الله يعطيك العافية بس ياليت ذكرت لنا اي وضعية قيادة داخل البلد اللي تقول عنها سيئة هل كنت على الإيكو او النورمل والسؤال الثاني بالنسبة للخطوط كنت اي وضعية مفعل الإيكو ؟
يعطيك الف عافيه ، اتوقع الصرفيه داخل المدنيه الي اثر عليها الي هو القير بحكم ان النمره الثانيه ما تطول ابد وذي مشكله صراحه يعني ترس كامل ما تستفيد منه استفاده كامله ودايم على السرعات البسيطه زي ٣٠ يحشر القير فتفرق ويمكن التنتيع بعد من الترس الثاني والله اعلم
مشكلة نتعات القير بجودة الزيت دور لك زيت بنفس المواصفات ولكن شركة معروفه وينحل الموضوع السبب يعود ان زيت الجير المستخدم صيني من شركة شانجان ويعتبر ما يتناسب مع اجوائنا وعلى فكرة هذي المشكلة في اغلب السيارات اللي تجي من الصين غير الزيت لشركة متخصصه بنفس مواصفات سيارتك حسب كتالوجك استفسر من الوكاله عن المواصفات وغيره لو ماشي عليه عشرة ويتغير عليك وبتشوف الفرق
السلام عليكم ياخوي نسبة الهواء للكفرات ٣٥ تعتبر السيارة مبنشره وعسره وعسر ممشاها انا اخليها نسبة الهواء للكفرات ٤٠ ٪ والحمد لله ماعرف لا صرفيه ولا شي ابد ابد سهله السياره مع ان سيارتي كامري استاندر سعودي والتورس الحديديه من ٢٠٢١ الى فوق ممكن كويسه
سافرت بالتورس الموديل السايق نفس المشكلة ما تغيرت فعليا للسفر مسافات طويلة متعب جدا مع انه مريح وعزمة ممتاز بالخط لكن جلستة سيئة فعليا كانك جالس على مقعد بمدرسة
@@mr.casanova7145 التورس ال ٢٣ شكل الجديد؟ على العموم اذا قصدك عن الجديد ماجربته لسى. بس مبدئيا كا مواصفات التورس الجديد مواصفاته اشوفها اعلى من اللتيما بس طبعا كا صرفية بنزين اللتيما بتكون افضل بكثير
ما شاءالله عليك فصصت السيارة تفصيص أنا أخذت السيارة ايجار و فعلا كل الأشياء و الملاحظات اللي تقول عليها كانت موجوده و زيد عليه سوء جودة المواد الداخلية و بطىء في الشاشة يغث
عز الله انك صادق انا مستخدم لفيوجن ١٦ راسية وممتازة بالخطوط لكن فيها تنتيع غريب وكنت احسبه عطل طلع طبيعي بالفورد وغير كذا فورد بشكل عام ثقيلة على المطبات بشكل غريب هذي ابرز عيوب الفورد بشكل عام
ع طاري التنتيع شفت المهندس احمد الحربي معروف مهندس سيارات يقول التنتيع بذات الدفع الرباعي الستة سلندر اتوقع قال الستة وواتوقع ذكر بعد التورس انه بسبب هوا الكفرات يعطي قراءة خطا للكمبيوتر وتوزيع القوة وزنو كفراتكم صح ع 32 او حسب اصحاب التورسات
فعلا اكثر شي متضايق منه القير خصوصا اني بالجنوب وكل ما اجي بسافر مثلا لجده لازم انزل العقبه ولازم احطها قير عادي ومايثبت على الاول او الثاني ماعندي غير اني اخليها تدحدر بدون اي لمسة بنزين حتى لو السياره قربت توقف عشان مايبدل من الثاني للثالث
غير زيت القير لنفس المواصفات ولكن شركة معروفه ولها سمعتها بالسوق ويتغير عليك وذلك لان الزيت اللي بداخلها صيني وجودته اقل من عادية كثير واجهتهم بكل الموديلات من 2020 وانحل الموضوع
مررره طبيعييه ب النسبه لي داخل المدينه ٥٥٠ و برا المدينه ٨٠٠ مره عادي لنك ماسك خط و مثبت السرعه مريح المكينه و في النهايه على حسب دعسه الواحد يمكن رجله حاره هو
بفضل الله احد ملاك تورس ٢٠٢٢ ، السيارة بشكل عام ماشاء الله بارك الله اكثر من من رائعه ، ولا يوجد سيارة خالية من العيوب ، اذا كان مرسيدس الجوهرة تم استدعاءها لمشاكل فيها ، اذن هذا طبيعي ، الاهم حافظ على صياناتها و استخدمها بنمط خفيف ، و باذن الله ستبهرك بدلالها
الفورد مصنوع للكد ماهو للراحه معي فيوجن ٢٠١٥ كارفها كرف حمار داخل الرياض وخطوط ولا قالت اح ولا تغير فيها شي لا ديكور ولا غيره ولا نويت ابيعها ابد على ان سعرها طار فالسما يوم انقطعت وشاء الله وراحت تالف والحمدلله ومن مشاكل التورس الجديد ٢٠٢٢ مع الشباب وقفت نشوف الشكل الجديد اذا مثل ٢٠١٠ الى ٢٠١٩ بالقوه كيشته
ولله الحمد والمنة وبعد توفيق الله انا من ملاك التورس فئة التيتانيوم وكملت معي سنتين ونص تقريبا بأمانه موتر متكامل والكامل وجه الله سبحانه، مشكلة التنتيع وتآكل جلد الطاره صحيح حصلت معي وحليتها، نعم هي مشاكل بسيطه ولكنها اشياء لا تذكر جنب بحر من المواصفات الايجابية.
@@abumohammedalgamdi9291 شرح بسيط: بالنسبه للتنتيع سببها التيربو كل ما كانت رجلك حاره وقوماتك قويه "نسبياً" يكون التيربو معك في عز نشاطه لدرجة انك مجرد ما تحط رجلك ع البنزين تبدأ تنتع لانها تبي دفع اقوى مثل ما سويت بالسابق. الحل انك تخفف قوة الدعسه خاصه لما تكون من الصفر. بالنسبه لتقشير جلد الطاره ركبت تلبيسه طاره قماش منها يمنع الحراره ومنها يحفظ جلد الطاره من التآكل لبعدين
لاتفتي بعض السيارات قيرها يكون دبل كلتش وذي تنتع بالسرعات المنخفضه بس يكون استجابه القير عاليه "يعشق بسرعه" وكل سياره لها طريقه تعشييق معينه واسوا السيارات من ناحيه التعشيق تويوتا وام جي
@@user-sv3vr1ro8b لاتفتي وتربط قير الدبل كلتش بتويوتا بطريقة غير مباشرة من باب التلميح علشان تخلي لك مخرج وتقول انا ماقلت تويوتا قيرها دبل كلتش وتعال نتناقش بقير تويوتا بدون ماتدخل ام جي وقير الدبل كلتش وتحاول تضييع القارئ للرد والتلبيس عليه ولعلمك تويوتا عندها قير cvt من افضل القيور من ناحية عدم وجود تنتيع وعمليته
الله يبارك لك و يعطيك خيرها و يصرف عنك شرها اشكرك على المعلومات اللي أعطيتها صحيحة 100٪ أنا معي تيتانيوم 2022 بصراحة العيوب كلها بسيطة و تتقبل لكن صرفية البنزين كارثة كرهتني فيها التانك فل 95 داخل المدينة ما يمشي 400 و الدعسة خفيفه و اللي مسوي دعاية للسيارة و يقول تمشي 800 و 700 مهو صحيح و السبب إنه مكينتها (تعمل بنظام الإيكوبوست) تستهلك 20 ضعف كمية الوقود عند السرعات المنخفضة و التوقف و لا يوجد حل لا مع زيت او غيره
معي تورس 22 لها سنة ، والكلام اللي ذكره صاحب المقطع 100٪ سواء الايجابية والسلبية يعطية العافية ، ملاحظتي البسيطة ان العزل صحيح فيها جبار بس للاسف ينخفض بعد فترة ولازم تروح الوكالة يضبطونة لك ويرجع مثل الجديدة والملاحظة الثانية الديكورات صارت تطلع اصوات .
رااعي تورس 21 مر من هنا الاهم من المقطع إشادتك على التورس و بصرتنا في التورس أزود مشكور ولاكن الصرفيه صدقت لك عليه فيه صرفية فعلآ أم الديكورات مالاحظت عليه شي وموتر وصله وحده أعجل علينا بتجربة الموديل الجديد 23 و تحياااتي و الشكر ع طرحك الشيق و المختصر المفيد
@@adelasel3791 ما اعلم ايش اللي سوه بالضبط لكن انا العزل بعد ماشتريتها ب 6 شهور تقريبا قام يخف تدريجي ، ورحت الوكالة ودخلوها على الفنيين وطلعوها بعد 3 ساعات ، وقالو خلاص ضبطناها شدينا الابواب لانها مع الاستخدام ارتخت وشدينا الربلات . وبعدها جربتها وفعلا رجعت مثل اول ماشريتها
فعلاً فيها زي التنتيعه الخفيفة وانا ماشي 30 الف حالياً لكن اعتقد ان ثقلها في الدعسة او تبديل النمرة هو اللي مخليها تحافظ على صرفية البنزين وانا بحكم كان عندي ماركيز 2004 جلدني بنزين التوروس نعمة عظيمة بخصوص الصرفية سواء داخل المدينة او بالخط. وفيه صوت ماادري هو طبيعي او لا للمكينة بس قلت شكلها المروحة صرصرة كذا خفيفه لكن انا مااسوي صيانة كاملة للأسف بس اغير زيت لذلك ماابي استبق الأحداث وبشكل عام الحمدلله الموتر وش زينه ..
ماشاء الله الله يبارك لك فيها يارب ويطعمك خيرها ويكفيك شرها مشكلة التنتيعه الي بالقير انا صرت اعبي 95 فرق معي الموتر اول كنت احس فيها بـ 91 مدري هو نفسياً او صدق له دخل 95 بس الي لاحظته عزم الموتر صار اقوى
موضوع القير ياخوان ترا الزيت له دور كبير تلقى وقد شفت واحد يتكلم عن السيارات الي تتجمع بالصين او تتصنع الصين تجبر اي واحد يجمع او يصنع يستخدم الزيوت حقتهم فا نوعها سيئ وانصحك تغيرها الى الزيوت الامريكيه وتحط محسنات وباذن الله راح تفرق وانا كان الفورد فكتوريا حقي فيه نتعه وتاخير غيرت الزيت وحطيت محسن والله فرق فرق مب طبيعي وبعض المرات يكون مب سبب الزيت يكون سببه حراره القير مع الزحمه ينتع وبشكل عام التورس فيه مبرد كويس فا اتوقع من الزيت واذا حاب تتاكد من موضوع حراره القير فيه قطعه تشتريها بي٧٠ ريال من ساكو تطلع قرايت الحراره وشف بالزحمه كم توصل الحراره وان شاءالله تلقى المشكله🙏🙏
يعطيك العافية ع الشرح الجميل و البسيط سؤال بسيط انا عندي تورس ٢٠٢٢ واسمع صوت طقطقه خفيفه من تحت كرسي الراكب اذا مشيت ١٢٠ او اكثر ولا عرفت الصوت من وش اذا واجهتك هاذي المشكله او تعرف احد واجه نفس المشكله ممكن تعلمني لو ما عليك امر
مقارنه بالموديل الي قبل صح انزل. بس ماشوف ان السياره نازله ولا قد نزلت معي بشكل كبير خصوصا يوم تقارنها بسيارات من فئتها مثل الافالون والازيرا ينزلن اكثر من التورس بالتحميل.
معي افالون 2019 افر الرياض فر و احيان اضغط لها بس على خفيف جداً مسكات يعني و المكيف ما يفصل تمشيني على القطعه مره مرره 711 كيلو بس صراحه اني حاط نظام صرفية البنزين على الايكو فـ اعتبرها ممتازه جداً مع مقارنة اخونا خطوط طويله صراحه ما مسكت فيها بس اعتقد انها ممتازه بعد
ابدا ماله علاقة كنت ادري عن المشكله من زمان وتجنبت اني احط عطور ولا معقم على يدي وامسك الطاره، ومع هذا مانفع. وغير عن كذا عندي سياره ثانيه لها ٣ سنين عندي وماتقشرت بس التورس
معي مديل ٢٠ صار لها سنتين معي.. ملاحظاتك في محلها بصراحه بالنسبه لي ماشي قريب ١٠٠ الف وحمدلله ما واجهني اي مشاكل بالسياره وماقد غيرت الا البطاريه تبارك الله وعاجبني الوسع والتكييف والعزل وان السياره ذكيه جدا مثلا التشغيل عن بعد جدا سريع وانك تنزل وهي شغاله وتتقفل عادي ولو ماقفلت عادي ماراح تنسرق لان القير يقفل لانه اكثر شي يميزها
بصراحة اتفق معك بكل كل حرف قلته وبخصوص الراحة انا فعلا سافرت بالموتر مرة وحدة حسيت انه نازل يعني طريقة جلوسك بالمقعد كانك بسيارة سبورت تكون معفوظ نسبيا خصوصا للي طولهم 180 والموتر جميل لكن بالذمة مايناسب اجواء الرياض الدمام جدة. يصلح بالمناطق الباردة
انا امتلكت سيارتين عام 2014 مازدا ستة وعام 2019 مازدا سي اكس فايف فيه تنتيع لكن لا تشيل همها سيارة كرررف بمعنى الكلمة ما شاء الله بس انت حافظ على السوائل والاشياء الاستهلاكية والله من حفر من ارصفة ومن دعس كنت كارف السيارة كرف لكن ذحين هديت الوضع في االمازدا سي اكس فايف وهيا صاملة ما شاء الله ونصيييحتي لك السوائل انتبه لها والزيت حافظ عليه
في مبالغة شوي ، انا بالرياض واداوم من اقصى الغرب لاقصى الشرق و امر اغلب الزحمات بالرياض ، ماقد لاحظت ان السيارة تستهلك بنزين بالكمية الي ذكرتها بالفيديو ، بالعكس السيارة بالمدينة موفره الفل يمشيني حدود ال700 .
انا معي افالون حالياً وكان معي تورس ٢٠٢٠ التنتيع اللي بالتورس كان تنتيع وقت التسارع وهذا غير طبيعي بنتظري اما اللي بالافالون يكون وانت تهدي وهذي مشكلتها برمجة القير نفسة لما يسوي داون شفت واللي جرب الموترين بيلاحظ هالشي
حياك اخوي، انا داخل بقروب كله ملاك تورس وبعضهم مشى عليها ٢٠٠ الف كيلو ماشاء الله تبارك الله. مافي مشاكل لاكهرب ولا شاشة. غير عن كذا اي سياره ممكن تحصل لها مقاطع باليوتيوب متعطله وفيها مشاكل. كذا مقطع شفته لكامري موديل ٢٠ قيره مخبط. هل هذا يعني الكامري سيء ولا هذي حالات فرديه بسبب سوء استخدام او غيره؟ وعلى ذكر انه صينيه اغلب قطع السياره هي امريكيه من فورد والتجميع فقط بالصين. واخيرا اي سياره لها ايجابياتها وسلبياتها وعيوبها مافي شي كامل والكمال لله سبحانه.