مطبق زبيدي
التتبيله
كركم ثوم ليمون وملح نفرك السمج عدل من داخل وبرا وبعدين احط بهار السمج من برا بس ما اكثر
٠
٠
٠
نقلي السمج بزيت لين ياخذ اللون الحلو ونشيله بعدين
٠
٠
٠
حشو ربيان
حمست البصل لين ذبل رشيت عليه ماي بعدين احط الزيت وثوم ومهروس الثوم والزنجبيل واحمسه وانزل الربيان احمسه على السريع مع رشه كركم وفلفل اسود وبهار سمج قلبتين ثلاث احط طماطه مقطعه صغار واحمسه واحط شبنت وكزبره اخر شي قلبتين واصكر النار عليه واحاول اشيل منه الماي اذا في زايد وطبعا وقت الحماس لازم نار عاليه عشان لايطلع ماي وايد
٠
٠
٠
الحشو
٠
٠
٠
نحمس بصل نفس الطريقه نذبله بالماي بعدين نحط الزيت وثوم وفلفل حار اذا تبون ونحمس بعدين كركم وبهار السمج واحمس واخر شي كزبره وشبنت واصكر عليه عشان لاتصير لون الخضرا غامجه طبعا ينفع نحطه داخل بطن الزبيدي قبل القلي او بعد او على العيش كله يصير وحلو
٠
٠
٠
العيش
٠
٠
نحمس البصل مع بهارات حب هيل دارسين ورق غار فلفل اسود الي تحبونه بعدين ناخذ من زيت السمج ونحمس فيه ونحط بهار السمج انا نسيت اذكره لين يتحمر البصل احط طماطه صغيره واحمسها تعطي نكهه واحط الخضرا كزبره شبنت واحمس عدل بعدين اضيف الماي وملح اخليه يطبخ شوي واحط العيش المنقوع قبل استخدم عيش كانتري اكس ال واخلي الماي فوق العيش بشوي وبس ينزل الماي بقاع الجدر اقصر واخليه بوعشرين دقيقه ويصير العيش جاهز
٠
٠
٠
في ناس تحط الزبيدي ابطن العيش وهذا الصح وهذا المطبق الاصلي يخلونه يطبخ داخل العيش انا احبه مقلي مقمرش
٠
٠
٠
وبس يتقدم العيش بصحن وفوقه حشو الربيان وبعدها الزبيدي وغووووص فيه غوص
٠
٠
.
Instagram:
/ kanderyo
٠
٠
٠
Snapchat:
/ kandery٠
٠
4 окт 2024