نصيحة اللي يبي يشتري سيارة و هو يبي يكرفها و تطول عنده لا يشتري سيارة فيها مواصفات كثيرة.. اهم شي مواصفات الامان و الراحة و صرفية البانزين.. باقي المواصفات مثل الرادار و فتحة السقف و مراتب الجلد و تدفأة و تبريد غيرها من المواصفات الزايدة بعد الضمان راح تخرب عندك و تتعب في تصليحها و التكلفة فيها مرتفعة..
ماشاء الله تبارك الله بارك الله فيك الله يرزقك من واسع فضله ،، اهم شيء المحركات 👍🏻👍🏻👍🏻 والواضح انها ناجحه،، اما بالنسبة للديكورات ،، انتبهوا ياشباب البخاخات حقات تلميع الطبلون أغلبها تتفاعل مع الديكور وتسبب تشقق واحياناً إلتوائات،،
غريبة H6 قطع غيارها غالية انا عندي H9 غيرت الزيت والفلتر عند الموزع المعتمد للوكيل ب 250 ريال مع الفحص الدوري للصيانه وللعلم فيه بعض القطع تركب عليها من سيارات ثانية مثل القماشات الاتش 6 اللي معك قماش السيفك يركن عليه على ما اضن الخلفي وايضا الفلتر فلتر اودي A4 تفريبا ب30 ريال لازم تحفظ القطع القديمة وتشوف زيها في محلات قطع الغيار اذا انت في الرياض عنك الرسيام يجيب قطع السيارات الصينه منها الهافال وجريت وول وغيرها الله يبارك لك في سيارتك
ول يالقطع اقمشة فرامل امامي وخلفي باجيرو اصلي وكالة حدود 700 وهذي ميتسوبيشي ياباني كنت حاط في بالي الموتر لكن دام الوضع كذه النحشة والله يعطيك خيره ويكفيك شره
أنا مثلك ممتثل لبرامج الصيانة الخاصة بالوكالة وعند ورشهم الآن السيارة ماشية ١٢٠ ألف السيارة بالأمانة جيدة موديل سيارتي ٢٠٢٠ واشتريتها في نهاية ٢٠١٩ أول ما نزلت، لم أغير فيها سوى البطارية في بداية السنة هذه فقط. السيارة سافرت بها للرياض مرتين وللمدينة المنورة عدد كثير من المرات. أقودها بنفسي
السلام عليكم اخ خالد شكرا على شرحك الله يعافيك في وكالة هافال حائل القماشات الاماميه بسعر ٢٧٠ بس معنا هافال اتش ٦ موديل ٢٠٢٣ مدري عاد اذا تركب على نفس موديل اللي معك وخدمتهم حلوه وطقع الغيار مقارنه برافوور تويوتا او كريتا هوندا هي ارخص بسعر القطع وكلامي عن موديل ٢٠٢٣ شكرا لك
مايمديك تقول بسم الله على طول تطلب قطع وصناعيه، بعدين ليش استغلال الوكيل يعني يدري ان السياره صينيه واقتصاديه المفروض القطع تكون برخص التراب وش هالاستغلال تقرير تشكر عليه شرح وافي وكافي
وكيلها سيء... معي وحده كل ما اروح عندهم اسالهم عن صوت بالكفر الامامي ما يعرفون... يكتبون تقرير للقطع اللي تحتاج تبديل و انا اقولهم ابي احل مشكلة الصوت ما ابي اغير قطع استهلاكية... عمال الصيانه موظفين بنغال صغار بالعمر بدون اي خبره
كلامك جدا جميل وفيه من الخبره وإستطلاع في السوق فعلا احيانا السيارة جودتها جدا عاليه ولا ننكر وجود أعطال لكن الوكيل الى ما تحتاجة واذا كان سيء الله يعينك راح تكره السيارة وتعيف نفسك .
مشكلة الوكلاء مع غالبية السيارات ...كان عندي فلوكس واجن الماني موديل ٢٠٠٠ الوكيل ساماكو الان لو تقولي اشتريها ثاني اقول نعم لو وكيلها غير ساماكو سيارات تحفه وعمليه لكن الوكيل يكرهك السيارة وكذلك الهافال عند قريبي حول ٤ سنوات ماتشتكي من شي ....
الجميح بحسب تعاملي معهم اي مشكلة في السيارة يصلحونها لك ببلاش إذا ما زالت تحت الضمان وملتزم بالصيانة وإذا السيارة بتطول اكثر من يوم يعطونك سيارة بديلة لين تخلص ويتصلون عليك اما بالنسبة للأقمشة الأمامية سعرها مو بعيد عنكم ٦٥٠ في الخلفية ٤٠٠ وعليها
الجميح فعلا عن تجربه وشهادة حق ممتازين جدا وعندك صيانة اي سي ديلكو اذا ماتقدر توديها الصيانه خلال فترات العمل وهذي الصيانه الدورية وارخص من الوكاله، فعلا نظامهم جدا ممتاز والله يوفق الجميع، بالنهاية انا ابحث عن وكيل ارتاح معاه في الصيانه ومايستغلني.
العمر الافتراضي للسيارة هو خمس سنوات أو 150 ألف كيلومتر، وبعد هذه المسافة يتحدد عمر السيارة بناءً على استخدامك السابق. إذا كنت تحافظ على الصيانة في مواعيدها وتستخدم قطع الغيار الأصلية، فمن المتوقع أن تستمر السيارة معك حتى ضعف هذا الرقم بإذن الله دون مشاكل. لذا، هذا الممشى يعد كافيًا ووافيًا لتقديم تجربة واضحة. تحياتي لك .
أحد الصيانات كانت خارج الوكالة وكان عندي فاتورة مثبته فيها مع تغير كل القطع الازمه لها ولكن جاء الرفض بسبب انه غير معتمد لديهم ورفعت شكوى ولا في فايده عشان كذا دفعت من جيبي لهم .
تبي الصدق مواصفات موترك لو بتشتري من اي شركة سواء ياباني او كوري لاتقل عن ال ١٥٠ الف يا رجل جيب السزوكي جمني بدبل سعر سيارتك ومافيه ربع المواصفات أحمد ربك تمشيك ٥ سنوات وبعدها لو تبيعها كفت ووفت
@@Monaz-ne1rg انصحك تشتري وماانصحك السياره ممتازه اعتماديه تقنيات رائعه امان عالي بعد الله صرفيه حلوه لاباس اذ ماانت شخص عجل تكرف معك ماتخرب والعيوب قطع غيار نار غاليه والصيانه غاليه جدا اذ ناوي تشتري الله يبارك لك بس خذ ضمان ممتد بعدالوكيل عند الشركات اللي تبيع السيارات وريح راسك
@@Monaz-ne1rg صراحة سيارة ممتازه الحمدلله لها ٥ سنوات معي وغير ملتزم صيانة الوكاله غير زيت وفلتر موبيل كنت ملتزم لحد ٩٠ الف وبعدها بطلت بس الصيانه تكلفتها غاليه عندهم قطع غيار غاليه بس حلوه السياره وقبل تشتري استخير والخيره عند الله