الميزان ماركه كامرى تحفه بيوزن ل 5 كيلو تمنه حالياً 550 ج كنت جايباه ايام الرخص ب 105 ج 😂 قطاعه البطاطس الصوابع مش عمليه خالص وهتوجع أيدها لأنها حادة الريفيوهات عليها وحشه خالص بلاش منها وربنا يهنيها ويسعدها ويكملها ع خير وعقبال أخواتها يارب
مشاء الله تبارك الله ربنا يبارك فيكي ويبارك لبنات ربنا يسعدهم ويتهنوا بالحاجات ويهدى سرهم ويبعد العين والحسد وارجو منك الدعاء لي بالتوفيق للجميع يارب اللهم امين يارب العالمين والصلاة والسلام على سيدنا محمد صل الله عليه وسلم وبارك عليه وعلى آله وصحبه وسلم
تتهني بيهم يارب ياريت تردي عليا ضروري يا ام عمر .. الحاجات دي هتتكتب ف القايمه بسعرها زمان ولا سعرها دلوقتي؟ هل لو اتكتب بسعر زمان يبقي كده العروسه بتتظلم او بتقلل من قيمه حاجتها؟ انتي عارفه السعر دلوقتي بقي ٥ اضعاف السعر من سنتين.. نكتب سعر ايه ف القايمه؟ ياريت تفيديني
سؤال لحضرتك ياريت تفيديني لو اشتريتي حاجة من سنوات بسعر ولقيتيها غلت اضعاف. في الحالة دي بتكتبي الأسعار القديمة في القايمة ولا بالاسعار الجديدة. مع العلم بنوتي لسه صغيرة في اولي ثانوي. بس حابه اعرف لاني بشتري حاجات بسيطة وبسجلها في كشكول. ويارب يفرحك ببناتك ويبعد عنكم العين الوحشة
حبيبتي انا شفت تعليقي اول ما كتبتيه بس بصراحه ما كنتش عارفه اجاوبك مظبوط فسالت ناس كتير 90% منهم قال لي يتكتب بالسعر الجديد وحوالي 10% قالوا لي خير الامور الوسط يعني لابس سعر القديم ولا بسعر الجديد يعني مثلا لو انت اشتريتي حاجه ب 2000 جنيه دلوقتي تمنها 6000جنيه اكتبيها ب 4000 جنيه لكن الاغلبيه العظمى بصراحه قالوا تتكتب بالسعر الجديد بس سؤال حلو جدا وعجبني لفت انتباهي
أولا ربنا يعينك عليهم ويفرحك بيهم ويهنيهم ويسعدهم بحاجتهم ويكتب ليهم الزيجة الصالحة أنا مشتركة جديدة وعجبتني قناتك جدا وكمان أنا بعمل زيك كده وبجهز بنتي من عمر سنة وهي حاليا عندها 12 سنة وكتير كانوا بيقلولي إني غلط ومن ضمنهم أختي لكن في الآخر طلعنا احنا اللي صح ودلوقتي اختي بنتها عندها 3 سنوات وبتعمل زيي ربنا يعينا جميعا فعلا الحاجات كل يوم بتغلي والخامات بتقل في جودتها المهم الزوق اللي مهما عدا عليه الزمن كل اللي يشوفه ينبهر من جماله ❤