مراجعة فيلم "تراب الماس" من فيلم جامد | FilmGamed 

الحقيقة ان الروايه اروع بمراحل الفيلم متكروت كروته سودة. دا غير ان ماجد الكدوانى كان واكل الجو من اسر ياسين بشكل محصلش ، ياجدع والله دا انا اقتنعت بوجهه نظره وعذرته وقولت انه عنده حق لما كان بيبرر اللي عمله

بما اني مدمن سينما ومبحبش الافلام العربي بس انا عمري ما اتبسطت و انجذبت لفيلم عربي وانت بتفرج عليه زي ما كنت منبهر وانا فدور العرض وتراب الماس شغال ابداع مصري مكانش متوقع والحمدلله اننا عندنا وحش تمثيل اسمه ماجد الكدواني

المقدمة جاااامدة 😂💓🏵

كمان اسر ياسين سجل goal في مشهد نوبة الصرع

بالنسبة لمناقشة الحلقة انا حابب مروان حامد يحول كل اعمال احمد مراد لأفلام ، رواية 1919 رائعة وتستاهل وكذلك رواية ارض الإلة ، اتمنى التعاون بينهم لا يتوقف

فيلم رهيب بجد ، و صوت احمد كمال و هو بيروي الحكاية فظييع و ساحر آسر و منة لازم يمثلو تاتي مع بعض 💕

اهلا بالريفيو من ايد واحد جامد زيك 😂✋✋

كنت مستنيه وقفه إشاده بالاعجاب عن أداء الرائع العبقري محمد ممدوح... أداءه مش طبيعي بجد من وجهه نظري أدام علقت على أداء آسر ياسين يستاهل جدا محمد ممدوح الإشادة بيه لأنه ميقلش ابدا في أداءه عن آسر ياسين مع إختلاف الشخصيات✋🏻

والله اللي بيزعلني ان فيه افلام بجد بتبقي جامدة زي تراب الماس و افلام كتير و للاسف مش بتحقق الارادات اللي تتناسب مع المحتوي الفني الراءع و للاسف الجمهور بقي كل همه الاسفاف و خلاص يعني فيلم زي الديزل ده محقق ايرادات لانه بس اعلانه كله ضرب كله ضرب فعلا انا مشفتش حاجة تانية في الاعلان و للاسف طبقة قليلة اوي في المجتمع اللي بقت بتهتم بالمحتوي الفني و ده للاسف ميشجعش الناس انهم يشتغلوا اصلا ربناه يصلح الحال وكل واحد ياخد حقة بجد

احب اقولك يا استاذ محمود ان دى من افضل الحلقات اللى عملتها عشان رجعت لاسلوبك القديم اللى كنت بتتكلم فية عن كل عنصر على حدة يعنى اتكلمت عن السيناريو ثم. الاخراج ثم الممثلين ثم الموسيقى ياريت كل الحلقات تبقى كدة

3:37 ودلوقتي حنا بسنة 2019 وفعلا كان تراب الماس افضل افلام مصر لعام 2018 😍

"ماجد الكدواني دوره استثنائي كالعادة" أوجزت.

محدش هايعرف يحول روايات احمد مراد بالشكل الفشيخ دة غير مروان حامد بكدراتة وموسيقي زي هشام نزية انا بحس اصلا ان التلاتة فريق عمل واحد فيلم تراب الماس فشيخ بمعني الكلمة انا اتوهمت وخصوصا كمان موسيقي هشام نزية بجد الراجل دة من عالم تاني

أنا فلسطيني اتابعك من حوالي 4 سنين الفيلم رائع و ممتع و مزبوط و متفصل بالمللي.. و كالعادة أفضل critic عربي.. شوالي السينما الأستاذ محمود مهدي.. أتمنى أشوفلك برنامج رسمي على قناة تلفزيونية قريبا

فى الدقيقة 5:37 انت بتتكلم عن نسخ الفكرة من عمل تليفزيونى وهو موضوع البانيو ،، بس احب اقولك ان الفكرة دى بتاعت احمد مراد وموجوده فى الرواية من قبل المسلسل غير كده عجبنى تحليلك جدا تحياتى ليك

عن جد الفلم كتير حلو ويفتخر بهيك سينما عربية مصرية برافو

ياريت تتكلم عن الفرق بين الصناعه في هوليوود و مصر وايه اللي يقربنا منهم ؟ وهل مقاومات النجاح موجوده في مصر ؟ ياريت من فضلك

انصدمت لما شفته الفلم مشوق و فوق الممتاز فنانين . موسيقى. إضاءات. مكياج و ملابس لكن الاخراج صدمني 1 / لما حط الجثة و الاسيد في البانيو كان المفروض الحمض ياكل البانيو مع الجثة لا يمكن حصر الاسيد الا داخل بلاستيك من المفترض يتخلص من الجثة داخل برميل بلاستك. 2 / الضابط طلب في المقهى سكر كثير على الشاهي و البطل قام بتغير كل اكياس السكر بالكامل بتراب الماس المفترض يخلط تراب الماس بالسكر عشان ما يميز الضابط الطعم . 3 / تراب الماس قارورة وحده ابو البطل استخدم منها و لما حصلها البطل كانت شبه ممتلئه و البطل استخدم من تفس القارورة و هو تراب الماس بيتكاثر داخل القارورة ليه . عجبني الفلم و هاردلك للاخراج .

با اشكرك جدا علي مجهوداتك الرائعة انت ركن هام جدا في ذاكرة السينما..وستكون مرجع هام جدا لكل دارسي فن السينما وايضا محبيه...فنانين عظام علي مر التاريخ تركوا بصماتهم علي الشاشة الفضية لم يدرسوا سينما ....انت موهوب جدا في عمل انت تحبه ....كتاب التاريخ كثيرا منا لا يعرفهم ...انت من كتاب التاريخ لفن السينما تصنع مجهودا جبارا بدون ضجيج اعمالك هي التي تتحدث عن احترافيتك ...ماتفعله سيكون سجلا من نور يحكي عن شخص احب ما يعمل فاحبه الناس ....برنامج غاوي سينما يستحق اكثر من ذلك...اقصد يستحق ان يعرض باستمرار في جميع قنوات الافلام وان يسلط عليه الضوء بشكل دائم في البرامج الحوارية .التي تهتم بالفن..انت باعمالك هذه تنير للجميع اماكن كانت مظلمة في حياة كل صناع السينما انت بحرفيتك العالية اضأت عليها بشكل فني مختلف جعلت كل فنان يحكي عن اعماله وعن قيمتها الفنية بدون ان يقول انا عملت اوصنعت ...كنت انت الجندي المجهول الذي اعاد اكتشاف عظماء الفن السابع في مصر ومازلت تفعل ذلك . انت بجد استاذ يستحق التقدير من كل صناع السينما بل يستحق ان تنشئ له جائزة خاصة للابداع عن اعمالك التي اضافت الكثير لفن السينما...كل الشكر والتقدير لفنان يستحق التكريم هو ومن حوله....تحياتي

الفيلم تحفة بجد أسر ياسين من أحلى الأدوار اللي قدمها موهوب و مبدع و مستوى عالي في الأداء و طبيعي و واقعي 👏👏👍👍👌 نوبة الصرع دي كانت مبهرة

انا حضرت الفيلم وانبهرت بالعمل ككل .. كلمة رائع قليل عليه الفيم استثنائي واتوقع انه راح يتأرشف في تاريخ السينما المصرية ماجد الكدواني حالة خاصة في السينما فنان متلون مع الشخصيات بطريقة عجيبة اسر ياسين مختلف واحس ان للآن ما برز كل امكانياته في التمثيل محمد ممدوح ومنه شلبي رائعين كالعادة ، نقطة الضعف بالنسبة لي اهو عادل كرم اتوقع في كثير نجوم من مصر قادرين يأدو الدور بطريقة اجمل بخصوص السؤال : انا مؤمن بأن التوأمة وتحديداً في المجال الفني جميلة وصعب تنوجد و ولازم تستمر طول ما الثنآئيات تحقق نجاح وناتج ممتع وجميل لغاية ما نشوف احد الاطراف مستواه يتراجع ، في حالة مروان واحمد اشك انهم راح يتراجعون فاكيد الافضل انهم يمتعونا باعمالهم مع بعض .

اتمنى تعاون مروان حامد و احمد مراد يستمر لان المنتج المقدم منهم هو افضل شي في السينما المصريه حاليا

من الاخر كدة مروان حامد و احمد مراد كل ده مع بعض و عملوا ال 3 افلام دول علشان يجهزوا لرواية 1919 لانها احسن رواية لاحمد مراد و اكتر واحدة تصلح انها تكون عمل سنمائي جديد فا من وجهة نظري انهم بيدخلوا التجارب ديه علشان يصححوا كل اخطاءهم لما يجوا يعملوا 1919 فا لو هيكون في اخر تعاون بين مروان حامد و احمد مراد هيكون الرواية ديه

أولاً انت إنسان محترم ثانياً تحليلك وانتقادك موضوعي جداً ثالثاً اتمني يكون فيه عمل مشترك بينهم لرواية ارض الاله

على فكرة الرواية احسن من الفيلم بكتير جداااا الرواية تحقة

رأيي إن مروان حامد وأحمد مراد في كيميا مقبوله جدا مابينهم وياريت يكملو لأنهم فعلا صنعو 3 افلام من احلى افلام السينما المصرية

صحابى كانو معارضين يدخلو معايا الفيلم وقولتلهم هندخل علي ضمانتى قالولى احنا هسيب الديزل والبدلة علشان ندخل الفيلم دا قولتلهم لو دخلتو معايا وندمتو هدفعلكو تمن التذكرة وكل ماتعدى نص ساعة م الفيلم يقولولي ايدك ابوسها ملوحظة دا اول فيلم اشوفه ف السينما واـاكد ان زوقى حلو ف اختيارات الافلام من التريلر

حاول تعمل ريفيوهات فيها سبويلرز او على الاقل جزء في الفيديو تحدد انك هتعمل كده وتتكلم بحرية عن الحاجات اللي تقصدها مش عارف ليه اغلب الناس بتتفادى ده... انا عايز اعرف راي النقاد المفضلين عندي في حاجات بعينها مش راي في الفيلم بشكل عام

انا شايف ان مروان حامد ينفصل عن احمد مراد شوية ... و بعدين يبقوا يرجعوا تانى بعد سنتين تلاتة .. انا شايف ان تعامل كاتب اخر مع مروان حامد هيورينا جوانب جديدة فى شخصيتة الاخراجية

أخيرًا نزلتها .. كدة أخش وانا متطمنة 💜💜 الرواية بالنسبة ليا أحلى من كل رواياته أصلًا ومكنتش عاوزة الفيلم يقل عنها .. و رأيي ان شغلهم مع بعض مميز ومختلف و ياريت يقدمولنا حاجات تاني سوا 👌

ماجد الكدواني هوا اللي شايل الفيلم بصراحة

استاذ هذا الفلم من اروع ما رأيت هذا هو الفن العربي الراقي.حاله حال فلم الاصليين قصه وغموض واخراج راقي.اخوكم من بغداد

لا نحبهم دايما مع بعض هذول الثنائي لما يجتمعوا يقدموا حاجة جامدة جدا 👍👍

ما شاء الله انت عالمى ال reviews بتاعتك محترفة ورائعة ومسلية ...ادمان الصراحة 😍

مش متفق معاك في أن الفيلم لا يحتاج للاحداث السياسية لان الفيلم كما تعلم له اسقاطات سياسية علي النظام ..خاصة ماحدث من ظلم للرئيس محمد نجيب و الفساد الذي انتشر في مصر من سنوات فعبارة عندما يصبح القتل أثرا جانبيا ..اثر من الآثار أن البطل حسين الزهار قرر وهو قعيد كرسي متحرك أن يقوم بتنظيف المجتمع من الفاسدين الذين ضربوا اركانه كسرطان وذلك بطريقته الخاصة جدا تخلص من هؤلاء الفاسدين الذين أغلبهم سياسيين ونجوم مجتمع وبلطجيين يستحقون القتل.

احب جدا طبعا التعاون بين الثنائي ده المقدمه روووووووووووووووعه جدا ممكن نتصل باحمد مراد ونخليه يكتبلنا سيناريو ننفذه

محمد ممدوح صوته مش واضح وهذي من أكبر نقاط ضعفه

انا شفت الفيلم وقبله قرأت الرواية ممتعة جدا ،، فيلم يحبس الأنفاس خصوصا في مشاهد آسر ومنة شلبي في النصف الثاني من الفيلم،، خيال واسع ورائع لأحمد مراد ،، يبعث فيك الفضول والانفعال حتى تصل الى النهاية ،، انصح بالمشاهدة 👌👏👏 تقييمي ايضا ٩

اختلافك ع أن الشارع كان ممل و انا اختلافى ع أن الإضاءة خفيفه زياده عن اللزوم لكن فعلا الفيلم هيبقا احسن فيلم فى 2018💙

مش عارف دة انا لوحدي ولا فيه غيري، بس انا تقريبا في نهاية كل حلقة ببقى عارف تقييمك هايبقى كام من ١٠ من المراجعة اثناء الحلقة، احييك على الاستمرارية في اداءك المتميز و احترافيتك الاستثنائية.

ثلاثي احمد مراد - مروان حامد - هشام نزيه شغال زي الفل و بيجيب اجوان .. ليه تعمل تغيير ؟!

المراجعه دي فعلا مختلفة عن بقية المراجعات اللي قدمتها واكيد التطور ملحوظ . عجبني جدا خوضك في أغلب جوانب الفيلم من إخراج لتصوير الى الصوت وقدرت اشوف رؤيتك فما يتعلق بالفيلم . حقيقي مراجعة سريعة مختصرة ومفيدة جدا .

ملك المقدمات بامتياز انا وصلت لدرجة اني بدخل اشوف المقدمة و اغلق الفيديو خلاص انت لو عملت فيديوات ساخرة هتنجح زي النقد و اكثر هههه

طعا اول مره من 7 سنوات اشاهد فلم عربي شي ممتاز هواي احلى من افلام اجنبيه شفته وانعجبت بيه من قبل شي خرافي توستات في القصة عضيمه يستاهل 9من 10

بصراحة الفيلم عظيم بصراحة تراب الماس فعلا احمد مراد ومروان حامد فعلا اتنين مبدعين انا تشوقت اقراء الرواية ماااجد الكدواني استاذ بصراحة

فى حته صغيره بس موضوع انه اخد حته من مسلسل مشهور و كده الروايه مكتوبه من زمان قوى .. و انا قريت الفكره اللى حصلت فى الفيلم فى الروايه انا لما لقيتها فى المسلسل اللى قصدك عليه .. انا قولت مره واحده دا واخدها من تراب الماس .. بعيدا عن دا كله ريفيو عظيم يا مستر محمود ⁦❤️⁩

في الفيل الازرق 2 مع بعض دلوقتي ،،ممكن نشوف احمد مراد مع طارق العريان و مروان حامد مع اي حد ❤❤ و معاهم محمد عطيه و هشام نزيه بقي 😄💃💃

مشهد حرق الجثث او تحليلهم كان موجود فالرواية من قبل اي مسلسل مشهور الرواية من ٢٠١٠ و وقتها فعلاً كان فكرة جديدة محدش تناولها

المخرج تجاهل شخصيات مهمة في الرواية الاصلية زي ياسر صديق البطل وزود احداث مكنتش موجودة والنهاية حتي مختلفة عن الرواية ... الفليم لم يجسد الرواية بشكل صحيح بس دة مش معناة ان مروان حامد مخرج تعبان بالعكس هو افضل مخرج موجود علي الساحة الفنية حاليا

بحييك ع كل كلمه قولتلها لاني بتفق معاك ميه ف الميه الفيلم حلو وحلو جدا واتفق ان اسر سجل بس سوبر هاتريك ف مشهد غير وفاه الأب والخناقه مع السرفيس ومشهد الضابط ف الاخر مشهده مع صابرين من غير ما يتكلم كان ابدااااع لما كانت بتحكيله قصه نوح بجد تعبيرات وشه ولما عيط بدون كلام حاجه اوسكاريه فعلا وكل كاست العمل وطاقم الفيلم كله شابوووه

الروااااية احلي بكتيييييير الفلم مُرَكَّز اوي يا جماعة الرواية ممتعة جدا دا اولا زي ما يكونوا حاولوا يقيفووه علي قد ما يقدروا!! عمق الروايه اجمل بكتيييير ...الفيلم حلو جدا اكيد كفيلم اختيار الممثلين موفق بس شخصية سارة مختلفة ودا معجبنيش ..ماجد الكدواني كويس جدا ولكن مختلف برضو عن الرواية ودا ميمنعش ان ادائه اكيد كان رائع كتمثيل .. مش موفقين في التزامن لأن الرواية الرواية كانت في ٢٠١٠ ..الوضع دلوقتي اختلف جدا في ٢٠١٨ كواقع في مصر بشكل عام ..معجبنيش فكرة "التقييف" خالص شخصية شريف المذيع الملهاش اي لازمة غير انها تعكس تطلعات سارة وحبها للتحرر الفكري وتمردها علي اساس ان شريف ايقونة من ايقونات الثورة المزيفة ... يمكن عشان انا قرأت الرواية فحسيت قد ايه الفيلم كان بخيل . فتقييمي الشخصي هيبقي 7.5/10

معتقدش ان في مخرج زي مروان حامد استاذ عظيم بجد هو الوحيد الي يقدر يطلع افلام ممتازة في زمن بقت الافلام زي شوال الزبالة

اكتر حاجه استفذتنى ان بعد الرغى ده كله . . . . . . تقلى تقيمة 9/10

اول مرة من ساعة ما بدات اشوف الفيديوهات بتاعت حضرتك تشكر في فيلم و دة له معني واحد لاغير انه فعلا فعلا فيلم حلوو

ماجد مالهوش حل مشهد التحقيق معاه كان مبدع هشام نزيه شابوه لو بتعيب على المخرج نقله مشهد تقطيع سيرفيس ... احب اقولك ان فيه اللى نفذوه بالفعل فى تركيا

بصراحة فيلم ولا اروع تحفة بجد رغم انه ساعتين ونص لكن ماكنتش عايزه يخلص ممتع بشكل رهيب ، انصح كل اللي ماشافهوش يشوفه لانه من افضل افلام السينما المصرية في اخر 10 سنين

عجبتني اوي الحتة لما محمد ممدوح مسكوا فقام أسر قاله حلمتلك حلم عشان يخلص منه

دي أعظم مقدمة وأجمل فيديو في القناة كلها 😂

ماجد الكدواني عبقري .. طبيعي واقعي روعة

شفت فديوات صدفه الك كلشش حلو احب هيج اشياء اسستمر ورده شجعتني اشوفه تحيه من بغداد لحضرتك 🌹♥️

برافو .. بس بالنسبة لموضوع الشارع الواحد .. ايه المشكلة ؟؟!!! .. بلطجي المنطقة .. ظابط المنطقة .. واحدة ساكنة جديد .. وكمان انت نسيت ان الراجل مقعد هيشوف ايه وفين غير اللي حواليه .. انت متفرجتش على أسامه أنور عكاشة ولا إيه .. بلاش رغي وخلاص الفيلم مفيهوش غلطة والسيناريو رائع .. بالعكس فكرة فيلم زي دي تنفع مسلسل 30 حلقة وبجزء تاني كمان .. شابوه

احنا فى عصر السينما فيه واقعه بطريقة مرعبة و عشان كدا عايز اقول ان من حظ احمد مراد ان فى مخرج عظيم اسمه مروان حامد موجود على الساحة حاجة كدا شبه نجيب محفوظ و صلاح ابو سيف , مينفعش كل واحد فيهم يشوف حد تانى يشتغل معاه عشان بكدا الاتنين هيتظلموا و بالذات احمد مراد لانه مش هيلاقى اللى يخدم على مجهوده حاجة كدا زى لما xavi و iniesta سابوا ميسى فملقاش اللى يعوض غيابهم فأنا منتظر منهم اعمال اخرى و ربنا يوفقهم و يوفقك يا مهدى

فيلم رااااائع جدااا ومن افضل الافلام المصرية التي شاهدها عجبني جدااا تقييمي له 8.2/10 😍😍

المقدمه جاااامدة جدا .. انت فشيخ

تم تغيير من شابوه يوسف الشريف لشابوه آسر ياسين 😂

ماجد الكدواني هذا لو لهجته مضبوطة المفروض مصر تقدمه لهوليوود على طبق من ذهب وراح يشرف مصر والوطن العربي جدا

اقرا الرواية. ،الرواية أفشخ من الفيلم بمراحل

اولا بحييك علي رأيك ومراجعتك الحياديه والموضوعيه للفيلم ..ثانيا المشهد المنقول من مسلسل هو مش منقول منه طبعا لأن الروايه مكتوبه قبل المسلسل بكتير( الا لو كنت تقصد مسلسل تاني غير ايوب ) ..ثالثا ان شايف ان الثلاثي( احمد مراد / مروان حامد/ هشام نزيه) ماينفعش ينفصل ابدا ...قدموا لنا لحد دلوقتي افلام فعلا بمواصفات عالميه واثبتوا لنا ان السينما المصريه ممكن تقدم اعمال قويه وبشكل مبهر ..رابعا Keep up the good work 👍

ال باتشينو في فيلم godfathers ساعة لما قتل الظابط و التركي و مسلسل breaking bad

فعلا تعاون مثمر بين مروان و مراد قدر مروان يقدم السهل الممتنع دون اي عمق او تعقيد بعد الاصليين بس نتمني يبقي ف فيلم بينهم ع غرار الاصليين لان دايما الروايه بتحد من خيال المخرج كما بتخلق قيود لعدم الخروج عن النص اتمني يبقي ف تعاون يحمل سلاسه تراب الماس و قصه غير معتمده ع روايه مسبقه زي الاصليين

الفيلم حلو جدا بصراحه كل لحظه فيه كانت جميله

كان نفسي تذكر ان احمد مراد دايما قصصه بتعتمد على مواد كيميائيه زي الفيل الازرق و ادي كمان تراب الماس

مع احترامى للجميع انا مسمى احمد مراد الخلاط لانه بيجيب مقاطع من قصص عالمية وافلام ويخلطهم على بعض ويعمل قصة بيهم هو ده التالنت بتاعه وده اخره وبس خلااااااااط

احب احييك علي مجهودك في القناه وعايز اطلب منك طلب رخم شويه عايز مراجعه لفيلمين كلاسيكيين وهما the prestige و pulp fiction

واخيرا اول كومنت😀

للاسف يا استاذ محمود انا عايش فى الصعيد تقريبا لاقصر وقنا وللاسف محروم انى اشوف الحجات الحلوه دى لانه مفيش سينمات ..طبعا تركيبه مروان حامد مع احمد مراد ومنه وماجد وهشام نزيه هما الى بيقدموا فن بجد اتمنى الاستمرار مع بعض مروان واحمد بس خايف اشوف وجوه جديده معاهم غير منه شلبى وماجد هيقدروا يطلعوا الفيلم بالجمال الى بيكون عليه ولا لازى ما بيعمل ماجد ومنه

فعلا الفيلم تحفه ماملتش فيه ولادقيقه .مع انه طويل بس انا محسيتش بالوقت وانا بشوفه راااااائع

ياريت كل واحد يعمل فيلم منفصل مع حد تاني و يا ريت كمان احمد مراد يخللي سيناريست تاني يكتب عن الروايات بتاعته

مراجعه فيلم البدله بقي عشان خااطري

اعتقد ان نوعية افلام احمد مراد محتاجه مخرج زى مروان حامد عشان يقدر المشاهد يفهم محتوى قصه الفيلم بعدسة كويسة ومشاهد معبرة .. لإن مش ديما القصة وحدها بتكون كويسة من غير مخرج شاطر يعرضها بشكل جيد .. لو مراد هيتعامل مع مخرج تانى يبقى المحتوى لازم يكون تسويقى تجارى وبسيط ويناسب المشاهد المصرى العادى .. وبشكرك شخصيا على تحليلك السليم لاداء شخصيات الممثلين فى الافلام .. راجل بتفهم فغلا

مراجعة فيلم البدله

من زمان ماشفت فيلم مصري مقنع مثل تراب الماس

كنت متأكد انه هيعجبك

أعتقد صعب حد يقدر يقدم أعمال أحمد مراد بشكل أفضل من اللي مراد نفسه يتمناه زي مروان حامد بجانب موسيقى نزيه اللي بتدخلك في جو أي مشهد غصب عنك ، خليهم مع بعض .

انتا ليه معملتيش اي رياكشين لي the meg

مشكلتي مع الفيلم في حاجات بسيطه جدا، اولها ان الكلام في عبد الناصر كان ممكن كله يتشال والفيلم مكانش هايتاثر، مش علشان حاجه معينه بس منعا لوجع الدماغ مش اكتر، تانيها في مشهد الحمام حسيته استسهال بدل ما ندور علي فكره جديده نحل بيها الموقف، اخر حاجه الراجل القعيد المفروض حضر العدوان الثلاثي ٥٦ يعني بالراحه كده عنه ٧٠سنه شكله في الفيلم كان اصغر من كده

مراجعة فيلم البدلة بقي الفيلم فشيخ جدا ياجماعة

الحمد لله انا كنت خايف لمروحش الفيلم بسببك بس بعد الحلقة دي انا اتشجعت اكتر اني اروح الفيلم

نصيحتي قبل ماتخش فيلم تراب الماس انهارده دخلت فيلم تراب الماس وكنت ناوي اخش استمتع بيه من غير ما احلل الفيلم بس مقدرتش الصراحة وده عرض مختصر لتقييمي بدون حرق للفيلم .... طيب قبل اي شئ لازم نعرف ان ده التعاون التالت بين الكاتب احمد مراد والمخرج مروان حامد بعد فيلم الفيل الازرق الي نجح نجاح ساحق والاصليين الي ماخدش نفس نسبة النجاح من ناحية شباك الايرادات والتعاون ده ليه بصمة واضحة على التلت افلام لدرجة انك هتحس ان تراب الماس جزء من الاجزاء للفيلمين الي فاتو طيب بالنسبة ______________________________________________________ للسيناريو: فالسيناريو من وحهة نظري بوظ وشوه النص الاصلي للرواية الممتعة جدا وده لعدة اسباب وهي 1_الاستغناء عن شخصيات كتير واضافة شخصيات تانية وابعاد تانية وده بالتالي حرف القصة وكانها قصة جديدة لم تكن بقدر الامتاع العظيم للنص الروائي 2_الاستغناء عن كثير من الحبكات الذكية واستخدام تقنية (الاله من الالة) فبقى الفيلم غير منطقي في اغلبيته زي اي مشكلة تحصل البطل يستخدم تراب الماس فالمشكلة تنتهي بمنتهى البساطة 3 _ السيناريو كان بيجري بشكل رهيب في الاحداث وبالرغم ان رواية الفيل الازرق لما اتنفذت فيلم ماكنتش بالسرعة في سرد الاحداث ............_______________________ التمثيل: فيلم تراب الماس قعد فترة كبيرة جدا ما بين تعاقدات مع ممثلين واستبدالهم لشتى الظروف ده خلى اللممثلين مافيش كميا بينهم مجرد تادية الدور والسبوبة والبريك الذيذ واقلب بس لو هنقيم الممثلين من الاقوا للاقل فهيكون كالتالي ١كالعادة العظيم ماجد الكدواني راجل بيطغى على ايي ظروف سواء سيناريو او اخراج او ضعف ممثلين وبيظهر قوته كل مره وحضوره و كفاية انه ضحكنا في اكثر المشاهد تاثيرا في الفيلم 2_الراجل الي طلع هاني ابن برجوان ولا برجواس وللاسف مش عارف اسمه بس بجد قوي ومتمكن 3_ اياد نصار كان مقنع ومتقن بالرغم ان السيناريو ظالمه الباقي كله جاي يادي مصلحة ويروح _________________________________________ الموسيقى الرائعة طبعا لهشام نزيه وان كان فيها تشابه ملحوظ بين الفلمين الي فاتو التصوير محترم كادرات عبقرية الاخراج طبعا لمروان حامد الي واضح انه كان زهق من كتر الوقت وقال ينجز دنيته .............. من الاخر لو حبيت تخش تراب الماس اولا ماتكونش قاري الرواية ولا تعرف القصة ولا حتى تشوف الاعلان خش بالحب كده لو عجبك تمام معجبكش يبقى يبقى انت راجل بتفهم زيي 😂😂 #محمد_المصطفى #سينارست #تراب_الماس

يا ريت أحمد مراد و مروان حامد يكملوا مع بعض لأن مفيش أي سبب يخليهم ينفصلوا و هما بيقدموا محتوى فني راقي كل مرة إن لم يكن الأرقى و خصوصا إن محدش هيزهق من تعاونهم مع بعض لأنهم مش باينين على الشاشة ف ملوش لازمة حد فيهم ياخد الريسك لمجرد إنه يتقال عليه مبيعرفش يشتغل غير مع فلان

اعمل مراجعه للبدله

انا شفت الفيلم .. كلامك كله صحيح .. لكن حاب أؤكد الموسيقى في الفيلم كانت اسطووووريه .. فيها رعب اثارة حماس وغموض .. الفيلم لازم يترجم لكل لغات العالم ويتعرض بسينمايات عالميه "من وجهة نظري "

ممكن مراجعة لفيلم awakening بطولة روبين ويليامز و روبرت دينيرو

انا فعلًا كنت مستني المراجعة دي من يوم الوقفة 😂❤️❤️

ياريت تحاول تنوع من رتمك و تون صوتك عشان الموضوع بيقلب بملل شويه

المقدمه حلوه اوى و كنت مستنى تقطع ف الفيلم بس اللى حصل العكس

على فكره البوستر الي بتتكلم عليه حضرتك ده مش البوستر الرسمي اصلا واصلا عاملين بوسترات محترفه لكل فنان حضرتك لازم تتابع الاول بدون ماتنتقد على حاجه متعرفهاش وشكراً..

بس ملاحظه بسيطه مشهد التخلص من جثه السيرفيس موجود في الروايه زي ماهو كده ويمكن ابشع حبتين مش منقول من مسلسل لان الروايه من ٢٠١٠ وشكرا واعتقد ان مروان حامد هو احسن واحد يخلينا نشوف الكلام الي كاتبه واحمد مراد والي انصحك تقرا رواياته لانها فعلا ممتعه

اجمد ناقد في مصر و ربنا 😍😍⁦❤️⁩

ثنائي ناجح فعلا ياريت يستمروا وده مش عيب، ولو قلنا ماجد الكدواني يبقى أساسي معاهم في الكاست متهيألي برضه مش غلط.