حاسه اننا كروتنا عبله كامل اتكلمنا عن مشاعرها وأدائها بس مش اسماء الاعمال واننا نغوص جوا كل حدوته وتقسيمة مشوارها وكدا م تعمل حلقه كمان😉😉🔥❤️❤️❤️❤️❤️❤️❤️ عارفه اننا قولنا هنتكلم عن التلقائية بس بس احنا عايزين من دا تاني❤️🔥
قناة m7mwz عملت ليها فيديو 10 دقايق عظمة اتمنى حضرتك تشوفوا هما مش كفاية عليها بس هو لخص على اد ما يقدر لان تاريخها الفني ضخم وصعب يتلم في حلقة او 2 او حتى 3
استاذة عبلة كامل اقرب واحدة لقلبي في الوسط الفني كله بتفكرني بوالدتي الله يرحمها نفس الملامح ونفس الابتسامة ونفس الطريقة في الكلام ربنا يطولنا في عمرها وميحرمناش منها وكويس انها بعدت عن الوسط الفترة دي لان كله بقى زي ما احنا شايفين مكان لا يليق بالمحترمين امثال الاستاذة
عبلة كامل نجاحها يكمن ف تلقائيتها، تحسها خالتك او عمتك او ام صاحبك ، ست مصرية من الطراز الأول، بس في دور عملته مبهر مبهر لأعلى درجة وهو دورها ف حديث الصباح والمساء ، بجد مذهلة ، ومن وجهة نظري من أنجح الممثلين ف تاريخ مصر
اهم ميزة انها طبيعية... زينا وزي الناس لا ميكب اوفر ولا فيللر ولا نفخ ولا صبغ.... واحدة زي البني ادمين مش يجيبولك واحدة عاملة دور فلاحة ولا ست بسيطة وهي نافخة ومالية وشها مايكب وصبغة ولا تقوم من النوم ومانها خارجة من الكوافير .. فتحس بالتمثيل
حلقة رائعة و دخلت في تفاصيل تمثيل الفنانة الرائعة عبلة كامل بشكل جامد جدا بطريقة مختلفة كالعادة لكن عندي مشكلة واحدة ان الصوت تحس انه متركب علي الصورة اكنه دوبلاج مش مريح غير كده حلقة رائعة.♥♥♥
ناس كتير عملت ڤيديوهات عن عبله كامل وكلهم حلوين بس اول ما شوفت الnotification اول رد فعل جه في دماغي كان "WOW, this is gonna be epic" شكرا انك شاطر في شغلك
المبهر اكثر من المراجعة الاستثنائية عن اكتر فنانه ملهمة في مصر في رأيي انه رغم الابهار الظاهر جدا في الفيديو سواء من اداء عبلة كامل او مراجعة هادي الا ان كل ده حصل و كمان لم يتم ذكر دور جليلة في حديث الصباح و المساء اللي لو اي ممثلة عملته كان بقى مزيج من ال cringe و ال awkwardness بطريقة غير طبيعية .. فهنيئا لنا حقيقي بعبلة كامل العبقرية و بمراجعات هادي اللي عامل زي الرسام اللي بيركز في كل تفصيله علشان يطلع لوحة مكتملة وجميلة
حلقة عبقرية بس عبلة كامل ماتكفيش حلقة واحدة الصراحة اصل الحاد انك ماتتكلمش عن جليلة الطرابيشي (حديث الصباح والمساء) أو زهرة ومني (مسرحية الحادثة المجنونة أو أو أو كتير أوي يستحق تتكلم عنه
حلقة حلوة حلوة حلوة ايه العظمة دى ايه الاداء اللى انت بتقول بيه الكلام انت عبقرى كان فاضل بس تتكلم عنها فى حديث الصباح والمساء دور عبقرى ومتنوع و مراحل عمريه مختلفة
مراجعة فقيرة جدا لموهبة زي عبلة كامل .. أدائها العبقري كان واضح من بدايتها زي مسلسل الشهد والدموع مثلا بالنسبة لي عبقرية عبلة كامل في استخدام ملامحها.. .. مهما تبص لها وهي بتمثل تحس أنها منك … أمك خالتك جارتك المهم انه في رباط بينك وبينها
نجمة عالمية وعمرها ما عملت مشهد خارج أو قالت لفظ مش حلو اهي دى الممثلة اللي تقعد تتفرج عليها انت واسرتك وانت عارف ومتأكد أن هي مش هتقول حاجه مش كويسه حتي لو حاجه او مرة هتشوفها
بيعجبني اوي في البرنامج ده انه بياخد التون بتاع الحلقه في التقديم يعني في الحلقه دي مثلا هو بيتكلم عن عبله كام تحس ان طريقة الكلام و كل حاجه في الحلقه بتقولك ان انت قاعد مع عبلة كامل
