اهربي اختي لعند جداتك ولا خالتك ولا اي واحد من فاميلتك وبالاكي تقبلي عباد الزواج راكي رايحة تندمي طول حياتك يا لوكان يديرولك السريفة لعنقك وماتقبليش بيه.
ربي نشالله يفرج عليها انا نقوللها متهربيش طيحي في ذئاب بشرية تستغلك وتصبح حياتك محطمة نصيحتي رجعي عند جدتك او حاولي ترجعي عندامك شوفي كاش رجال كبار يحشم منهم زوجها وبتوفيق
ادخلي جمعيات وندامجي مع بنات من نفس مشكلتك. وعمري وقتك بخرجات المستشفيات ودور لايتام تاخدي لاجر مع الله و تتهناي من نضرة الجهلاء لي يشوفو غي المضهر وينساو الإنسانية
ننصحك يا اختي ماتهربيش شارع ما يرحمش روحي عند جداتك قري بالمراسلة وخدمي ونشالله يبعتلك ولد حلال لي يصونك وربي يفرج عليك وبوك الله يهديه ويحنن قلبه عليك
روحي عند جداتك وخبري ماماك وعلمي قاع الناس بلي راكي عايشةعند جداتك، حتى يجوك الخطابة عندها ومن باباك يلحقك ويسقسيك علاه رحتي من الدار حكيله غير ماراكيش قابلة بالزواج مع خو مرت باباك على خاطر راه كبير عليك بزاف ولا ديتيه بسيف راها تصرا فيك حاجة الي يندمو عليها وما تدخليش في نقاش مع باباك على مرت باباك كانت غابناتك هي وختها ولا خوها مايسواش على خاطر وكان تسمع الي تقوليه راها تحقد عليك وضيعلك قاع حياتك تعلمي السياسة حتى إنشاء الله تسلكي، عن تجربة الإنسان الظالم والمتسلط يقولو عليه العلماء ديكتاتور يبغي غي الشكير وتمدحيه بزاف كيما مرت باباك وختها وخوها باش تسلكي منهم ، ولا سلكتي عمرك ما تحكي للزوج اللي ترضي بيه شاصرا فيك في الماضي وخصوصا على ماماك باش مايمنعكش من زيارتها أما مرت باباك لازم تنقصي الرجل عليها على خاطر انت غير ربيبتها وحرزي روحك منها، ودايما قولي هذا الدعاء على. اللي ماتقدريش تدفعي الضرر نتاعهم عليك، اللهم إني أسألك خير زوجة أبي وخير ما فيها وخير ما جبلتها عليه وأعوذ بك من شرها وشر مافيها وشر ماجبلتها عليه، اللهم أجعل غضب زوجة أبي علي بردا وسلاما كما جعلت النار بردا وسلاما على إبراهيم،أنا والله يابنتي عن تجربة سلكت من وحد الناس كنت عايشة معاهم غير بنيتي وهذا الدعاء وتعرفي شعال حارزة روحي منهم ونهدر معاهم غير بالسياسة وتلحليح على خاطرش قاسحين في عقليتهم وما يرحموش كيما ديكتاتورات راسهم يابس يبغو غير رايهم وكي يعولو عليك يخلولك دارك ويطلقوقك في دقيقة،والحمد لله درك راني ساكنة روحي مع بنياتي ووليدي وزوجي في نعيم يعلم بيه غير الله سبحانه وتعالى.وندعيلك ربي تسلكي من شر مرت باباك وختها وخوها وتتزوجي راجل صالح مناسبك في السن نتاعك وما دابيك عاودي قري بالمراسلة وطلعي النيفو تاعك، أنا راني نهدر معاك مهندسة دولة و ربة بيت وماسمحتش نجي تحت الرجلين تاع النسا هكا وصاتني ماما الله يرحمها، أسأل الله أن يفتحلك بيبان الخير وصلي ودعيي ربي بزاف راح يفرجها عليك، بالتوفيق حبيبتي.
شوفي يابنتي ما تتزوجيش بخو مرت باباك راكي راحة تعيشي حياة قاسية معاك وتتعذبي ويخليك خدامة لخواتاتو اهربي من الدار وروحي عند جداتك احسن من هذاك الزواج واذا ممكن كملي قرايتك بالمراسلة وديري تكوين فالطبخ ولا الحلاقة وعاوني روحك اهربي في اقرب وقت ان شاء الله ريي يحفظك ويكون معاك.
مرات الطلاق رحمة للام والاولاد اذا كان الاب سيء. رأيي ان تعودي لجدتك احسن من البقاء عند الأب الذي لا يهتم لمصلحتك وأحسن من الزوج الذي لا يخاف الله(ما تهربيش من الحنش وطيحي في غارو) والدعاء وربي يفرج عليك
يا اختي كثري من حسبي الله ونعم الوكيل فهي معجزة ربانية تنفرج عليك والله يعطيك زوج صالح كيما تحبي سبحان الله جربي وشوفي كثري منها بسوايع فنهار ويوميا حتى تنفرج عليك وتروحي لدارك
اللهم صلي على محمد وعلى آل محمد كما صليت على إبراهيم وعلى آل إبراهيم إنك حميد مجيد اللهم بارك على محمد وعلى آل محمد كما باركت على إبراهيم وعلى آل إبراهيم إنك حميد مجيد
اختي من فضلك حبيتك تحطيلي فيديو للمساعدة عندي اختي يتيمة الام وابي عاطل عن عمل وحالتها مادية ربي عالم بيها اختي تحتاج ملابس و واحذية شتوية راه قاتلها برد صدقة عليك معليش حتى وتكون قديمة هي في عمرها 20 سنة وربي يجازي كل فاعل خير رقم ولاية29
ياخسارة انا سبدة من بجاية لكان نت في ولايتي نحب نمدلك شويا ااحوايج بصح راكي بعيدة بزاف ننصحك تصلي قيام الليل وتدعي رب سبحانه ويرزقك من اوسع ابوابه انا كيكون عندي مشكل دايمن انصلي قيام الليل ولله ثم والله دعائي يكون دائما مستاجب ولكي مني كل الاحترام والتقدير
روحي الى خوالك او عمامك وماتتزوجيش بيه نهاءيا او اهربي من الدار الى الشرطة لانهم جايريين عليك واطلبي المساعدة من امام المسجد وادعي ربي ليلا نهار باش يفرج عليك امين
انا نقلك اختي ما تهربيش للزنقة راهي ما ترحمش ارجعي عند جداتك و اذا بغاو يزوجوك بالسيف عليك اشكي بيهم عادي خير من انك تخسري حياتك و زيدي كملي قرايتك و زيدي معاها تكوين تاع كاش مهنة ادخلك دراهم و عيشي لاباس عليك حتى يجيك ولد الحلال انشاء الله و يعوضك
سلام عليكم يا ام امير الله يعطيك الصحة*شا نقولك شفتني هدا الشيرة بصح انا نقولها شوفي يا بنتي ما تهربي ما والو وحرزي اتبيني المرة بوك بلي مراكيش قابلة تعشي ترهجك بكاش اسحور ولا تهبلك تولي تهترفي بيه انت في حالا كيما هدي ستعملي معاها الحيلة خليها تزهجك الربحي زهاجك المسقم ومن جيها واحداخرى صلي صلاة الاستيخارة مكانش كيما ربي في هدا الظروف وطلبي ربي يبعده اعليك والله والله والله غي تشوفي العجب
سلام أم أمير. هاذي قصة مؤثرة بزاف بزاف بزاف. مسكينة بكاتني. كون تروح عند جداتها بلاك تسلك و ما ننصحاش تهرب الشارع ما يرحمش. تشوف كاش حد مالفاميليا. علاه رحمت ربي انقطعت؟؟؟ الله يسترها مسكينة و يفرج عليها بصح أنا نقوللها ماشي كاع زوجات الأب هكذا أنا وحدة منهم راني نربي في 4 دراري و ما بغيتش انجيبلهم إخوة باش ما يتحسوش. رافدة الدار وحدي انديرلهم حفلات نجاحم و أعياد ميلادهم و ..... و هكذا و ما نسواش. الحمد لله. ربي مع كل مغبون و محڨور في هاذ الدنيا. صلي يا أختي و ابكي لله.
السلام عليكم ورحمة الله وبركاته ختي صفية الله يحفظك انا نقولها روحي عند يماك ولا جداك لا حول ولا قوة الا بالله الله يكون في عونها غادتني تشف القلب ويمها علاش تزوجت وخلات بنتها على جال راجل سمحت في بنتها الله يسترنا منها
لا ما تهربيش الشارع ماهوش حل طلبي من خوالك يسقسو على هذاك الخطاب باش كي يعرفو انو ما يصلحلكش وانو مارهوش انسان صالح يطلبو من باباك انو يمنع هذا الزواج وزيدي صلي فالليل وطلبي ربي يفرج عليك ختي
قومي الليل ربي ما يخيبكش وادعي ربي يبعد عليك ولد لحرام نتاع الأفعى نتاع مرت باراك وكلي عليها ربي وادعيه يخرجك من بين يدها وهذا دعاء اللهم اضرب الظالمين بالضالمين وأخرجنا من بين أيديهم سالمين واللهم اجعل كيدا فلانة في نحرهاها واعوذ بك من شرها امين ماتهربيش ألجأ إلى الله تعالى والله لن يخيبكش اين ربي يفتح عليك اختك ام عبدواومن الي تنوضي حتى ترقدي وانت تدعي وتصلي على النبي وراح تشوفي خير أمين
هذه الفتاة مجرد ضحيه....اهمال و أنانية الوالدين....تشتت الاسره السعيده بسبب تمسك الام بأمها...كانت عليها ان تساير زوجها ..من دام تزوجت...حياتها مع زوجها و ليس مع أمها.....و استمرا في عنادهما .....و بنى كل واحد حياته ناسيان سعادة البنتهما....نصيحتي لك لا تتزوجي بهذا الشاب الفاسد .....ستكبر معاناتاك....و لا تهربي الى الشارع..اتصلي بوالدتك..و اطلبي الحماية منها.و اذا كانت جدتك على قيد الحياة ...عودي اليها...ربي يرزقك زوجا صالحا....يعوضك كل العذاب و الظلم...يااااااااا رب
تسما هي محبتش تروح لحاسي مسعود باه متبعدش عماماها .... و بنتها بعدتها عباباها و زادت تزوجت و بعدتها عليها .... والله حرام عليكم تجيبو الاولاد و تظلموهم عجال رواحكم انانيين ... كون قالك نروحو لفرانسا تروحي و تبعدي عمك و ام مك مي الحاسي الراجل يروح يخدم باه يعيشكم لا حسبي الله فيكم يتمتو الطفلة و حبستوها قرايتها و دمرتوها
متهربي متزوجيش صارحي بوك رأس لراس علي قاع واش درتلك وقليلو بلي راهحابة تتخلص مني باي شكل وزيدي فكريه بلي الزواجرضا من الطرفين ماشي من طرف واحد وهذي مذكور في القرءان 🤲🤲🤲
سلام عليكم كاين واحد كان متزوج ومهني مع مرتو وعندو ولد حتا جا نهار ودارولهم سحور وخربوله حياتو وطالقو ودروك راه يحوس يزوج ويعيش حياتو مرا لخرا راه يحوس علا مرا صغيرة وتخاف ربي وتكون شابة الا واحد راهي قابل بيه ترسلي ونوريها هوا ملبوقيرات في مستغانم
ختي ردي بالك تتزوجي مكتوب ربي تفارقو اهلك وبسبت العيشة لراكي فيها تتزوجي بشيطان على هيئة بشر خطيك ختي والله تندمي ندم شديد زواج دهر مشي ليلة ونهار روحي لدار جداتك راكي كبيرة وتقومي روحك ميحكموش فيك ومتسوفريش على جالهم عشتي في صغرك دمار اويك تغبني روحك في زواجك مزالك صغيرة وبتمناك الف واحد ويخاف ربي تدي هذا يكون مشي في عقله قادرا يكتلك بعيد الشر ربي يفرجها عليك هربي عند جداتك والله ختي ولا خدمي وبني مستقبلك
