الامل بالله عشبة العلندة ادخلي لنترنات و شوفي هي تقتل الخلايا السرطانية و سوف ابعتلك علاجات اخري و ارجوكي جربي كلش و لا تستسلمي و اكثري الاستغفار و خاصة في الليل كوني قوية هناك الكثير من ارتاحو منو ماتخافيش رانا معاك با الدعاء و العلاج الي نسمع بيه نبعتهولك و ربي معاك اختي
Nourane aya. بغير مزية هذا اقل واجب كون جاء بيدي ندير أكثر ربي يشفي كل مرضى المسلمين والله العلاج الي نسمع بيه نبعتو وربي في عون العبد ما دام العبد في عون اخيه
Dallel arouss هيا اختي نديو الأجر و ندعيو لكل مريض با الشفاء و ربي يهز علينا هاذ المرض الخبيث و يسلطو علي الكفار و اعداء المسلمين قولي امين اختي و الي يحب يدي الاجر يقول امين في هاذ العواشر
كاين حاجة الناس مايخمولهاش الوحدة كي تخدم القاطو لازمها مساحة والاطفال مايدوروش وتحمل للحراره والماتريال مثلا البتران. والباتوغ والمكسوغ والرحيوة ولمول والطوابع والغاز والتريسيتي وتاني التنظيف في وقت الطياب قبل واثناء وبعد راهي ماشي ساهله انتي بهاداك التعب وتعاودي تغسلي كلش وتنقي مكان العمل وترجعي كلش لبلاصتو وتلقاي وين تحطي لاكوموند الحاضره بلا مايدور بها حتى حاجه من الاطفال للنمل للميديتي للحراره الخ والاهم الصحه والصبر والوقت واهمالها ربما لدارها ولراحتها وهادو كامل عندهم ثمن ولي تقول البتران عندها من قبل والطوابع تاني بصح هادو كي تخدم بيهم فوق الطاقه يفسدو اولا وثانيا لازمها تشري بزاف لوازم باش تقدر تخدم كوموند ب50 حبة لفوق وكل ماتخرج حاجة جديده لازم تكون اجوغ في الوصفات والمواد والادوات. وارواحي ولقايلهم بلاصه في كوزينتك وطبعا اليدين الي يخرجو القاطو بنين وشباب ومتقن راهو موهبة وفن ومنبعد تجيك وحدة تتمسخر بيك تروح ماتوليش حسبتلهم ساهلة ربي يهدي ويرزقك من حيث لا تحتسبين .
يعطيك الصحة والاسعار نتاعك باطل راكي تخدمي باطل انا نعرف ملييييح اسعار الحلويات وربي يباركلك في رزقك وشعال تعجبيني في طريقة تفكريك وفي اخلاقك ماشاء الله عليك
Naziha Rem هي قالت منطقتها شكيت تتعامل في الاسعار على حساب المنطقه الي فيها كاين هكذا خاصة في المناطق الداخليه كلش يحسبوه غالي تولي تديري توازن باش تخدمي على روحك ماتغلي ماتخسري والحمد لله على الرزق الحلال
سارة انا حابة نخدم في مشروع نتاع الڨاطو مالقيتش وين تعيشي الا عندك محل في عزابة ولا سكيكدة خدميني معاك تعيشي للعلم عندي تيبلوم فالحلويات العصرية ومعنديش خبرة كبيرة
الله يعاونك حبيبيتي ما يحس بيك غير الي يخدم الحلوى لكن عندي ملاحظة انا كذلك نخدم الحلوى للناس لكن بالنسبة للصابلي انا نخدمو 35 كما العرايش و المخبز نخدمو40 دينار
يا اختي ننصحك نصيحة راهي العين حق استري خدمتك و ايديك الله يبارك راهي كاين نفوس مريضة متقولش مشاءالله على الخدمة و التفاصيل هذي معليهش انصحي و معليهش ديري لخير بصح عندك من العين اعرفي وش توري و ربي يعاونك و يرزقك بذرية الصالحة انشالله اختك ام امين
روحي يا سارة أختي ربي يوفقك وييسر لك أمور الدنيا والدين ويسعدك ويفرحك ياغالية ويرحم الكرش اللي جباتك في هاذي العواشر ربي يقبل عليا دعاءي يعطيك الف صحة حبيبتي نورتني وعلمتني واستفدت منك بزاف أنا في هذا المجال وفرحتني وفتحتلي عينيا نصاءحك كلها مفيدة جدا ربي يحل حزامك كيما يقولو ويفرحك الله بولد يملأ حياتك كلها سعادة وهناء وربي يوفقك يا غالية
بارك الله فيك اختي سارة جزاك الله خيرا وعيد اضحى مبارك وكل عام وانتي بخير وفي صحة جيدة واحب ان اضيف لكلامي اننا نستفيد من توجيهاتك ونصائحك القيمة شكرا على صراحتك
يعطيك الصحة سرسورة الحلوة كامل شابة بصح سارة اسمحيلي نرحي اللوز و نسيرو و نخدم و نطلي ونزيد الديكور و زيد التحرحيرة التاعو و كي تكوني مزروبة تهملي حتى دارك و زيد كلش زاد امبعد يقولولك غالي يشمرو على يديهم و يديرو حلوتهم الحلوة فيها التعب يكدب عليك اللي يقولك ساهلة
خذمة كيما هذي اللع يبارك والله تستاهل عشرين الف للحبة ولي تشرك فمها وتقولك غالية كون قوليلها كون جات القاطو ساهلة كون راهي كل واحدة تصنع في دارها تعبها أكثر من فايدتها والله يا أختي نصنع 500 غ زبدة نندم على النهار لي خلطتها فيه يحسن عونك ويلا خذمت بالشكولا والله لازملي يومين باش نقي الكوزينة ربي يعاونك ويعطيك صحيحتك نموت على هدرتك ومانبغيش لي تخرب فيك نجيفها ههههه💆💆💆💆💆💪💪💪💪💪💪 الف جام👍👍👍👍👍👍👍👍👍👍
لا غالي لا زوج النساء تحب الواجد المفروض. الوقت هذا النساء كامل تخدم الصنعة أصبحت متوفرة انا ماخدمت عنو وحدة وكون نخدم ووتطلب بالغلى حقها رانا مجربيت تعب حلوة العيد فقط وربي يوفقك ويبارك لك
يعطيك الصحة تحفزي الشابات يجيبو مصروفعم وحدهم كانو طلبة والا ماكثات بالبيت بالنسبة للسعر الناس يشريو الغالي ويحطو على الناقص ويخرجو فيه العيوب مع انهم يساعدوهم ربي يحفظك ويهنيك
من فضلك حبيبة ديرينا البقلاوة تاع 120او اكتر من حبة ،والله لشرحك شباب بزاف تفهمي علامة ،يحسن عونك واه القاطو يتعب يتعب يتعب بزاف،قد ما تحسبيه ماشي خسارة والله ،التعب يا حنونة
صح عيدك انت تاني و ينعاد عليك و علينا باليمن و البركات... و الله ما زالت فيك النية الطيبة و يعطيك الف عافية .. صخيح من قال البراكة في القليل.. و انا نزيد و نعاود لكل الاخوات ان اسعارك معقوووولة و انا لو جيت منك ما نطيحش من سعر لمخبز .. لان غير التحضير نتاع الكوكاو وحده و رحيانه خدمة !! و من بعد زيديله خدمته و الطلية نتاعه و تزيينه .. !! و هل راكي حاسبة حق الغاز و الكهرباء و الماء ؟!! كون جيتي كارية هل تخلصي حقهم و الا لا ؟! حتى في دارك الفاتورة تجي طالعة ! و ابضا الطغتولات ثاني طيحتي في سومتهم .. لان سعر جوز الهند غالي و خدمتهم و تزيينهم . كون حسبتيهم على الاقل 60 دج ! المهم ربي يوفقك لكن الحق هو حق و ربي يعطيك قد النية نتاعك و يبارك لك في صحتك .. سلام 😊
ربي يعطيك صحتك والله حاجة ماهي سهل في هده الحياة نعرف وشحال متعب تحضير الڨاطوا ولكل يعرف غير لي جامي لخدم في حياة الڨاطوا ولا يلعب فيها لعبد يدير شويا ڨاطوا للعيد ولا لكاش مناسبة يحصل فمابالك كمند كاملة تاع مناسبة كي يروح لطبيب ساعات والله ما يلمسك فقط بعض الاسالة على واش راك تحس او اين موضع الالم يد منك 200الف اوبعض الاطباء يوصلوا حتى 250الف او اكثر بصح تلق المريض يحطها بيدون تعليق او مساومة وهو فرحان بصح كي يجي يخدم ڨندورة عند خياطة يكرتيكي ولا عند حفافا نفس الشيء ولا عند صانعت الحلويات نفسها معبلهمش بلي الانسان هداك او يخدم بجهد فوق جهدوا وهدا كل من الاحتياج والا مكان يروح لهده المهن عله صحتوا هو زايد علية وكون يحكم الشوك بعد كل هدا التعب واحد ما يسمع به ادا كل واحد حقوا في روحوا العبد مفرط في وقتوا وراحتوا باه يوفر بعض الاحتياجات للعايلة نتاعوا فقط وربي يكون في عون كل من يسعى لتوفير ابسط الضروريات لاهل بيتوا واسمحوا لي لطان طولت عليكم
chapeau et vraiment chapeau madame pour realiser le projet de commande de gateau il faut avoir beaucoup de courage et de patience et je trouve que ce que vous faites et tres bien ne faite pas attention aux mauvaises langues continuer dans cette voie la solution c est d avoir une tres bonne organisation surtout quand on a des enfants en bas ages bravo encore une fois
ربي يفرحك و يفرج عليك كما راك مفرحة و مفرجة على شحال من وحدة محتاجة لدعم باش تعاون روحها بمشروع مفيد كما هاد المشروع عيدك مبارك و ينعاد عليك و على كل عائلتك بالصحة و العافية
يعطيك الصحة وربي يعينك وكل شي من يدك هايل ومتحوسي على حتى واحد يهدر ويقلك راكي مغليا مترديش عليهم على خاطر ميحسوش وميعرفوش تعب تاع القاطو وقلهم هذه موهبتي موش اني محتاجة دراهمكم لانني انا الحمد لله ميسورة الحال وحبيت نخدم للناس وزوجي رفض فقط لانني اهوا خدمت القاطو موش الاحتياج ولي معايا تقول الصح واصلي ومتحوسيش لحتا وحدة الناس الرايحة لتحب تهدر هكذا ربي يبارك فيك
السلام عليكم مبارك عواشركم.انا تاني نخدم القاطو و الله متعب بزاف والناس متحسنش عونك و الأكثر يحسبولك غير شحال خلصتي ينساو غاع الاحداث الي فالكواليس ربي يبارك فالرزق و فالصحة
ربي يجازيك اختي العزيزة وان شاء الله يكون هاذ الخير الي درتيه فينا في ميزان حسناتك وربي يفتح عليك من بابو الواسع في الدنيا والاخرة والله استفدت من معلوماتك وكنت محتاجة كما هكا فيديوات شكرا
شوفي واش نقلك ربي يعطيك حتى ترضي...ربي يباركلك راني نستفاد معاك والله عندي التربية ونقول نخدم معليش مصروف زيادة كيماقلتي ...بصح الناس لكان تصيب تجي تديها باطل تعب وعفن وغاز وstress ومن بعد غاااالية وعلاه ؟؟؟ ونخدم من قلبي حاجة نقية ومتقونة المهم الحمد لله على كل حال
والله يا اختي هاذي 5 سنوات زواج و ان قاعدة في الدار وحدي فارغة شغل كرهت حياتي حبيت ندخل في المشروع ولكن تربية بناتي و الديق و مشاكل صحية منعتني من العمل والله معنوياتي دائما هابطة 🙁😟😢 ربي يجازيك كل خير
الامل با الله ربي يشفيك و يعافيك في هاذ العواشر ربي يطول في عمرك اختي واين دارلك هاذ المرض من بعد نبعتلك واحد العلاج بعتوه وحايد في الفايبر و قالو اكتبوه لمن يحتاجلو ربما يجعل ربي الشفاء
السلام عليكم ورحمه الله وبركاته الاخت صارة جوبتيني على سؤالي تحية حارة وطيبة ليك من القلب نشكرك بزاااف على طيبتك وعلى تفانيك فالعمل والله غي لقيت روحي بزاف من فديواتك وشجعني على البدء في هاد المشروع راني متبعاتك بزاف الله يعطيك الخير في ميزان حسناتك يارب
بارك الله فيك وربي يفتحها في وجهك قليل لي كيفك يصارح ويحكي بكل امانه و طولي كيما حبييتي هدرتك ماتتملش و راكي تشحعي في العديد من الناس ربي يحفضك من كل مكروه
السلام عليكم ورحمة الله وبركاته اختي ماشاء الله عليك تنظيم و إتقان في العمل. أول مرة نشوف الفيديوهات ديالك بصراحة Top كل شيء رائع . نتمنى لك كل الخير و الله يجازيك و ما تبخليش علينا بكل جديد. ربي يحفظك و يجازيك أن شاء الله
