في خاطري لحظاتنا الندية وأنتي ساعة المغربية
قعدتك جنبي وعيونك سارحة في الدنيا البهية
خوفنا من سفرا بودي للمسافــــات القصية
قصة الزول المفارق قلبه عشرة على الوصية
كنت جد ناوي الرحيل إلا شايل ذكرى منك
خفت في الغربة البعيدة المسافات يبعدنك
والعيون الشايلة سيرتك بكرة يبكن يفقدنك
والأماسي الحلوة تحزن والمشاوير يتعبنك
شفتي كيف لما الشمس مدت نوافير الشعاع
والضفاف بعدت كتير والريح ملت جوف الشراع
كيف هناك بدت الضفاف تتلاشى في زمن الضياع
وأنتي ساعة المغربية خايفه من كلمة وداع
20 сен 2024