عوداً حميداً يا سعود، يعجبني جدا انك تراجع أفلام شهيره ومعروفه من فتره لفتره، دايم عندي فضول بمعرفة اراء الناس بأفلام من هالنوعيه، استمر يا بطل. حرق ♦️♦️ بالنسبه لي الفلم شفته تقريبا قبل كم شهر لأول مره، الفلم الناجح بنظري هو الفلم اللي يفصلك عن عالمك ويخليك تعيش داخله مهما كانت قصته سواء مكرره أو جديده، وهذا أمر نسبي أكيد وأعتقد انه من أهم أسباب اختلاف اراء للناس عن الأفلام والمسلسلات، وهنا يجي دور المخرج الشاطر بأنه يوظف أدواته (القصه، الأداء، الموسيقى، التصوير وغيرها) بأنها تسهل اندماجك مع أجواء العمل، و بعدها يجي الدور على المشاهد بأنه يهيئ الجو بالطريقه اللي تناسبه ويبعد عن الأمور المشتته ووقتها أضمن لك ان المتعه بتوصل أعلى مستوياتها. المهم نرجع للفيلم اللي ينطبق عليه كلامي اللي فوق، لو ببدأ بالسلبيات بشكل مباشر بقول ان مشاهدتي لأعمال بوليسيه كثيره قد يكون أثر على متعتي خصوصا بالجزء الاخير من الفلم، كنت متأكد من وقت ما ركب معهم بالسياره انه قتل زوجته وهذا الشي عكر مزاجي لأني حبيت عنصر المفاجأه وسير الأحداث من أول الفلم، يعني كان predictable في أهم جزئيه مع الأسف. اداء براد بت قبل يقتل سبيسي قهرني، ممثل عظيم ما نختلف لكن تمنيت يمثل الصدمه بطريقه أكثر تأثر، تقريبا هذي السلبيتيين اللي اتذكرها، الفلم مليء فن ومتعه وغموض، وعجبني جدا عدم ظهور اسم كيفن سبيسي ببداية الفلم لكنه ظهر بالنهايه لأني تابعت الفيلم وانا ماعندي علم بوجوده فيه. تقييمي العام للفيلم ٨/١٠ وشكرا لوقتكم.
