الدكتور كان محترم ومنظم والشرح مفهوم ، الموضوع مش معقد بعكس ما هما اظهروا انا استغربت شويه من رد الفعل ، النقطة الي مكنتش واضحة هو حجم الماركت دا قد ايه بالظبط وهما كانوا عايزين اسامي الشركات الي بيتعامل معاها وحسيت انه مش عايز يعلن عن عملائه ودا الي وقعه في مشكلة ، لكن فكره انك تعلي نسبه البروتين في جبنه صحيه خاليه من الجلوتين وخلافه عشان الناس الي عندها حساسيه وبروتين سهل امتصاصه ويرفع القيمه الغذائية لمنتجات غذائيه مختلفه دا شئ محترم
هو مشكلته انه فاهم في مجاله اووي لكن بيزنس لا و انه يوصل المعلومة بإيجاز صعبة عليه .بالنسبة للمنتج هو معروف و منتشر في اوروبا و امريكا خصوصا وفعلا رائع و بيساعد اكتر الناس الفيت اللي بتبني عضل . بس الضحك علي ايمن من حمادة خلي الحلقة ليها طعم تاني 😂😂😂
هو لو كان مجهز ارقام فعلا كانت هتفرق معاه يعنى استاذ احمد فاكر ان السوق الكبير ده مش بتاعه هو جزء منه هو المفروض كان يجهز ارقام ويذكر اكتر يقول مثلا سوق باروتين الباودر و قد ايه بيستخدموا البديل بتاعه وهو وخد اقد ايه من السوق ده و كذلك المنتج التانى اللى بيقدمه اللى انا معرفتش هو ايه ولو كان الكلام ده على ورق كان هيبقى احسن
المجال معقد وهو شكله فاهم فيه جدا بس عمل زي اللي بيحل في الامتحان والامتحان كله اختياري ولما يقرا السؤال يجاوب عليه بشرح صفحتين تلاته في الورقه التانيه ويسيب الورقه اللي هتتصحح الكتروني فاضيه 😅 مبروك عليك الشارك وبالتوفيق ان شاءالله 👏
حلقة مرعبة ، بالفعل وضع الشارك في موقف محرج بعدم فهم هذه المنتجات الجديدة و سوقها , و الشاب عبقري و يحتاج لخبرة تسويقية و خطة تجارية اكبر , بالتوفيق إن شاء الله ، استاذ ايمن دخل في هذا المنتج و هو يعلم أهميته و أحييه على الروح المرحة في التفاوض , تحية عطرة له .
المنتج ده مفيد لمرضى حساسية الجلوتين ( موجود في القمح والشعير )، علشان اي مريض عنده حساسية من الجلوتين، لو اكل حاجة فيها جلوتين بنسبة كبيرة بيتعب جدا، ولو مظبطش الاكل هيحصله مضاعفات لا قدر الله والنسبة الأكبر في أوروبا
