مع احترامي لحضرتك مفيش حد عندكم عمل بركة ميه صح المفروض البركة تكون أعلى من مستوى الأرض وتتوصل على خط المواسير مباشر زي خزانات البيوت فوق السطح تنزل الميه منها جرى تروي ولا مكنه ولا جاز ولا دياولو
صعب جدا لعدة اسباب ١- ميه البير بتضعف بعد ما تمشي ٢٠٠ متر اتصل لارضك مابين منحنيات ثم بعد ذلك ترفعها خمسه متر اكيد راح تقل قوة دفع الميه ٢- عشان تعمل خزان فوق سطح الارض ارتفاعة سته متر يتحمل ٢٠٠٠ طن وزن الميه دة كم يكلف ؟ في واحد جارنا حفر مترين واللي طلع عمل بيه جوانب البركة ورفع الميه اربعة متر ٢ تحت الارض و٢ فوق الارض والنتيجة ان بيته اتهد لان الميه هدمت الجوانب ونزلت علي بيته والزريبة . واطر يبني كل شيء من جديد
@@Hani.2007 اولا وبأي حال من الأحوال ارتفاع البركة اللي بكلم حضرتك عنها المفروض لاتزيد عن اتنين متر منهم نص متر يكون للتخزين الكاذب لزوم ترسيب الحديد وخلافه مع زيادة مساحة البركة لتعويض تقليل العمق والحفاظ على نفس السعه أو الحاجه التخزينية اللي نحتاجها ،، ثانيا لو خط المواسير بينقل من البركة اللي بكلم حضرتك عنها لمسافة كيلو ضغط الميه هيكون قوي مش ضعيف والبير يكب الميه مباشر في البركة ،، ثالثا وبالنسبة لهد البيوت فدا اسائه تخطيط للأرض من الأول وعدم توفيق في إختيار موقع البركه والبيت رابعا يفضل عمل جوانب البركة أو جسورها من الطفلة فهي صماء ونفاذيتها للمياه تكاد تكون منعدمة فضلا عن أن عرض الجسور الحاملة للمياه وانا اقصد جسور البركة الأربعة تكون عريضة بما يكفى لحمل المياه يعني تتحمل ضغط المياه،، ودا نعرفه كويس لأننا شغلنا مزارع سمكيه من ايام الجدود،، تخيل بقى حضرتك البركة دي لما ترسب الحديد وتبرد الميه وتروي بالراحة من غير المكنه هيبقى الوضع عامل ازاي،، وبالنسبة للارتفاع بتاع البركة يتاخد على أعلى مستوى في الارض ،،،،. وعلى كل حال انا بتكلم عن بركة على سطح الأرض يعملها شخص يكون صاحب البير كله علشان يهندس الأرض ومكان البير والبيت ويختار أماكنهم صح من الاول،، تحياتى لحضرتك يامحترم 💚
@@Hani.2007 تعرف يا حجنا البركة اللي حضرتك عملتها دي تحتاج صيانة وتعميق دوري عالاقل كل سنتين وتخيل بقى ان الحفار مياخدش فيها ساعة تطهير لكن علشان يجيلك يقولك الكساحه كام الف،، وبالنسبة للبير مكنش يحتاج تعليه وحضرتك عارف انه يقدر يطلع الميه للبركه السطحية بسهولة والدليل الهوايات اللي بتبقى في خط المواسير لما محابس الخط بتتقفل الهواية بتتحول لنافوره ميه،، انا عارف ان الشغل عندكم أغلبه تجارب واكتساب خبرة من الأخطاء لأنها أراضي فعلا تختلف عن وادي النيل،،
@@Hani.2007 وبمناسبة قوة دفع البير فليس لها علاقة بمستوى الأرض والدليل ان فيه ناس عندكم طلعتها الجبل أو بمعنى أدق عملت آبار على الجبال اللي عندك وزرعتها ليمون
