العجينة: علبة ياورت طبيعي ونفس لعلبة زيت و وحدة مازهر و ملح و م ك عسيلة و نلم بالفرينة ونقسم علا والحشو 2 كيسان كاوكاو محمص و م ك سكر و م ك سمن و نضيف 2 م ك مازهر
نصيحة لكل من حابة تدير هاد لروسات من فضلكم الا درتوها سقوها بالعسل.....ممنوع تديرو هاد الشربات......الا درتوها بالشربات غير ارموها مباشرة متستناو حتى دقيقة....نصيحة لوجه الله سبحانه وتعالى.
معسلات رمضانية 😉علبة ياؤورت طبيعي علبة زيت وماء الزهر خلطيهم مع بعض زيدي ربع م.ص.ملح و2كيسان فرينة وم.ص.ممسوحة خميرة الحلوى وم.ك.عسل قيس فرينة 3كيسان وربع اقسمي العجينة إلى 12كرية تحلي العجين بالنشا حتى تكملي 6كريات حطيهم فوق بعض الحشو 😱2كيسان كاوكاو محمص ومرحي 2م.ك.سكر عادي فاني او عطر اللوز م.ك.سمن باه يجي الحشو طري خلطيهم مع بعض زيدي 2م.ك. ماء الزهر ترجعي العجين تحلي 6ورقات مع بعض مليح حطي الحشو على طرف العجين واغلقي مليح و رولي على زوج مرات وتدهني طرف العجين بالماء باه تلصق .حطي رولو في لبلاطو مدهون تقسمي رولوحتى توصلي للتحت وتدهني وجه الحلوة بالسمن او زبدة حطيها في لفور طيب🐦 توجدي شاربات كأس ونص سكر وكأس ونص ماء مع طرف ليمون تحسبي 10د وطفي تشربي بيها الحلوة تكون الشاربات باردة والحلوى سخونة
يعطيك الصحة حبيبتي راهي باينة تقرمش 😁😘 مرحبااا بيكم خياتي عندي و نصيحة خياتي🌹اللي حبت تتحصل على مرقة بنينة يالوكان بكمية قليييلة تع لحم لازم تسبق تقلي اللحم و الدجاج هو الاول للاسف اغلب الاخوات يقلو البصل ثم اللحم و هذا يخلي اللحم يتغلى و ليس يتقلى و يتعسل و بنة المرقة البيضاء لازم تكون عاقدة .و ملعقة سكر تعطي ذوق مميز و اذا حبيتو تثقلو المرقة و ماعندكمش كريمة ذوبو شوية فرماج في مرقة سخونة او شوية فرينة في مرقة باردة .و اعقدوها بحبة بيض و معدنوس و عصرة قارص و ماتنساوش حبة فلفل حار خضرة تعطي بنة هبال .و نصيحة البنات البودرة تع الثوم اخدموها بزهرات الثوم اللي يجو من الفوق في الرزمة و الله خرجتلي كمية روووعة بالرزم تع العام ليفات و البسباس خبو الاصابع ديالو حطوهم في الحساء يطلقو البنة و الشبت ديالو ديروه في الاسماك المعقودة الغراتان المايونيز.....راهو كنز و اخدمو السمن تع الدار بالسفاق تع الخروف او السبك بشحمة الكلوة دوزنوها بالطبع و الشان و خلطو معاها سيقان المعدنوس و الشبت يبنن كااامل المراقي البيضاء....او سيقان القصبر و الثوم للمرقة الحمراء. و نصيحة خياتي بخصوص المطلوع كي تكسرو العجين 3مرات او 4 بدون تعب تعادل عملية الدلك و تتحصلو على خبز كي القطن .من بين محسنات الخبز هي الحليب اللبن الياغورت الجبن...الحليب البودرة.الرايب...كلها عبارة عن مواد دسمة و خماءر طبيعية...مغرف خل او ليمون تخلي الخميرة تتفاعل خير ...الماء الغازي تاني....ماء اللي غلات فيه البطاطا غني بالنشاء يعتبر محسن ....الزيت اللي قلينا فيه البطاطا يكون غني بالنشاء و اللي قلينا فيه المقروط غني بالسمن و اللي قلينا فيه ليبينيي غني بالخميرة...كلهم نقدرو نعجنو بيهم الخبز ...الخميرة البايتة و العجينة المخمرة 12ساعة في الثلاجة تعطيكم نتيجة روووعة ...زيت الزيتون يعطي قرمشة للمخبوزات...الزيتون الاخضر او الاسود اذا محبيتوش تاكلوه ارحوه مع اوراق المعدنوس و الشبت و اعجنو بيه يعوض الزيت....و الخبز الفارغ يحب الفورنو اللي يشعل من الفوق و من تحت في نفس الوقت يعطي نتيجة روووعة...و الزرارع انا ندير السانوج الجلجلان حبة الحلاوة زريعة البسباس زريعة الكتان الزقوقو...بذور دوار الشمس... ماتنساونيش خياتي بالدعاء و مرحبااا بيكم خياتي عندي راني دايرة عدة وصفات موسمية اقتصادية و صحية بزاااف و تحضيرات رمضان روووعة ماتراطوش
مشاءالله تبارك الله عليك ختي رح نجربها أن شاءالله عجبتني في امر وحابا نقوله الله يبارك عليك ختي الاخطاء لي وقعتي فيهم مخبتيش عترفتي وزدتي خليتهم فالفيديو محذفتهمش باش كامل يتعلمو ربي يسعدك ويوفقك ويهنيك يارب
يعطيك الصحة حبيبتي مارية ربي يباركلك في أهلك أو يحفظلك هدوك اليدين لراكي تبدعي بيهم ماشاءالله عليك يا الغالية نحبك نموت عليك وعلى وصفاتك أنا مشتركة جديدة في قناتك 👌👌👌👌👌👌👍👍👍👍👍👍تستهلي مليون لايك
