شكرأ على المجهود الكبير دا عايزك ترشحلي ماكينه احط فيها البن المطحون و الماء وتكون زراير واتومتكك بالكامل وبعد ما ينتهي تجهيز القهوه تصب فى الكوب الخاص بالشرب وتفصل لوحدها
العفو من افضل الماكينات النصف اوتوماتيكية هي ديلونجي ديديكا .. و هايبروا اتش ١١ الاتنين بتحط البن في ذراع و تركبه فالماكينة بتضغط على زرار واحد فقط بتنزل القهوة و بتفضل لوحدها مجرد ما تنتهي .. و حتى لو نسيتها شغالة هتقفل لوحدها بس كده .. بسيطة و عملية و نتياجها ممتازة و انا عامل عنها فيديو عالقناة
شكرا جزيلا على الفيديو، انا طلبتها خلاص من امازون و بالنسبالى انا بشرب اسبريسو بالماكينة ال"ديلونجى اى سى ٢٢١" باسكت مضغوط ف متوقع انها هتدينى نتيجة مرضية ان شاء الله بدون تعديلات.
باذن الله مبروك عليك جربها اول ما توصل و حاول تشوف انعم طحنة و تحكم عليها بايدك و عينك بيكون في احتمال ٢٠% مثلا انها هتحتاج لتعديل حتى للباسكت المضغوط .. باذن الله اللي توصلك متكونش محتاجة
@@Eslam-Solopedia والله يا فندم انا جبتها من امازون و هى طلعت متعدلة. درجات الفاين بتطلع طحنة تركى، عشان اطلع طحنة معقولة الباسكت المضغوط، بجيبها بعد الميديام بدرجتين، متخيل!! هى متباعة و مشحونة من امازون ف المفروض انها اصلية، بس انا استغربت من الدرجات دى بصراحة.
@@mohamedhatem301 مبروك عليك في توكيلات فدول كتير بتعدل المطحنة قبل شحنها عشان تقلل مم شكاوى الناس من منتجاتها فكل الاحول دي حاجة كويسة ربنا يبارك لك فيها
@@Han-wj3ti لو بنتكلم عن تحريك بسيط نص ملي او ملي .. فا ده عادي .. فالموديل ده من المطحنة بيحصل هذا التحريك المهم تكون ثابتة يعني مبتتخلعش لو شديتها .. مش هتتشال غير لما الفها بالاتجاه المعاكس
للباسكت المضغوط لو السعر كويس اوي ممكن تشتريها مع العلم انها احتمال تحتاج لتعديل برضه اما لو السعر عالي شوية .. انصحك تشوف كازو او ساتشي او اديسون هيكونوا افضل
مطحنة kg210 هي مطحنة بتستخدم شفرات مش تروس فهي مش مناسبة خالص للقهوة و صعب جدا التحكم فدرجة الطحن فا اكيد kg79 و kg89 افضل كتير جدا مفيش مقارنة و الافضل من كل دول هو المطاحن اللي بتروس المخروطية زي ساتشي و اريتي و كاسو
مطاحن كتير كويسة جدا لقهوة الفلتر سواء يدوي او كهرباء افضل المطاحن لقهوة الفلتر عادة غالية جدا .. اليدوي اسعارها في حدود ٥٠٠٠ الى ١٥ الف جنيه مصري و الكهرباء عادة في حدود ١٥ الف الى ٢٥ الف جنيه مصري طبعا في حاجات يدوي ب ٥٠٠ و ٦٠٠ جنيه مناسبة و في حاجات كهرباء في حدود ٥٠٠٠ الى ٧٠٠٠ جنيه مناسبة جدا فا حسب البادجت اللي بتدور فيها بشكل عام مطحنة ساتشي و مطحنة لديسون الكهربائية من افضل المطاحن في الفئة المتوسطة مناسبين جدا للفلتر و اسعارهم في حدود ٥٠٠٠ جنيه
انا عندي ariete 1381 شبه الديلونجي ديديكا هي كويسة في كل حاجة بس عندي مشكلة ديما في تبخير اللبن كل محاول ابخره يقوم علطول يعمل رغاوي فوم و حجم اللبن يزيد و معرفش اعمل الفوم التقيل الي بيتعمل ده ف هل ديه مشكلة في المكنة؟
لا ابدا دي مش مشكلة فالمكنة .. ببساطة دراع التفويم ليه غطا الغطا ده معمول بفتحة صغيرة من فوق تدخل هوا مع بخار الماية عشان تعمل الفوم .. دايما يكون الهوا كتير فا بتطلع الرغاوي دي و بيبقى التفويم وحش لكن هما عاملين ده عشان المستخدم البسيط اللي عايز يفوم و خلاص و مش هتفرق معاه رغاوي او لا المهم يبقى اللبن اتفوم لكن عشان تاخدو مايكرو فوم محترم .. شيل الغطا ده خالص و استخدم الجزء الداخلي لدرا التفويم لوحده .. هتلاقي مفيش هوا خالص بيدخل .. و يمكن متعرفش تفوم و تلاقي الحليب سخن من غير ما يكون في فوم لان وقتها انت اللي مطلوب منك تدخل الهوا بنفسك بانك تقرب دراع التفويم من وش اللبن شوية متغطسوش جامد .. و لما الهوا يدخل تبدأ تدخل الدراع اكتر فا توقف الهوا .. هتفضل تتمرن و تجرب فالموضوع ده كتير لحد ما تتعود و ايديك تظبط و تاخد التفويم المظبوط باذن الله
@@Eslam-Solopedia طيب تسلم ايد حضرتك هجرب كدا و ابلغك لان الموضوع ضايقني من المكنة جدا ، زائد ليه واحد بيحس القهوة دافية مش سخنة ؟ و عندي سؤال تاني كنت محتار بين مطحنة bodum 10903 و ديلونجي kg79 و هل اي واحدة فيهم تقدر تجيب درجة التركي؟و تنفع للاسبريسو باسكت مضغوط؟
@@MohamedTarek-iy7lx العفو بالنسبة للقهوة بتطلع دافية لان درجة الحرارة المثالية لتحضير القهوة هي من ٩٠ ل ٩٥ درجة .. اعلى من كده بتنزل القهوة طعمها محروق وحجم شوت الاسبريسو صغير مهما كان .. فا لو الفنجان بارد و نزلت فيها القهوة بعد ما عدت عالبن و البورتفلتر هتبرد وتنزل بدرجة حرارة ٨٠ او ٨٥ مثلا .. مجرد ما توصل للفنجان هتبقى ٥٠ او ٦٠ درجة بالكتير عشان كده لو عايز قهوتي اسخن .. بسخن البورتفلتر الاول قبل ما احط البن فيه بشوية ماية سخنة من الماكنة و انشفه .. اسخن برضه الفنجان بشوية ماية سخنة المكنة و افضي الفنجان .. بعدها لما احضر الشوت هينزل و هو محافظ على حرارته اكتر كمان بعض المكن بيبقى فيه اعدادات لضبط درجة حرارة القهوة .. اقدر اختار درجة اسخن شوية .. لكن غالبا مع البن الوسط و الفاتح بدرجة حرارة عالية الشوت هينزل محروق
@@MohamedTarek-iy7lx بالنسبة للمطحنة مطحنة ديلونجي عمرها ما هتجيب درجة التركي .. و هي يادوب مناسبة للباسكت المضغوط و اي مطحنة بتروس مخروطة هتبقى احسن كتير منها .. معرفش نوع المطحنة التانية لكن لو تروسها مخروطية فهي اكيد افضل انا برضح مطحنة ساتشي مثلا او اديسون و الاتنين ليهم فيديوهات عالقناة و الاتنين افضل كتير فنتايج الطحن و القهوة و ممكن بعد التعديل ساتشي توصل لدرجة التركي باذن الله
مش متأكد بصراحة اذا في مكان بيعدلها بس في جروب لمحبي الاسبريسو على فيسبوك فيه كتير من الناس الشاطرة و اعتقد يعرفوا اماكن او ناس بتعدل عصا التبخير انصحك تسأل فالجروب ده و باذن الله تلاقي الناس تفيدك
مساء النور بدون تعديل جرب تطحن على انعم درجة اللي هي درجة ١.. لازم تجرب عشان تتاكد غالبا هيكون مناسب للباسكت المضغوط لو طلع الشوت بياخد وقت طويل فديديكا عشان ينزل اكتر من ٣٥ ثانية .. يبقى محتاج تخشن حاجة بسيطة مثلا تجرب درجة ٢ او ٣ و لو طلع سريعةجدا مثلا ١٠ ثواني بيخلص الشوت .. ولو شايف الطحنة خشنة اوي .. يبقى محتاج تعمل تعديل للمطحنة
@@eljoker2q المطاحن الكويسة غالية شويتين اسعارها تبدأ من ١٠٠٠ ريال سعودي يعني قرب ال ١٥ الف جنيه تقريبا زي ستار سيكر .. المطاحن دي هي اللي بتدي تجانس عالي فالطحنة و درجة مظبوطة و ثابتة اما المطاحن الرخيصة زي ديلونجي و ساتشي و اديسون كلهم معقولين بؤدوا الغرض و نتايجهم كويسة لكن مش ممتازة
@@haythamnaser1042 لا عادة ٣ سنين فقط و بحسب عدة مصادر اونلاين فا اندرويد ١٥ فقط هيكون اخر اصدار ينزل ليه لكن سامسونج احيانا بيزودوا بعد كده اصدار حسب مدى ملائمة الجهاز للتحديث
@@haythamnaser1042 مظبوط جدا .. الفكرة ان تحديثات الاندرويد مش مهمة للدرجة دي .. و طبيعي لان الموبايل قديم لكن فلاج شيب فهو اقوى من كل موبايلات فئات A فا في رأيي هو لازال اختيار افضل منهم كتير و لو عايز موبايل بمواصفات الفلاج شيب و بتحديثات كتير ممكن تروح ل S23 fe
اسباب كتير ممكن الغطا بتاع البن مش مقفول كويس .. او درج القهوة مش محطوط .. او ان الترس الداخلي مش راكب .. كل حاجة دول فيها شينسور بيمنع المطحنة انها تشتغل لو مش مظبوط
عن تجربتي الشخصية نصيحة لا تشتروها لانها طاحونة محبطة، صوتها مزعج، طحنها غير متجانس، تهدر كمية بن كثيرة، تحتاج تعديل و لازم تكون دقيق جدا مع التعديل لانك اذا نعمت الطحنة شوي زيادة حتخرب بعد استخدامات قليلة .....
مطاحن الفئة السعرية دي هي مطاحن مصممة لاستخدامات معينة .. مناسبة للفلتر و الفرينش بريس و مناسبة للاسبريسو بالباسكت المضغوط فقط و نتايجها متوسطة .. عشان تاخد نتايج افضل لازم تروح لمطاحن اغلى ده اللي اتكلمنا عنه بالتفصيل في الفيديو اما تعديل المطحنة .. لازم يتعمل بشكل دقيق و مظبوط عشان التروس متلمسش بعضها و المطحنة متبوظش مع الاستخدام اي تعديل بشكل خاطئ يخلي التروس تتلامس فا هيحلي المطحنة تبوظ اكيد مع الاستخدام معةالدرجات الناعمة و عشان كده هي غير مناسبة للاسبريسو بالباسكت المكشوف نهائيا زي ما وضحت في الفيديو لكن الفلتر و الفرينش بريس و الباسكت المضغوط مناسبة على قدر سعرها .. و ممكن نروح لبدايل اغلى شوية افضل من ساتشي و اديسون