عاد ابو نزال اعتقد انه من الكويت 🇰🇼 و الحلوة بالموضوع انه الشخص هذا انا ماعرفه للامنه بس شغله ولا غلطه ومشاءالله عليه افضل من يلعبون بسيارتك بصناعية و المفروض تدعمون ابن وطنكم الغالي
ماشاءالله ي الفتك يتحمل قل الصيانه والإهمال والأفضل ان الواحد كل فتره يفحص ويسوي صيانه دوريه من تنظيف و تغيير قطع استهلاكيه كل ما انتهى عمرها الافتراضي
اخو عندي فتك 2009 الموتر فيه صوت طقطقه بالمكينه فكيت الراس وشيكت كل شي سليم الصوت غريب فكية الكرتير وشديت على البساتم من تحت خف الصوت شوي هل السبيكه او البستم تتوقع
يعطيك الف عافية .... طال عمرك انا عندي في الثاني لي الثالث الار بي ام يوصل الى ٤٥٠٠ دوران ويقطع اذا اشيل رجلي من الريس وارجع يطوف الى ٥٠٠٠ وفوق وعقب يبدل هل تتوقع المشكلة من البلاكات ولا من واحد من البساتن وفي حال من واحد من البساتن شاغير فيه ماعليك امر
احمد موتري عزمه خايس مغموت بعد الضغط 3 ونص يفتح العزم ويصير ممتاز شنو السبب ؟ مع العلم ان بلاستك الشوته مشقوق ومتيبه كل مازيد الدعسه كل مايخق شوي ويفتح ؟!
مساك الله بالخير انا عندي فورد اكسبديشن 2014 اذا نزل عداد الزيت تختض المكينة مع صوت واذا رد العداد امورها طيبة. لكن طفيتها وماعاد تشتغل لو تدق سلف لي بكرة
انا اعاني من السفاري مالي موديل 98 4500 قطيت علية تقريبا 700 دينار بدلت كل شي سويت كل شي وللحين حكاية العداد يلعب لما اشيل رجلي من البريك القير كنه يقطع قالولي ظفيره اخر شي لكن مادري انا والله تعبت ياخوان الي عنده حل يرسلي وسلامتكم اخوكم بوعبدالله
هل صوت المكينه طبيعي وممشاها عادي ولا اللعب من العداد بس و دامها مشكله كهرب عندك احتمالات هاذي ١-فيوزات سواء داخليه او خارجيه وهاذي تقدر تفحصها بنفسك وتشيك عليها والي محروق منها بدله ٢-البواجي تفكها بنفسك وتفحصها ولو كان يحتاج تغيير بدله ٣-صفاية البنزين هاذي ايضا لمن تنسد وتتوسخ يصير ضعف مرور البنزين بالتالي نقص عزم و تفتفه ٤-الكويلات تشيك عليها توصل كهرب او لا ٥-شيك على طرمبه البنزين و لياتها هل تسرب او لا و شيك على المسطره حقت البنزين و البخاخات هل نظيفه و هل الربل الي فيها كويس ٦-شيك على حساسات المكينه الاساسيه مثل حساس الهوا و حساس الشكمان O2 sensor وحساس الهوا تنظيفه بكحول طبي ٩٩٪ او منظف الكترونيات و تنظفه بحذر لانه غالي جدا ممكن ١٠٠ دينار الجديد ٧- شيك على دبات التلوث او حجر البيئه ٨-شوف الثروتل ونظفه لان لو فيه انسداد او ترسبات تقتل العزم و تلعب بالموتر ٩-افحص كمبيوتر او اشتري قطعه obd2 وافحص بالجوال لو فيه اعطال الكلام كثير ادري بس هاذي اغلب اسباب الاعطال في المكينه وافحص هالاشياء قبل تبدل وتفحصها بنفسك علشان توفر شغل اليد لان التبديل مكلف جدا ممكن يوصل ٢٠٠ او ٣٠٠ دينار انت في غنى عنها