الله يجزاك خير ويرحم ولديك ، أبوي الله يرحمة كان اذا جاه ضيف نفرح لانه يختار الذبيحة كما وصفته ، لكنه الله يرحمه ما علمنا وشلون نعرف الذبيحة الطيبة ، الله يرحمة وكل اهلنا ، والله أني فقدت طعم الذبيحة من مات أبوي الله يرحمه ، لكن انت علمتنا الله يجزاك خير ويرحم والديك .
عز الله انك يامشعل انك وليدة عرب وعلمك غانم وماهو انا اللي اشهد لك الجميع يشهد لك ويثني عليك والله والف نعم بك .. وبخصوص طريقة شراء الحلال والله هالمقطع اللي يركز فيه زين بيتعلم امور كثيييره في طريقة شراء الخرفان وراح يتفادى الغش بإذن الله
شرحت ووضحت معلوماتك مهمة ومفيدة إفرازات الأنف وغباش على العيون وسرعة في التنفس وسهولة خروج شعر الخروف تدل على أنه مريض كبر الإلية لا يدل على أن الخروف سمين عرض الخروف وطوله بشكل أفقي هي التي تدل على أنه سمين وبه لحم وفير جزاك الله خير
اتمنى مقطع ثاني يشرح أنواع الذبايح من أسنانها..... ثني... رباع جامع أو تام .. سديس الخ عاده الجامع أو التام يكون كبير مره ما ينفع حسب معلوماتي المتواضعه وتأكدوا من اهل الخبره... نسأل الله أن يوفقكم ويوفق صاحب المقطع ويحفظكم ويسدد أمركم ورايكم وجميع من قرأ رسالتي
انا راعي حلال في الجنوب وأؤكد صحة كلامه ولكن اضيف نقاط : شراء الذبيحة بعد صلاة الفجر مباشرة لان البادية وكبار السن يجلبون للاسواق غالبا الفجر ، ولو جيت الساعة ١٠ صباح تجد فقط الشريطية . - يفضل تشتري من صاحب حلال من مراحه اذا تقدر لانه يتضح لك اذا مراحه نظيف او فيه مرض. - يفضل يكون اكل الذبيحة رعي برّي حتى لو شحمه أقل ، واذا كان علافه برسيم ولكن انصح بعدم اكل المكعبات الحلال وتفادي الاكل المصنّع. وهناك تفاصيل مهمة في الذبح والسلخ والطبخ تؤثر في الطعن ايضا
شكراً لك يابوعبدالله على حرصك لفائدة متابعينك وانا من متابعينك على السناب صدقني احرص دائماً ان افتح سنابك كل يوم وانت من الأشخاص المشهورين المؤثرين بالرسائل الهادفة وسعة الصدر وربنا يوفقك ويسعدك احبك في الله يابعد حي 🌹
بيض الله وجهك شيخ مشعل وجعلها بموازين حسناتك تعليم الناس يدل على سماحة النفس والمومن يحب لاخيه ما يحبه لنفسه، انا جداني الله يرحمهم كانوا مربين ويبيعون ويشرون والوالد الله يحفظه مثلهم كان يبيع وخبير، وانا رغم اني كنت اشيل معهم واحط الا اني لا جيت اشري اليوم ما افرق بيني وبين الحلال مدري وين الله حاطني ههههه والعيب والله مهوب في قلة العرف، العيب في سويد الوجه الي يغش المسلمين في مهنة شرف وعزة نفس (مهنة الانبياء)
ماشاء الله مشعل العويصي موسوعة في كل مجال لا الة الا الله ولا يفوتكم طريقتة لعمل القهوة والشاي اللي راح تغير مفاهيمك وتذوقك فعلا انا على اقتناع في اغلب مقاطعة
بنوه عن شي مهم اخ مشعل اللي يبي للثلاجه ياخذ رخله لاياخذ خروف لأن الرخله اللحم اكثر من الشحم والخروف اللحم قليل والشحم كثير طبعاً انا اتكلم عن النعيمي ،،،
بارك الله بيك . والله يحفظك . اني من العراق . واشكرك على هل الشرح الجميل . وحبيت انوة عن سالفة . انو في تلقيح .للغنم يصير في منطقة الرقبة . عبارة عن مواد كيميائيه . اتمنى انو تنطي معلومه بشئال هل لقاح . وشكرا لك 🌹
الله يجزاك خير ويبيض وجهك وكثر الله من أمثالك لاحد يستحي من المعلومات ابد فيه ناس ماتعرف تاخذ او ماعندها خبره في ولازم تعرف هالشي لانه في ناس تبيع ولا تخاف الله حرام انت تدفع فلوس وتنغش
الله يوفقك ويرزقك وينصرك ويجعلها في ميزان حسناتك اشكرك ياخوي على هذا الشرح الوافي والكافي والصادق كثر الله من امثالك كفو لاخلا ولا عدم فاهم وانت فاهم لاكن الكثير من امهاتنا واخواتنا واخواننا وايضا الجيل التالي هذا مايعرفون وغير مهتمين وصار كل شي عن طريق الموبايل وتعرف ان الغالبية العظمى من الطيبين وهابين الريح يستحون وينحرجون والعماله عندنا في دول الخليج العربي الا من رحم ربي يستقلون النساء والشباب الصغير والكل يمدح بضاعتة والرقابة الحكومية ليست صارمة دبحونا الواسطات والمحسوبية وابن عمي لعنة الله عليك انت وابن عمك هذا غش وقد يسسبب أمراض والأسعار كذلك ليست محددة في سوق رسمي تابع للبدية اتمنى لك التوفيق والله يحفظ والحمدالله على كل حال والله يديم علبنا نعمة الأمن. والأمان في بلادنا وسائر بلاد المسلمين اشكرك اخوك من الكويت
بالنسبه للحلم اسال راعي غنم ويعلمك الاسرار تبونها باختصار واتمنى منكم فقط الدعاء لي بظهر الغيب ، اولا : اذا تبي خروف او تيس يعني (ذكر) فوق خمس او ست شهور ركز على انه مابدا (يحم) للخروف او (ينبنب)للتيس (يقرع) يعني بدا بطلب الزواج ههههه للي مايعرف بعض المصطلحات لانه اعزكم الله الفحل يشم الانثى ويشرب من البول في بعض الاحيان (يهيج) فيكون له (زفره) ريحه شوي اذا بديت تطبخه وللمعلوميه تختفي مع الشوي هذي النكهه اللي تكلمت عنها ،،، الزبده باختصار ((( أشتر ذكر اربع شهور او ثلاثه مابدا يعرف هااحركات جميل جدا اذا تبي عمر اكبر خمس او ست او سبع او ثمان شهور دور اللي (مخّصِي) بكذا ماله نكهه ابدا أو خذ انثى بشرط ماجاها الفحل نهائيا وبكل النوعين اللي ذكرت ركز على العلف يكون معروف ونظيف مثل البرسيم والشعير اذا رحت لاحد وعرفت انه يعلف خبز او بقايا الاكل او بعض الاعلاف الغير جيده لاتشرررري واخيرا دور النظيف اللي ماهي مطعمه يعني على الاقل لها شهر ماعطاها تتطعيمات )))أنا مربي للحلال واعرف الاسرار اللي استفاد من الرساله ابي منه دعاء بظهر الغيب وشكرا
واضيف لكم اخواني الي بيضحوا ان شاءالله اول شي شكل الضحيه صاحي مشدود الجسم خفيف الحركه والبطن مو منفوخه يسر الناضرين ثانيا الظهر مليان ثالثا تشيله من الخلف تحس وزنه مو نفخه صوف رابعا الثربه او الشحم الي ورا مو ضامره خامسا خلي الجزار يرفعه من قدام وتفقد الخصيان وحولها ما فيه صنافير يعني تقرحات والخصوه كبيره مو مخصي المخصي منفوخ عالفاضي واخيرا الأسنان مكتملة يعني بالغ هذا علمي ونصحي لكم انا مو جزار طبعا بس خبره طويله رغم قلت الحيله وكل عام وانتم بألف خير والامه العربيه والاسلاميه محفوظه باذن الله اخوكم من اليمن
الله يجزاك خير يا اخي مشعل بالمعلومات الجزلة والمفيدة والقيمة التي تخفي عن كثير من الناس والله يجعلها في ميزان حسناتك ويكثر جنسك الطيب ويوفقك ربي اخوك محمد العازمي
كلام جميل يا ابو عبدالله اخوك أفضل من يشتري الأضحية استشاري ذبايح واذن وانف وحنجره مافي مجال نضحي الا بنفسنا وننسى الموضوع بس احتمال ناخذ سيلفي مع خروف واحطه خلفيه بالواتس هذا لو الخروف ما عنده مانع يعني
وفقك الله .. شرح وااافي ومعلومات فعلا حقيقية لمن يهمه الحلال . وياليت تخصص مقطع لكيفية تغذية الحلال من ناحية زيادة اللحم دون الشحم مثلا .. وأفضل أنواع الأعلاف لذلك .
كلامك صحيح غالباً ولكن نسيت فحص اللسان لأن اللسان لو أصفر فيه مرض في الكبد أما طول الكرعان أو قصرها مالها خص في كميه اللحم. بل حسب الجينات توجد أغنام طويل الكرعان مثل النجد
🌸🍉❤️جزاك الله خيرا اهم شئ اكرام الضيف أن تقدم له احسن طعام ولحم طيب لذيذ جدا يكون فيه لحم وشحم الخروف اذا كان رابي فى الاحواش انظر الي ضفور ماوطي الخروف يعنى طوال اذا كان برى فهي متاكله ظفوره يعني هذا الخروف بري وحيث ان المربين بعضهم يعطونه قوالب واكل مغشوش اذا كان الخروف برى يكون رافع راسه واذنيه راجعة الى الخلف وعيونه مستطيلة من ظرب الهواء ويعرف الخروف البري انه عايش بالبر واكل من جميع الزهور وأشجار الحميض من لحمته الصافية اللذيذة ويكون الخروف البري ابيض العيون صافية ويكون الخروف البري سريع الجري ويكون الخروف البري اذا وضعة يدك على ظهره ماينخفس شاد ويعرف الخروف البري من حدة أسنانه تكون حديدة طريرة ويعرف الخروف البري الذي في البادية من شعر الوجه اذا كان نايم من الهوا وشعر جسمه ينموا للخلف كما يعرف الخروف البري من نظافة الجلد الذي تحت الشعريكو ن ابيض على احمر لايوجد خروج اذا كان صافي لايوجد خروج دائم موجود تحت اشعة الشمس معقم من جميع الأمراض كما يعرف الخروف البري بالطول من المقدمة وسلامة الرقبة من الانحناء لليمين اواليسار كما يعرف الخروف البري بعدم الرغاء كثيرا كما يعرف الخروف البري بعدم شرب الماء كثيرا كما يعرف الخروف البري يقوت الجري ويعرف الخروف البري بشدة الشحم والشعر ويعرف بسلامة الارجل من ال ضعف او الانحناء لذالك انصح كل إنسان ان اذا اراد ان يشترى الخروف فياخذه من أماكن البر البعيدة اوالحقول بالمزارع التى تاكل من رشاشات المياه الذ بالحمة الصحيحة الغير مسرطنة الصافية الله يجعلكم تلذذوا بجميع أصناف الطعام ويرزقكم الصحة والعافية المقصود بالخروف اوالرخل هوالذي عايش بالبادية منطلق بالبراري لحمه مثل لحوم صيد البر الحلال اكل من جميع الأعشاب والشيح والخزاما والأشجار الحوامض الخروف مثل النحل ياكل طبيعي بالبر لذالك يكون لحمه فيه عافيه للإنسان وصحه احرصوا على الاكل النظيف
