ربنا يوفقكم ويكرمكم ويُرضيكم ويقر أعينكم بما تحبون كنت حابة أقولكم بما إنكم وصلتوا هنا فمتيأسوش إطلاقًا + الفيديوهات أو الكلام الكتير عن مدى صعوبة امتحان الكيمياء زي مبتسمعوها ارموها من الودن التانية اي امتحان لازم يكون فيه افكار وانت لو فاهم منهجك و معادلات كويس هتحل وأعتقد المستر بيسعي دايما لنقطة الفهم امتحاننا ٢٠٢٣ كان في افكار كتير منكرش دا بس تقدر تحلها اه في اربع خمس أسئلة شداد بس تقدر تجيب اغلبهم اهم حاجة تكون فاهم المادة كويس وحالل أسئلة السنين الفاتت حقيقي دا هيضمنك لنقل كدا أكتر من ٧٠% من افكار الامتحان + فيديوهات مستر محمد والاسئلة اللي بيحلها وتابع لغاية باب اللجنة بقى😁 وكمان الوافي ف٢٠٢٣ كان مجمع أسئلة إمتحانات ثانوية عامة على كل فصل كان جميل بجد معرفش عندكو زينا ولا + آسفة على الإطالة وحاجة أخيرة طول ما أنت طريقك نظيف و ودانك فاضية فمتقلقش من حاجة 🌚👍 اه صح انا جبت ٥٠ في الكيمياء عشان الفضول 🙂
مكن أسألك سؤال عرفتي ازاي تتعاملي مع المسائل في الامتحان خصوصا الباب التاني والرابع وانه كان جاي أفكار في المسائل لأول مرة تشوفيها لان دي عقدتي في الكيميا ومهما بعمل فيهم حاسة هدخل الامتحان مش هعرف احل المسائل ولما شوفت امتحانك بصراحة المسائل أفكارها جديدة وصعبة
@@Usermd9kz المسائل سواء باب تاني أو رابع افهمي القانون + هما كم فكرة رئيسية افهميهم كويس وهتعرفي تحلي المسائل الجديدة اللي هتقابلك و المستر السنة اللي فاتت كان عامل فيديوهات للمسائل فيها أهم الأفكار اللي ممكن تقابلك افهميهم كويس وطبقي عليهم حلي حبة مسائل عشان تختبري نفسك ولو غلطت ارجعي لفكرة مُشابهة لفكرة المسائل واستنبطي الإجابة هتيجي معاكي و في امتحاننا كان جايب مسائل الباب الرابع الخلايا لعب على فرق الجهد بين الخلايا وانهي خلية تسبق التانية واي القيمة اللي بتنتج من الخليتين مع بعض فحاولي تركزي على جزء جهد الخلية ومين بيسبق التاني ودا جهد تأكسد ولا جهد اختزال و مسائل الباب الثاني مش متذكرة كانت اي بس اعملي اللي فوق و هتظبط معاكي بإذن الله
جزاك الله خيرا سؤال ٦٩ هو مستخدم دليل بيقول اصلا الفينولفثالين ذو اللون الأحمر يعني كان في وسط قاعدي، وحطه في وسط متعادل يعني يصبح عديم اللون، تقريبا لازم نركز على لون الدليل الي جايبه عليه من الأصل، صح كده؟ يعني الإجابة ج مش ب