ختي عندكم كلش غالي .ارواحي لباتنة تلقاي الاسعار قل وييين وين .كيما القصعة تاع الفيتنام حنا عندنا يتباعو في 3 الكبيرة و المتوسطة و الصغيرة كامل مع بعض صولد ب 500 الف في حين خلصتي غير لكبيرة فيهم ب 550 . لفريتوز هاذيك عندنا ب100 و نتوما صولد ب 150 يعني صراحة الاسعار جد مرتفعة عندكم الله يحسن العون
@@lemondedesoumo9084 ياختي رني في الجي سونتر وبنت زوج عيون كي تشري سومي خير وهبطي باب الواد كاين حاجة رخاص وفريتوز زادولها كامل كانت مية دوك مية وخمسين كي كانت رخسبة كل اليوم نقول نشريها حت كي ولات مية وزيدة بش شريتها هههههه
راهم ولاو صولد على خاطر مود ال قديم شوية ويدو بزاف الزيت علابالهم بلي يخسرو لو كان يقعدو عندهم واحنا في أزمة زيت ههههههه لازم تشري وحدة موايان غير قيس المقروط تاع المقلة
نصيحة لما تشري الالوان مهم جدا جدا هي لتمد منضر مرتب و متناسق يعني الالوان هي لي تزيد النص 👌 شفت أكثر شيء معجبنيش هادوك السباتول و المستلزمات هادوك شيء حمر شي خضر شي بيض و الله ختي مشترياتك شابة و كاليتي فكملي ننصحك تتفاداي الالوان نقولك واش تشري ضربة واحدة هادوك ليتباعو كأس و فيه كل يشء من سباتول و مغارف القدرة و الغراف و تاع ليرفدو بيه القليان هادوك تاع سيليكون و فيه جميع الالوان يديرو 2800 أو 3000 ميعديوش احسن و تحطيها قدامك فوق البوطاجي شباب كاليتي و تتفاداي تشري بالقطعة و معندهاش مكان .. خلي هادو لمخلطين زيادة خليهم في لقجر
هادو كامل كما قلتي راني مخليتهم فلقجر وهادوك اللي يجو سيري لقيتهم مي ماشي كاليتي إن شاءالله كنلقا حاجة شابة نشريها ونحطها فوق البوطاجي وشكرا حبيبتي على النصيحة والله نفس تخمامي
ختي نسقسيك شريت طناجر جرانيت لون احمر معرفتش لونهم يعود اسود والا يبقاو كيفما شريتهم للعلم شريت ٣ طناجر و كسرونات و درك قلت نزيد نكمل مقلى وكريبيار كيفهم نفس اللون ايا حرت يتبدل لونهم والا لا وكيف نستحفظ عليهم
