هذه قصيده في رثاء / الشيخ /نومان بن مانع بن السويط
هذه قصيدة مرثية مهداة من الشاعر دبيان بن عبدالله حذيان العجمي الى رفيقه فقيدة الظـفير نومان المانع السويط ...
مرحوم يا شيخـن تخلـده الاذكـار
لا حل ذكرن لـه تباريـه نعميـن
امنولن نمدحك في نظـم الاشعـار
واليوم جينا لك بالاشعـار ناعيـن
العذر يالممدوح عن فعـل الاقـدار
والا ترانا ضـد غيـره عصييـن
لاجل السويطي نشعل الكون بالثـار
ونرد جمع الضد للمـوت جسريـن
حنا ضنا مرزوق مع زوغ الابصار
واليا اعتزينا جاك جمـع المياميـن
ما حدرت نجران واطراف الابحـار
تاتي فزوعك مع مثـار الدخاخيـن
حنا سلاطيـن المجالـس بالاخبـار
وحنـا شياطيـن اللقـا للمعاديـن
لا شك يومك ضمته ذيك الاسطـار
وسط الجبين مسجلن دون تخميـن
آمنت باللي ياهب السمع وابصـار
واللـي لوجـه كلبونـا امصليـن
انـا لوجـه كلـنـا دوم حـظـار
والحمد له باللين والموقف الشيـن
واليوم انا ببكيـك والدمـع مـدرار
ولا لايمي ياكـود نـاس سفيهيـن
تبكي عليك البيض في سود الاخمار
لا طوحت بالشال من حيفت البيـن
ويبكي عليك البن يا شيخ وابهـار
في مجلسك لا قلطـوه السواطيـن
ويبكي عليك الحر من فوق الاوكار
لامن ذكر مفراسـه ايـام وسنيـن
لامن ذكـر عانـا وراوا و ثرثـار
دنق وكنه ينطـق اليـوم ياسيـن
وتبكي عليك الدار وصفوف الاحجار
ويبكي عليك امقلطـك والدواويـن
ويبكي عليك العود لاجـاك مسيـار
تلقاه بالضحكات مع قولـت اهليـن
ويبكيك منهو ينقل الطيـر صقـار
لاصاد طيره واذكرك قبـل عاميـن
ويبكي عليك الجار ومجاور الجـار
واصحابك اللي عند بيتـك قريبيـن
ويبكونك الظفران في كـل الاقطـار
اهل الدبش والضان واهل البلاديين
ويبكيك صدقان النوايا هـل الكـار
ال سويـط معقلـيـن المجانـيـن
سم العدا لاراوزت عكـش الاوبـار
سعـد العيـون ونومهـا للموديـن
اهل البويت مزبنـت كـل محتـار
عز الضعيف وممنيـن المخيفيـن
تاريخهم فحـواه طـولات وانـوار
للي فنا واللي مـع النـاس حييـن
كلن علـى نومـان جالـه تعبـار
فقيدتن يدما لهـا القلـب والعيـن
يالله عسى نومان مايقـرب النـار
وينظر له المولى بحسنـاه ويعيـن
ويالله تحسن بالعزا صاحب الـدار
وتمكن السلـوان بالقلـب تمكيـن
وتمت وصلوا عدد ما طايرن طـار
على ختـام الرسـل هـم النبييـن
14 мар 2015
