مصادرة أموال الضيوف وتحالف أوبك مصري لحل أزمة الكهرباء وزحف إيران لقناة السويس وبوتين يدخل ليبيا !! 

تأميم ممتلكات ضيوف مصر !!
___________________________
🛑 كارثة الغاز
____________________
🛑 شركة “الإسكندرية للأسمدة” قررت النهارده إيقاف مصانعها بسبب إمدادات الغاز ودى الشركة الخامسة اللي تقرر ده بعد سيدي كرير للبتروكيماويات وأبو قير للأسمدة وموبكو وكيما،
🛑 نقص الغاز هيكون له تأثير ضخم على مصانع الأسمدة والزجاج والسيراميك والحديد وقال إتحاد الصناعات إن انقطاع الغاز عن المصانع دي هيؤدى إلى إطفاء أفران الإنتاج واللي بتجتاج وقت طويل لإعادة تشغيلها،
🛑 الشركات دي عندها عقود تصدير ملزمة، و أى تأخير فى التوريد هيعرضها لغرامات كبيرة .. ده غير أصلا خسارة العملة اللي بتيجي من صادرات الشركات دي بالاضافة طلعاً للتأثير المباشر على الأسعار في مصر،
🛑 الشركات دي بقا قالت مش هنستني الحكومة تحل المشكلة وهنتصرف إحنا وعملت شبه تحالف اوبك .. وبيخطط تحالف شركات من بينها شركات بتروكيماويات، لتدشين شركة جديدة تتولى استيراد الغاز الصخري الأميركي،
🛑 وقالت شركة سيدي كرير للبتروكيماويات إنها بتخطط من خلال تحالف يضم عدة أطراف استيراد غاز الإيثان السائل "الغاز الصخري الأميركي"،
🛑 التحالف هيضم الشركة المصرية القابضة للبتروكيماويات "ايكم" وشركة سيدي كرير للبتروكيماويات "سيدبك" والمصرية لإنتاج الإيثيلين ومشتقاته "ايثيدكو" والمصرية للغازات الطبيعية "جاسكو" وشركة جاما للإنشاءات برأس مال 663 مليون دولار،
🛑 السؤال هنا ليه يستوردوا الغاز الصخري اللي تكلفته عاليه نظرا لتكاليف استخراجه وكمان نقله من أمريكا الي مصر لما ممكن استيراد الغاز من اي من الدول العربيه تكلفته اقل !!
🛑 سعر الغاز الصخري في أمريكا بيدور حوالين 2.39 لحد 2.45 دولار لكل مليون وحدة حرارية،
🛑 سعر الغاز الطبيعي المسال اللي بيجي من الخليج بيتراوح ما بين 7 لحد 10 دولار لكل مليون وحدة حرارية،
وبالتالي الغاز الصخري الأمريكي أرخص بكتير من الغاز الخليجي،
‏🛑 بالمناسبة المصانع اللي بتقف دي بتنتج صناعات بتشكل اكثر من ٧٪؜ من الناتج المحلي،
ده غير إن صادرات مصر من الأسمدة ٦ مليار دولار و صادرات الحديد والصلب ٢.٣ مليار دولار !!
🛑 فاتورة الحكومة
______________________
🛑 وزارة البترول هتستقبل خلال أسبوع شحنتين مازوت مستورد بكميات تصل 140 ألف طن هيتضخوا في محطات الكهرباء لدعم المخزون الاستراتيجي،
🛑 كمان وثلت مصر أو شحنة من شحنات الغاز اللي إتعاقدت عليها الحكومة الأيام اللي فاتت،
🛑 عاوز بس أقولك إن الفرق بين سعر شحنة الغاز المسال الطارئة لحل الأزمة اللي اتعاقدت عليه الحكومة (١٣.٤ دولار) وكان في إبريل (٨.١٦ دولار) ده غير إن ترسية الشحنات لمصر حصل بعلاوات إضافية للشركات بسبب زيادة الطلب،
🛑 متخيل فرق السعر وحجم الخسائر نتيجة بس التأخر 3 شهور في التعاقد على شحنات غاز تحل ازمة احنا عارفين من سنه انها هتحصل ؟!!!
🛑 السياحة
___________________
🛑 الخبر الحلو خو اللي أعنته «فيتش» إنها بتتوقع تجاوز عائدات السياحة 15 مليار دولار فى 2025/2024،
🛑 وتوقعت وصول عدد السائحين إلى 15.9 مليون فى 2024، مدفوعة بتراجع قيمة الجنيه.
🛑 الضيوف
_____________________
🛑 النهارده وزير الداخلية قرر ترحيل 4 سوريين للصالح العام مع إنتهاء مهلة الحكومة لتجديد الإقامات للأجانب المقيمين في مصر،
🛑 وكشف بشركة تحويل الأموال ويسترن يونيون عن منع تحويل أموال السودانيين من الخارج إلى داخل مصر بعد تشديد الحكومة للإجراءات لملاحقة السودانيين المخالفين في مصر،
🛑 شركة ويسترن يونيون بتتحكم في نسبة كبيرة من حجم تحويلات السودانيين إلى داخل مصر بالذات إنها لا تشترط وجود حساب بنكي لتلقي الأموال وتكتفي الشركة بإثبات محل الإقامة وأوراق إثبات الشخصية،
🛑 لكن بيشترط لتنفيذ التحويل إثبات محل الإقامة داخل مصر سواء بكارت الإقامة أو بختم جواز السفر.
🛑 لكن عاوز أديلك مثال على اللي ممكن يتسبب فيه التحريض على الأجانب في مصر، إمبارح
هاجم عشرات الأتراك منازل وممتلكات لاجئين سوريين في ولاية قيصري وسط تركيا، بسبب انتشار أخبار تحرش شاب سوري بطفلة
🛑 تركيا مقلوبة من امبارح بعد عمليات الشغب الضخمة وخرج وزير الداخلية ومن بعده أردوغان يرفضوا اللي حصل ضد السوريين باعتباره محاولة فتنة.
🛑 زحف إيران
_______________________
🛑 قال تقرير لموقع Nziv الإخباري الإسرائيلي، إنه " لو توسعت إيران في إريتريا تحديدا، هتختفي قناة السويس إلى الأبد، وهيكون لإيران تأثير كبير على الاقتصاد الأوروبي، وهتكون ضربة قاسية لأمريكا وحلفاؤها في المنطقة"،
🛑 وقال الموقع إنه بحسب الإيرانيين، فوجودها في إريتريا هيكون له تأثير إيجابي على الحفاظ على الأمن البحري ومحاربة القرصنة الاستعمارية الغربية وزيادة التعاون بين اليمن ومصر وإيران والمنطقة بأكملها"،
🛑 وإنه بعد تجديد العلاقات مع السودان وتجديد مرور قوافل الأسلحة من إيران إلى اليمن وغزة عبر السودان، بدأ ربيع العلاقات مع إريتريا اللي يعتبر موقعها المقابل للساحل الغربي لليمن حاسم بالنسبة لإيران".
🛑 إسرائيل عكلت جهد كبير قبل كده لإبعاد إيران عن المنطقة وقطع علاقتها بالسودان لكن دلوقتي إسرائيل "تغرق في البحر" حسب الموقع،
🛑 خد بالك إن إيران بدأت الفترة الأخيرة في دعم الجيش السوداني في حربه ضد الدعم السريع ودعمه بطائرات مسيرة في مقابل يستخدم السودان بوابة عبور لسواحل البحر الأحمر.
🛑 عملية ليبيا
___________________
🛑 إيطاليا مسكت شحنة طائرات عسكرية بدون طيار جاية من الصين في ميناء إيطالي قبل شحنها للجيش الليبي في الشرق حسب صحيفة التايمز البريطانية،
🛑 الشحنة تم ضبطها بناء على معلومات استخباراتية قدمتها أمريكا لإيطاليا،
خد بالك أمريكا زهقت من دعم روسيا لحفتر عشان يكون بوابة ليها لأفريقيا ودلوقتي كمان دعم صيني !!
#السيسي #الجيش_المصري #قناة_السويس #روسيا #بوتين #الكهرباء #الدولار #مصر #ليبيا #السودان #اللاجئين