضماها
بس عندابوابراهيم غادي دواها
ازاد ذكره وبصلاه يلگاها
يهلل الختم وخيولكم سرجوها
،،،،،،،،،،،،،،،،. ،،،،،،،،،،،،،،،،،. ،،،،،،،،،،،،،،،،
من قرية احباب النبي دزينه
اجمل قوافي بشعر خطينه
يارب نضره من النبي تكفينه
ابواحمد وكل الحباب ارجوها
،،،،،،،،،،،،،،،،،. ،،،،،،،،،،،،،،،،،. ،،،،،،،،،،،،،،،،،،
،،،،، ،،،،، تمت ولله الحمد ،،،،،، ،،،،،،،،
27 авг 2024