كل افكارك رائعه بس تقطيع اللحمه القطع بالطريقه دي من وجه نظري اهدار لها ممكن تقسميها لقطع متوسطه وتجيبي كيلو الأربع او كيلو وقسميه علي ٣مرات وبيكون قطع كويسه جدا
معلومات مهمة ومفيدة فى المطبخ 😍 ------------- 🥣 لو الحله سخنت على النار ما تحطيش السمنه او الزيت على طول هيتحرقوا حطى البصل الى هتستعمليه هياخد الحراره وبعدين حطى الماده الدهنيه 🥣 اى حاجه على النار عاوزين تزودوها ميه لازم الميه تكون سخنه جدا 🥣 قبل ماتحطوا الكاكاو للكيك انخليه علشان مايعملش تكتلات 🥣 لو بتعملى الكيك بالسمنه اضربى السمنه مع السكر وبعدين ضيفى بيضه بيضه 🥣 لو بتعملى الكيك بالزيت اضربى السكر مع البيض الاول وبعدين ضيفى الزيت 🥣 وانتى بتطبخى او بتعملى رز استخدمى سمنه على زيت 🥣 الخولنجان بيطرى انسجة اللحوم بكل انواعها استخدميه فى التتبيله بيسرع السوا جدا وبيساعد على امتصاص التتبيله ( ملحوظة الخلونجان نوع من انواع النباتات مشابه نبات الجنزبيل ) 🥣 ورق الزهر من عند العطار اطحنوه واستخدموه فى التتبيلات تحفه 🥣 كتير من المطاعم بتتبل المشويات بخليط من الخولنجان وورق الزهر والزعتر والروز مارى 🥣 محلول النقع بنحط لمون ماينفعش خل 🥣 الخل بيخلى الفراخ تشد بيفرتك الفراخ لكن بتشد 🥣 استبدلوا الخل بالليمون فى غسيل الفراخ لان الخل بيثبت الزفاره ما بيضيعهاش وفى تنضيف الممبار كمان بلاش خل حطوا ملح وليمون وقشر الليمون 🥣 الخل ممكن نضيفه للكبده للبطاطس معلقه منه على الكيك وفى الشاورمه اظن كده انتهت اسطورة الخل 🥣 انا بستعمله كمان فى التنضيف وفى القضاء على النمل وبحط شويه على البريل 🥣 اعملى ازازه بخاخ حطى فيها بريل على شوية خل وكملى شوية ميه هيوفر جدا فى البريل او النوع الى بتستعمليه 🥣 قبل ماتحطى اللبن فى الحله على النار حطى معلقتين ميه لا يمكن يلزق ابدا 🥣 اللحمه الضانى لو هتشويها التتبيل قبل الشوى على طول لو هتسلقيها ضيفى نص معلقة خل بتساعد على سواها بسرعه وكمان بتضيع الطعم شويه والريحه للناس الى مش بتحب ريحتها 🥣 لو خزنتى الكرنب ورق بعد ماتحشيه اسقيه بشوربه ساقعه علشان مايجلدش 🥣 ورق اللورا بيساعد على تفتيح لون انسجة الفراخ وانتى بتسلقيها 🥣 لو عندك توم ناشف وفصوصه صغيره انقعيه فى شوية ميه وبعدين قشريه هيبقى سهل 🥣 لو بتقطعى خضره او اى حاجه خضرا ورقيه حطى على لوح التقطيع رشة ملح علشان ما تتطايرش منك 🥣 فى اكلات ماينفعش نغطى الحله واحنا بنسويها زى العدس والبصاره والويكه والرز بلبن والمهلبيه والمربات 🥣 فى اكلات ماينفعش نغطى الحله بعد مانسويها مش واحنا بنسويها بس زى الملوخيه والسبانخ ده وهما لسه سخنين طبعا. ♦️ملحوظة ( الخلونجان نوع من انواع النباتات مشابه لنبات الجنزبيل ) لو عجبتك النصايح دي نوروني وشرفوني ف قناتي بالاشتراك حبايب قلبي واخواتي 😍😍😍
حبيبتي لو هتعملي الأكلات لازم تكون حسب اهل البيت هما بيحبوا الأكل إزاي يعني الجلاش أو المكرونة بالبشاميل الأفضل يكون معاها أكل فيه صوصات زي الطبيخ أو الشورب وكمان المشاوي ممكن معاها البوريك وكباب الحلة وطبعا كل بيت ليه طريقة
حبيبتى يا فرح تسلم ايدك بجد انتى بتفتحى نفسنا على الدنيا الغاليه ظى ربنا يسعدك ويوفقك ويسهلك امورك حبيبتى 😅 ممكن تقول لى على ميزانيه ٣٠٠٠ج هو المفروض ٤٥٠٠ بس الحمد لله علاج ابنى الا اتحرق كتير اوى اوى ومفيش غير ٣٠٠٠ وعندى ٤ اولاد بس فى ٢ كبار وكمان اكترهم بيحبو الصدور ومنها لحمه العيد
@@doaaali9554 اي عراقية حياتي ومن الموصل 🫶. اقصد انه اللحم بكل وقت نطبخه وبكل انواعه ماكو فرق عيد عن غيره.. يعني نفس طبخنا بالايام العادية..ممكن دجاج او سمك او لحم . ماانه مايصير يعبر العيد بدون ماناكل لحم احمر اللي فهمته من كلام فرح انه عرف سائد واصل لدرجه انه مايجوز ماياكلون لحم احمر بالعيد.. حتى هيه كالت لازم ناكل لحم لان من تعظيم شعائر العيد مثلما فهمت منها..اتمنى تكونين فهمتي عليا حياتي 😁
حبيبتي انتي عندك ايمل اللي بتغلق منه كدة عندك قناة صوري ونزلي واختاري حاجة انتي شاطرة فيها وعلشان تتفعل لازم شروط ١٠٠٠مشترك و٤٠٠٠ساعة مشاهدة أول ماتخلصي هتتقبل علي طول
لو الفيديوهات دي بتستفزك اخرجي عادي ولا تزعلي نفسك بس أحب أوضح لحضرتك ان فيه ناس كتير مش بتلاقي ربع اللحمة دي وكمان فيه اكلات كتير جدا بتتعمل بربع مفروم زي البرجر الاقتصادي وفطيرة اللحمة المفرومة وكفتة الطواجن وكفتة داوود باشا والمكرونة بالبشاميل وصلصة المفروم وغيرها كتير كل دا موجودة على القناة أو ممكن تتعبي نفسك شوية وتعملي بحث عن أكلات بربع مفروم هيطلعلك أكلات كتير جدا وأهم حاجة البركة تعرفيها؟!
الحمد لله والله بفضل ربنا بناكل ونشبع ولو شوفتي تقسيمة الشهر اللي فات فاضل منها كسين كمان وممكن تشوفي الأكلات اللي بعملها في الروتين ماشاء الله تبارك الرحمن الكمية مناسبة جدا
🌻شوية خلطات لتلميع و نظافة مطبخك هتفيدك وغير مكلفة 💯👌✨ 🌻علشان تشيلى الاستيكر من على البوتجاز أفضل حاجة الباور ولو مش متوفر عندك ميه سخنة من الكاتيل وصبيها على مكان الاستيكر من فوق هيطلع معاكى بسهولة او ممكن كمان مكواة او أستشوار 🌻البوتاجاز بعد كل طبخ امسحيه بسفنجه وصابون ولمعيه بفوطه او قماشه قطن يوميا اعتبريه زي المواعين عمرك ما هتحتاجي لمنظفات وهدة حين عشان تغسلي التراكمات والدهون ابداً 🌻الكركاديه المغلي حطي اي براد او كنكه استانلس او المنيوم اسودت وسيبيها تغلى معاه وسيبيها ساعه فيه وبعدين اغسليه عادي جدااا هتلاقيه بيبرق✨✨ 🌻لو عايزة صابون المواعين بتاعك بالقوة الرباعية يعنى نضافة وتوفير وكمان لمعان وتطهير تعالى اقولك تجربتى الشخصية في زيادة صابون المواعين لأ وإيه بيوفرلى وكمان بيلمع وينضف ويعقم كله في وقت واحد انا هقولك بعمله أزاى هتجيبى زجاجة بريل فاضية وتحطى تلتها بالظبط اى سائل مواعين بتستخدميه انا عن نفسي بجيب الجركن الكبير وبيقعد عندى شهرين واكتر بس اتبعى الخطوات بالظبط هتجيبى الزجاجة الفاضية وتحطى تلتها صابون مواعين عليهم معلقتين كبار كربوناتو وربع كوب خل هيحصل تفاعل سبيه لغاية لما يهدأ وبعدين كملى الزجاجة ميه سخنة ورجيها هيبقى معاكى صابون مواعين مركز جدا وبينضف ويعقم بفعل الخل والكربوناتو 🌻جهزي جركن الصابون السائل فاضي وهاتى المكونات اللى هقولك عليها وحطى فيه كوب سائل مواعين اى نوع بتستخدميه وبعدين ربع كوب كلوركس ألوان ونصف كوب خل وكملى الجركن ميه مغلية ضرورى الميه تكون مغلية ورجيه واقولك يا ستى ده هينفعك فى ايه هينفعك جدا في تصنيف البوتجاز وكمان تنضيف السيراميك ومسح الارضيات وكمان غسيل الانتريه والسجاد على الناشف رهيب 🌻لازم يكون عندك بخاخة فيها خليط من الخل والميه للتنضيف والتعقيم في أخر يومك لمعى بيها بوتجازك قبل ما تنامى وكمان الرخامة والحنفيات وحاجات كتيره ممتازة 🌻المطبخ لازم يكون فيه فوطتين تلاتة على الأقل واحده تمسحى فيها ايدك وواحدة تمسحى بيها اى حاجة تبهدل البوتجاز والتالتة علشان تلمعى بيها الرخامة او اى حاجة تانى 🌻الشفاط شوية كربوناتو على شوية خل وميه سخنة وسبيه يتنقع اقل حاجة ربع ساعة وبعدين ادعكيه بصابون مواعين هينضف ويبقى فل ونصيحة اعمليله تنضيف على الأقل مرة في الأسبوع عمر ما الدهون هتتراكم عليه وبشوية صابون مواعين هيبقى فلة 🌻المطبخ الخشب اعمليله خلطة عبارة عن معلقتين كبار صابون سائل على ربع كوب خل وفي بخاخة رجيهم كويس ولمعى بيهم وبعدين فوطة ناشفة وامسحى علشان ميسبش ترسبات اما المطبخ الالوميتال ربع كوب بريل على نصف كوب خل على عصير ليمون وحبة ميه ولمعى بيهم وبعدين فوطة مبلولة ومعصورة ونشفى هيبقى فلة شمعة منورة 🌻علشان سواد فواصل السيراميك بعمل خلطة مفعولها ولا السحر ولا تقولى كلور ولا فلاش ولا الحاجات اللى بتتعب الصدر انا بجيب كميات متساوية من كوب كربوناتو وكوب ملح ليمون وكوب خل وكوب مسحوق غسيل واربعة لتر ميه سخنة هيحصل تفاعل وهو المطلوب إثباته هتاخدى من الخلطة دى وتحطيها على الفواصل وتسببها ربع ساعة ولازم الأرضية تكون ناشفة علشان مفعول الخلطة يتفاعل كويس وبعدين هتجيبى فرشاة حمام وادعكى الفواصل واتفرجى على النتيجة وادعيلي لو عجبتك النصايح دي اتمني تنوريني وتشتركي ف قناتي المتواضعه حبيبه قلبي واختي
السلام عليكم فى قناة تانية اسمة يومياتى البسيطة الاخت عبير ابعتى تعملك مزنية وشوفى اى حل يريحك حل الاخت فرح او الاخت عبير والله يبارك فى كل الى فى ايدك
اللهم صل وسلم وبارك على محمد صل الله عليه وسلم صلوا عليه ❤يافرح حطى الكيس ع الطبق وحطى الفراخ وبعدين شدى الكيس تبقى الفراخ جوا الكيس والطبق هيفضل معاكى نضيف من غير متتعبى فغسيله فاهمنى❤❤
السلام عليكم ورحمة الله وبركاته يا جماعة أنا عارفة إن الدنيا غالية بس نصيحة لوجه الله بلاش تجيبو اللحمة المستوردة لإن هي مستوردة مالبلدان الأجنبية ومشكوك في طريقة ذبحها يعني هي مذبوحة بطريقة حرام ومش متسمي عليها إسم الله. أختكم في الله مروى من تونس
حبيبتي يا فرح بحبك في الله وإذا كان كده الحمد لله الواحد يجيبها وهو مطمن الحقيقة إحنا في تونس معندناش لحمة مستوردة بس أنا ساكنة في منطقة قريبة من الحدود الجزائرية وبشوف الناس بتروح تجيبها من الجزائر وصحيح هي مكتوب عليها مذبوحة على الشريعة الإسلامية بس شفت عالفايسبوك إخواتنا الجزائريين بيحذرو من شرائها وبيقولو إن ده كلام مغلوط وهي مشكوك في طريقة ذبحها عشان كده قلت أحذر إخواتي وحبايبي فرح ومتابعينها إنهم يبتعدوا عن كل حاجة مشكوك فيها فيما يخص ديننا الإسلامي بس عموما الذنب مش على المستهلك لإن هي مكتوب عليها مذبوحة على الشريعة الإسلامية. بحبكم في الله @@yawmyat-farah2
