للتواصل والاستفسارات
الحسابات الرسمية :
bio.site/i505
الابيات :
استهاض الهاجس بـ قافٍ يعدّيه الملامه
ندّر ابيوت القصيد العذب شردٍ مستذيره
شاعرٍ واثق ومتمكّن وعارف وش نظامه
هاجسه فالماقف الغصّاب سيفٍ في جفيره
فالمواقيف المهمّه حاضر وكارب حزامه
مثل حدّ السيف فالميقاف وسلاح وذخيره
لا دعى داع الرفيق الكفو طوّح بالعمامه
ما يدوّر لـ المعاذير الكبيره والصغيره
من وفاه مع الرفيق ينوب حتى في مقامه
بالتراحيب الجزيله والتراحيب الوفيره
مرحبا بـ اسم محمد عدّ همّال الغمامه
وبأسم ابوه بكل منهم شرّفو من كل ديره
مرحبا بـ اسم الجهوم اهل الجمايل والزعامه
مرحبا رحب الوفاء والطيب بـ جموعٍ غفيره
ايه ارحّب في محافلهم وانا مرفوع هامه
طيّبٍ مع كل كفو يرحّب وصافي ضميره
عاد ابو طميان قرمٍ فارضٍ كل احترامه
هو اخوي وهو زميلي واعتزي به واستشيره
يا محمد يا عسى مبروك حفلك في تمامه
والله انّه يجعل العسره قدم عينك يسيره
انت كفوٍ يحتمي ماقفه ويثمّن كلامه
وايتنومس به خويّه وايتنومس به جويره
ولد من هو في مواجيب الوفاء تصمد عظامه
شايبٍ له مع هل الوقفات واهل الطيب سيره
النعم يزهى طميان وعلى صدره وسامه
ابن سحمي يا عسى عمره طويل وكثر خيره
شايبٍ في كل يومٍ عنده ضيوفه وكرامه
يا عسى الله من صدوف الوقت والدنيا يجيره
والمدايح في هل الطالات ورموز الشهامه
الجهوم اهل الوفاء والمجد وسيوفٍ شطيره
في زمانٍ راح يوم الفعل حامين الجهامه
بالسيوف وبالرماح وبالبلاجيك القصيره
والقبايل والنعم من شام ل ساحل تهامه
نذكر فعول الرجال فـ كل وقت وكل ديره
قلتها وانا من اللّي قدرهم عالي مقامه
ربعي مطير الفخر والعز والهقوه كبيره
21 окт 2024
