اخواتي احسن حاجة هو تمر فواكه جافة فواكه خبيز فيه شي حاجة مفيدة عصير داناب ديال دار حتى يجيو ياكلو غداهم حيت الى كلاو بزاف متيركزوش ومكيحصلوش مزيان انا مهنيا من طياب حيت كنطيب كيردوه لي كلوحو حتى دكتور الفايد قالها
السلام عليكم اختي فعلا حنا الدراوش الي متضررين من الزيادات في الاسعار.خصنا نقااطعو المنتجات الي تزاادت حتى ينقصو منها.خصنا نتحدو وكلنا يد وحدة بعون الله
سلام اختي مريمة انا متتبعة وفية لقناتك محتواها مفيد و كلامك محفز جدا.اتمنى لك التوفيق اذا امكنك اقتراح جدول اكل اسبوعي لموظفة نظرا للوقت الضيق و غيابها عن البيت و شكرا
الله يجازيك كل خير فعلا تعلمنا منك بزاااااف اكثر من لي علمونا امهاتنا تحية تقدير لك و مسيرة موفقة و تبقاي طبقي معانا الجداول لي كتحطي لنا و شكرا جزييييييلا
شكرا ليك اختي انا اول فيديو شفتو ديالك هو ديال السيارة حمستيني و شجعتيني ونضت لبيرمي عطيتو الراس والحمد لله لبارح شديتو متخيليش فرحتي بيه و انشاء الله هدي غا البداية مزال الخير لقدام الله اسهل عليك اختي
انا يله جيت من مراكش دوزت فيه خمسة أيام في بانكالون تقديت منو والله مكاين بحال كازا بضبط فرح السلام تحية جميع ساكنة خرجي غير سوق لحدانا حتى العشية اثمنة ياسلام حمد لله وشكر لله
Khiti ana binit Agadir so9 tikiwine na9is khir b Chi jidiriyal Ola ribi3adiriyal hhhh o khidira arilabiya mosikha o khamija Bilasa Li rikhisa chiwiya hiya 3ind mol kirars
@@maryamhiba9194 لا اختي درت بالضبط لي دارت .فاش عاودت درت كاس سنيدة في لتر حليب جا فلحلاوة هو هداك .لختورية جاني مزيان يمكن مخلتيهش الو قت الكافي وحتى نيدو كاس واحد ماعمرش يعطي نتيجة 👍👍 هذ المرة نجرب بلا خمارة حمراء
تبارك الله عليك اختي مريم انا راجلي لي كيصرف ولكن مؤخرا ولا كيقول لي خرجي شوية تقداي باش تحركي وتعرفي الوقت المهم عندنا مصروف عشوائي بحكم زوجي من أصحاب الأعمال الحرة يعني ممقيدينش بالشهر كيعطيني 100 درهم الاسبوع ديال الخضرة والهري كيعطيني 300 درهم وفينما كتسالي كنتقدا يعني ماكنعرفش حتى شحال كتبقى وامتى كتسالي دابا بغيت ناخد من عندو المصروف للشهر واش تقدني 1000 درهم عندي 3 البنات ولكن ماكلتهم قليلة شحال من حاجة كنطيبها وكتبقا تضيع كنتمنى تجاوبيني
@@oummehiba4624 حتى انا ام هبة اوحتى انا غيرة راسي مزيان من خلال مريمة الطاقة الايجابية هكا كنسميها حيت ملي كتعرفي شي انسان ايجابي كتخرجي الاشياء السلبية😙😙
بالنسبة اختي الاثمنة ديالخضر حنا هنا جمعة اسحيم اسفي ابتداءا من 1درهم مطيشة فلفل دنجال البطاطس الخيارالقرعة2دراهم الفواكه ابتدأ من 4دراهم نطلبو من الله ينقصو غير المواد الغذائية هي لطلعة لسماء
يختي واحد الملاحضة مهمة ببغيت نضيفها بالنسبة الوليدات فاش تيكونو صغار ساهل باش تحكمي فالاكل ديالك كيكلو بالدوق ديالك اجي تشوفي فاش كيكبرو كيتشرطو بززززاف كل واحد كيبغي مكلتو شكون لي بحالي قتلوني واك واااااااك
اهلا مريمة..شكرا على الجدول و حنا جميعا كيشرفنا كذلك نتبعو قناة بمحتوى نظيف و انسانة راقية بحالك..راني لاحظت ليوما اخواتي المتتبعات هجمو عليك بالايكات و القلوب😂تبارك الله عليك و عليهم و الله يخلينا ديما مجموعين فهاد القناة نتبادلو الافكار و نستافدو و نفضفضو همومنا على بعضياتنا و نمشيو و نطمحو دائما للأفضل..مادا بينا اختي مريم ديريلنا تخريجة للموظفات راه صراحة الوضع صعيب بزاف غير الله يعاونا و صافي و بغيت نطلبك تشاركي معنا المنتجات لي خديتي لوجهك مؤخرا من لبارا و شكرا جزيلا يا شميستنا لمنورة و سلامي لاختي ام سليمان منعرف فين غبرات تاني😅الله يسمعنا عليها كل خير ان شاء الله.. قبلاتي و تحياتي للجميع😘😘
ختي مريمة بغيت نبقا ندير الخبز بزاف بحكم انا بوحدي وكنقرا واش اصلاح نديرو فالفريكو ولا غير تلاجة التحت وفاش نديرو فالفريكو نجبدو واش غير نديرو فالفران نشعل عليه ولا كيفاش ندير ليه ووقتاش نجبدو واش نجبدو بالليل ولا تا الصباح وحتى بالنسبة المسمن
سلام الله عليك أختي أكرمك الله الله يبارك فيك وفوقتك وما شاء الله عليك كنستافدو منك الله إجازيك بخير بغيتك تحطي وصفات للغداء أنا ولادي مكيبغيوش كوكوط والطاجين بتاتا وانا خدامة بغيتك تحطي اقتراحات للغداء تكون بسيطة ومفيهاش تمارة هههه الله احفظك وانورك
تبارك الله عليك افكارك دائما مفيده كاتشتغل على على نفسك وكاتعطي الكثير اهم شيء كيعجبني في القناه ديالك هو المستوى الوعي ديالك بزاف د القنوات الاقتصاد كنشوفهم مكاينش موازنه في الحياه او الوسطيه غي كيكذبوا على راسهم وعلى اللي كايتفرجوا فيهم انسان لي عنده 2000 درهم نتاع المصروف المطبخ كايقول له خبي 1000 درهم و كول 1000 درهم هو 2,000 درهم ياربي توصلوا الشهر الى كانت العائله فيها خمسه او الدراري صغار ليكوش والحليب ويزيد وزيدو وزيد اوكينين مدن غاليين في المعيشه على كازا
للاسف كاين لي كيفسر حسن التدبير بالتقشف ولكن تعاياي متشرحي ليهم وااالو كاينين ناس كياكلو نهار واحد مزياااان وكيجوعو سيمانة عايشين العشوائية فحياتهم احسن حاجة هي الوسطية
اه بصح اختي مريم سوق فيرار زوينة فيه التقدية والاثمنة مناسبة بالمقارنة مع الولفة الوسط حتى انا كنتقدى منو بالاخص الا كانو الاخوات مغديش يتقداو الحوت من الاحسن يمشيو ورا الغدا
انا نيت فااحي الحسني الاثمنة غاليين عندنا والله 1000درهم لا كفاتك فهاد السيستيم اللي درتي خاصك 3000درهم فالشهر و شوف تشوف . يمكن مكاتكليش يوميا فدارك كتبشي عند عائلتك او شي حاجة هاكة
أنا صراحة غير اليوم فتحت اليوتيب وملي فتحت الفديو عجبني بزاف المضمون داكشي علاش غنولي نتبعك ونستافد منك واخة غير شوية حيث حتى أنا كارية وراجلي عندو لكريدي وانا إيديا متقوبين وحتى هو أكثر مني مكنوفروا والو وانا مكنعرفش حسن تدبير في المصروف لهذا عافاك بيت الفديو الاول لي بديتي تسيري راسك ودراك وتخبي الدواير زمان حيث والو ماكنعرف شي حاجة سميتها الاقتصاد ولا التدبير المنزلي و شكرا لك وعلى النصائح ديالك وربي ولي التوفيق . الله إوفق الجميع لما يحبه ويرضاه
شكرا على الرد.شهادة لله قناتك مميزة تستحق المليون.غير وكان اللهجة صعيبة شوية بعض الاسماء والمفردات مكنفهمومشي.اما الحساب دالفلوس بريال مكنقشع والو.ولكن احبك في الله واستفدت منك بزاف.انا منية من تطوان
