يالاحق ابيات شعرك وقّعت في الصميم
ميقاع شلفى ذياب اللي يقولونها
عز الله انك تكلمت الكلام السليم
عن جور دنياً علينا حدّت سنونها
تقسي وتلوي ذراع العاقل المستقيم
لو تبتسم له شوي وتكحل عيونها
لابدّ ماتحلق البسمه لواهيب ضيم
تركي على الطيبين وتجود طعونها
والله مايامن بلاويها ياكود الغشيم
تستدرجه لين توقع به على هونها
ترى التجارب دروسٍ وافيه للحكيم
تعطيه عِبره عن الدنيا ومضمونها
وحنا جرعنا المراره مير ربك كريم
يعوّض نفوسنا ويكون في عونها
رائد العالي العتيبي
26 сен 2024